Popular Bible Verses from KAJADIAN 15

షేర్ చేయి

Abram percanteneun kana dawuhana-Na. Sikep Abram kitu ku PANGERAN kamanah sarta katampi.

Geus kitu PANGERAN ngandika ka Abram dina titingalan. Dawuhana-Na, ”Tong sieun, Abram! Ieu Kami anu jadi kepeng maneh. Ganjaran pikeun maneh taya wiwilanganana.”

Ti dinya Abram ku PANGERAN dicandak ka luar. PANGERAN ngadawuh deui, ”Cik tanggah ka langit, itung itu bentang ari bisa mah. Tah turunan maneh teh bakal sakitu lobana.”

Gentra PANGERAN kadangu deui, dawuhana-Na, ”Lain eta nu baris jadi ahli waris teh, tapi anak maneh pituin.”

Lajeng PANGERAN ngadawuh ka anjeunna, ”Kanyahokeun! Turunan maneh baris jaradi jalma asing di nagara deungeun, di dituna bakal jaradi jalma anu diereh ku deungeun jeung dikaniaya, 400 taun lilana.

Abram ngawangsul, ”Nun PANGERAN Nu Maha Agung, kangge naon ganjaran, da abdi teh teu gaduh anak. Ahli waris teh mung pun Elieser, urang Damsik tea.

Dina poe eta PANGERAN ngadamel hiji perjangjian jeung Abram, dawuhana-Na, ”Kami jangji, rek mikeun ieu tanah pikeun turunan maneh, legana ti semet wates tanah Mesir nepi ka Walungan Eprat

Turunan maneh anu baris marulang deui ka ieu tanah teh nya eta turunan anu kaopat. Nya harita bangsa Emor teh ku Kami baris dikaluarkeun, diusir, nya eta lamun kajahatan eta bangsa enggeus nepi ka jucungna.”