Matius Uram 19
19
Er Yesus biryi, “Sun ner don nang ara sun ner tanglona mem,” eboka eterebmou uram
19:1-12
1Er Yesus biryi a uram nirya asi sirya eterebmou ura, Erda Galilea mutuk aryi kuboka anabdobmouci, Yudea mutuk binmou. Ara, me Yordan me dam otam buramwe mutuk binmou. 2Banmou ba, ninyi ilinto aryi buluboka Ersi miliryanmai. Ura, Yordan me dam otam buramwe mutuk binmou ura, Erci u yin nang ilinto asi kwetebmou.
3Ura, Musa kerek sengna uram nunukeiboka miliramnyi nang si Farisi nang ton aryi Er Yesus dam yanmai. Ara, sunci, “Er Yesus bisi asirdena ton asibdetibyi uca, Erci uram dekeiboka manmalibte,” tenen Er dam yandoka ato ebmai, “Er akenyi bira er doamwe ner asi taklobte ara una deyok deib aryi ur taklobte do? Deyok nirya utotoa deib aryi ur taklobte do kum do?” Ato eboka asibdenmai.
4Uca, Er Yesus biryi sunsi ato ebmou, “Er akenyi biryi er doamwe ner asi tanglona mem. Er Imtamnyi Uram umbura aryi kerek sekamwe dinyi asi sunci kum nukmarum do?
‘Yuma kobdob talak aryi Er Imtamnyi utotoa nirya kikniamunyi biryi sal ab ner ab tonkwa kiknibmou. (Kejadian 1:27; 5:2)
5Sal ab ner ab tonkwa kiknibmou deyok aryi, sal bira er nai er kwin taklobci ura, er ner ab tonkwa kibdeibci ura, sun nang bitinyi ara tub tentok ato kubkwanding.’ (Kejadian 2:24)
6Uca, sun nang bitinyi ara yuk-yuk tuba kum kubkwanding. Eda, antaniboka tentok akwe kubkwanding. Ara, Er Imtamnyi biryi, ‘Sal ab ner ab ara tonkwa kurantiring,’ eboka antanibdeibmou deyok aryi, ninyi aryi, ‘Er akenyi biryi er ner ur taklobte,’ eboka bokeibingnyei,” ebmou.
7Uca, sun Farisi nang aryi Ersi ato eboka asibdenmai, “Ato ebmarim bok, Musa biryi,
‘Unanyi biryi er ner dobdandiryok taklobkwamaci ura, er ner asi, “Iya takwankin,” eboka sengna kerek sengna karebdiryok, ur taklobdur,’ eansou. (Ulangan 24:1)
Ara, Musa biryi unato ati ato eansou do?” Ato eboka asibdenmai.
8Uca, Er Yesus biryi sunsi ato ebmou, “Sunda Israel yala nang kanya ara kat weik kuransir deyok aryi, Musa biryi, ‘Ato-ato kubmuncok, sun ner ur taklobdarur,’ eansou. Bok, yuma kobdob talak ara Er Imtamnyi biryi utotoa nirya kiknibmou talak aryi, Erci, ‘Sun doamunyi ner ur taklobdarur,’ kum eansou. 9Bok, Niryi sunsi ebkwinsin uram asi diboka kekebdarur. Unanyi biryi er doamwe ner asi taklobdiryi, yuk ner asi dobci ura, anyi bira ner ukula donanyi kurur arya. Ba, yuk nang aryi er ner asi ukula yobmating ura, er akenyi biryi er ner asi ur taklobte,” ebmou.
10Uca, Er miliramnyi nang amolbaryi aryi Yesus bisi ato ebmai, “Er akenyi biryi er ner asi taklobman kum kubte ura, sal ab ner ab dordana kubdingnyei tenebmab,” ebmai.
11Bok, Er Yesus biryi sunsi ato ebmou, “Ninyi nirya ara a uram deyok kum dororaming. Eda, Er Imtamnyi biryi a deyok ati eterebmaci nang akwe a uram deyok asi dororaming. 12Ner don kum nang ara yala winiryi kunung. Ton nang ara sun deibmai talak aryi kuboka den luru tomna nang ato kuraming ani, ner kum doraming. Ba, yuk nang ara ninyi aryi den luru tobmangnyi ani, ner kum doraming. Ba, yuk nang ara, ‘Er Imtamnyi Weik Sienyi kubdiryok ninyi ilinto Er amwetam kun nang kubting,’ tenen ‘Er Imtamnyi bisi busul kuboka wa irmilibtibyi,’ tenena deyok aryi, ner kum doraming. Sun a uram bikdobingnyi nang ara a uram bingdona teleb.” Ato eboka Er Yesus biryi Er miliramnyi nang asi ebkarebmou.
Er Yesus biryi mitik mabwe nermabwe kisal dakmou uram
19:13-15
13Ura, ton nang ara sun mitik mabwe nermabwe boboka Er Yesus dam boyanmai. Ara, “Er Yesus biryi nun mabwe nermabwe deici asi er taruk deibdongoboka Er Imtamnyi bisi molobmilibkwande,” tenen sun mabwe nermabwe boboka Er Yesus dam boyanmai. Bok, Er miliramnyi nang aryi, “Sun mitik mabwe nermabwe boyamunyei,” eboka a nang asi kereboka erekdobmai. 14Bok, Er Yesus biryi ato ebmou, “Mitik mabwe nermabwe ara Ni dam ur yanung ati bisik sekmunyei. Er Imtamnyi bira Weik Sienyi kururci, ninyi ilinto Er amwetam kun nang asi kimdeirirur ara ato mabwe mitik mabwe kanya bon nang asi Er amwetam kun nang kimdeirirur. A deyok aryi, mitik mabwe nermabwe ara Ni dam ur yanung,” ebmou. 15Ebmou ura, Er Yesus biryi Er taruk lakoka a mitik mabwe nermabwe deici deibdongobmouci, Erci sunsi kisal dakmou. Ura, akiryi anaboka Er yuk ai binmou.
Kamnyi tentok ara bona bon dinyi ilinto taleramunyi ab Yesus ab ebdanmarei uram
19:16-26
16Ura, kamnyi tentok ara bona bon dinyi ilinto taleramunyi biryi Er Yesus dam yandoka ato eboka asibdenmou, “Ninyi eterenanyi, teleb kun dinyi dan dinyi asi niryi kunubtinyi uca, iya kam kun dinyi dobdobtinyi do?” eboka asibdenmou. 17Uca, Er Yesus biryi ato ebmou, “Kanda unatoa ati, ‘Dan dinyi ara teleb kun dinyi kurur,’ eboka asibdenmanirim do? Er Imtamnyi tentok ara diboka Telebnyi kurur. Ati, kanci, ‘Kam kun dinyi dobdobtinyi,’ tenebminyi ura, Er Imtamnyi biryi, ‘Ato-ato kubdarur,’ eansou uram yuk-yuk asi kunubkwandum,” ebmou. 18Uca, er kamnyi biryi Er Yesus bisi ato eboka asibdenmou, “Er Imtamnyi biryi, ‘Ato-ato kubdarur,’ en uram kankan aryi dan uram ati kunubkwan do?” Ebmou uca, Er Yesus biryi ersi ato ebmou,
“Ara, ‘Ninyi ona mem,’ ebsou uram ton kunubdum.
Tonda, ‘Yuk nang ner ukula yordana mem,’ ebsou uram ton kunubdum.
Tonda, ‘Yuk nang dinyi asi ukula dona mem,’ ebsou uram ton kunubdum.
Tonda, ‘Sun tola ati yuk nang asi tatab-tatab ena mem,’ ebsou uram ton kunubdum.
19Tonda, ‘Sun nai sun kwin ab ati sunci, “Nun nai nun kwin,” tenen teleb kubdeibdarur,’ ebsou uram asi kunubdum. (Keluaran 20:12-16; Ulangan 5:16-20)
Tonda, ‘Sun damnyi biti boukwe kimdarandum to, yuk nang ababyi boukwe weik kibdarur,’ ebsou uram asi kunubdum,” ebmou. (Imamat 19:18)
20Uca, a kamnyi biryi Er Yesus bisi ato ebmou, “A ebmarim dinyi ara nira nirya kunubde banun ati, dan dinyi asi ton kum kunubde banun do?” Ato eboka asibdenmou.
21Ura, Er Yesus biryi anyi bisi ato ebmou, “Kanci kan kanyatam aryi, ‘Er Imtamnyi biryi arukdeibsou uram asi sunglona kum uca kunubdeibtinyi,’ tenebminyi ura, kanci kan talerandim bona bon dinyi nirya asi doboka dekeibminyi ura, kan dobdobkwandim co bok nirya asi sun utotoa bona kum nang asi karebdum. Kanci ato kunubde biminyi ura, Er Imtamnyi biryi kansi imtam aryi kuboka iya teleb dinyi karebkwankir. Ura, kan bona bon dinyi sirya dekeibminyi ura, kanci yandoka Nisi milibnurum,” ebmou.
22Uca, a kamnyi biryi ato uram kekebmou ba, erci er kanyatam aryi, “Se, ni bona bon dinyi talya taknyei,” tenen mambul kanya bobmouci, Er Yesus biryi ebmou to kum kunubmou. Erda bona ilinto taleramunyi kuramwe deyok aryi, erci, “Ni bona bon dinyi talya taknyei,” tenebmou.
23Ura, Er Yesus biryi Er miliramnyi nang asi ato ebmou, “Niryi sunsi dib en uram ton ebkwinsin ati diboka kekebdarur. Sun bona ilinto boboka taleramingnyi nang ara, ‘Er Imtamnyi Weik Sienyi biti amwetam kun nang kibtibyi,’ tenen ukubdetingiryok, sunda Er Imtamnyi amwetam kibting ara ikin mitik kum kubte. 24Ati, Niryi neik dinyi sunsi tubto ebtabakdeibkwinsin. Weik bisam si unta ara yumci um bisik mitik bisik wengbite do? Ato tenen kum. Ura, bona bon dinyi ilinto talerandinyi bira Er Imtamnyi Weik Sienyi amwetam kunanyi kibte do? A dinyi ara tabakoka iya ikin dinyi kubte ati ebman,” ebmou.
25Ato ebmou asi Er miliramnyi nang aryi kekebmaici, sunci, “Nai e,” tenen ilil kanya bobmaici, ato ebmai, “Sun bona bon nang aryi lemna dinyi dobdobman kum kunung ati, ninyi tentok ababyi lemna dinyi kum dobdobte tenebmab,” ebmai.
26Uca, Er Yesus biryi sunsi asing dinmouci, ato ebmou, “Sun tukwetam nang mikib deib aryi lemna dinyi dobdobman kum. Bok, Er Imtamnyi bira iya mikibnyi kururci, utotoa nirya asi kiknibte ati, Erda ilil tenen dinyi kiknibturyok, lemna dinyi karebte,” ebmou.
Er Yesus biryi Er miliramnyi nang asi, “Sunci Nisi miliranumunyi uca, aminda aryi kisal dangna dinyi dobdobkwandum,” eboka eterebmou uram
19:27-30
27Ura, Er Yesus miliramunyi si Petrus biryi Er Yesus bisi ato eboka asibdenmou, “Nai Du, nunda nun dinyi nirya asi takloboka ani, Kansi iya milikunub ati, nun unato dinyi dobdobkwayeb do?” Ato eboka asibdenmou.
28Uca, Er Yesus biryi sunsi ato ebmou, “Niryi sunsi dib en uram ebkwinsin ati sunci diboka kekebdarur. Sirya kobdob uki tum berekci ura, Er Imtamnyi biryi minob kuanci dinyi nirya tamuboka bitabdeibkwande ba, Ni Ninyi Dasinyi bira iya erebdob sokon bukwan ba, sunda Nisi miliranurum nang ababyi erebdob dinyi dobdobkwandum. Ati, sunda ninyi amolbaryi ara erebdob sokon yuk-yuk burbimunci, sunci, ‘Sun deyok kubmar do kum do?’ tenen sun Israel yala amolbaryi nang aryi deibdoba nang kunuamnyi dinyi nirya asi lilibkwandum. 29Tonda, unanyi-unaner ara Nira sun Du biti, ‘Milibkwan,’ tenen sun dinyi nirya asi taklobingnyi ura, Er Imtamnyi biryi liki seratus baryi tabakoka unubdiryok karebde uca, kisal dangna dinyi ilinto dobdobkwaming. Tonda, iya kam kun dinyi tabakoka dobdobkwaming. Ara, Niti, ‘Milibkwan,’ tenen sun kuramingnyi ai kum, sun ner kum, sun du weit yabwe kum, sun malnerabwe kum, sun nai sun kwin nong kum, sun mabwe nermabwe kum, sun wa in dam kum takloboka yibaramingnyi ura, Er Imtamnyi biryi liki seratus baryi tabakoka unubdiryok karebde uca, kisal dangna dinyi mitik kum dobdobkwaming. Tonda, iya kam kun dinyi tabakoka dobdobkwaming. 30Bok, ninyi ilinto ara ukuryok talak aryi erebdob nang kuraming bok, aminda aryi tukwetam bun nang kubkwaming. Ba, ninyi ilinto ara ukuryok talak aryi tukwetam bun nang kuraming bok, aminda aryi erebdob nang kubkwaming.” Ato eboka Yesus biryi Er miliramnyi nang asi eterebmou.
ప్రస్తుతం ఎంపిక చేయబడింది:
Matius Uram 19: MTG
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
@LAI 2007 (New Testament), @LAI2022 (Old and New Testament)
Matius Uram 19
19
Er Yesus biryi, “Sun ner don nang ara sun ner tanglona mem,” eboka eterebmou uram
19:1-12
1Er Yesus biryi a uram nirya asi sirya eterebmou ura, Erda Galilea mutuk aryi kuboka anabdobmouci, Yudea mutuk binmou. Ara, me Yordan me dam otam buramwe mutuk binmou. 2Banmou ba, ninyi ilinto aryi buluboka Ersi miliryanmai. Ura, Yordan me dam otam buramwe mutuk binmou ura, Erci u yin nang ilinto asi kwetebmou.
3Ura, Musa kerek sengna uram nunukeiboka miliramnyi nang si Farisi nang ton aryi Er Yesus dam yanmai. Ara, sunci, “Er Yesus bisi asirdena ton asibdetibyi uca, Erci uram dekeiboka manmalibte,” tenen Er dam yandoka ato ebmai, “Er akenyi bira er doamwe ner asi taklobte ara una deyok deib aryi ur taklobte do? Deyok nirya utotoa deib aryi ur taklobte do kum do?” Ato eboka asibdenmai.
4Uca, Er Yesus biryi sunsi ato ebmou, “Er akenyi biryi er doamwe ner asi tanglona mem. Er Imtamnyi Uram umbura aryi kerek sekamwe dinyi asi sunci kum nukmarum do?
‘Yuma kobdob talak aryi Er Imtamnyi utotoa nirya kikniamunyi biryi sal ab ner ab tonkwa kiknibmou. (Kejadian 1:27; 5:2)
5Sal ab ner ab tonkwa kiknibmou deyok aryi, sal bira er nai er kwin taklobci ura, er ner ab tonkwa kibdeibci ura, sun nang bitinyi ara tub tentok ato kubkwanding.’ (Kejadian 2:24)
6Uca, sun nang bitinyi ara yuk-yuk tuba kum kubkwanding. Eda, antaniboka tentok akwe kubkwanding. Ara, Er Imtamnyi biryi, ‘Sal ab ner ab ara tonkwa kurantiring,’ eboka antanibdeibmou deyok aryi, ninyi aryi, ‘Er akenyi biryi er ner ur taklobte,’ eboka bokeibingnyei,” ebmou.
7Uca, sun Farisi nang aryi Ersi ato eboka asibdenmai, “Ato ebmarim bok, Musa biryi,
‘Unanyi biryi er ner dobdandiryok taklobkwamaci ura, er ner asi, “Iya takwankin,” eboka sengna kerek sengna karebdiryok, ur taklobdur,’ eansou. (Ulangan 24:1)
Ara, Musa biryi unato ati ato eansou do?” Ato eboka asibdenmai.
8Uca, Er Yesus biryi sunsi ato ebmou, “Sunda Israel yala nang kanya ara kat weik kuransir deyok aryi, Musa biryi, ‘Ato-ato kubmuncok, sun ner ur taklobdarur,’ eansou. Bok, yuma kobdob talak ara Er Imtamnyi biryi utotoa nirya kiknibmou talak aryi, Erci, ‘Sun doamunyi ner ur taklobdarur,’ kum eansou. 9Bok, Niryi sunsi ebkwinsin uram asi diboka kekebdarur. Unanyi biryi er doamwe ner asi taklobdiryi, yuk ner asi dobci ura, anyi bira ner ukula donanyi kurur arya. Ba, yuk nang aryi er ner asi ukula yobmating ura, er akenyi biryi er ner asi ur taklobte,” ebmou.
10Uca, Er miliramnyi nang amolbaryi aryi Yesus bisi ato ebmai, “Er akenyi biryi er ner asi taklobman kum kubte ura, sal ab ner ab dordana kubdingnyei tenebmab,” ebmai.
11Bok, Er Yesus biryi sunsi ato ebmou, “Ninyi nirya ara a uram deyok kum dororaming. Eda, Er Imtamnyi biryi a deyok ati eterebmaci nang akwe a uram deyok asi dororaming. 12Ner don kum nang ara yala winiryi kunung. Ton nang ara sun deibmai talak aryi kuboka den luru tomna nang ato kuraming ani, ner kum doraming. Ba, yuk nang ara ninyi aryi den luru tobmangnyi ani, ner kum doraming. Ba, yuk nang ara, ‘Er Imtamnyi Weik Sienyi kubdiryok ninyi ilinto Er amwetam kun nang kubting,’ tenen ‘Er Imtamnyi bisi busul kuboka wa irmilibtibyi,’ tenena deyok aryi, ner kum doraming. Sun a uram bikdobingnyi nang ara a uram bingdona teleb.” Ato eboka Er Yesus biryi Er miliramnyi nang asi ebkarebmou.
Er Yesus biryi mitik mabwe nermabwe kisal dakmou uram
19:13-15
13Ura, ton nang ara sun mitik mabwe nermabwe boboka Er Yesus dam boyanmai. Ara, “Er Yesus biryi nun mabwe nermabwe deici asi er taruk deibdongoboka Er Imtamnyi bisi molobmilibkwande,” tenen sun mabwe nermabwe boboka Er Yesus dam boyanmai. Bok, Er miliramnyi nang aryi, “Sun mitik mabwe nermabwe boyamunyei,” eboka a nang asi kereboka erekdobmai. 14Bok, Er Yesus biryi ato ebmou, “Mitik mabwe nermabwe ara Ni dam ur yanung ati bisik sekmunyei. Er Imtamnyi bira Weik Sienyi kururci, ninyi ilinto Er amwetam kun nang asi kimdeirirur ara ato mabwe mitik mabwe kanya bon nang asi Er amwetam kun nang kimdeirirur. A deyok aryi, mitik mabwe nermabwe ara Ni dam ur yanung,” ebmou. 15Ebmou ura, Er Yesus biryi Er taruk lakoka a mitik mabwe nermabwe deici deibdongobmouci, Erci sunsi kisal dakmou. Ura, akiryi anaboka Er yuk ai binmou.
Kamnyi tentok ara bona bon dinyi ilinto taleramunyi ab Yesus ab ebdanmarei uram
19:16-26
16Ura, kamnyi tentok ara bona bon dinyi ilinto taleramunyi biryi Er Yesus dam yandoka ato eboka asibdenmou, “Ninyi eterenanyi, teleb kun dinyi dan dinyi asi niryi kunubtinyi uca, iya kam kun dinyi dobdobtinyi do?” eboka asibdenmou. 17Uca, Er Yesus biryi ato ebmou, “Kanda unatoa ati, ‘Dan dinyi ara teleb kun dinyi kurur,’ eboka asibdenmanirim do? Er Imtamnyi tentok ara diboka Telebnyi kurur. Ati, kanci, ‘Kam kun dinyi dobdobtinyi,’ tenebminyi ura, Er Imtamnyi biryi, ‘Ato-ato kubdarur,’ eansou uram yuk-yuk asi kunubkwandum,” ebmou. 18Uca, er kamnyi biryi Er Yesus bisi ato eboka asibdenmou, “Er Imtamnyi biryi, ‘Ato-ato kubdarur,’ en uram kankan aryi dan uram ati kunubkwan do?” Ebmou uca, Er Yesus biryi ersi ato ebmou,
“Ara, ‘Ninyi ona mem,’ ebsou uram ton kunubdum.
Tonda, ‘Yuk nang ner ukula yordana mem,’ ebsou uram ton kunubdum.
Tonda, ‘Yuk nang dinyi asi ukula dona mem,’ ebsou uram ton kunubdum.
Tonda, ‘Sun tola ati yuk nang asi tatab-tatab ena mem,’ ebsou uram ton kunubdum.
19Tonda, ‘Sun nai sun kwin ab ati sunci, “Nun nai nun kwin,” tenen teleb kubdeibdarur,’ ebsou uram asi kunubdum. (Keluaran 20:12-16; Ulangan 5:16-20)
Tonda, ‘Sun damnyi biti boukwe kimdarandum to, yuk nang ababyi boukwe weik kibdarur,’ ebsou uram asi kunubdum,” ebmou. (Imamat 19:18)
20Uca, a kamnyi biryi Er Yesus bisi ato ebmou, “A ebmarim dinyi ara nira nirya kunubde banun ati, dan dinyi asi ton kum kunubde banun do?” Ato eboka asibdenmou.
21Ura, Er Yesus biryi anyi bisi ato ebmou, “Kanci kan kanyatam aryi, ‘Er Imtamnyi biryi arukdeibsou uram asi sunglona kum uca kunubdeibtinyi,’ tenebminyi ura, kanci kan talerandim bona bon dinyi nirya asi doboka dekeibminyi ura, kan dobdobkwandim co bok nirya asi sun utotoa bona kum nang asi karebdum. Kanci ato kunubde biminyi ura, Er Imtamnyi biryi kansi imtam aryi kuboka iya teleb dinyi karebkwankir. Ura, kan bona bon dinyi sirya dekeibminyi ura, kanci yandoka Nisi milibnurum,” ebmou.
22Uca, a kamnyi biryi ato uram kekebmou ba, erci er kanyatam aryi, “Se, ni bona bon dinyi talya taknyei,” tenen mambul kanya bobmouci, Er Yesus biryi ebmou to kum kunubmou. Erda bona ilinto taleramunyi kuramwe deyok aryi, erci, “Ni bona bon dinyi talya taknyei,” tenebmou.
23Ura, Er Yesus biryi Er miliramnyi nang asi ato ebmou, “Niryi sunsi dib en uram ton ebkwinsin ati diboka kekebdarur. Sun bona ilinto boboka taleramingnyi nang ara, ‘Er Imtamnyi Weik Sienyi biti amwetam kun nang kibtibyi,’ tenen ukubdetingiryok, sunda Er Imtamnyi amwetam kibting ara ikin mitik kum kubte. 24Ati, Niryi neik dinyi sunsi tubto ebtabakdeibkwinsin. Weik bisam si unta ara yumci um bisik mitik bisik wengbite do? Ato tenen kum. Ura, bona bon dinyi ilinto talerandinyi bira Er Imtamnyi Weik Sienyi amwetam kunanyi kibte do? A dinyi ara tabakoka iya ikin dinyi kubte ati ebman,” ebmou.
25Ato ebmou asi Er miliramnyi nang aryi kekebmaici, sunci, “Nai e,” tenen ilil kanya bobmaici, ato ebmai, “Sun bona bon nang aryi lemna dinyi dobdobman kum kunung ati, ninyi tentok ababyi lemna dinyi kum dobdobte tenebmab,” ebmai.
26Uca, Er Yesus biryi sunsi asing dinmouci, ato ebmou, “Sun tukwetam nang mikib deib aryi lemna dinyi dobdobman kum. Bok, Er Imtamnyi bira iya mikibnyi kururci, utotoa nirya asi kiknibte ati, Erda ilil tenen dinyi kiknibturyok, lemna dinyi karebte,” ebmou.
Er Yesus biryi Er miliramnyi nang asi, “Sunci Nisi miliranumunyi uca, aminda aryi kisal dangna dinyi dobdobkwandum,” eboka eterebmou uram
19:27-30
27Ura, Er Yesus miliramunyi si Petrus biryi Er Yesus bisi ato eboka asibdenmou, “Nai Du, nunda nun dinyi nirya asi takloboka ani, Kansi iya milikunub ati, nun unato dinyi dobdobkwayeb do?” Ato eboka asibdenmou.
28Uca, Er Yesus biryi sunsi ato ebmou, “Niryi sunsi dib en uram ebkwinsin ati sunci diboka kekebdarur. Sirya kobdob uki tum berekci ura, Er Imtamnyi biryi minob kuanci dinyi nirya tamuboka bitabdeibkwande ba, Ni Ninyi Dasinyi bira iya erebdob sokon bukwan ba, sunda Nisi miliranurum nang ababyi erebdob dinyi dobdobkwandum. Ati, sunda ninyi amolbaryi ara erebdob sokon yuk-yuk burbimunci, sunci, ‘Sun deyok kubmar do kum do?’ tenen sun Israel yala amolbaryi nang aryi deibdoba nang kunuamnyi dinyi nirya asi lilibkwandum. 29Tonda, unanyi-unaner ara Nira sun Du biti, ‘Milibkwan,’ tenen sun dinyi nirya asi taklobingnyi ura, Er Imtamnyi biryi liki seratus baryi tabakoka unubdiryok karebde uca, kisal dangna dinyi ilinto dobdobkwaming. Tonda, iya kam kun dinyi tabakoka dobdobkwaming. Ara, Niti, ‘Milibkwan,’ tenen sun kuramingnyi ai kum, sun ner kum, sun du weit yabwe kum, sun malnerabwe kum, sun nai sun kwin nong kum, sun mabwe nermabwe kum, sun wa in dam kum takloboka yibaramingnyi ura, Er Imtamnyi biryi liki seratus baryi tabakoka unubdiryok karebde uca, kisal dangna dinyi mitik kum dobdobkwaming. Tonda, iya kam kun dinyi tabakoka dobdobkwaming. 30Bok, ninyi ilinto ara ukuryok talak aryi erebdob nang kuraming bok, aminda aryi tukwetam bun nang kubkwaming. Ba, ninyi ilinto ara ukuryok talak aryi tukwetam bun nang kuraming bok, aminda aryi erebdob nang kubkwaming.” Ato eboka Yesus biryi Er miliramnyi nang asi eterebmou.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
@LAI 2007 (New Testament), @LAI2022 (Old and New Testament)