Jɛnɛsis 11
11
Babilon Mɔɔ lɛ
1Tsutsu lɛ, jeŋ gbɔmɛi fɛɛ wieɔ wiemɔ kome. 2Ni eba mli akɛ be ni amɛfã gbɛ kɛjɛ bokãgbɛ lɛ, amɛyana ŋa kplenee ko yɛ Babilon shikpɔŋ lɛ nɔ, ni amɛhi jɛi. 3Amɛkɛɛkɛɛ amɛhe akɛ, “Nyɛhãa wɔfoa ntayaa#11.3: ntayaa: brikisi ni wɔshãa ni egbĩ keketee!” Ni amɛna ntayaa ni wa yɛ tɛ najiaŋ, ni asaŋ amɛkɛ sũ tswãa tswa gbogbo lɛ. 4Amɛkɛɛ akɛ, “Agbɛnɛ nyɛhãa wɔtoa maŋ wɔhãa wɔhe, ni emli mɔɔ yiteŋ ayashi ŋwɛi, ni wɔkɛhe gbɛi koni wɔkagbɛ wɔshwã shikpɔŋ muu lɛ fɛɛ nɔ.”
5 #
Jɛn 18.21; Lal 18.10; 14.2 Kɛkɛ ni Yehowa kpeleke shi kɛba ni ebakwɛ maŋ kɛ mɔɔ ni gbɔmɛi adesai ema lɛ. 6Yehowa kɛɛ akɛ, “Kwɛ, gbɔmɛi kome ni, ni amɛ fɛɛ amɛwieɔ wiemɔ kome, ni nɔ ni amɛaafee wɔsɛɛ ko lɛ, eshishijee kɛkɛ po nɛ, etsɛŋ kwraa ni amɛaafee nɔ ni amɛ diɛŋtsɛ amɛsumɔɔ. 7Nyɛhãa wɔkpelekea shi ni wɔyatsakea amɛwiemɔ lɛ ni wɔfee lɛ wiemɔi srɔtoisrɔtoi, koni mɔ ko akanu enaanyo wiemɔ dɔŋŋ!” 8#Luk 1.51 Kɛkɛ ni Yehowa gbɛ amɛ eshwã kɛje jɛi kɛtee shikpɔŋ lɛ nɔ fɛɛ, ni amɛfɔ̃ɔ maŋ lɛ too. 9No hewɔ lɛ, atsɛɔ jɛi akɛ Babilon, ejaakɛ jɛi Yehowa tsake shikpɔŋ lɛ nɔ bii fɛɛ awiemɔ yɛ, ni jɛi Yehowa jɛ egbɛ amɛ eshwã shikpɔŋ lɛ fɛɛ nɔ.
Shem Shwiei lɛ
(1 Kronika 1.24-27)
10 #
Jɛn 10.22; Luk 3.36 Shem shwiei nɛ: Shem eye afii oha ni efɔ Arpakshad yɛ nu afua lɛ sɛɛ afii enyɔ. 11Be ni Shem fɔ Arpakshad sɛɛ lɛ, eye afii ohai enumɔ eshwie nɔ, ni efɔ bihii kɛ biyei krokomɛi.
12Be ni Arpakshad ye afii nyɔŋmai etɛ̃ kɛ enumɔ lɛ, efɔ Shela. 13Be ni Arpakshad fɔ Shela sɛɛ lɛ, eye afii ohai ejwɛ kɛ etɛ̃ eshwie nɔ; efɔ bihii kɛ biyei krokomɛi.
14Shela eye afii nyɔŋmai etɛ̃ ni efɔ Eber. 15Be ni Shela fɔ Eber sɛɛ lɛ, eye afii ohai ejwɛ kɛ etɛ̃ eshwie nɔ; efɔ bihii kɛ biyei krokomɛi.
16Eber eye afii nyɔŋmai etɛ̃ kɛ ejwɛ ni efɔ Peleg. 17Be ni efɔ Peleg sɛɛ lɛ, eye afii ohai ejwɛ kɛ nyɔŋmai etɛ̃ eshwie nɔ, efɔ bihii kɛ biyei krokomɛi.
18Peleg eye afii nyɔŋmai etɛ̃ ni efɔ Reu. 19Be ni efɔ Reu sɛɛ lɛ eye afii ohai enyɔ kɛ nɛɛhu eshwie nɔ; efɔ bihii kɛ biyei krokomɛi.
20Reu eye afii nyɔŋmai etɛ̃ kɛ enyɔ ni efɔ Serug. 21Be ni Reu fɔ Serug sɛɛ lɛ, eye afii ohai enyɔ kɛ kpawo eshwie nɔ; efɔ bihii kɛ biyei krokomɛi.
22Serug eye afii nyɔŋmai etɛ̃ ni efɔ Nahor. 23Be ni Serug fɔ Nahor sɛɛ lɛ, eye afii ohai enyɔ eshwie nɔ; efɔ bihii kɛ biyei krokomɛi.
24Nahor eye afii nyɔŋmai enyɔ kɛ nɛɛhu ni efɔ Tera. 25Be ni Nahor fɔ Tera sɛɛ lɛ, eye afii oha kɛ nyɔŋma kɛ nɛɛhu eshwie nɔ; efɔ bihii kɛ biyei krokomɛi.
26Tera eye afii nyɔŋmai kpawo ni efɔ Abram kɛ Nahor kɛ Haran.
Tera Shwiei nɛ
27Tera shwiei nɛ. Tera fɔ Abram kɛ Nahor kɛ Haran, ni Haran fɔ Lot. 28Haran gbo yɛ etsɛ Tera hiɛ, yɛ shikpɔŋ nɔ he ni afɔ lɛ yɛ ni ji Ur yɛ Babilon lɛ. 29#Jɛn 22.20 Abram kɛ Nahor ŋɔ yei; Abram ŋa lɛ gbɛi ji Sarai, ni Nahor ŋa lɛ gbɛi ji Milka, ni ji Iska tsɛ Haran biyoo lɛ. 30Shi Sarai fee kene, ni no hewɔ lɛ, ebɛ bi.
31 #
Yos 24.2; Neh 9.7 Tera ŋɔ ebi Abram kɛ Haran bi Lot ni ji enabi lɛ kɛ eshaayoo Sarai, ni ji ebi Abram ŋa lɛ, ni ekɛ amɛje Ur yɛ Babilon koni amɛya Kanaan shikpɔŋ lɛ nɔ; shi be ni amɛbashɛ Haran lɛ, amɛhi jɛi. 32Tera ye afii ohai enyɔ kɛ enumɔ, ni egbo yɛ Haran.
ప్రస్తుతం ఎంపిక చేయబడింది:
Jɛnɛsis 11: NEGAB
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Ga Language © Bible Society of Ghana, 2020.