uMataayi Uvhwandilo
Uvhwandilo
UMataayi áamile mutumwa uwa Yeesu mu vhatumwa vhaala 12. Insiivho izya kusimba ikalaata ili zyámile zya kuvhahomeshezya aVhayuuda kuuti uYeesu Muposhi we uMulungu áfinzile kumutuma ku kwavho. Ye nongwa uMataayi ku vhwandilo uvhwa ikalaata ili, atalisile kusimba uluho ulwa Yeesu. Mwi ikalaata ili uMataayi akuyanga kuuti kutuushila kwa Yeesu zilunjisile zyonti zye avhakuvhwi avha mu Lufingwi ulwa Hali vháyanzile. Havhili uMataayi akuhomeshezya kuuti uvhumwene uvhwa Mulungu vhwa vhantu avha mu nsi zyonti vhe vhandusile.
Ikalaata ili likutuvhuuzya izya vhulanzi uvhwa Yeesu, kufuma ku vhwandilo kufishila ku vhusililishilo, kwandila kupaapwa kwakwe nu kwozelwa nu kulingwa kwakwe. Havhili likutuvhuuzya izya mbombo yaakwe iya kulumbiilila nu kusambiilizya nu kuvhaponia avhavhinu mu shigavho isha nsi isha Galilaaya. Ikalaata ili likupanga vwe uYeesu ahatuuhaga kufuma mu Galilaaya kusogola mu nkaaya iya Yelusaleemu, havhili likupanga zye zyámwazile uYeesu umulungu uwa vhusililishilo nu kufishila kuhomeelwa pa shihovhenkanyo nu kuzyuha kwakwe. Ikalaata ili likusilila nu lulajizyo ulupiti ku vhiitisi, ulwa kuvhalumbiilila avhantu avha mu nsi zyonti, inga vhavhe vhasundikwa.
Zye zili mwi ikalaata ili
Kupaapwa ukwa Yeesu 1:1--2:23
UYeesu akwanda kulumbiilila 3:1--4:25
Insambiilizyo izya Yeesu mwi igamba 5:1--7:29
UYeesu akuvhaponia avhantu avhinji, nu kuvhasambiilizya insambiilizyo injeni 8:1--9:38
UYeesu akuvhatuma avhasundikwa, nu kudalinkana na Vhafalisaayi 10:1--12:50
UYeesu akusambiilizya izya vhumwene uvhwa Mulungu 13:1--19:30
UYeesu akwinjila mu Yelusaleemu, nu kwinjila pa Nyumba iMfinjile 20:1--21:46
UYeesu akulolesya amaha gaakwe 22:1--23:39
UYeesu akuyanga izya isiku ilya vhusililishilo 24:1--25:46
Kufwa ukwa Yeesu 26:1--27:66
Kuzyuha ukwa Yeesu 28:1-20
ప్రస్తుతం ఎంపిక చేయబడింది:
uMataayi Uvhwandilo: nih
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2021 Wycliffe Bible Translators, Inc.