لوقا 22
22
سكرن ءينمغورن ف‑اد‑نغن لماسيح
1ياكمور‑د لعيد ن‑ورخصيص لّي‑مي‑تّينين‑داغ لعيد ن‑وسورف. 2ءينمغورن ن‑تگمّي ن‑ربّي د‑يمسلمدن ن‑شّرع ار‑سيگّيلن س‑مامنك ا‑راد‑نغن ياسوع، والاينّي كسوضن زغ‑مدّن. 3غاكودان ا‑يكشم شيطان س‑ياهودا لّي‑مي‑تّينين ءيسخاريوط، ءيگا يان زغ‑سين د‑مراو ن‑ومحضار. 4ءيدّو ياهودا س‑دار ءينمغورن ن‑تگمّي ن‑ربّي د‑وين ءيمخزنيين، ءيمشاوار ديدسن ف‑مامنك ا‑راد‑اسن‑يزّنز ياسوع. 5فرحن نتني ءينين‑اس راد‑اس‑فكن ءيقاريدن. 6ءيمشاشكا‑د ديدسن، يوورّي ار‑يسوينگيم مامنك ا‑را‑تن‑يعاون اد‑امژن ياسوع غ‑كرا ن‑تاساعت غ‑ور‑لّين مدّن.
ءيمحضارن جّوجادن ءيمنسي ن‑وسورف
7ءيلكم‑د‑واسّ ن‑ورخصيص لّي‑غ ا‑قّرسن مدّن ءي‑يلقّاغن لّعيد ن‑وسورف. 8ءينكر ياسوع يازن بطرُس د‑يوحانّا ييني‑اسن: «زايدات تجّوجادم‑اغ ءيمنسي لّعيد ن‑وسورف ا‑ت‑نشّ ءي‑نگراتنّغ.» 9ءينين‑اس: «ماني تريت ا‑ت‑ين‑گيس‑نجّوجاد؟» 10ييني‑اسن: «ژرات، را‑ن‑تكشمّ س‑تمدينت، تمناگّارم يان‑ورگاز يوسي‑د اگدور ن‑وامان. ضفورات‑ت س‑تگمّي نّا‑س‑يكشم، 11تينيم ءي‑بو‑تگمّي‑ان ‹هاتي ءينّا‑ياك‑د‑ومسلمد، مانيغ ءيلّا‑وحانو لّي‑غ‑راد‑شّغ ءيمنسي ن‑وسورف نكّي د‑يمحضارن‑ينو؟› 12راد‑اون‑يمل بو‑تگمّي‑ان يان‑وحانو ن‑وفلّا ءيمقّورن ءيسوان. غين ا‑غ‑را‑تجّوجادم.» 13دّون نتني افن‑ين غمكلّي‑اسن‑ينّا، جّوجادن ءيمنسي ن‑وسورف.
ءيمنسي ن‑سيديتنّغ
14لّيغ‑دي‑تلكم تاساعت ن‑يمنسي، ءيسكيوس ياسوع ا‑يشّ د‑يرقّاسن‑نس، 15ييني‑اسن: «منشك ا‑س‑ريغ اد‑ديدون‑شّغ ءيمنسي‑اد ن‑وسورف ءور‑تا‑مّوتغ. 16اشكو راد‑اون‑ينيغ، ءور‑سول‑را‑ت‑شّغ ارد يافو غ‑تگلديت ن‑ربّي.» 17ياسي لكاس ءيشكر ربّي، ييني ءي‑يمحضارن‑نس: «امژات لكاس‑اد، تسوم زغ‑گيس كولّوكن. 18راد‑اون‑ينيغ، ءور‑سول‑راد‑سّوغ زغ‑لغلّت ن‑واضيل ارد‑دي‑تاشك‑تگلديت ن‑ربّي.» 19ياسي تانگولت، ءيشكر ربّي ءيبّي‑تّ ءيفك‑اسن‑تّ ييني‑اسن: «ختاد تگا دّات‑ينو، تّياوفكا ف‑سّيبت‑نّون. سكارات ماياد ا‑يّي‑د‑سرس‑تسوينگيمّ.» 20ياسي ءولا لكاس غمكاد غ‑يسيگُّرا ن‑يمنسي، ييني‑اسن: «لكاس‑اد ءيگا لعهد لّجديد غ‑گراتون د‑ربّي س‑يدامّن‑ينو لّي‑را‑يفّي ف‑سّيبت‑نّون. 21والاينّي هاي‑افوس ن‑والّي‑يّي‑ن‑يزّنزان ءيتّرس ديدي غ‑لميدا‑ياد. 22را‑يمّت يوس ن‑بنادم غمكلّي ءيقصاد ربّي، والاينّي تاگوضي ا‑را‑ييلي ءي‑ورگاز لّي‑ت‑يزّنزان.» 23بدون نتني ار‑سّمقسان ءي‑نگراتسن ف‑مانوا گيسن ا‑را‑يسكر غايان.
ما‑را‑يگ انمغور غ‑تگلديت ن‑ربّي؟
24ار‑تژين ءيمحضارن ءي‑نگراتسن ف‑مانوا گيسن ا‑را‑يگ انمغور. 25ءيساول سرسن ياسوع ييني‑اسن: «ها‑يگلدان ن‑دّونيت ار‑تحكامن ف‑ايت‑تميزار‑نسن، ءولا ءينمغورن‑نسن ار‑تّيرين مدّن اد‑فلّاسن‑تّينين ‹ءيد‑بو‑لجوديت›. 26ءيمّا كونّي، ا‑ور‑ييلي غمكان غ‑گراتون، اشكو غوالّي گيگون ءيمقّورن ءيلّا فلّاس ا‑يگ زوند غوالّي ءيمژّين، ءيگ‑ومزوارو زوند اخدّام. 27ما‑يمقّورن؟ ءيزد غوالّي ءيگاورن ار‑يشتّا نغد غوالّي‑اس‑د‑يسراسن امشّو؟ ءيس‑ورد غوالّي ءيگاورن ار‑يشتّا؟ والاينّي لّيغ نكّي غ‑گراتون زوند اخدّام.
28«كونّي ا‑ديدي‑يبيدّن كولّو ءوسّان‑اد ن‑ترفوفنت‑ينو. 29غمكلّي‑يّي‑يفكا بابا ربّي تاگلديت، راد‑اون‑فكغ ءولا كونّي 30ا‑تشتّام ار‑تسّام غ‑دار لميدا‑نو غ‑تگلديت‑ينو، تگاورم ف‑لعروش ار‑تّحكامّ ف‑كولّو ايت‑ربّي.»
ءيساول لماسيح ف‑ما‑را‑يجرو ءي‑بطرُس
31ءيساول ياسوع س‑بطرُس ييني‑اس: «سيمعان، سيمعان، هان شيطان ءيضالب ا‑كُن‑يزوزّر غمكلّي ءيزوزّور‑وفلّاح ءيبضو اليم د‑يردن. 32والاينّي ضالبغ ربّي فلّاك ا‑ور‑يمّت ليمان‑نّك. غاكود لّيغ توورّيت، سّدوس ايتماك.» 33ييني‑اس بطرُس: «وا‑سيدي، ها‑يّي ءوجادغ اد‑ديدك‑دّوغ س‑لحبس مّتغ ديدك.» 34ءيمّا ياسوع ءيرور‑اس: «وا‑بطرُس، راد‑اك‑ينيغ، غ‑يض‑اد ءور‑را‑يغر‑وفولّوس ارد تينيت كراطّ‑توال ءور‑يّي‑تسّينت.»
35ءيسقسا ياسوع ءيمحضارن‑نس ييني‑اسن: «غ‑ووسّان لّي‑غ‑كُن‑وزنغ بلا اقُراب ءولا اومّيس ءولا تورژيّين ءيس‑تلكمّ ف‑كرا غ‑ووسّان‑ان؟» ءينين‑اس: «ءوهو، ءور‑نلكيم ف‑يات.» 36ييني‑اسن: «ءيمّا غيلاد، وانّا دار اقُراب ءولا اومّيس ءيلّا فلّاس ا‑تن‑ديدس‑ياوي. وانّا ءور‑دار لكومّيت ءيلّا فلّاس ا‑يزّنز اسلهام‑نس ءيسغ‑تّ‑يد. 37اشكو راد‑اون‑ينيغ، ءيقّان‑د ا‑يجرو مايلّي فلّا ءيتياونّان غايد ءيزرين ءيتيارا: ‹گان‑ت د‑يان زغ‑ويلّي فّوغنين زغ‑شّرع ن‑ربّي.› هاتي را‑يافو كولّو ما‑فلّا‑يتياران.» 38ءينين‑اس ءيمحضارن‑نس: «ژر ا‑سيدي، ها‑سنات لكمامي.» ءيمّا نتّا ءيرور‑اسن: «يوودا.»
ار‑يتژالّا لماسيح ف‑يخف‑نس
39ءيفّوغ ياسوع زغ‑تمدينت ءيدّو س‑وورير ن‑زّيتون غمكلّي‑بدّا‑يتّيدو س‑غين. مونّ ديدس ءيمحضارن‑نس. 40لّيغ لكمن ادغار‑ان ييني‑اسن: «ژّالّات تضالبم ربّي ا‑كُن‑يسّانف ءي‑كولّو ما‑را‑كُن‑يجلّو.» 41ءيفل‑تن ءيفتو ياگّوگ‑ن فلّاسن ما‑يتگّان كّوژ ءيد‑مراو ن‑وژمّوژل، ءيضر ف‑يفادّن‑نس ار‑يتژالّا، 42ييني: «وا‑بابا ضالبغ‑اك ءيغ‑تريت، كّيس فلّا لكاس‑اد ن‑ورفوفن. والاينّي ا‑ييلي ما‑تريت، ءورد ماد‑ريغ نكّي.» 43غاكودان ءيگّوز‑د دارس يا‑لّمالاك زغ‑يگنّا ءيسّدوس‑ت. 44ءيغووض ياسوع باهرا، ار‑يتژالّا س‑وگُّار ايلّيغ ا‑زگيس‑يتادّوم لعرگ ف‑واكال زوند تيمقّا ن‑يدامّن. 45لّيغ ءيكمّل تاژالّيت ءينكر يوورّي س‑دار ءيمحضارن‑نس، ياف‑تن‑ين طّاسن. نهاتافن س‑تاغوفت لّي‑وسين. 46ييني‑اسن: «ماخ ا‑تطّاسم؟ نكرات تضالبم ربّي ا‑كُن‑يسّانف ءي‑كولّو ما‑را‑كُن‑يجلّو.»
ءوشكان‑د اد‑امژن لماسيح
47سول ا‑يساوال س‑د‑روحن مدّن گّوتنين، ءيزوور‑اسن‑د ياهودا لّي‑يگان يان زغ‑سين د‑مراو ن‑ومحضار. ءيفتو س‑دار ياسوع ا‑ت‑يسّودن، 48ءيمّا ياسوع ءينّا‑ياس: «وا‑ياهودا، ءيزد س‑وسودن ا‑س‑تريت ا‑تزّنزت يوس ن‑بنادم؟» 49لّيغ ژران ءيمحضارن‑نس ما‑را‑يجرو ءينين‑اس: «وا‑سيدي، ءيس‑تريت ا‑تن‑نطّاي س‑لكمامي‑اد؟» 50ءينكر يان زغ‑يمحضارن يوت اخدّام ن‑ونمغور ن‑تگمّي ن‑ربّي ءيبّي‑اس امژّوغ افاسي. 51ءيمّا ياسوع ءينّا‑ياسن: «زگايات.» ءيگّر‑ن ءي‑ومژّوغ ن‑وخدّام ءيجّوجّي‑ت. 52ءيساول ياسوع س‑ينمغورن ن‑تگمّي ن‑ربّي د‑وين ءيمخزنيين د‑يمغارن ن‑تمازيرت لّي‑د‑وشكانين ا‑ت‑امژن، ييني‑اسن: «ما‑س‑دي‑تفّوغم س‑لكمامي د‑يعماد زوند ءيغ‑گيغ امخّار؟ 53لّيغ‑ن‑بدّا ديدون كرايگاتّ اسّ غ‑تگمّي ن‑ربّي، ءور‑يّي‑تومژم غ‑ووسّان‑ان، والاينّي تاساعت‑نّون اياد ا‑گيس‑تحكام لقوّا ن‑تيلّاس.»
بطرُس ءيناكر لماسيح
54غوين ياسوع اوين‑ت س‑تگمّي ن‑ونمغور ن‑تگمّي ن‑ربّي، ءيضفور‑ت بطرُس زغ‑توگّوگت. 55سّرغان مدّن لعافيت غ‑وامّاس ن‑تگمّي، گاورن غ‑تاما‑نس. ءيدّو بطرُس ءيسكيوس غ‑گراتسن. 56تژر‑ت يات‑تخدّامت غ‑تيفاوت لّعافيت، تسّماقّل گيس تيني ءي‑مدّن‑ان: «ءولا غواد ءيلّا د‑ياسوع.» 57ءيرار‑اس بطرُس: «وا‑تامغارت، ءور‑ت‑سّينغ نكّي.» 58يان ءيميكّ س‑ت‑يژرا يان ياضني ييني‑اس: «ءولا كيّي تگيت يان زغ‑گيسن.» ءيرار‑اس‑داغ بطرُس: «واي‑ارگاز، ءورد نكّي.» 59تزري يات تاساعت س‑يساول يان ياضني س‑جّهد ييني‑اسن: «س‑صّاحت، غواد ءيلّا ديدس ءولا نتّا، اشكو گو‑جاليل ا‑يگا.» 60ءيرار‑د‑داغ بطرُس: «واي‑ارگاز، هان ءور‑سّينغ مايد تّينيت.» غاكودان سول ا‑يساوال س‑يغرا‑وفولّوس. 61ءيگراول سيديتنّغ ءيسّماقّل غ‑بطرُس. ءيسوانگم‑د بطرُس اوال لّي‑س‑اس‑ينّا سيديتنّغ: «غ‑يض‑اد ءور‑را‑يغر‑وفولّوس ارد تينيت كراطّ‑توال ءور‑يّي‑تسّينت.» 62ءيفّوغ بطرُس ار‑يالّا باهرا.
طّنژ لّي‑يزرين ف‑لماسيح
63نكرن ءيمخزنيين لّي‑ضوفنين ياسوع، ار‑گيس‑ضصّان ار‑ت‑كّاتن. 64دلن‑اس الّن‑نس س‑يان‑وشدّاد ار‑اس‑تّينين: «وا‑نّابي، مل‑اغ مانوا‑ك‑يوتن.» 65ار‑ت‑رگّمن س‑كيگان د‑يواليون أُخشنّين.
ءيبيدّ لماسيح غ‑لمحكاما
66لّيغ‑د‑يغلي‑واسّ مونّ‑د ءيمغارن لّمحكاما، گان ءينمغورن ن‑تگمّي ن‑ربّي د‑يمسلمدن ن‑شّرع. اوين ياسوع س‑لگدّام‑نسن 67سقسان‑ت: «ءيني‑اغ، ءيزد كيّين ا‑يگان لماسيح ن‑ربّي؟» ءيساول ياسوع ييني‑اسن: «ءيغ‑اون‑ت‑نّيغ، ءور‑را‑يّي‑تامنم. 68ءيغ‑كُن‑فلّاس‑سقساغ ءور‑را‑دي‑ترارم اوال. 69والاينّي يان ءيميكّ را‑ن‑يسكيوس يوس ن‑بنادم ف‑وفاسي ن‑ربّي ءيتجهّدن.» 70سقسان‑ت كولّوتن: «ءيس‑تنّيت كيّي يوس ن‑ربّي ا‑تگيت؟» ءيرار‑اسن: «غمكلّي‑س‑تنّام اد‑گيغ.» 71نكرن غاكودان ار‑تّينين: «ما‑س‑سول‑نرا توگّا ن‑وييّاض؟ نسفلد كولّو ءي‑غايد ءينّا.»
ప్రస్తుతం ఎంపిక చేయబడింది:
لوقا 22: SHINT10
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
New Testament in Tashelhayt (Arabic script) © United Bible Societies, 1998, 2010.
لوقا 22
22
سكرن ءينمغورن ف‑اد‑نغن لماسيح
1ياكمور‑د لعيد ن‑ورخصيص لّي‑مي‑تّينين‑داغ لعيد ن‑وسورف. 2ءينمغورن ن‑تگمّي ن‑ربّي د‑يمسلمدن ن‑شّرع ار‑سيگّيلن س‑مامنك ا‑راد‑نغن ياسوع، والاينّي كسوضن زغ‑مدّن. 3غاكودان ا‑يكشم شيطان س‑ياهودا لّي‑مي‑تّينين ءيسخاريوط، ءيگا يان زغ‑سين د‑مراو ن‑ومحضار. 4ءيدّو ياهودا س‑دار ءينمغورن ن‑تگمّي ن‑ربّي د‑وين ءيمخزنيين، ءيمشاوار ديدسن ف‑مامنك ا‑راد‑اسن‑يزّنز ياسوع. 5فرحن نتني ءينين‑اس راد‑اس‑فكن ءيقاريدن. 6ءيمشاشكا‑د ديدسن، يوورّي ار‑يسوينگيم مامنك ا‑را‑تن‑يعاون اد‑امژن ياسوع غ‑كرا ن‑تاساعت غ‑ور‑لّين مدّن.
ءيمحضارن جّوجادن ءيمنسي ن‑وسورف
7ءيلكم‑د‑واسّ ن‑ورخصيص لّي‑غ ا‑قّرسن مدّن ءي‑يلقّاغن لّعيد ن‑وسورف. 8ءينكر ياسوع يازن بطرُس د‑يوحانّا ييني‑اسن: «زايدات تجّوجادم‑اغ ءيمنسي لّعيد ن‑وسورف ا‑ت‑نشّ ءي‑نگراتنّغ.» 9ءينين‑اس: «ماني تريت ا‑ت‑ين‑گيس‑نجّوجاد؟» 10ييني‑اسن: «ژرات، را‑ن‑تكشمّ س‑تمدينت، تمناگّارم يان‑ورگاز يوسي‑د اگدور ن‑وامان. ضفورات‑ت س‑تگمّي نّا‑س‑يكشم، 11تينيم ءي‑بو‑تگمّي‑ان ‹هاتي ءينّا‑ياك‑د‑ومسلمد، مانيغ ءيلّا‑وحانو لّي‑غ‑راد‑شّغ ءيمنسي ن‑وسورف نكّي د‑يمحضارن‑ينو؟› 12راد‑اون‑يمل بو‑تگمّي‑ان يان‑وحانو ن‑وفلّا ءيمقّورن ءيسوان. غين ا‑غ‑را‑تجّوجادم.» 13دّون نتني افن‑ين غمكلّي‑اسن‑ينّا، جّوجادن ءيمنسي ن‑وسورف.
ءيمنسي ن‑سيديتنّغ
14لّيغ‑دي‑تلكم تاساعت ن‑يمنسي، ءيسكيوس ياسوع ا‑يشّ د‑يرقّاسن‑نس، 15ييني‑اسن: «منشك ا‑س‑ريغ اد‑ديدون‑شّغ ءيمنسي‑اد ن‑وسورف ءور‑تا‑مّوتغ. 16اشكو راد‑اون‑ينيغ، ءور‑سول‑را‑ت‑شّغ ارد يافو غ‑تگلديت ن‑ربّي.» 17ياسي لكاس ءيشكر ربّي، ييني ءي‑يمحضارن‑نس: «امژات لكاس‑اد، تسوم زغ‑گيس كولّوكن. 18راد‑اون‑ينيغ، ءور‑سول‑راد‑سّوغ زغ‑لغلّت ن‑واضيل ارد‑دي‑تاشك‑تگلديت ن‑ربّي.» 19ياسي تانگولت، ءيشكر ربّي ءيبّي‑تّ ءيفك‑اسن‑تّ ييني‑اسن: «ختاد تگا دّات‑ينو، تّياوفكا ف‑سّيبت‑نّون. سكارات ماياد ا‑يّي‑د‑سرس‑تسوينگيمّ.» 20ياسي ءولا لكاس غمكاد غ‑يسيگُّرا ن‑يمنسي، ييني‑اسن: «لكاس‑اد ءيگا لعهد لّجديد غ‑گراتون د‑ربّي س‑يدامّن‑ينو لّي‑را‑يفّي ف‑سّيبت‑نّون. 21والاينّي هاي‑افوس ن‑والّي‑يّي‑ن‑يزّنزان ءيتّرس ديدي غ‑لميدا‑ياد. 22را‑يمّت يوس ن‑بنادم غمكلّي ءيقصاد ربّي، والاينّي تاگوضي ا‑را‑ييلي ءي‑ورگاز لّي‑ت‑يزّنزان.» 23بدون نتني ار‑سّمقسان ءي‑نگراتسن ف‑مانوا گيسن ا‑را‑يسكر غايان.
ما‑را‑يگ انمغور غ‑تگلديت ن‑ربّي؟
24ار‑تژين ءيمحضارن ءي‑نگراتسن ف‑مانوا گيسن ا‑را‑يگ انمغور. 25ءيساول سرسن ياسوع ييني‑اسن: «ها‑يگلدان ن‑دّونيت ار‑تحكامن ف‑ايت‑تميزار‑نسن، ءولا ءينمغورن‑نسن ار‑تّيرين مدّن اد‑فلّاسن‑تّينين ‹ءيد‑بو‑لجوديت›. 26ءيمّا كونّي، ا‑ور‑ييلي غمكان غ‑گراتون، اشكو غوالّي گيگون ءيمقّورن ءيلّا فلّاس ا‑يگ زوند غوالّي ءيمژّين، ءيگ‑ومزوارو زوند اخدّام. 27ما‑يمقّورن؟ ءيزد غوالّي ءيگاورن ار‑يشتّا نغد غوالّي‑اس‑د‑يسراسن امشّو؟ ءيس‑ورد غوالّي ءيگاورن ار‑يشتّا؟ والاينّي لّيغ نكّي غ‑گراتون زوند اخدّام.
28«كونّي ا‑ديدي‑يبيدّن كولّو ءوسّان‑اد ن‑ترفوفنت‑ينو. 29غمكلّي‑يّي‑يفكا بابا ربّي تاگلديت، راد‑اون‑فكغ ءولا كونّي 30ا‑تشتّام ار‑تسّام غ‑دار لميدا‑نو غ‑تگلديت‑ينو، تگاورم ف‑لعروش ار‑تّحكامّ ف‑كولّو ايت‑ربّي.»
ءيساول لماسيح ف‑ما‑را‑يجرو ءي‑بطرُس
31ءيساول ياسوع س‑بطرُس ييني‑اس: «سيمعان، سيمعان، هان شيطان ءيضالب ا‑كُن‑يزوزّر غمكلّي ءيزوزّور‑وفلّاح ءيبضو اليم د‑يردن. 32والاينّي ضالبغ ربّي فلّاك ا‑ور‑يمّت ليمان‑نّك. غاكود لّيغ توورّيت، سّدوس ايتماك.» 33ييني‑اس بطرُس: «وا‑سيدي، ها‑يّي ءوجادغ اد‑ديدك‑دّوغ س‑لحبس مّتغ ديدك.» 34ءيمّا ياسوع ءيرور‑اس: «وا‑بطرُس، راد‑اك‑ينيغ، غ‑يض‑اد ءور‑را‑يغر‑وفولّوس ارد تينيت كراطّ‑توال ءور‑يّي‑تسّينت.»
35ءيسقسا ياسوع ءيمحضارن‑نس ييني‑اسن: «غ‑ووسّان لّي‑غ‑كُن‑وزنغ بلا اقُراب ءولا اومّيس ءولا تورژيّين ءيس‑تلكمّ ف‑كرا غ‑ووسّان‑ان؟» ءينين‑اس: «ءوهو، ءور‑نلكيم ف‑يات.» 36ييني‑اسن: «ءيمّا غيلاد، وانّا دار اقُراب ءولا اومّيس ءيلّا فلّاس ا‑تن‑ديدس‑ياوي. وانّا ءور‑دار لكومّيت ءيلّا فلّاس ا‑يزّنز اسلهام‑نس ءيسغ‑تّ‑يد. 37اشكو راد‑اون‑ينيغ، ءيقّان‑د ا‑يجرو مايلّي فلّا ءيتياونّان غايد ءيزرين ءيتيارا: ‹گان‑ت د‑يان زغ‑ويلّي فّوغنين زغ‑شّرع ن‑ربّي.› هاتي را‑يافو كولّو ما‑فلّا‑يتياران.» 38ءينين‑اس ءيمحضارن‑نس: «ژر ا‑سيدي، ها‑سنات لكمامي.» ءيمّا نتّا ءيرور‑اسن: «يوودا.»
ار‑يتژالّا لماسيح ف‑يخف‑نس
39ءيفّوغ ياسوع زغ‑تمدينت ءيدّو س‑وورير ن‑زّيتون غمكلّي‑بدّا‑يتّيدو س‑غين. مونّ ديدس ءيمحضارن‑نس. 40لّيغ لكمن ادغار‑ان ييني‑اسن: «ژّالّات تضالبم ربّي ا‑كُن‑يسّانف ءي‑كولّو ما‑را‑كُن‑يجلّو.» 41ءيفل‑تن ءيفتو ياگّوگ‑ن فلّاسن ما‑يتگّان كّوژ ءيد‑مراو ن‑وژمّوژل، ءيضر ف‑يفادّن‑نس ار‑يتژالّا، 42ييني: «وا‑بابا ضالبغ‑اك ءيغ‑تريت، كّيس فلّا لكاس‑اد ن‑ورفوفن. والاينّي ا‑ييلي ما‑تريت، ءورد ماد‑ريغ نكّي.» 43غاكودان ءيگّوز‑د دارس يا‑لّمالاك زغ‑يگنّا ءيسّدوس‑ت. 44ءيغووض ياسوع باهرا، ار‑يتژالّا س‑وگُّار ايلّيغ ا‑زگيس‑يتادّوم لعرگ ف‑واكال زوند تيمقّا ن‑يدامّن. 45لّيغ ءيكمّل تاژالّيت ءينكر يوورّي س‑دار ءيمحضارن‑نس، ياف‑تن‑ين طّاسن. نهاتافن س‑تاغوفت لّي‑وسين. 46ييني‑اسن: «ماخ ا‑تطّاسم؟ نكرات تضالبم ربّي ا‑كُن‑يسّانف ءي‑كولّو ما‑را‑كُن‑يجلّو.»
ءوشكان‑د اد‑امژن لماسيح
47سول ا‑يساوال س‑د‑روحن مدّن گّوتنين، ءيزوور‑اسن‑د ياهودا لّي‑يگان يان زغ‑سين د‑مراو ن‑ومحضار. ءيفتو س‑دار ياسوع ا‑ت‑يسّودن، 48ءيمّا ياسوع ءينّا‑ياس: «وا‑ياهودا، ءيزد س‑وسودن ا‑س‑تريت ا‑تزّنزت يوس ن‑بنادم؟» 49لّيغ ژران ءيمحضارن‑نس ما‑را‑يجرو ءينين‑اس: «وا‑سيدي، ءيس‑تريت ا‑تن‑نطّاي س‑لكمامي‑اد؟» 50ءينكر يان زغ‑يمحضارن يوت اخدّام ن‑ونمغور ن‑تگمّي ن‑ربّي ءيبّي‑اس امژّوغ افاسي. 51ءيمّا ياسوع ءينّا‑ياسن: «زگايات.» ءيگّر‑ن ءي‑ومژّوغ ن‑وخدّام ءيجّوجّي‑ت. 52ءيساول ياسوع س‑ينمغورن ن‑تگمّي ن‑ربّي د‑وين ءيمخزنيين د‑يمغارن ن‑تمازيرت لّي‑د‑وشكانين ا‑ت‑امژن، ييني‑اسن: «ما‑س‑دي‑تفّوغم س‑لكمامي د‑يعماد زوند ءيغ‑گيغ امخّار؟ 53لّيغ‑ن‑بدّا ديدون كرايگاتّ اسّ غ‑تگمّي ن‑ربّي، ءور‑يّي‑تومژم غ‑ووسّان‑ان، والاينّي تاساعت‑نّون اياد ا‑گيس‑تحكام لقوّا ن‑تيلّاس.»
بطرُس ءيناكر لماسيح
54غوين ياسوع اوين‑ت س‑تگمّي ن‑ونمغور ن‑تگمّي ن‑ربّي، ءيضفور‑ت بطرُس زغ‑توگّوگت. 55سّرغان مدّن لعافيت غ‑وامّاس ن‑تگمّي، گاورن غ‑تاما‑نس. ءيدّو بطرُس ءيسكيوس غ‑گراتسن. 56تژر‑ت يات‑تخدّامت غ‑تيفاوت لّعافيت، تسّماقّل گيس تيني ءي‑مدّن‑ان: «ءولا غواد ءيلّا د‑ياسوع.» 57ءيرار‑اس بطرُس: «وا‑تامغارت، ءور‑ت‑سّينغ نكّي.» 58يان ءيميكّ س‑ت‑يژرا يان ياضني ييني‑اس: «ءولا كيّي تگيت يان زغ‑گيسن.» ءيرار‑اس‑داغ بطرُس: «واي‑ارگاز، ءورد نكّي.» 59تزري يات تاساعت س‑يساول يان ياضني س‑جّهد ييني‑اسن: «س‑صّاحت، غواد ءيلّا ديدس ءولا نتّا، اشكو گو‑جاليل ا‑يگا.» 60ءيرار‑د‑داغ بطرُس: «واي‑ارگاز، هان ءور‑سّينغ مايد تّينيت.» غاكودان سول ا‑يساوال س‑يغرا‑وفولّوس. 61ءيگراول سيديتنّغ ءيسّماقّل غ‑بطرُس. ءيسوانگم‑د بطرُس اوال لّي‑س‑اس‑ينّا سيديتنّغ: «غ‑يض‑اد ءور‑را‑يغر‑وفولّوس ارد تينيت كراطّ‑توال ءور‑يّي‑تسّينت.» 62ءيفّوغ بطرُس ار‑يالّا باهرا.
طّنژ لّي‑يزرين ف‑لماسيح
63نكرن ءيمخزنيين لّي‑ضوفنين ياسوع، ار‑گيس‑ضصّان ار‑ت‑كّاتن. 64دلن‑اس الّن‑نس س‑يان‑وشدّاد ار‑اس‑تّينين: «وا‑نّابي، مل‑اغ مانوا‑ك‑يوتن.» 65ار‑ت‑رگّمن س‑كيگان د‑يواليون أُخشنّين.
ءيبيدّ لماسيح غ‑لمحكاما
66لّيغ‑د‑يغلي‑واسّ مونّ‑د ءيمغارن لّمحكاما، گان ءينمغورن ن‑تگمّي ن‑ربّي د‑يمسلمدن ن‑شّرع. اوين ياسوع س‑لگدّام‑نسن 67سقسان‑ت: «ءيني‑اغ، ءيزد كيّين ا‑يگان لماسيح ن‑ربّي؟» ءيساول ياسوع ييني‑اسن: «ءيغ‑اون‑ت‑نّيغ، ءور‑را‑يّي‑تامنم. 68ءيغ‑كُن‑فلّاس‑سقساغ ءور‑را‑دي‑ترارم اوال. 69والاينّي يان ءيميكّ را‑ن‑يسكيوس يوس ن‑بنادم ف‑وفاسي ن‑ربّي ءيتجهّدن.» 70سقسان‑ت كولّوتن: «ءيس‑تنّيت كيّي يوس ن‑ربّي ا‑تگيت؟» ءيرار‑اسن: «غمكلّي‑س‑تنّام اد‑گيغ.» 71نكرن غاكودان ار‑تّينين: «ما‑س‑سول‑نرا توگّا ن‑وييّاض؟ نسفلد كولّو ءي‑غايد ءينّا.»
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
New Testament in Tashelhayt (Arabic script) © United Bible Societies, 1998, 2010.