متا 6
6
آمؤختٚن در موردٚ صدقه فأدأن
1«شیمی حواس بمأنه، شیمی خورومٚ کأرأنَ مردومٚ ورجأ، اَ قصد و نیّتٚ اَمرأ انجأم ندید کی شٚمٚره بیدینٚد و آفرین بٚگد، چونکی اَطویی شیمی آسمأنی پئرٚ ورجأ پأدأشی نتأنید بٚدأرید. 2هر زمأت کی ایتأ فِقِرَ یاور دیهی، ریأکأرأنٚ مأنستَن انجأم نٚوأدأن، اوشأنی مأنستَن کی کنیسه و کوچه و بأزأر دورون جأر زنٚده کی مردوم اوشأنَ آفرین بٚگد. رأس‌رأسِی شٚمٚره گم کی اَشأن خوشأنی اوجرٚتَ تومأم و کمأل مردوم جَا فأگیفتده. 3ولی وختی اینفرَ صدقه فأدی، ولأن حتّا تی چپٚ دٚس او کأرٚ جَا کی تی رأستٚ دٚس کونه، وأخٚوٚرَ به، 4کی تی خُبی خلوتی میأن بمأنه. بأزون تی آسمأنی پئر کی خلوتی کأرأنٚ دینه، تٚرَه پأدأش فأدٚه.
عیسا روزه دأشتٚن و دوعأ کودنَ آموجه
5«اَسه دوعأ کودنٚ رِه، هر وخت دوعأ کودأندری، ریأکأرأنٚ مأنستَن نوأبوستن کی دوس دأرٚده مردومٚ ورجأ، خیأبأنأنٚ کنأر گوشٚه و کنیسه‌یأنٚ میأن دوعأ بوکونٚد، کی همه اَشأنَ بیدینٚد. رأس گم، اَشأن خوشأنی اوجرٚتَ تومأم و کمأل مردومٚ جَا فأگیفتده. 6ولی هر وخت دوعأ کودأندری، تی اوتاقٚ دورون بوشؤ و دٚرَ دٚوٚد، و دیلٚ خلوتی دورون، پئرٚ حوضور دوعأ بوکون. بأزون تی آسمأنی پئر کی خلوتی کأرأنٚ دینه، تٚرَه پأدأش فأدَه.
7«وختی دوعأ کودأندریدی، اوشأنی مأنستَن کی رأس‌رأسِی خودایَ نشنأسٚده، بیخودی ویردأنٚ تکرار نوکونید. اوشأن خیأل کونٚده کی خٚیلی تکرار کودنٚ اَمرأ، اَشأنٚ دوعأ قوبیل به. 8شومأن اوشأنی مأنستَن نیبید، چٚره کی شیمی آسمأنی پئر خُب وأخٚوٚره کی چی ایحتیأج دأریدی، حتّا پیشتر جٚه اَنکی اونی جَا بٚخأیید.
9پس شومأن اَطویی دوعأ بوکونید:
«"ای اَمی پئر کی آسمأنٚ دورون ایسأیی،
تی نأم موقدس بٚبه.»
10تی ملکوت بأیِه.
تی ایرأده هوطویی کی آسمأنٚ دورون انجأم به، زیمینٚ سٚرم انجأم بٚبه.
11اَمی روجٚ نأنٚ اَمرأ فأدٚن.
12اَمی گونأیأنٚ بٚبٚخش، هوطویی کی اَمأن او کسأنی کی اَمی حق گونأ کونٚده، بخشیم.
13و ولأن کی وسوسه جَا تسلیم بیبیم، بلکی اَمرأ او شریر جَا نیجأت بٚدٚن.
چونکی ملکوت و قودرت و جلال تأ همیشٚک تی شینه. آمین!"
14«اگه اوشأنی‌یَ کی شیمی حق گونأ کونٚده بٚبٚخشید، شیمی آسمأنی پئرم شٚمٚره بخشه. 15ولی اگه البأقیأنٚ گونأیأنَ نٚبٚخشید، شیمی پئرم شیمی گونأیأنَ نٚبٚخشه.
16«وختی روزه دأریدی، ریأکأرأنٚ مأنستَن شٚمٚره به نما نأوٚرید، چونکی سعی کونٚده خوشأنی سرٚکله‌یَ پریشأن و دورشین وأرشین نیشأن بٚدٚد کی مردوم اوشأنی روزه دأشتٚنٚ وأسی اوشأنَ تِشویق بوکوند. رأستی شٚمٚره گم کی اَشأن خوشأنی اوجرٚتَ تومأم و کمأل فأگیفتده. 17ولی وختی تو روزه دأری، تی سٚر و دیمَ تیمیزٚ و مورتبَ کون، 18کی هیکس تی روزه دأشتنٚ جَا وأخٚوٚرَ نٚبه جغرز تی پئر کی دِئنی نییٚه؛ و اون جٚه اوچی کی تی خلوتی دورون کونی وأخٚوٚره، و تٚرَه پأدأش فأدَه.
مأل و مینألٚ آموج
19«شیمی گنجَ اَ زیمینٚ دورون تیلنبأر نوکونید، جأیی کی کلم و زنگأل اونَ صدمه زٚنِه، و دوزدأن نقب زنٚده و اونَ دوزدأنٚده. 20شیمی گنجَ آسمأنٚ دورون اَنبأر بوکونید، جأیی کی نه کلمَ کونه و نه زنگأل تأنه اونَ خرأبَ کونه، و دوزدأنٚم نقب نٚزٚنده و اونَ نودوزدأنٚد. 21تی گنج هر جیگأ بمأنه، تی دیلٚم هویه نٚهأ.
22«تی چوم چرأغی ایسه کی تی جأنٚ سویَ فرأهم کونه. اگه تی چوم سألیم بٚبه، تومأمٚ تی وجود سوسو زٚنِه. 23ولی اگه تی چوم نأخوش بٚبه، تومأمٚ تی وجود تأریکی دورون غولطه خوره. پس اگه گومأن کونی کی او نورٚ سو، تی دورون نٚهأ، ولی اگه اون تأریکی بٚبه، چی جولفٚ تأریکی‌یی به!
24«هیکس نتأنِه دو تأ اربابَ خیدمت بوکونه، چونکی یا ایتأ جَا نیفرت دأره و اویتأیَ مهرٚوأنی کونه، و یا ایتأ رِه خو جأنَ فأدٚه و اویتأیَ خأر و خفیف دأنه. هطویم نتأنیدی هم خودا رِه بنده بیبید و هم مأل و مینألٚ بنده.
زٚندیگی نیگرأنیأنٚ آموج
25«پس می اَندرز، اَنه کی شیمی دونیأ دو روجٚ رِه نیگرأن نیبید، کی بوخور وأخور و لیوأس شٚمٚره وٚسته یا نه. زٚندیگی جٚه خوردن و جأن جٚه لیوأس دوکودن آیا ویشتر نی‌اَرزِه؟ 26پرنده‌یأن فأندٚرید، نه کأرٚده، نه بینٚده، و نه تیلنبأرٚ دورون جمَ کونٚد، چونکی شیمی آسمأنی پئر اوشأنی روزی‌یَ فأرٚسأنه. ینی شومأن اوشأنی جَا ویشتر نی‌اَرزیدی؟ 27ینی تومأمٚ شیمی نیگرأنیأن تأنه ایتأ لحظه شیمی عمرَ زیأدَ کونه؟
28«چٚره شیمی رخت و لیوأسٚ رِه نیگرأنیدی؟ صأرأ گولأنَ فأندٚرید کی چوطو روشد کونٚده. اوشأن نه کأر کونٚده و نه خوشأنٚ رِه لیوأس دوجٚده. 29شٚمٚره گم کی سولیمأن تومأمٚ خو شوکو و جلالٚ اَمرأیم، هیوخت اوشأنی مأنستَن قشنگٚ چی لیوأس خو جأن دونکوده. 30پس اگه خودا صأرأ گولأنَ کی ایمرو ایسأده و فردأ آتش کومه میأن تأوٚدأ بٚده فیکرَ کونه، چندر ویشتر، ای کم ایمأنأن، شیمی فیکر ایسه.
31«پس اَجور چیزأنٚ رِه نیگرأن نیبید و نیگید چی وأ خوردن یا چی وأ وأخوردن یا چی وأ دوکودن. 32چونکی بی‌ایمأنأن اَ چیزأنٚ وأسی غورصه خورٚده، ولی شیمی آسمأنی پئر جٚه قبل دأنِه کی اَشأنَ ایحتیأج دأریدی. 33پس اوّل شومأن، خودا ملکوت و عیدألتٚ دونبأل بیبید، و اون همٚتأ دأنه شیمی ایحتیأجأنَ شٚمٚره موهیأ کونِه.
34«پس، فردأ رِه نیگرأن نیبید، چونکی فردأ خو نیگرأنیأنَ خو اَمرأ دأره. ایمرو گریفتأریأن ایمرو رِه وٚسته.
ప్రస్తుతం ఎంపిక చేయబడింది:
متا 6: GLK_NT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2024 Transform Iran
متا 6
6
آمؤختٚن در موردٚ صدقه فأدأن
1«شیمی حواس بمأنه، شیمی خورومٚ کأرأنَ مردومٚ ورجأ، اَ قصد و نیّتٚ اَمرأ انجأم ندید کی شٚمٚره بیدینٚد و آفرین بٚگد، چونکی اَطویی شیمی آسمأنی پئرٚ ورجأ پأدأشی نتأنید بٚدأرید. 2هر زمأت کی ایتأ فِقِرَ یاور دیهی، ریأکأرأنٚ مأنستَن انجأم نٚوأدأن، اوشأنی مأنستَن کی کنیسه و کوچه و بأزأر دورون جأر زنٚده کی مردوم اوشأنَ آفرین بٚگد. رأس‌رأسِی شٚمٚره گم کی اَشأن خوشأنی اوجرٚتَ تومأم و کمأل مردوم جَا فأگیفتده. 3ولی وختی اینفرَ صدقه فأدی، ولأن حتّا تی چپٚ دٚس او کأرٚ جَا کی تی رأستٚ دٚس کونه، وأخٚوٚرَ به، 4کی تی خُبی خلوتی میأن بمأنه. بأزون تی آسمأنی پئر کی خلوتی کأرأنٚ دینه، تٚرَه پأدأش فأدٚه.
عیسا روزه دأشتٚن و دوعأ کودنَ آموجه
5«اَسه دوعأ کودنٚ رِه، هر وخت دوعأ کودأندری، ریأکأرأنٚ مأنستَن نوأبوستن کی دوس دأرٚده مردومٚ ورجأ، خیأبأنأنٚ کنأر گوشٚه و کنیسه‌یأنٚ میأن دوعأ بوکونٚد، کی همه اَشأنَ بیدینٚد. رأس گم، اَشأن خوشأنی اوجرٚتَ تومأم و کمأل مردومٚ جَا فأگیفتده. 6ولی هر وخت دوعأ کودأندری، تی اوتاقٚ دورون بوشؤ و دٚرَ دٚوٚد، و دیلٚ خلوتی دورون، پئرٚ حوضور دوعأ بوکون. بأزون تی آسمأنی پئر کی خلوتی کأرأنٚ دینه، تٚرَه پأدأش فأدَه.
7«وختی دوعأ کودأندریدی، اوشأنی مأنستَن کی رأس‌رأسِی خودایَ نشنأسٚده، بیخودی ویردأنٚ تکرار نوکونید. اوشأن خیأل کونٚده کی خٚیلی تکرار کودنٚ اَمرأ، اَشأنٚ دوعأ قوبیل به. 8شومأن اوشأنی مأنستَن نیبید، چٚره کی شیمی آسمأنی پئر خُب وأخٚوٚره کی چی ایحتیأج دأریدی، حتّا پیشتر جٚه اَنکی اونی جَا بٚخأیید.
9پس شومأن اَطویی دوعأ بوکونید:
«"ای اَمی پئر کی آسمأنٚ دورون ایسأیی،
تی نأم موقدس بٚبه.»
10تی ملکوت بأیِه.
تی ایرأده هوطویی کی آسمأنٚ دورون انجأم به، زیمینٚ سٚرم انجأم بٚبه.
11اَمی روجٚ نأنٚ اَمرأ فأدٚن.
12اَمی گونأیأنٚ بٚبٚخش، هوطویی کی اَمأن او کسأنی کی اَمی حق گونأ کونٚده، بخشیم.
13و ولأن کی وسوسه جَا تسلیم بیبیم، بلکی اَمرأ او شریر جَا نیجأت بٚدٚن.
چونکی ملکوت و قودرت و جلال تأ همیشٚک تی شینه. آمین!"
14«اگه اوشأنی‌یَ کی شیمی حق گونأ کونٚده بٚبٚخشید، شیمی آسمأنی پئرم شٚمٚره بخشه. 15ولی اگه البأقیأنٚ گونأیأنَ نٚبٚخشید، شیمی پئرم شیمی گونأیأنَ نٚبٚخشه.
16«وختی روزه دأریدی، ریأکأرأنٚ مأنستَن شٚمٚره به نما نأوٚرید، چونکی سعی کونٚده خوشأنی سرٚکله‌یَ پریشأن و دورشین وأرشین نیشأن بٚدٚد کی مردوم اوشأنی روزه دأشتٚنٚ وأسی اوشأنَ تِشویق بوکوند. رأستی شٚمٚره گم کی اَشأن خوشأنی اوجرٚتَ تومأم و کمأل فأگیفتده. 17ولی وختی تو روزه دأری، تی سٚر و دیمَ تیمیزٚ و مورتبَ کون، 18کی هیکس تی روزه دأشتنٚ جَا وأخٚوٚرَ نٚبه جغرز تی پئر کی دِئنی نییٚه؛ و اون جٚه اوچی کی تی خلوتی دورون کونی وأخٚوٚره، و تٚرَه پأدأش فأدَه.
مأل و مینألٚ آموج
19«شیمی گنجَ اَ زیمینٚ دورون تیلنبأر نوکونید، جأیی کی کلم و زنگأل اونَ صدمه زٚنِه، و دوزدأن نقب زنٚده و اونَ دوزدأنٚده. 20شیمی گنجَ آسمأنٚ دورون اَنبأر بوکونید، جأیی کی نه کلمَ کونه و نه زنگأل تأنه اونَ خرأبَ کونه، و دوزدأنٚم نقب نٚزٚنده و اونَ نودوزدأنٚد. 21تی گنج هر جیگأ بمأنه، تی دیلٚم هویه نٚهأ.
22«تی چوم چرأغی ایسه کی تی جأنٚ سویَ فرأهم کونه. اگه تی چوم سألیم بٚبه، تومأمٚ تی وجود سوسو زٚنِه. 23ولی اگه تی چوم نأخوش بٚبه، تومأمٚ تی وجود تأریکی دورون غولطه خوره. پس اگه گومأن کونی کی او نورٚ سو، تی دورون نٚهأ، ولی اگه اون تأریکی بٚبه، چی جولفٚ تأریکی‌یی به!
24«هیکس نتأنِه دو تأ اربابَ خیدمت بوکونه، چونکی یا ایتأ جَا نیفرت دأره و اویتأیَ مهرٚوأنی کونه، و یا ایتأ رِه خو جأنَ فأدٚه و اویتأیَ خأر و خفیف دأنه. هطویم نتأنیدی هم خودا رِه بنده بیبید و هم مأل و مینألٚ بنده.
زٚندیگی نیگرأنیأنٚ آموج
25«پس می اَندرز، اَنه کی شیمی دونیأ دو روجٚ رِه نیگرأن نیبید، کی بوخور وأخور و لیوأس شٚمٚره وٚسته یا نه. زٚندیگی جٚه خوردن و جأن جٚه لیوأس دوکودن آیا ویشتر نی‌اَرزِه؟ 26پرنده‌یأن فأندٚرید، نه کأرٚده، نه بینٚده، و نه تیلنبأرٚ دورون جمَ کونٚد، چونکی شیمی آسمأنی پئر اوشأنی روزی‌یَ فأرٚسأنه. ینی شومأن اوشأنی جَا ویشتر نی‌اَرزیدی؟ 27ینی تومأمٚ شیمی نیگرأنیأن تأنه ایتأ لحظه شیمی عمرَ زیأدَ کونه؟
28«چٚره شیمی رخت و لیوأسٚ رِه نیگرأنیدی؟ صأرأ گولأنَ فأندٚرید کی چوطو روشد کونٚده. اوشأن نه کأر کونٚده و نه خوشأنٚ رِه لیوأس دوجٚده. 29شٚمٚره گم کی سولیمأن تومأمٚ خو شوکو و جلالٚ اَمرأیم، هیوخت اوشأنی مأنستَن قشنگٚ چی لیوأس خو جأن دونکوده. 30پس اگه خودا صأرأ گولأنَ کی ایمرو ایسأده و فردأ آتش کومه میأن تأوٚدأ بٚده فیکرَ کونه، چندر ویشتر، ای کم ایمأنأن، شیمی فیکر ایسه.
31«پس اَجور چیزأنٚ رِه نیگرأن نیبید و نیگید چی وأ خوردن یا چی وأ وأخوردن یا چی وأ دوکودن. 32چونکی بی‌ایمأنأن اَ چیزأنٚ وأسی غورصه خورٚده، ولی شیمی آسمأنی پئر جٚه قبل دأنِه کی اَشأنَ ایحتیأج دأریدی. 33پس اوّل شومأن، خودا ملکوت و عیدألتٚ دونبأل بیبید، و اون همٚتأ دأنه شیمی ایحتیأجأنَ شٚمٚره موهیأ کونِه.
34«پس، فردأ رِه نیگرأن نیبید، چونکی فردأ خو نیگرأنیأنَ خو اَمرأ دأره. ایمرو گریفتأریأن ایمرو رِه وٚسته.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2024 Transform Iran