Оятҳои маъмули Инҷил аз Yaolhaq 6

Паҳн кунед

Yeiqsul ge nail: “Ngal neq, aqdoevq bhi doevq lal nail khaqmul ngaol. Ngal jaol nail bha lal nail tsaol-aq, maq moevqlal yaoq-aol. Ngaq bhai neema thaq tsaol nail tsaol-aq ulcuvq iqsanl, maq moevqlal yaoq-aol.

Miqyail nail Aqhaqlal taivq-ail, aqdoevq bhi doevq lal nia nail ngaol. Aqsivq haqjoil neq, khul maq nl nia-ail. Ngaq-i mail nul juq bhai ge bhiq-a nail daoq juq neq, aqhaqlal pevq khi aqdoevq bhi doevq lal nail phaq pevq nail ngaol.

Buvq ail tsiq ail nia nail jaqjaq daoldaol nail haqbhoil maq lai jai dai, nqmaq maqluv halyeel bhi doevq nail jaqjaq daoldaol nail haqbhoil, lai jai yaoq. Tsaol-aq nail Yaqyov pevq nail, ngal nul juq bhai jaqjaq daoldaol al phaq, bhi jaq naol. Khul khi mail dai ngal-aq neq, Aqbhu Miqyail ngaq bhai neema tsaq khi junq deeq-ai thaq nail ngaol” dai, ge bhiq-a nail ngaol.

Yaqyov bhai moel khi, aivq bhai neema thaq tsaol nail tsaol-aq yaoq gaq yaoq-ao nee mail, nqmaq maqluv halyeel ya doevq nail neq, ngaq nail Aqbhu neema tsaq nail ngaol. Daoq loi loi lai-u n-gaol ngal iqsanl, tsaol-aq al juq bhai gaoq bhi doevq kovq lal naol” dai, Yeiqsul ge bhiq-a nail ngaol.

“Miqyail-i mail khoel-ai leevq-a nail gaq bhai neema thaq tsaol nail phaq neq, Miqyail nail ganl nl nail phaq pevq nail ngaol” dai, Yeiqsul aqyu juq bhai ge kovq bhiq-a nail ngaol.

Ngaq nail Aqbhu, ngaq bhai khal bivq lavq-a nail tsaol-aq iqsanl mail, ngal jaol nail bha lal naol. Ngal jaol nail bha khal lal nail tsaol-aq bhai, ngal mal dil maq khaonq ha-ail.

Sil moq Bheiqtuvluv ge nail: “Heeqphaq-ol, nv juq khaq sil gaq nail haoqnao gaoq tsao thel aivq nail-aiq. Nq maq maq luv hal yeel doevq nail daoq, naol jaol nail bhai jiav nail ngaol.

Ngal neq, nqtavq kovtavq nee mail lee-a nail khaqmul ngaol. Khaqmul niil neq, aqdoevq bhi doevq lal nail khaqmul ngaol. Khaqmul niil jaq nail tsaol-aq nqmaq maqluv halyeel ya doevq nail ngaol. Miltsaq yaq aqdoevq doevq nia dai, ngaq-i mail bivq-a nail khaqmul niil neq, ngaq nail haqjoil ngaol” dai, ge bhiq-a nail ngaol.

Ngaq bhai khoel-ai leevq lavq-a nail Aqbhu Miqyail-i mail, ngal jaol nail bha, maq hel lavq haq neq, tsaol-aq teevq gaq iqsanl, ngal jaol nail bha maq lal nia-ail. Aqbhu Miqyail-i mail ngal jaol nail bha bhi lal-a nail tsaol-aq bhai, daoq loi loi lai-u n-gaol, ngal gaoq bhi doevq kovq lal naol.

Miqyail nail khaqmul neq, nqtavq kovtavq nee lee khi, miltsaq yaq bhai aqdoevq bhi doevq lal nail khaqmul ngaol” dai, aqyu juq bhai ge bhiq-a nail ngaol.

Ngal neq, aqdoevq bhi doevq lal nail khaqmul ngaol.

Aq-u phao, Yeiqsul khaqmul al oil khi, Miqyail bhai tsiq eeq-a nail ngaol. A bhai nee ngal-aq, jaol deel-nvq thaq nail tsaol-aq al juq bhai, bhi bhoil bhiq-a nail ngaol. Del gil al iqsanl, al hai bhi bhoil bhiq-a nail ngaol. Tsaol-aq iqsanl mail, teevq bov ya jaq-a nail ngaol. Tsaol-aq al juq jaq bov gaq-u phao, “Teevq peivq ail maq ya peivq ail dai, maq jaq gil ail jaiq lal-a nail juq iqsanl mail, gov kovq yaoq” dai, Yeiqsul aivq nail yaq laol juq bhai ge bhiq-a nail ngaol.

Aqyu juq hail lail liq lail bhee dai, laovq e kel aivq-u phao, Yeiqsul ulcuvq kovtavq bhai tsao tsao ail, laovq nail aqjail-ai tsao kel leevq nail bhai aqyu juq ya moel khi, gee sil dee dee lal bhiq-a nail ngaol. “Nul juq thaq gee sil. Ngal ngaol” dai, Yeiqsul aqyu juq bhai ge bhiq-a nail ngaol.