Firim fafu fal Aláemit

<div class="version vid1300 iso6393bqj" data-vid="1300" data-iso6393="bqj">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">B&#250;nogor babu bal atali&#331;a ahu aarat me ni ati&#241;a-ebara ahu</div><div class="p"> 1Mbiban, Y&#233;su nalobil b&#250;nogor baube bi egitenil b&#250;oh guote nihi gulaw n&#225;nonan m&#8217;b&#225;llelenut. 2Naagil : &#171; Bajene n&#8217;&#233;suh ece atali&#331;a &#225;hollut Al&#225;emit, ban &#225;kanumut &#225;noan. 3Bajen d&#243; &#7549;o&#7549; ati&#241;a-ebara ace, nd&#8217;aful n&#8217;&#233;joul &#225;kail atogol tima natali&#331;il o ni ace ; nah&#8217;aagol : &#8220;Utali&#331;&#243;li !&#8221; 4Gunah ni gunah atali&#331;a ahu nah&#8217;alat, bare b&#250;sol naagoro : &#8220;Maagen, &#237;hollut Al&#225;emit, ban &#7549;o&#7549; &#237;kanumut &#225;noan, 5bare nemme ati&#241;a-ebara ahumu umu n&#8217;eyogenom, &#7549;an ibba&#241;enol bako&#331;ol, let mo, mat&#8217;ahat &#233;joul yay iki afumom fuhow.&#8221; &#187;</div><div class="p"> 6Ataw natajen aagil : &#171; Juuwun me balober atali&#331;a ahumu a&#265;olut mee ! 7Min &#7549;ia&#331; Al&#225;emit a&#241;umut esen bako&#331; bugo na&#265;ob me, gavogeol me etufunaha ni efuga tima narambenil ? &#11363;an &#7549;ia&#331; a&#331;aen &#233;ttunil ? 8Inj&#233; ilobul yo : &#7549;an asenil bako&#331; ni majase. Bare no A&#241;ol Arafuhow ajae me &#233;joul, &#7549;an &#7549;ia&#331; atoh ni mof bugan g&#225;inene ? &#187;</div><div class="s">B&#250;nogor babu bal A&#7549;&#225;risie ahu ni ayaba-b&#250;alen ahu</div><div class="p"> 9Y&#233;su natajen alobil b&#250;nogor baube mala bugan guce gajogoroe me bugan ga&#265;ole b&#250;jo&#331;or Al&#225;emit, ban nihi gu&#265;otihen bugagu. 10Naagil : &#171; Baje w&#225;ine g&#250;uba gakae ni g&#225;vi-Al&#225;emit gagu bi galaw : ahu A&#7549;&#225;risie, ahuo ayaba-b&#250;alen. 11A&#7549;&#225;risie ahu n&#225;&#7549;ur jola nalaw jaa guiloilo aah : &#8220;Al&#225;emit, nisali mala min &#237;niut me ti bugagu gaamme &#250;ku, ukana-maarat ni sujobu, ter ti ayaba-b&#250;alen ahumu. 12F&#237;iyay bi ni fupafo, nih&#8217;iowor &#241;ono &#241;&#225;uba, ban nisenesen &#7549;o&#7549; gakib ganur ni wono gu&#241;en ni w&#225;nowan wo nibajulo me.&#8221;</div><div class="p"> 13Bare ayaba-b&#250;alen ahu o nailo r&#225;li, hani eteben g&#250;&#265;ilol mbaa fatiya aka&#241;enut, najoh ni garab min a&#265;agor naah : &#8220;Al&#225;emit, enili erumom, &#237;nje aamme atila.&#8221; &#187;</div><div class="p"> 14Y&#233;su naagil : &#171; Inj&#233; ilobul yo, &#225;ine ahume nabba&#241;ulo bi ya&#331;ol majamore n&#8217;Al&#225;emit, b&#250;li n&#8217;ahumua. Niege : &#225;noan atebenoro me &#7549;an aaleni, bare ahu aalenoro me, o, &#7549;an atebeni. &#187;</div><div class="s">Y&#233;su ni mi&#241;il mamu maputi me</div><div class="r">(M&#225;cie 19.13-14 ; Maruk 10.13-16)</div><div class="p"> 15Bugan bugagu nihi g&#250;&#331;arul u&#241;iaw gaputi me min Y&#233;su agoril. No ulagorol gujuh me d&#225;uru, n&#8217;gunamo ennuril. 16&#209;er Y&#233;su n&#225;lofenul u&#241;iaw aban naah : &#171; Jihat u&#241;iaw n&#8217;g&#250;joul mbal &#237;nje ! Jambi j&#237;firenil yo, mata J&#225;vi Al&#225;emit bugan bugagu g&#225;ni me ti bugo gu&#265;il jo. 17Maagen, &#237;nje ilobul yo : an ayabut me J&#225;vi Al&#225;emit ti a&#241;il ayab jo me, an ahumu m&#225;t&#8217;&#225;mus anogen d&#243;. &#187;</div><div class="s">Y&#233;su ni asanum ahu</div><div class="r">(M&#225;cie 19.16-30 ; Maruk 10.17-31)</div><div class="p"> 18Afan Es&#250;if yay ace naah Y&#233;su : &#171; Aligena-bugan ahu &#225;sum me, wa n&#237;arie ikan min iyab buro&#331; b&#225;baerit ? &#187; 19Y&#233;su naagol : &#171; Nuvogom bu ? As&#250;m me ? Nuffase d&#243;emme wa ? Bajut an &#225;sume &#237;ni let Al&#225;emit o bareol. 20Yoo. Leti nuffase g&#250;bo&#241; gagu gaah me : &#8220;Jamb&#8217;ufilen anaare o j&#237;yavut ; jamb&#8217;umuh an ; jamb&#8217;&#250;kuet ; jamb&#8217;ubij uteh apali ; &#250;kanum &#7549;ai ni jai.&#8221; &#187; 21A&#237;ne ahu naagol : &#171; D&#225;uru &#7549;e n&#237;kanumdokanum k&#225;biri&#331; &#237;nje a&#241;il. &#187; 22No naun me gurim gaugu, Y&#233;su naagol : &#171; &#330;a&#241;oi ekan waf wanur : unnomen wo nubaj me &#7549;e, uban nu&#331;ar s&#237;ralam sasu usen galeh me ; mamu &#7549;an ubaj fubaj n&#8217;&#233;mit ; mbiban n&#250;joul ulagenom. &#187; 23No &#225;ine ahu aun me gurim gaugu, n&#225;gogor mata kakan an abaje fa&#331;.</div><div class="p"> 24No Y&#233;su ajugol me &#225;gogor, naah : &#171; Min t&#225;&#241;i me asanum enogen ni J&#225;vi Al&#225;emit ! 25Fa&#331;e &#233;sum e&#241;okombo &#233;lu ni gasun &#233;guje &#233;&#7549;ur babu asanum enogen ni J&#225;vi Al&#225;emit ! &#187; 26Bugan bugagu gautteneol me n&#8217;guoh : &#171; Ay &#7549;ia&#331; &#241;er &#225;jue ayab ga&#7549;ah ? &#187; 27Y&#233;su naagil : &#171; Wo bugan g&#250;juut me ekan, Al&#225;emit o n&#225;jue. &#187;</div><div class="p"> 28&#209;er &#11363;ier naagol : &#171; Uluj, w&#243;li hum ubuge min jihatulo waf&#243;li &#7549;e min jilageni. &#187; 29Y&#233;su naagil : &#171; Maagen, &#237;nje ilobul yo : In&#237; me an nahale ya&#331;ol, aarol, gutiol, ubugaol, gu&#241;olol mala J&#225;vi Al&#225;emit, 30&#7549;an abaj j&#225;lo fa&#331; wo n&#225;bbur me ni buro&#331; babu baa jama, ban &#7549;o&#7549; &#7549;an ayab buro&#331; b&#225;baerit g&#225;yil gace g&#225;jaeul. &#187;</div><div class="s">Y&#233;su n&#225;fatten aunen e&#265;elol</div><div class="r">(M&#225;cie 20.17-19 ; Maruk 10.32-34)</div><div class="p"> 31Y&#233;su navoh ulagorol gaamme gu&#241;en ni g&#250;uba, aban naagil : &#171; Juutten, ban ujaal bi Y&#233;rusalem, bo wo ubo&#241;er waw guhi&#265; me &#7549;e guya n&#8217;A&#241;ol Arafuhow ujae me ekano. 32&#11363;an gubenol ni gu&#241;en gaa bugan bugagu galet me Es&#250;if, &#7549;an gujelol n&#8217;g&#250;latienol, ban n&#8217;gumasenol. 33&#11363;an gutegol gusoh gal uba&#331;, guban n&#8217;gumugol. Bare funah f&#250;fatten, &#7549;an ailo ni ga&#265;et me. &#187; 34Bare ulagorol gujogut w&#225;fowaf ni gurim gaugu mata gumomo&#265; n&#8217;uinumil ; yo e&#265;il me g&#250;juut guffas wa Y&#233;su aamil n&#8217;elob.</div><div class="s">Y&#233;su o n&#8217;esen &#225;pima gahoy</div><div class="r">(M&#225;cie 20.29-34 ; Maruk 10.46-52)</div><div class="p"> 35No Y&#233;su alof me &#233;suh yay yaa S&#233;riko, ni baj &#225;pima ace anamoe galam bulago babu n&#225;ni n&#8217;g&#250;cin. 36Ap&#237;ma ahu naun fuyo&#331; fafu min f&#250;gale me, naroren wa ubaje. 37N&#8217;gugitenol b&#250;oh Y&#233;su ala Nasaret aam to n&#8217;&#233;gat. 38&#209;er naah fatiya : &#171; Y&#233;su, A&#241;ol David, enili erumom ! &#187; 39Bugan bugagu gayab me gayo&#331; n&#8217;gunnurol n&#8217;guogol a&#7549;anor, bare a&#265;ila nafa&#331; nalobe fatiya aah : &#171; A&#241;ol David, enili erumom ! &#187; 40&#209;er Y&#233;su nailen aban nabo&#241; gu&#331;arulol o. No &#225;pima ahu alofulo me, Y&#233;su narorenol : 41&#171; Wa numa&#331;e ikani ? &#187; Naagol : &#171; Ataw, ukan min ibba&#241; ijuh. &#187; 42&#209;er Y&#233;su naagol : &#171; Ubba&#241; ujuh, g&#225;ineni gu&#7549;ageni. &#187; 43To baenah nabba&#241; ajuh, aban nalagen Y&#233;su n&#8217;esal Al&#225;emit n&#237;moro. No fuyo&#331; fafu &#7549;e fujuh me d&#225;uru, ni funamo may esal Al&#225;emit.</div>
 </div>
 </div>
</div>

Mbiban, Yésu nalobil búnogor baube bi egitenil búoh guote nihi gulaw nánonan m’bállelenut. Naagil : « Bajene n’ésuh ece ataliŋa áhollut Aláemit, ban ákanumut ánoan. Bajen dó ᵽoᵽ atiña-ebara ace, nd’aful n’éjoul ákail atogol tima nataliŋil o ni ace ; nah’aagol : “Utaliŋóli !” Gunah ni gunah ataliŋa ahu nah’alat, bare búsol naagoro : “Maagen, íhollut Aláemit, ban ᵽoᵽ íkanumut ánoan, bare nemme atiña-ebara ahumu umu n’eyogenom, ᵽan ibbañenol bakoŋol, let mo, mat’ahat éjoul yay iki afumom fuhow.” »
Ataw natajen aagil : « Juuwun me balober ataliŋa ahumu aĉolut mee ! Min ᵽiaŋ Aláemit añumut esen bakoŋ bugo naĉob me, gavogeol me etufunaha ni efuga tima narambenil ? Ᵽan ᵽiaŋ aŋaen éttunil ? Injé ilobul yo : ᵽan asenil bakoŋ ni majase. Bare no Añol Arafuhow ajae me éjoul, ᵽan ᵽiaŋ atoh ni mof bugan gáinene ? »

Yésu natajen alobil búnogor baube mala bugan guce gajogoroe me bugan gaĉole bújoŋor Aláemit, ban nihi guĉotihen bugagu. Naagil : « Baje wáine gúuba gakae ni gávi-Aláemit gagu bi galaw : ahu Aᵽárisie, ahuo ayaba-búalen. Aᵽárisie ahu náᵽur jola nalaw jaa guiloilo aah : “Aláemit, nisali mala min íniut me ti bugagu gaamme úku, ukana-maarat ni sujobu, ter ti ayaba-búalen ahumu. Fíiyay bi ni fupafo, nih’iowor ñono ñáuba, ban nisenesen ᵽoᵽ gakib ganur ni wono guñen ni wánowan wo nibajulo me.”
Bare ayaba-búalen ahu o nailo ráli, hani eteben gúĉilol mbaa fatiya akañenut, najoh ni garab min aĉagor naah : “Aláemit, enili erumom, ínje aamme atila.” »
Yésu naagil : « Injé ilobul yo, áine ahume nabbañulo bi yaŋol majamore n’Aláemit, búli n’ahumua. Niege : ánoan atebenoro me ᵽan aaleni, bare ahu aalenoro me, o, ᵽan atebeni. »


Bugan bugagu nihi gúŋarul uñiaw gaputi me min Yésu agoril. No ulagorol gujuh me dáuru, n’gunamo ennuril. Ñer Yésu nálofenul uñiaw aban naah : « Jihat uñiaw n’gújoul mbal ínje ! Jambi jífirenil yo, mata Jávi Aláemit bugan bugagu gáni me ti bugo guĉil jo. Maagen, ínje ilobul yo : an ayabut me Jávi Aláemit ti añil ayab jo me, an ahumu mát’ámus anogen dó. »


Afan Esúif yay ace naah Yésu : « Aligena-bugan ahu ásum me, wa níarie ikan min iyab buroŋ bábaerit ? » Yésu naagol : « Nuvogom bu ? Asúm me ? Nuffase dóemme wa ? Bajut an ásume íni let Aláemit o bareol. Yoo. Leti nuffase gúboñ gagu gaah me : “Jamb’ufilen anaare o jíyavut ; jamb’umuh an ; jamb’úkuet ; jamb’ubij uteh apali ; úkanum ᵽai ni jai.” » Aíne ahu naagol : « Dáuru ᵽe níkanumdokanum kábiriŋ ínje añil. » No naun me gurim gaugu, Yésu naagol : « Ŋañoi ekan waf wanur : unnomen wo nubaj me ᵽe, uban nuŋar síralam sasu usen galeh me ; mamu ᵽan ubaj fubaj n’émit ; mbiban nújoul ulagenom. » No áine ahu aun me gurim gaugu, nágogor mata kakan an abaje faŋ.
No Yésu ajugol me ágogor, naah : « Min táñi me asanum enogen ni Jávi Aláemit ! Faŋe ésum eñokombo élu ni gasun éguje éᵽur babu asanum enogen ni Jávi Aláemit ! » Bugan bugagu gautteneol me n’guoh : « Ay ᵽiaŋ ñer ájue ayab gaᵽah ? » Yésu naagil : « Wo bugan gújuut me ekan, Aláemit o nájue. »
Ñer Ᵽier naagol : « Uluj, wóli hum ubuge min jihatulo wafóli ᵽe min jilageni. » Yésu naagil : « Maagen, ínje ilobul yo : Iní me an nahale yaŋol, aarol, gutiol, ubugaol, guñolol mala Jávi Aláemit, ᵽan abaj jálo faŋ wo nábbur me ni buroŋ babu baa jama, ban ᵽoᵽ ᵽan ayab buroŋ bábaerit gáyil gace gájaeul. »


Yésu navoh ulagorol gaamme guñen ni gúuba, aban naagil : « Juutten, ban ujaal bi Yérusalem, bo wo uboñer waw guhiĉ me ᵽe guya n’Añol Arafuhow ujae me ekano. Ᵽan gubenol ni guñen gaa bugan bugagu galet me Esúif, ᵽan gujelol n’gúlatienol, ban n’gumasenol. Ᵽan gutegol gusoh gal ubaŋ, guban n’gumugol. Bare funah fúfatten, ᵽan ailo ni gaĉet me. » Bare ulagorol gujogut wáfowaf ni gurim gaugu mata gumomoĉ n’uinumil ; yo eĉil me gújuut guffas wa Yésu aamil n’elob.


No Yésu alof me ésuh yay yaa Sériko, ni baj ápima ace anamoe galam bulago babu náni n’gúcin. Apíma ahu naun fuyoŋ fafu min fúgale me, naroren wa ubaje. N’gugitenol búoh Yésu ala Nasaret aam to n’égat. Ñer naah fatiya : « Yésu, Añol David, enili erumom ! » Bugan bugagu gayab me gayoŋ n’gunnurol n’guogol aᵽanor, bare aĉila nafaŋ nalobe fatiya aah : « Añol David, enili erumom ! » Ñer Yésu nailen aban naboñ guŋarulol o. No ápima ahu alofulo me, Yésu narorenol : « Wa numaŋe ikani ? » Naagol : « Ataw, ukan min ibbañ ijuh. » Ñer Yésu naagol : « Ubbañ ujuh, gáineni guᵽageni. » To baenah nabbañ ajuh, aban nalagen Yésu n’esal Aláemit nímoro. No fuyoŋ fafu ᵽe fujuh me dáuru, ni funamo may esal Aláemit.

ฟัง Lík 18