ข้อพระคัมภีร์ยอดนิยมจาก MATHIU 6

แบ่งปัน

Ere noma khebeng thôanko Joban Hahsông pa benglem mêngen, ngale atema newah hun ehèn moatlem heh momêngen, erediko nema lemeken chentôpa atema ekohhèn.

Erohwah nèneprãng neksekmah en; nènep rangwopa atedede nènep ko esekmah a. Thejâ rãngma sekmah en, rangwo roakweih mâmâ sekmah demnâng ehûra.

“Erohwah ngama thôkoh eka, chenni jokphhek chhah lihma hîn ajômin a ngama neksekmah en, erediko ne phoangko poh athok khet akhurãng memin neksekmah en. Jokphhek chhah noma phoangpa adong ledangne? ngale khet akhu noma phoangpa adong ledangne?

Chenthu nema rangsoamko, humkhen nâng wãngletma kâsek sekletma mitma lekhe ne Wa Joban nâng soam en, ngale ne Wa Joban ma ahuh chhama moatpa khelahma nenâng rang ekohhèn.

Nema, rangsoampa, aroh soamen: ‘Rangkhethung wah nikhu Wa: Nangmîn pa Asâthôan; Nang Hahsông karo; Rangkhethung wah rãngrãng hahkho komin Nanghung junko chendanga.

Thejâ nima lem eki phhekchhah pa chohkohhi.

Nirãngma kaamchhih moatte hehnâng nima mapkoh eki rãngrãng, Nipap heh map kohhi.

Achhih nâng hung nektoanthuk hi, Juchhih wah pânghi.’

“Nerãngma kaamchhih moatte hehnâng, nema map mekoh enko, rangkhethung wah ne Wa Joban memin nenâng map ekohhèn.

Wo hehnâng sûtan en: Thinma chenmin khiet alimah, ngale pum nângmin khôankhen thienmah; rohkomin rangkhethung wah ne Wa Joban ma sûare wakeka! Nea wo heh noma ajahthem thãchaan ledangne?

“Hahtokkhoh ko techhu dângrãng nekkhôanjôan en, dõng ngale chhinma ethôan chhihphhek a, ngale ahuhte ma chhihsiet lahma ehuh a. Ere noma rangkhethung nâng techhu dângrãng khôanjôan en, enâng dõng ngale chhin memin tachhihsiet mah, ngale ahuhte memin chhihsiet lahma tahuhmah. Erohwah chenko ne ngun akem heh thien eken a, ereko nehung nerin min edanga.

“Henjô tângte wanii haa tadang mah; atema watheko chhihchoh erea, ngale watheko sênchoh erea; wathe nginpa senthemthem ekep a, ngale wathe nginpa lekep edanga. Nema Joban ngale ngun akem wanniinii taroam khoakhem met.

Joban ma wunwah hin hehnâng khet akhu kepkoh eka - hinpa thejâ metong akomin, nènep ko wennâng rokthhekmin. Atema nenâng jãtanga erenoma ajah khet akhu lekep kohminne? Ne dâlempa atôrînne!

Rohkomin nema tangchhih hehnâng mechohsû enko, ne lemruchha asenthôan pummemin lejetli mo en. Nema chohsû eken pa henmejô lejetli mo en. Eroh koba nema ahuh chhama, moeken pa ne Wama, khelahma erethã nenâng rang ekohhèn.

“Nema mihnâng chohsok moatlem memo enko mihhehma chenkhehi ngama thonghun letma nok atang chhangko nekmo en. Nema ere moatlempa mihmathah ko memo enko, nema rangkhethung wah newa Joban wah chenjô lechohmin.

“Chenthu nema lejok lechhah thangma rangsoamko, ahuhkhoanglep heh rãngrãng thhen khukhu nekdangen. Mihnyan hehma lejok lechhah thangma rangsoam pa chenkhehi ngama thinma thhenphãng litsiet wakeka. Ngama nginlinlin thôkoh eka, thinma chohthin pa phangtang râchohtah. Chenthu ne lejok lechhah thangma rangsoamko, thhenmut ngale khopa khit re en, Eroh koba nema lejok lechhah thangma rangsoam pa mihma lejetmin - mitma lekhe, ne Wa Joban, meloloba ejet a. Ngale nema ahuh chhama moeken pa ne Wa Joban ma khelahma, nenâng rang ekohhèn.