ข้อพระคัมภีร์ยอดนิยมจาก ᒉᓂᓯᔅ 8

แบ่งปัน

ᑳᑎᐯᒋᑫᒡ ᑕᔥ ᐁᑮ ᒥᓈᑕᕽ ᐃᐃ ᐸᑭᑎᓈᓱᐎᓐ, ᐐᑫ ᑮᒥᓉᑕᒻ᙮ ᒦᑕᔥ ᑳᐃᑎᓱᒡ, ᑳᐐᓐ ᒦᓇᐙ ᐐᑳ ᓂᑲ ᒪᒐᑭᑕᓰᓐ ᐅᐅ ᐊᑭ, ᐋᓇᐐᓐ ᐃᓂᓂ ᐊᐸᓂᑯ ᐁᐱ ᐅᔥᑳᑎᓯᒡ ᐁᐅᒋ ᒪᒋᐃᓀᑕᕽ ᐅᑌᐃᕽ᙮ ᑳᐐᓐ ᐐᑳ ᒦᓇᐙ ᓂᑲ ᓂᔑᐗᓈᒋᑑᓰᓐ ᐱᒫᑎᓯᐎᓐ ᐅᐅ ᑳᑮ ᐃᔑᒋᑫᔮᓐ᙮ ᒥᓂᒃ ᐃᑕᔥ ᑫᐊᑮᐗᕽ, ᑕᑭᑎᑫᓈᓂᐗᓐ, ᑕᒨᓇᐃᑫᓈᓂᐗᓐ ᑲᔦ᙮ ᑕᑭᓯᓈ, ᑕᑭᔑᑌ, ᑕᐱᐴᓐ, ᑕᓃᐱᓐ ᑲᔦ, ᑳᑮᔑᑲᒃ, ᑳᑎᐱᑲᒃ ᑲᔦ ᑳᐐᓐ ᐐᑳ ᑕᐴᓂᓭᓯᓅᓇᓐ᙮

ᓅᐗ Noah ᑕᔥ ᐅᑮ ᐅᓈᐱᑭᓈᓐ ᐙᑕᔑ ᐸᑭᑎᓈᓲᑕᒪᐙᒡ ᑳᑎᐯᒋᑫᓂᒡ᙮ ᐅᑮ ᑲᑮᑭᓈᐞ ᑲᑭᓇ ᐯᔦᑭᓯᓂᒡ ᐊᔭᐋᐎᔕᐞ, ᐱᓀᔒᔕᐞ ᑲᔦ, ᐁᑮ ᒑᑭᓴᒪᐙᒡ ᑳᑎᐯᒋᑫᓂᒡ ᑭᑭ ᒥᓯᐌ ᐊᔭᐋᐎᔕᐞ ᐁᑮ ᐃᔑ ᐸᑭᑎᓈᓲᑕᒪᐙᒡ ᐃᐃᒫ ᑳᑮ ᐃᔑ ᐅᓈᐱᑭᓂᑫᒡ᙮

ᑭᔐᒪᓂᑑ ᐅᑮ ᒫᒥᑲᐎᓄᑕᐙᓐ ᓅᐗᐗᓐ Noah ᐃᐃ ᑲᔦ ᑲᑭᓇ ᐊᔭᐋᐎᔕᐞ ᑳᑮ ᐐᒋ ᐴᓰᒥᑯᓂᒡ ᐃᐃᒫ ᑭᒋ ᒌᒫᓂᕽ᙮ ᑭᔐᒪᓂᑑ ᑕᔥ ᑮᐃᔑᒋᑫ ᒋᑭᒋ ᓅᑎᓂᓂᒃ ᐅᐅᒫ ᐊᑮᕽ, ᒦᑕᔥ ᑳᐃᔑ ᒫᒌ ᐃᔅᑲᑌᓂᒃ᙮

ᐁᐊᓂ ᐅᓈᑯᔑᓂᓂᒃ ᑕᔥ ᐅᑮ ᐱᑮᐌ ᓈᓯᑳᑰᓐ ᐅᒦᒦᓐ ᐁᑮ ᑕᑾᑕᒥᓂᒡ ᐅᔥᑭ ᐋᓬᐃᑉ ᑎᓄᐎᐸᒃ ᐸᔦᔥ ᐃᑯ ᐁᑮ ᒪᓂᐱᑑᓂᒡ᙮ ᒦᑕᔥ ᓅᐗ ᑳᑮ ᐅᒋ ᑭᑫᑕᕽ ᐋᔕ ᓂᐱ ᐁᑮ ᐊᓂ ᐃᔅᑲᑌᓂᕽ᙮