ข้อพระคัมภีร์ยอดนิยมจาก Salmau 18

แบ่งปัน

Caraf di, Arglwydd, fy nghryfder, fy nghraig a’m gwaredydd, Duw yw fy nghraig lle llochesaf, fy nghaer, fy achubydd. Gwaeddaf ar Dduw, Cans fy ngwaredwr i yw Rhag fy ngelynion aflonydd.

Ti sy’n goleuo fy llusern, yn troi nos yn nefoedd. Trwot ti neidiaf dros fur a goresgyn byddinoedd. Tarian o ddur, Profwyd ei air ef yn bur. Perffaith yw Duw’n ei weithredoedd.

Caraf di, Arglwydd, fy nghryfder, fy nghraig a’m gwaredydd, Duw yw fy nghraig lle llochesaf, fy nghaer, fy achubydd. Gwaeddaf ar Dduw, Cans fy ngwaredwr i yw Rhag fy ngelynion aflonydd.

Pan oedd marwolaeth a distryw yn clymu amdanaf, Gwaeddais yn daer yn fy ngofid ar Dduw y Goruchaf. Clywodd fy llef O’i deml lân yn y nef. Clywodd fy ngwaedd a daeth ataf.

Ti sy’n goleuo fy llusern, yn troi nos yn nefoedd. Trwot ti neidiaf dros fur a goresgyn byddinoedd. Tarian o ddur, Profwyd ei air ef yn bur. Perffaith yw Duw’n ei weithredoedd.

Pwy ond ein Duw ni sydd graig? Pwy sydd Dduw ond yr Arglwydd? Rhydd imi nerth, ac fe’m tywys ar lwybrau perffeithrwydd. Trwy’i rym fe wnaed Fel carnau ewig fy nhraed: Troediaf fynyddoedd mewn sicrwydd.

Byw yw yr Arglwydd fy Nuw, ac y mae’n fendigedig. Bydded y Duw sy’n rhoi dial i mi’n ddyrchafedig. Gwaredodd fi Rhag fy ngelynion di-ri A’m gwrthwynebwyr ystyfnig.