ข้อพระคัมภีร์ยอดนิยมจาก Yohana 14

แบ่งปัน

Nalīmulekela mhola; nalīng'winha mhola yane. Ūmo nalīng'winhīla ītī gīt'ūmo sī īkinhīlaga. Yaya ū kūtawa-tawa ū mu ngholó jing'we, yaya nū kogoha!

Nanghwe ū Yesu ūng'wīla gīkī, “Ū nene hū nalī Nzīla na Nghana na Būpanga; atīho wa kwiza kūlī Baba ūlū atabītile mulī nene.

“Yaya ū kūtawa-tawa ū mu ngholó jing'we; īkī munzunije ū Mulungu nizunyagi nū nene.

Alīyo ū Ngunaani, ū Moyo Ng'wela, ūyo Baba akūntūma mu lina lyane, ū ng'wenūyo hū ng'wene akūmulanga na kūng'wizūkīja pyī īyo nalīmuwīla.

Ūyo alī nasho ī shilagīlo shane na ashidimile, anitogilwe ū ng'wenūyo; hama ūyo anitogilwe akūbiza nganja ū kūlī Baba, nū nene nakūntogwa, hangī nakwiyoolecha ū kūlī we.”

Hūna nane nakūnomba ū Baba ang'winhe Ngunaani ūngī, ūyo akwikala hamò ning'we welelo na welelo. Ū ng'wene alī Moyo wa nghana; ūyo ītadūgije kūng'wanukūla ī sī; nguno ītūdūla ū kūmona, nūūlū ū kūng'witegeleja. Alīyo a bing'we mung'witegelegije nguno akwikalaga hamò ning'we, na hangī akūbiza mu bing'we.

Nīyo shose-shose īsho mukūlomba mu lina lyane nakūshīta, gīkī ū Baba akūjiwe ū mulī Ng'wana. Shose-shose īsho ng'ūnilomba mu lina lyane nakūshīta.”

“Ūlū ng'ūnitogwa mukūshidima ī shilagīlo shane.

Ū mu kaya ya ng'wa Baba būlīmo wikalo wingī; ūlū ni ītī chene ni naamuwīlile. Nalīja kūmulonja-longeja ipandī!

Hūna lūūlū īkī nalīja kūmulonja-longeja ipandī, nakwiza hangī namusole namutwale ūko nalī ū nene, ībize gīkī aho nalī ū nene na a bing'we mubize henaho.

Tomaso ūng'wīla, “Seeba a bise tūtamanile ūko ūlīja, tūkwīmana ginehe ī nzīla?”