ข้อพระคัมภีร์ยอดนิยมจาก Yohana 19

แบ่งปัน

Ū Yesu aho wabūng'wa ū būgota wenūbo ūhaya, “Yashila!” Winamya ū ntwe ūgūfunya ū moyo gokwe.

Ha numa ya yenīyo, ū Yesu aho wamana gīkī yashikana pyī ī yose shishikīlījiwe ī shandīkwa, ūhaya; “Nakolwa notà.”

Ū Yesu ūmona ū nina wīmīīlaga hihī nū nghemba ūyo walī antogilwe; ūng'wīla gīkī, “Mayū nolage ū ng'witūnja wako.” Nū nghemba ūng'wīla gīkī, “Ndīlīlage ū noko!” Na nghana kūfuma ikanza lyenīlo ū nghemba ng'wenūyo ūja nanghwe kū ng'wakwe.

Alīyo aho bashika a halī Yesu, būbona gīkī walī wamala kūcha, būleka ū kūmīnza a magūlū gakwe. Kwike ūmò wa bashilikale ūnchima n'ichimu lyakwe mu lūbazu; haho na haho gidīka mininga na minzī!

Ī yenīyī īkaja gīko kūlwa kūshikīlījiwa kwa shandīkwa īsho shihayile gīkī, “Iguha lyakwe lītūbīnzwa.” N'ipandī līngī shihayile gīkī, “Bakūng'wiloleela ūyo bakanchima!”

Nūwe waja wibūūkījaga ū nsalaba gokwe, ūūkashika h'ipandī līkitanagwa lūpanga: ū mu Shihebulania Goligota.

A bashilikale nabo baalī babeeja ngikili ya minghwa, būnzwalīkīja ū kū ntwe, būngumīīla na līshizwalo lya nzulunge.