ข้อพระคัมภีร์ยอดนิยมจาก Pemungkal 3

แบ่งปัน

Lebuh indu nya meda buah kayu nya manah ke pemakai sereta manah dipeda, lalu tau ngasuh pintar, iya lalu makai buah nya. Iya mega meri sekeda buah nya ngagai laki iya, ke bisi enggau iya, lalu laki iya mega makai buah nya.

Nyadi ular nya jelu ti pintar agi ari semua jelu bukai ti udah digaga TUHAN Allah Taala. Ular nya lalu bejaku ngagai indu nya, “Kati amat Allah Taala enda nyagi seduai makai buah ari semua kayu ti dalam kebun tu?”

Aku deka ngasuh nuan enggau indu tu begedika pangan diri. Anak iya enggau anak nuan deka seruran bemunsuh enggau pangan diri. Anak iya deka ngeredakka pala nuan, lalu nuan deka mantuk tumbit anak iya.”

TUHAN Allah Taala lalu bejaku ngagai indu nya, “Aku deka nambahka pemerinsa nuan lebuh nuan ngandung, lalu nambahka pemedis nuan lebuh nuan beranak, tang taja pia, nuan deka seruran inginka laki nuan, lalu iya deka bekuasa atas nuan.”

Nuan deka bepeluh tusur ngulihka asil ari tanah, nyentuk ngagai maya nuan pulai baru ngagai tanah, laban nuan endang ditempa ari tanah. Nuan endang digaga ari amau, nya alai ngagai amau meh nuan pulai.”

TUHAN Allah Taala lalu bejaku ngagai lelaki nya, “Laban nuan udah mendingka jaku bini nuan, lalu udah makai buah ti enda disagi Aku, nya alai tanah deka kena sumpah, lalu nuan deka bebendar gawa ngulihka pemakai ari tanah seumur nuan idup.

TUHAN Allah Taala lalu nanya iya, “Sapa madahka nuan telanjai? Kati nuan bisi udah makai buah ti enda disagi Aku empa nuan?”

Udah nya TUHAN Allah Taala ngengkahka melikat cherubim enggau pedang ti beapi-api, ti mantap kia-kia, ba tisi timur kebun nya kena nyaga jalai ngagai kayu pengidup nya.

Adam ngumbai bini iya Awa, laban iya indai semua mensia.