ข้อพระคัมภีร์ยอดนิยมจาก Sant Marc 13

แบ่งปัน

Hag e viot kaseet gant an holl abalamour d’am hano, mes an hini a gendalc’ho beteg ar fin, hennes a vezo salvet.

Likit evez, veillit ha pedit; rag na ouzoc’h ket peur e teuio an amzer‐ze.

Hogen, pa gassint ac’hanoc’h evit ho livra, na vezit ket en poan da c’houzoud araog petra ho pezo da lavaret, ha na choumit ket da zonjal e kement‐se; mes livirit ar pez a vezo roet deoc’h da lavaret en heur‐ze; rag n’eo ket c’houi a gomzo, mes ar Spered‐Santel.

An env hag an douar a dremeno; mes va c’homzou‐me na dremenint ket.

Evit ar pez a zell an deiz hag an heur‐ze, den na anavez anezhe, nag an elez a zo en env, nag ar Mab? nemed an Tad hep‐ken.

Hogen, pa glevot komz a vrezel hag a vrud‐brezel, na vezit ket troublet; rag red eo da gement‐se c’hoarvezout; mes ne vezo ket c’hoas ar fin.

Beillit eta, rag na ouzoc’h ket peur e teuio mestr an ti, pe d’an abardaez, pe da hanter‐noz, pe pa gano ar c’hilloc, pe deuz ar mintin; gant aoun, oc’h erruout en eun taol, ne vec’h kavet ganthan kousket. Hogen, ar pez a lavaran, hen lavaret a ran d’an holl: Beillit.

Rag sevel a rai eur bobl a‐enep eur bobl all, hag eur rouantelez a‐enep eur rouantelez all; ha beza e vezo krenamanchou‐douar e meur a leac’h ha kernez, ha trubuil. An traou‐ze a zo ar gommansamant euz ar poaniou.

Mes da genta eo red ma vez prezeget an Aviel d’an holl nationou.

Rag dond a rai kalz em hano hag a lavaro: Me eo ar C’hrist; ha kalz a vezo tromplet ganthe.

Mes likit evez ouzoc’h hoc’h‐unan; rag kas a raint ac’hanoc’h dirag an tribunaliou hag ar sinagogou; skourjezet e viot, ha kasset abalamour d’in dirag ar gouarnerien hag ar rouane, evit rei testeni d’in dirazhe.

Rag sevel a rai Christed faos ha fals profeted, hag e raint miraclou ha burzudou evit trompla memeus ar re choazet ma vije gallet.

En deiziou‐ze goude an dribulation‐ze, an heol a devalaio, hag al loar na roio ket he sclerijen; ar stered a gwezo euz an env, hag ar puissansou a zo en envou a vezo bransellet.