ข้อพระคัมภีร์ยอดนิยมจาก Matayo 6

แบ่งปัน

Kyaindi pfulenyi kuwooka Wumangyi wokye, na wusumganyi wokye; na isho shoose mochiengyeṟio.

Kyasia mulakuwinishe na sha ngama; kyipfa ngama yekuwinia imonyi. Kyishikyie ikuwinisha orio mfiri na ngyuukyiwa tsa mfiri-cho.”

Kyipfa kya ikyo ngammbia, mulawinie moo yanyu, mulye kyi ang'u munyo kyi; maa mmbiu yanyu muṟaae kyi. Moo chi ngoseṟa ya kyelya, na mmbiu chi ngoseṟa ya kyindo kyeṟaa?

Kyaindi iyoe kyiyeri-kyo uiterewa, iṙa na kyiṟinyi kyapfo uwiirie moongo, na komshinga moongo opfo, uterewe mbele ya Awu-yopfo akyeri handu hakuṟiikyie; na Awu-yopfo ekyewona maa shilya shikuṟiikyie nechikuenenga iṟikoso.

Kyasia nyoe terewenyi kuṙi, ‘Awu-yoṙu ukyeri ruwewu, Rina lyapfo lyitano lyiele, Wumangyi wopfo wuche, kyindo ukundi kyiṟundikye, iha wuyanenyi cha kulya ruwewu.

Uluenengye kando kaṙu inu.

Uluhooṟie maṙeko gaṙu, chandu na soe lokyehooṟia walya wekyeluṙekyio.

Na ulaluṙuo kyiyeshionyi, kyaindi ulukyiṟe ngyeṟo tsa ulya mmbicho. [Cha kyipfa Wumangyi nyi wopfo, na pfinya, na mng'ano, mṟasa mlungana. Amen.’ ”]

“Cha kyipfa mukohooṟia wandu maṙeko gawo, na Awu-yonyu o ruwewu nechimuhooṟia nyoe.

Ambuyenyi shileye sha ngyinenyi kye shekyeṙonga-pfo, maa shekyesambuo-pfo, maa shekyesania kyikumbinyi-pfo; na awu-yonyu o ruwewu nekyeshiembeṟa shoose. Nyoe muwoṙe woguru wung'anyi kuta shileye-sho-pfoe?

“Mulakoome shindo sha woguru kyipfa kyanyu iha wuyanenyi, handu mashinu na koṟa shekyenyamaṟa, na mbafu tsekyefunja na iiwa. Kyaindi koomenyi shindo sha woguru kyipfa kyanyu ruwewu, kulekyenyamaṟika kyindo kyipfa kya mashinu maa koṟa, maa mbafu tsilekyefunja na iiwa. Kyipfa handu kyindo kyapfo kya woguru kyikyeri na ho-ndu na mrima opfo ochikaa.”

“Kuwoṙe mndu echiiṙima iṟundia wandumii wawi-pfo; cha kyipfa nechisuo ichu, na ikunda ichu; ang'u nechikuwaṙa na ichu na imina ichu. Moiṙima iṟundia Ruwa na masaa-pfo.

Kyasia, kokooya Ruwa nekyeṟika kuṙo melyi tsa maṟa gai ho inu na ngama gakawiyitso moṙonyi, ngyesa echimṟika nyoe lya ngoseṟa, nyoe wa iiṙikyia lyifofo-pfoe?

Ny'kyaloi, ngammbia, wammbona wori wowo. Kyaindi kyiyeri iyoe uienengyia kyiano kyesaṟia, maa kuwoko kopfo ko kumoso kulamanye kyindo kuwoko kopfo ko kulyoe kuiṟunda. Kyiano kyapfo kyesaṟia kyiwe kui kyiṟika; na Awu-yopfo ulya ekyewona maa shilya shikuṟiikyie nechikuenenga iṟikoso.”

“Mulaloṟe wucha wonyu mbele ya wandu, kundu wamuambuye. Kyipfa mukoṟunda muṙo, mowona wori ko Awu-yonyu akyeri ruwewu-pfo.

“Ngoseṟa kyiyeri moṙumbuo ikuretekyia kundu muṟumishe Ruwa, mulawe cha wakulembecheṟi wawoṙe shaam shiwoṙe nzineeri. Kyipfa wekyenyamaṟa shaam shawo, kundu wawono nyi wandu kye wailya maa inyo-pfo. Ny'kyaloi ngammbia, wamuambilyia wori wowo. Kyaindi iyoe kyiyeri okuretekyia, kushie mafuṙa mṙoenyi, usambe kyaam; kundu ulawono nyi wandu kye nokuretekyia, sile nyi Awu-yopfo akyeri handu hakuṟiikyie, na Awu-yopfo ekyewona maa shilya shikuṟiikyie nechikuenenga iṟikoso.”