ข้อพระคัมภีร์ยอดนิยมจาก Иоанница бицараб Рохалил хабар 8

แบ่งปัน

Гьадинаб вагӏза-насихӏатги гьабуна Гӏисаца гьезие: – Дун вуго гьаб дуниялалъул Нур. Дида нахъвилълъарав цониги чи бецӏлъуда хьвадизе гьечӏо. Гӏумру гвангъизабулеб Нур гьесда цадахъ букӏине бугелъул.

Хӏакъабщинаб лъала нужеда, ва гьелъ нуж тархъан гьарила.

Жинде иман лъурал ягьудиязда Гӏисаца абуна: – Дир рагӏи нужеца рекӏелъ цӏунани, унго-унгоял дир муридал рукӏина нуж.

Васас тархъан гьаруни, хӏакъикъаталдаги тархъанлъила нуж.

Нахъеги гьез добго суал кьедал, тӏаде ворхун, гьес абуна: – Нужеда гьоркьоса цониги мунагь гьабичӏев чияс речӏчӏе гьелда тӏоцебе гамачӏ.

Гӏисаца жаваб кьуна: – Хӏакълъун абулеб буго дица нужеда: мунагь гьабуравщинав чи ккола мунагьалъул лагъ.

Тӏаде ворхун, Гӏисаца гьелда гьикъана: – Йо, чӏужугӏадан, кире арал дол? Цониги чи хутӏичӏевищ дуе тамихӏ гьабизе? – Хутӏичӏо, Бетӏерчӏахъад, – абун жаваб кьуна гьелъ. Гӏисаца гьелда абуна: – Дицаги гьабиларо дуе тамихӏ. А дурго гьанже. Гьанжеялдаса хадуб тӏокӏаб мунагьги гьабуге.]