ข้อพระคัมภีร์ยอดนิยมจาก Лукаца бицараб Рохалил хабар 17

แบ่งปัน

Цинги гьесда абуна: – Вахъа тӏаде, а гьанже, дурго божи-иманалъ хвасар гьавунин мун.

Къода жаниб анкьго нухалъ гьес дуе квешлъи гьабуниги, анкьабго нухалъ духъе вачӏун, гьес жив рекӏекълъанилан абуни, – тӏасалъугьа гьесдаса.

Живго сахлъун вукӏин бихьун, гьезул цояв, ахӏунго ахӏун Аллагьасе рецц гьабулаго, тӏадвуссун вачӏана. Цинги, Гӏисал хӏатӏазда цеве накалдаги чӏун, гьесие баркала кьуна. Гьевни Самариялдаса чи вукӏана.

Ворегиха, нуж гьелдаса цӏуне. Вацас дуе квешлъи гьабуни, гьесие бадибчӏвай гьабе. Гьев рекӏекълъани, тӏасалъугьун те.

Гӏисаца гьесда абуна: – Нужер анцӏавго сахлъичӏевищ? Дов ичӏавго кивеха арав?

Тӏадегӏанав Гӏисаца абуна: – Горчицаялъул хьодул мугьгӏанасеб божигун нужеца гьаб инжиралъул гъотӏода абуни, кьолболъа бахъун ун доба ралъдал бакьулъ чӏаян, нужер амру гьелъ тӏубазабилаан.

Жиндирго гӏумру цӏунизеян лъугьарав чи гьелдаса махӏрумлъила; жиндирго гӏумруялдаса махӏрумлъизе разилъарас гьеб хвасар гьабила.

Жиндирго муридазда Гӏисаца абуна: – Инсан мунагьалъукье ккезавулеб жо дуниялалда лъугьинчӏого букӏунаро, амма кӏудияб балагьги гӏазабги – гьеб босун вачӏарав чиясе. Дида божулезда гьоркьоса цониги лъимер гӏадинав пулан мунагьалде цӏазегӏан, гьесие лъикӏаб букӏинаан, гьобоги горбода бухьун, ралъдалъе рехани.

Нухӏ аварагасул заманаялъ ккараб гӏадаб иш ккезе буго Гӏадамил Лъимадул заманаялъги. Квана-гьекъолел рукӏана, лъудби рачунел, россабазе унел рукӏана гӏадамал Нухӏ гамида жаниве лъугьинегӏан. Цинги тӏупан тӏуна ва тӏолабго махлукъат лъадалъ гъанкъана.