ข้อพระคัมภีร์ยอดนิยมจาก Матфейица бицараб Рохалил хабар 27

แบ่งปัน

Сагӏат лъабго тӏубалеб мехалъ, цо гучаб гьаракь гьабун, ахӏана Гӏисаца: – Эли, Эли! Лема шевактани! – абун. (Гьелъул магӏна букӏана: «Дир Аллагь! Дир Аллагь! Щай дуца дун рехун тарав?»)

Гьале Мукъадасаб Рокъоб хирияб бакӏалда бигъун букӏараб пардав тӏарадаса ахаде щвезегӏан кӏихӏи бихъун ана, ракь багъарана, кьураби риххун ана, хабал кьватӏун ана, хваралъуса чӏаголъун, гьениса къватӏире лъугьун рачӏана церего хварал гӏемерал вализаби.

Цоги нухалъ гучаб гьаракьги гьабун, хвана Гӏиса.

Ракь багъариги цогидал хӏикматал ишалги рихьараб мехалъ, аскаралъул нусилбетӏерги Гӏиса цӏунун гьесда цадахъ рукӏарал рагъухъабиги цӏакъ хӏинкъана. Гьез абуна: – Хӏакъикъаталдаги гьав чи Аллагьасул Вас вукӏун вуго.

Къалъул гӏужалда тӏолабго ракь бецӏлъана. Гьеб бецӏлъи тӏаса инчӏо сагӏат лъабго тӏубазегӏан.

Цинги Пилатица гьезда гьикъана: – Гьедин батани, Масихӏилан жинда абулев Гӏисада щибха гьабилеб? Гьел киназго абуна: – Хъанчида вазе ккола гьев! Пилатица гьебмехалъ абуна: – Гьас гьабураб квешлъигӏаги щиб? Амма гӏадамал тӏадеги цӏакъ ахӏдезе лъугьана: – Хъанчида вазе ккола гьев!