ข้อพระคัมภีร์ยอดนิยมจาก Cäk 28

แบ่งปัน

Yɛn tɔ̈u wokë yïn, ku yïn bä gël agut të le yïn thïn. Ku yïn bä lɔ dɔ̈k nɔm ee pinyë. Në luɔi cän yïn bï puɔ̈l, të ŋuɔɔt Ɛn ke ya kën ë ka lɛ̈k yïnë looi.”

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Ago Jakop pääc ë nïnic, ku lueel an, “Ë yic, Bɛ̈nydït anu eenë ku ja kuc!”

Ago Jakop kuëëŋ lueel an, “Na bï Nhialic tɔ̈u ke yɛn, ku bï ya tiit në cäthdï yic. Ku bï yɛn aa gäm kë cam ku kë ciɛŋ, agut të bän a nɔm lɔ dɔ̈k baaida ke cïn kërɛɛc yök ɛn, ke Bɛ̈nydït abï ya Nhialicdï. Ku kuur cä tɔ ye mënë, abï ya ɣön ë Nhialic. Ku në ka cï Bɛ̈nydït gäm ɛn yiic kedhie, abä puɔ̈k nɔm töŋ thiëër ë käŋ.”

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

Ku ciëk ëtɛ̈ɛ̈n an Bethel. (Ɣön ë Nhialic) ku rin ke wut aake kɔn ke cɔl Ludh.