ข้อพระคัมภีร์ยอดนิยมจาก Иуан 14

แบ่งปัน

Гупсэф къышъуфэсэгъанэ, сигупсэф шъосэты. Гупсэфэу сэ шъостырэр дунаим къышъуитын ылъэкӀырэп. ШъумыгумэкӀ, шъумыщын.

– Гъогури, шъыпкъэри, щыӀэныгъэри сэры, – риӀожьыгъ Исус. – Сэ сигъогу рымыкӀомэ, Ты лъапӀэм дэжь цӀыф зи кӀошъущтэп.

– ШъумыгумэкӀ. ТхьэмкӀэ шӀошъхъуныгъэ зижъугъаӀ, сэркӀи шӀошъхъуныгъэ зижъугъаӀ.

Ау шъуигукъао Шъушъхьэщызыхыжьрэр, Тхьэм ы Псэ ЛъапӀ ары, сэ сцӀэкӀэ Ты лъапӀэм къышъуфыригъэхыщт. Ащ зэкӀэ шъуигъэшӀэщт, сэ къышъосӀуагъэхэри зэкӀэ шъугу къыгъэкӀыжьыщтых.

Сиунашъохэр зиӀэу, ахэр зыгъэцакӀэрэр ары сэ шӀу сызылъэгъурэр. Сэ шӀу сызылъэгъурэр ся Ти шӀу къылъэгъущт. Сэри ар шӀу слъэгъущт ыкӀи зыкъезгъэлъэгъущт.

Сэ Ты лъапӀэм селъэӀунышъ, ащ шъуигукъао Шъушъхьэщызыхыжьын нэмыкӀ горэ къышъуфыригъэхыщт. Ар шъуигъусэ зэпытыщт. Тхьэм ы Псэ ЛъапӀэу цӀыфхэм шъыпкъэр язгъашӀэрэр ары. Дунаим ицӀыфхэм ар зэрамылъэгъурэм ыкӀи зэрамышӀэрэм пае, ар агу илъынэу адэн алъэкӀырэп, ау шъо ар шъошӀэ, сыда пӀомэ, шъуигъусэшъ, шъугу илъ зэпытышъ ары.

Сэ сцӀэкӀэ сыд щыщкӀи Ты ЛъапӀэм шъуелъэӀумэ, къышъуфэсшӀэщт, ы Къо Ты лъапӀэм ищытхъушхо цӀыфхэм аригъэлъэгъуным пае. Сэ сцӀэкӀэ сыд щыщкӀи шъукъысэлъэӀумэ, къышъуфэсшӀэщт.

– Шъо сэ шӀу сышъулъэгъумэ, сиунашъохэр жъугъэцэкӀэщтых.

Сэ ся Тэ иунэшхо унэу хэтхэр бэ; армырыгъэмэ, шъосӀощтыгъэ: «ЧӀыпӀэ къышъуфэзгъэхьазырынэу сыкӀощт».

СыкӀоу, чӀыпӀэ къызышъуфэзгъэхьазыркӀэ, сыкъэкӀожьынышъ, сыздэщыӀэм шъори шъущыӀэнэу шъуздэсщэщт.

– Зиусхьан, – къыриӀуагъ Фомэ Исус, – уздакӀорэр тшӀэрэп. Арышъ, уздакӀорэм игъогу сыдэущтэу тшӀэн тлъэкӀына?