ข้อพระคัมภีร์ยอดนิยมจาก Luu 17

แบ่งปัน

Wɛ̀ Jusu la̍a̍ dě ɔ̍ we̍, “Sɔ bloɔ̍ ìè àn dɛ̍ mu̍. Àn wlùh gbaɛ-ɛ bo ɛ̀ pǔh-i m̀.”

Pò ɔ̍ nu̍ ìn dɛ̍ᵻ sɔ̀nᵻ mɛ̀sɔɔ̌n pùn dǒ weɛ̍ due di̍i̍ wɛ̀ ɔ̍ iě laǎn kɛ̀n chɛ̍n-ɛ nu̍-ɛ, nɛ̀ ìn tǎli ɔ̍ dɛ̍ᵻ sɔ̀nᵻá tìh i̍.”

U̍h-a due jě-a ɛ̍ ka ɔ̍ pǔh-a wɛ̀-ɛ, iě ɔ̍ ji̍ de̍, ɔ̍ blě i̍ wǐi-ɛ ɔ̍ po̍ Nyɔsoa tìhwe̍. Wɛ̀ ɔ̍ chlìi i̍ dǒ Jusu jǔ, iě ɔ̍ po̍ ɔ̍ tlɔ̌. Jɔ̍gbau-a chɛ̀ Sɛmewlea jǔ bo.

Ɛ̍ tìh-ɛ, mɔ̀ tù mɔ̀-a nu̍-dɛ̍ᵻ jlǐhɛ̍. “Pò ìn ba̍ nu̍ ìn dɛ̍ sɔ̀n pùn-ɛ, nɛ̀ ìn sèàɛ̍ ɔ̍ wlùh ka ɔ̍ nu̍-a dɛ̍ sɔ̀n-ɛ. Pò ɔ̍ chɛ̍n kɛ̀n-ɛ, nɛ̀ ìn tǎli ɔ̍ dɛ̍ sɔ̀n-a tìh i̍.

Wɛ̀ Jusu la̍a̍, “Ɛ̍ se̍ nyɔ̍ pùè ùh se̍ pǔh ae? Tà juh mɛ̀nyìɛ̍ sie-a dǒ de̍-ɛ nɛ ɛ?

Wɛ̀ Joi la̍a̍, “Pò mɔ̀ blě wlùh gbaɛ ɛ̍ wàn i̍ ka jě à dǎɛ majlɛkɛ jɔɛ̍-ɛ, nɛ̀ mɔ̀ bɛ̌ɛ mɔ̀ iě ka dǎ dě tu̍ la we̍, ‘Sɔ wlù ìè-e jbǒ kɛ̍n gbǎ,’ wɛ̀ ɛ̍ iě mɔ̀-a wlu̍ nu̍.”

Nyɔ̍ jɔ fɔ̀n-a ɔ̍ feɛ sèìe dɛ we̍-ɛ, nɛ̀ ɔ̍ mu̍ ɛ̍ mǎ-ɛ. Jɛ nyɔ̍ jɔ mu̍-a ɔ̍ feɛ mǎ-ɛ, nɛ̀ ɔ̍ mu̍ ɛ̍ tɛ̌n tè.

Wɛ̀ Jusu la̍a̍ dě ɔ̍ kòà we̍, “Dɛ̍ᵻ ìh-a nui-a nyɔ̍ gblɛ̍n sɔ̀ɛ̀n-ɛ, i̍h-a mu̍ nɛ. Jɛ nyɔ̍ ɔ̀ kɔn ja̍a̍ i̍h-a jii-a, chlě dǒ ɔ̍ we̍. Ɛ̍ mu̍ i̍ blaɛ u̍h iě ɔ̍ dui-sɔɔ̌ dɔ̍ i̍ sa̍n-ɛ wɛ̀ u̍h iě ɔ̍ dě jbǒ kɛ̍n po̍, ɛ̍ sìì ɔ̍ iě ɛ̍ nu̍ wɛ̀ ùh plìh la u̍h iě fèàɛ̀ dě gblɛ̍n sɔ̀ɛ̀n we̍.

Dɛ̍ ɛ̀ nɛ-a dǒ Nɔa-a ti̍ we̍-ɛ, ɛ̍ kɔn ba̍ bo ɛ̀ mu̍ nɛ ke dǒ Nyi̍ɔ̍-a Jǔ-a ji̍ la̍. Nɛ̀ nyɔ̍ kli̍hgbɛ̍-a di̍ dɛ̍ iě u̍h-a nǎ. Wɛ̀ jɔ̍gbauᵻ ke nynɔ̌gbaɔᵻá tǐn i̍ blǐ. I̍h bo u̍h nɛ dǒ nu̍ la̍ dǒ weɛ̍ laa̍ di̍i̍ wɛ̀ Nɔa pa̍ dě blǎgbè di̍i̍. Wɛ̀ jǐ-nǐ ji̍ iě ɛ̍ gbɔ̀lɔ u̍h-u kli̍hgbɛ̍.