ข้อพระคัมภีร์ยอดนิยมจาก Matio 10

แบ่งปัน

Ɔ̍ la̍a̍, “Ǎn dbo̍ mɔ̀ ka nyɔ̍-a dbo̍ blawɛ̌ᵻ dě gbɛ̍n-nmi̍i̍ nynɛ̌ we̍-ɛ. Ɛ̍ tìh-ɛ, mɔ̀ klǐhbih jlǐh i̍ ka nǐ plǐn la̍ smìɛ̍-ɛ, wɛ̀ mɔ̀ iě gba̍n gbɛ̍n ke.

Nɛ̀ nyɔ̍ jɔ mu̍-a ɔ̍ feɛ-a tìh kma-ɛ, nɛ̀ ɛ̍ mu̍ ɔ̍ kwa̍ mǎ-ɛ. Jɛ nyɔ̍ ɔ̀ mu̍-a ǎn tìh tù wɛ̀ ɔ̀ se̍-a ɔ̍ feɛ-a tìh kma mu̍-ɛ, nɛ̀ ɔ̍ mu̍ ɛ̍ blě.”

Ɛ̍ tìh-ɛ, nyɔ̍ ùh-a mu̍-a mɔ̀-a nyi̍ɔ̍tu nɛ due dbǎ-a, mɔ̀ bɔ̌ u̍h jǔ ple̍-ɛ. Dɛ̍nu̍ɛ, u̍h se̍ mɔ̀-a sùù nɔ̀ɔ̍ dbǎ mu̍. Jɛ Nyɔsoa bo mɔ̀ ìè jǔ ple̍. Dɛ̍nu̍ɛ, ɔ̍-ɔ bo ɔ̀ bɛ̌ɛ mɔ̀-a sùù ke mɔ̀-a nyi̍ɔ̍tu dě kàn nɛ̍ di̍i̍ po̍-ɛ, wɛ̀ i̍h iě-e gbɔ̀lɔ.

Nyɔ̍ ɔ̀ se̍-a ɔ̍ naɛ gbàɛ̍ kɛ̍n i̍ tu̍-u dǔ mu̍, wɛ̀ ɔ̍ iě-a dǒ ǐn de̍e̍ gbǎ-a dǔ-ɛ, nɛ̀ ɔ̍ se̍ i̍ blaɛ ɔ̍ iě ǎn kòà nu̍.

Ɔ̍ la̍a̍, “Nyɔ̍ jɔ ɔ̀ mu̍-a jlǔh nyna wɛ̀ ɔ̀ iě-a ǎn tìh i̍ wɔ̌ɛn-ɛ, nɛ̀ ǎn mu̍ jlǔh nyna ke dǒ ǐn Baa nɛ-a dě ja̍i̍wlɔ̀-ɛ jǔ, wɛ̀ iě ɔ̍ tìh i̍ wɔ̌ɛn ke. Jɛ nyɔ̍ ɔ̀ mu̍-a jlǔh nyna wɛ̀ ɔ̀ iě-a ǐn chla tba̍-ɛ, nɛ̀ ǎn mu̍ jlǔh nyna ke dǒ ǐn Baa nɛ-a dě ja̍i̍wlɔ̀-ɛ jǔ wɛ̀ iě ɔ̍ chla tba̍.”

Nɛ̀ mɔ̀ pǔh-i poa-nyɔ̍, mɔ̀ iě-e mɛ̌-nyɔ̍ sà, mɔ̀ nu̍ ɛ̍ wìèìdih-a nu̍ nyɔ̍ iě pǔh, mɔ̀ iě jeědih i̍ nu̍. Ka ǐn nyǐ-a mɔ̀ gbǐh la bu̍ɛ̍i̍-ɛ, nɛ̀ mɔ̀ nui i̍h dbo̍ ke bu̍ɛ̍i̍.

Ɛ̍ tìh-ɛ, mɔ̀ bɔ̌ faɔn ple̍-ɛ, mɔ̀ gbǎ dɛ̍kɛ̍n mɔ̀ sìì kèlǎᵻ dɔu.”

Jusu la̍a̍, “Dɛ̍ mɔ̀ iě-a jlǐhɛ̍ tù-ɛ, ɛ̍ nu̍ ǐn se̍ nɔ̌ kmɔ̌ we̍ ji̍ iě kmɔ̌ i̍ gbe̍ɛ̍ɛn. Ǐn se̍ kmɔ̌ i̍ gbe̍ɛ̍ɛn la̍ ji̍, jɛ plàn chlɛ̀n bo ǐn ja.