ข้อพระคัมภีร์ยอดนิยมจาก Matio 7

แบ่งปัน

Ɔ̍ la̍a̍, “Mɔ̀ jbǎ dɛ̍, nɛ̀ ɛ̍ mu̍ mɔ̀ kwa̍a̍ gbǎ. Mɔ̀ pɔ̀n dɛ̍ i̍, nɛ̀ mɔ̀-a mu̍ ɛ̍ jě. Mɔ̀ bla̍ gbaba, nɛ̀ ɛ̍ mu̍ pɔ̀ni dǒ mɔ̀ we̍.

Dɛ̍nu̍ɛ, nyɔ̍ jɔ jbǎ-a dɛ̍-ɛ, nɛ̀ ɛ̍ gbǎ ɔ̍ kwa̍a̍. Nɛ̀ nyɔ̍ ɔ̀ pɔ̀n-a dɛ̍ i̍-ɛ, nɛ̀ ɔ̍ jě ɛ̍. Nɛ̀ nyɔ̍ ɔ̀ bla̍-a gbaba-ɛ, nɛ̀ ɛ̍ mu̍ pɔ̀ni dǒ ɔ̍ we̍.

Ɔ̍ la̍a̍, “Ɛ̍ tìh-ɛ, ìh la ǎn bla̍-aɛ, nyɔ̍ ɔ̀ wɔ̌n-a ǎn wlu̍ i̍-ɛ, nɛ̀ ɔ̍ wɔ̀ di̍i̍ i̍ flɔn nyɔ̍ ɔ̀ po̍-a ɔ̍ gbò dǒ sɔɔ̌ kɛ̍n-ɛ.

“Dɛ̍ mɔ̀ jbɛɛ-a nyɔ̍ iě-a mɔ̀ pùn nu̍-ɛ, ɛ̍ bo mɔ̀ iě nyɔ̍ pùn nu̍ ke. Ɛ̍ bo ɛ̀ nu̍ Nyɔsoa-a telě, wɛ̀ ɔ̍ tu̍owli po̍ nyɔ̍ poe ɛ̍ nǎ dɛ ke.”

Jɛ gbàɛ̍gbà wɔ̍n jɛ nɛ-a sɔɔ̌sɔ-ɛ, ɛ̍ wìè-a gba̍ nyɔ̍ dě kmɔ̌ chɛ̀ɛ̌chɛ̀ di̍i̍. Jɛ ɛ̍ kma gba̍-a. Ɛ̍ tìh-ɛ, nyɔ̍ wei bo ùh-a gba̍ ɛ̍.”

Jusu la̍a̍, “Gbàɛ̍gbà wɔ̍n ɛ̀ nɛ-a sɔɔ̌sɔ-ɛ, ɛ̍ bo mɔ̀ iě dě di̍i̍ jii. Dɛ̍nu̍ɛ, gbàɛ̍gbà wɔ̍n jɛ bɛ̌-a we̍ i̍-ɛ, ɛ̍ wìè se̍ gba̍-a kma. Ɛ̍ tìh-ɛ, nyɔ̍ dɔu-a gba̍ wìè-a chɛ̀. Jɛ ɛ̍ gba̍ nyɔ̍ dě kàn nɛ̍ di̍i̍.

Mɔ̀ɔ̍ juh kɔn gblɛ̍n nyni-a jii̍-ɛ, pò mɔ̀ juo mɔ̀-a nynuu̍ dɛ̍ᵻ chɛ̀ nyǐ-ɛɛ, jɛ nɛ̀ mɔ̀ Baa Nyɔsoa nɛ-a dě ja̍i̍wlɔ̀-ɛ, ɔ̍ bo ɔ̀ se̍ nyɔ̍ jbǎ-ɛa ɔ̍ dɛ̍ᵻ chɛ̀-ɛ nyǐ mu̍ ae?

Jusu la̍a̍, “Mɔ̀ bɔ̌ nyɔ̍ duuh tìh pùn tù-ɛ, nɛ̀ Nyɔsoa se̍ mɔ̀ tìh pùn tù mu̍ ke. Dɛ̍nu̍ɛ, ka mɔ̀ nu̍-a nyɔ̍ duuh tìh pùn tù-ɛɛ, kǎ Nyɔsoa-a mu̍ mɔ̀ tìh pùn tù-ɛ nu̍ ke. Dbee dɛ̍ mɔ̀ nyǐ-a nyɔ̍ duuh-ɛ, dbee dɛ̍ laa̍ bo Nyɔsoa-a mu̍ mɔ̀ nyǐ ke.

“Jɛ ìh la ǎn bla̍-aɛ, nyɔ̍ ɔ̀ se̍-a ǎn wlu̍ i̍ wɔ̌n-ɛ, nɛ̀ ɔ̍ wɔ̀ bo-nyɔ̍ ɔ̀ po̍-a ɔ̍ gbò dǒ penɔ̍ɔ̍ kɛ̍n-ɛ.

Tu̍ fɔ̌ jɛ nɛ-a dě ìn jlǐh-ɛ, dɛ̍nu̍ nɛ̀ gbɛ̀n ɛ̍ ja̍ wɛ̀ àn gbɛ̀n ìn ba̍ naɛ sɛɛɛ̍n ja̍ dě ɔ̍ jlǐh ɛ? Dɛ̍nu̍ nàɛ̀ tu̍ fɔ̌ nɛ-a dě ìn jlǐh-ɛ, wɛ̀ ìn poe ɛ̍ kɛ̍n i̍ wɛ̀ nàa̍ ìè ìn ba̍ naɛ sɛɛɛ̍n dě ɔ̍ jlǐh sà ke̍ ɛ?

Ɔ̍ la̍a̍, “Mɔ̀ nu̍ nɛnɛ̌ dǒ Nyɔsoa-a tu̍owli po̍ nyɔ̍-a si̍h naɛ we̍. Pò u̍h ja dǒ nyɔ̍ we̍ ji̍ sàǐtòò-ɛ, nɛ̀ u̍h gbɛ̍n tìh i̍ ka blawɛ̌-ɛ. Jɛ nɛ̀ u̍h wɔ̀ gbɛ̍n-nmi̍i̍ dě u̍h di̍i̍ ka. U̍h-a nu̍-dɛ̍ᵻ bo mɔ̀-a mu̍ u̍h i̍ juo-e. Mɔ̀ se̍ wiǎ tu̍ jě mu̍ ɛ̍ iě tòmai-a buǒᵻ po̍. Nɛ̀ mɔ̀ se̍ mukwa̍ pei jě mu̍ i̍h iě gbòu̍gbò-a buǒᵻ po̍ ke.

Tu̍ chɛ̀-a po̍ buǒᵻ chɛ̀. Nɛ̀ tu̍ sɔ̀n-a po̍ buǒᵻ sɔ̀ɛ̀n.

Tu̍ chɛ̀-ɛ po̍ tu̍ sɔ̀n-a buǒᵻ. Tu̍ sɔ̀n wɔ̍-ɔ po̍ tu̍ chɛ̀-a buǒᵻ ke.

Ɛ̍ tìh-ɛ, tu̍ jɛ se̍-a buǒᵻ chɛ̀ po̍-ɛ, nɛ̀ ɛ̍ mu̍ dba̍-ɛ, wɛ̀ u̍h iě ɛ̍ jlǐh po̍.