ข้อพระคัมภีร์ยอดนิยมจาก MWAMBĨLĨLYO 21

แบ่งปัน

Na Yeova amũkĩa Sala tondũ waisye, na Yeova amwĩka Sala tondũ waneenie.

Na Ngai eew’a wasya wa kĩvĩsĩ; na mũlaĩka wa Ngai amwĩta Akali e ĩtunĩ, na amũkũlya, Wĩ na ũndũ mwaũ, Akali? Ndũkakĩe; nũndũ Ngai nĩwew’a wasya wa kĩvĩsĩ vala kĩĩ. Ũkĩla wũkĩlye kĩvĩsĩ, na ũkĩkĩkwata kw’okonĩ kwaku; nũndũ ngakĩtw’ĩkĩthya mbaĩ nene.

Na Sala aya ĩvu, na amũsyaĩa Avalaamu mwana ũkũunĩ wake, ĩvinda yĩtw’e yĩla watavĩw’e nĩ Ngai.

Na Sala asya, Ngai nũtumie nĩtheka; kĩla ũmwe wĩĩw’aa akathekaa vamwe nakwa.

Na Ngai amwĩa Avalaamu, Ndũkethĩwe wĩ ũthũku methonĩ maku nũndũ wa mwana, na nũndũ wa mũthũkũmi waku, mwĩĩtu; nthĩnĩ wa w’onthe ũla Sala ũnũũkũtavya, wĩthukĩĩsye wasya wake; nũndũ ũsyao waku ũkeetwa nthĩnĩ wa Isaka.

O na mwana wa mũthũkũmi, mwĩĩtu, ngamũtw’ĩkĩthya mbaĩ, nũndũ nake nĩ ũsyao waku.