ข้อพระคัมภีร์ยอดนิยมจาก متّی 21

แบ่งปัน

تے سبھ کُجھ جو تُسی یقِین کر کے دُعا وِچ منگو گے۔ سو تُہانوں مِلے گا۔

مَیں تُہانوں سَچ آکھنا آں پئی جے کر یقِین کرو تے شک نا کرو تے تُسی نِرا ایہو ای نا کرو گے جیویں ہنجیر دے بُوٹے نال ہویا۔ پر جے ایس پہاڑ نُوں وی آکھو گے پئی اُٹھ تے سمُندر وِچ جا پَو تے ہو جائے گا۔

تے بِھیڑ جیہڑی اوہدے اگّے پِچّھے چلّی جاندی سی اُچّی اواز نال آکھدی سی ”ہوشعنا داؤد دے پُتر نُوں۔ دھنّ اے اوہ جیہڑا خُداوند دے ناں اُتّے آؤندا اے اسماناں وِچ ہوشعنا۔“

تے اوہناں نُوں آکھن لگّا پئی لِکھیا ہویا اے ”میرا گھر دُعا بندگی دا گھر اکھوائے گا“ پر تُسی اوہنوں ڈاکُوؤاں دی کھوہ بناندے اوہ۔

صِیُّون دی دِھی نُوں آکھو۔ ویکھ تیرا بادشاہ تیرے کول آؤندا اے اوہ حلِیم اے تے کھوتے اُتّے چڑھیا سگوں کھوتی دے بچّے اُتّے۔

یِسُوع اوہناں نُوں آکھیا تُساں کِتاباں وِچ کدی نئیں پڑھیا پئی جیہڑے پتّھر نُوں راجاں نیں ناپسند کِیتا اوہی نُکّر دا سِرا بنایا گیا؟ ایہہ گلّ خُداوند ولّوں ہوئی تے ساڈی نظر وِچ اچرج اے۔

ایس لئی مَیں تُہانوں آکھنا آں پئی خُدا دی بادشاہی تُہاڈے توں کُھوئی جائے گی۔ تے اوس قوم نُوں بخشی جائے گی جیہڑی اوہدا پَھل لِیائیا کرے۔