ข้อพระคัมภีร์ยอดนิยมจาก Juan 16

แบ่งปัน

Wax ch'ak kala wabyex spetsanil ja kosa jumasa iti, ja' b'a mi oj ja pila b'ajex moki, b'a jach' gusto lek oj ajyanik ja smeranili. Kechan tsatsal k'ujolan a b'ajex: Ja ke'n ch'akta ekuj spetsanil, ja yajwalil ja lu'um iti, ti'xa kanta yib' kok, —xchi ja Jesusi.

Ja yajnix jak ja Espiritu Santo ye'n oj yala wabyex ja smeranili, sok oj sje'a wi'ex, b'a jach' tola bida ti' oj ajyanik ja b'a smeranili. Ja jas oj yali mi yuj ye'n jach' wa sk'ana, ja oj yala wabyex ja jas smaklunej yaloj ja Dyos Tatali, oj cho sje'a wi'ex ja jas ojxa k'ot smeranili.

Man ya'n mi jas waxa k'anawex b'a jb'i'ili. K'anawik yi, ja Dyos, ojni ya'wi'ex ja jas oj ja k'an'exa; b'a jach' gusto lek oj ajyanika.

Ja smeranili, jel lek oj ja wil'ex ja yaj la wajyoni. Yuj k'a mila wajyoni, mi oj jak skoltayex ja Espiritu Santo; wa'n k'a la wajyoni, ke'nxa oj jekoni. —Jaxa yajnix jak ja Espiritu Santo, oj a'ji sna'e ja swinkil ja lu'um iti, ja ma mi oj sk'u'ukon ja ke'n ojni sta' smule'a. Oj a'ji sna'e yuj ja ke'n mi jas mi lek jk'u'lunej sok mi ke'nuk ja ay jmuli, ye'nle ni'a. Oj cho a'ji sna'e yuj ja Espiritu Santo, ja Dyosi, sk'elata yi ja smul ja yajwalil ja lu'um iti, ojni a'ji stupa. Jaxa ke'ni ojxa ni kumxukon ja b'ay ja jtati, jaxa we'nlexi mixa ojto a wil'onex.

Cho jach'ni ja we'nlexi, ja ya'n jel cham k'ujol ayex, mi jel najatuk oj cho jak kil'ex, jaxa k'ak'u jawi, jel gusto oj ajyanik, mi ma oj b'ob' ya' eluk a wi'ex ja gusto'il jawi. —Yajnix k'ot ja k'ak'u jawi, mixa jas oj ja job' ex ki ja we'nlexi. Ja smeranili, oj kala wabyex yuj ja jneb'umanexi, spetsanil ja jas oj ja k'an'exi, ojni ya'wi'ex ja jtati.

Ja smeranili, ta yuj k'a wax kal awabyexi, jel oj chamuk wa k'ujolexi, sok oj ok'anik; jaxa spetsanil ja ma' kechan ja wajel sk'ujol sok ja kosa jumasa b'a lu'um iti, jel gusto oj ajyuke. Ja we'nlexi, jel cham k'ujol oj ajyanik, jasa, tsa'an t'usan jel gusto oj ajyanik.