ข้อพระคัมภีร์ยอดนิยมจาก Lukas 6

แบ่งปัน

Myal ber tomwatar nema Ratu nal a nlengan nof iane ber a kmi a nbal. Farlan tomwate nsar fase, keta ntean ma nawawan ma ntafal a nbal terik ma nputuk. Farlan myal ber tomwatar farane, keta Ratu nal farane nbal ber a kmi.”

Tomwat ngamone keta nose lan ngri ngamonar fali ndaun lan kabain ngamonar. Tomwat yatak keta nose lan ngri yatkar fali ndaun lan kabain yatkar. Safe ma tomwate nfalak a ne, iane nof dalamy.”

Ma kmi e, ka kete myose farane! Ka mkyamis mir muswar ma myose ngamone sir. Myal doit ber mir muswar ma kete milele feti keta ral a rbali ber a kmi. Farlan kmi myose farane dedesar, keta mir sewe silai, ma keta kmi myeluk Ratu Mangamin medase angkir. Fali Ratu Ni dalamy ngamone ber tomwatar ma to rafai rose terima kasih, ma ber tomwat yatkar a nbal.

Ka mir lolompang ber tomwatar monuk, feleles farlan Amir ma Ni lolompang ber tomwatar monuk.”

Yesus nfalak ber tomwat ngayadin, “Ka kete mfyasale tomwatar, nema Ratu kete nfasale kmi a nbal. Kete myukun tomwatar, nema Ratu kete nukun a kmi a nbal. Mlyure tomwatar nir salar, nema Ratu nlure mir salar a nbal.

“Nempa kfwalak ber a kmi ma mdyengar Yakw lere ye: Mkyamis mir muswar, ma myose ngamone ber tomwatar ma to rmpeang a kmi. Msyampayang ber Ratu nema nberkat tomwatar ma rangoak a kmi, ma msyampayang a nbal ber tomwatar ma rose yatak a kmi.

Safe-safe ma kmi mpyeang ma tomwatar rose ber a kmi a ne, ka myose farane ber sir a nbal.

Farlan tomwatar rtef totokmir balisyae e, ka myinrang ma rtef totokmir balisyae nbal. Farlan tomwatar ral mir rabit melaswar, myal a mbyal mir rabit seselwar. Farlan tomwatar rtak kabanir sa rof a kmi e, myal ber sir. Farlan tomwatar rkampres mir kabanir e, ka kete mtyak a mbyali.

Yesus nasaur ber tomwat ngayadin farye, “Katutun ma nangafel keta buany nangafel, ma katutun ma to nangafel keta buany to nangafel a nbal.

Kit tafai tal katutun nof buany. Fali tomwatar to rtikar ara buany rof skiki kakari, ma to rtikar anggur buany rof katutun matdyemnir.