ข้อพระคัมภีร์ยอดนิยมจาก MAKU 13

แบ่งปัน

Yi nunanyananibwa kudi bantu boso ku mucwe ă dina diamene. Mo you unakala amakwemana pôi ku sula, yei unapandixibwa.

Nudimuki, nutebeli, yi nulombi ; bwalo bunutasolubukwa kikondo bidikio.

Oka lolo banwacwala yi banwalongola, kanwakadi yi mutete buxi, munuxetôya ; kate diyi dioso dinanupebwa ku ola you, nuditôyi dedi ; bwalo bunutasotôya nonu, kate Mwoxixi a Babala.

Diulu dinadika yi loboko, mo meyi amene kanadika pô.

Mo ku bwalo bwa dituku dedi ndo bwa ola you, kakuna muntu umoumwe amalubukwa, kumoni isanga bangele mu diulu, kumoni Mwana, mo Tete.

Mo panunakwombwa dia mbita yi ngindu ya mbita, kanunyingixibwi, bwalo buxelwa bintu bebi, kate ku sula kakuna ku noku.

Mbwôso nudingili, bwalo bunutasolubukwa palolwa fumu a ncibo ; ndo ku bwelu, ndo ku butuku pakacikaci, ndo ku ntala mubedi, ndo ku lubangu ; ximbi uxelwa kimpwaxa pwa, uxenusañana nudi mu kulala tulu. Mo diyi dinwatôyela nonu, ngwatôyela bantu boso ene, Nudingili.

Bwalo bunatombokyela bubila bubila, yi bufumu bufumu ; yi ku bidi binga kunakala matepa a loboko, yi nkombo ya ncala yinalwa, yi minyungu ; bintu bebi bidi bubangabanga bwa masama.

Yi losangu lunengela luxekwambidibwa buxi kudi mabila moso.

Bantu bangi banalwa mu dina diamene ene, Meme kayou ; yi banaungisa bantu bangi.

Kaninga nudimuki bwalo bwenu mikyenu, bwalo bunanulongolabo ku bimu ; yi nunakumibwa mu bixingidilu ; yi nunacwadibwa ku mpala ya milopwe yi ya bafumu ku mucwe ămene, bwalo bwa ntôbô kubatôbôlela.

Bwalo bunakwemana baKalistu ba mancanga yi badimuxi ba mancanga, banakwebesa bilayixilu yi bikamakama, bixeungisabo (ximbi bamalubukwa nako), isanga basungudibwi mikyeabo.

Kate ku matuku yia, kunyuma kwa buxitu bobu, kunapindixibwa diba, yi ngondo kanateka mwexi ănci paxi ; mitoto lolo ya diulu yinasomoka, yi bikupu bidi mu diulu binatepexebwa.