ข้อพระคัมภีร์ยอดนิยมจาก Valumi 6

แบ่งปัน

Ihyo mutselaje kuta manyi mudite ndongwa ntsibi hawudugo mukufwa, lechelelo chifunje cha Mulungu wo wula wumi wo wugaya wudugo kukolela kwa Chilisito Yesu Mutwa vetu.

Ndongwa ntsibi sitsifuluche tsivatavale henye kahi, kwakuva si munlongotswa na malajitso ga Musa, ila munlongotswa na lusungu lwa Mulungu.

Ihyo tukafweye na kutsikwa hamwe nayo kukolela mu wubatitso wake na chifo chake, ili kota hila Chilisito fyo atsilipulwe kwa wuvina wa Dada, ho ihyo na hetwe natwe tuvetse kikala mu wumi wupya.

Mulekaje kuchitawula nambe chilungo chimwe cha mivili jenyu chive cha kuditila ndongwa ntsibi. Lechelelo mwitawule henye kwa Mulungu kota vanu wo vatsilipulwe kuhuma mu chifo, lelo sambi mwitawule na kudita kota fyo an'gana Mulungu.

Tun'tsela kuta wunu wetu wa katali wavambitwe na kufwa mu musalaba hamwe na Chilisito, ili ludali lwa ndongwa ntsibi lwananjiche, tuleche kuva kaha tuvapogotsi va ndongwa ntsibi.

Ho hihyo na henye mun'ganika mwiwone kuta munakota mufweye kuhuma mu ndongwa ntsibi, lechelelo kota yo mungikala mu wumwe na Mulungu kwa kumutumba Chilisito Yesu.

Ino lelo tulonje chinu chachi? Twendelele kikala mu ndongwa ntsibi ili lusungu lwa Mulungu lulutile kuva lolofu? Ndaya bee! Hetwe yo tutsifwilye ndongwa ntsibi, chinya ndawuli kaha twikale mu ndongwa ntsibi?

Mbe, sinambemutsele kuta hila fyo mungitawula kuva vapogotsi va munu na kumuhulikitsa, munkuva va munu uyo? Manyi muve wapogotsi va ndongwa ntsibi hawudugo mukufwa. Manyi mwitawule na kuva vatantsi va kumuhulikitsa Mulungu, mukuva vawuya halutalo hake.

Nayivaje hala katali henye mwavaga vapogotsi va ndongwa ntsibi, lechelelo alumbwaje Mulungu kwasawuli sambi mwanuche kwa numbula tsenyu tseka na kugahulikitsa madahitso go mudahitswe. Homwavaga kugombolwa na kuvikwa kutali na ndongwa ntsibi mukavaje vapogotsi vakudita ndongwa tso angutsigana Mulungu.