ข้อพระคัมภีร์ยอดนิยมจาก MATA 7

แบ่งปัน

Ɛrinɛ hi gaanɛ, tɛnɛ nɛ zɛmɔ, ɓàànɛ hi gborsinɛ.

Yɔ anbɔ, za̧a̧nyɔ zɔ̧bɔ gi dagɔ, za̧a̧nyɔ tɛbɔ gi zɛmɔ, za̧a̧nyɔ ɓaa luk gbɔnɔ hi kpɛ̧rsige.

Yɛrɛ za̧a̧n yɔ gi lak dɔgl yɛrɛ be dɔko, gi wɛɛ gi woo hinɔ, riitin an doo yɔ mɛɛhin gi zul du gi wɔm lukɔ a hɛɛlkpar ha.

Yɔ anbɔ hinyɔ ha̧a̧nɛ an dood hi woosin sɛw, nɛɛ be woosinɛhi anbɔ be; Bɛtmaakdɔglɔ hi hinyɔ Bɛtya̧a̧kɛŋkya wɔ hi dɔg nɛ giibɔ.

Yɛrɛ gbɔnɔ yɔ gi kaŋk a za̧a̧tig du daakɔ ɓaaɓa, wɛɛ daaklɛl bɔ ɓɔ̧ɔ̧yyɔ. Wɔ hi gi fɔk gedu hi kit gɛ.

Guzin a gbɔnɔ ɓɔ̧ɔ̧yyik bɔ gedu! Gbɔnɔ za fɛɛt giro, hi gbɔnɔ zayɔ bɛr daaki, gii gi kaŋk laa du, wɛɛ dood kittɔnɔ hi fɔk gedu.

Nɛɛ yɔ nɛ gi ha̧a̧lɛ nɛ́ mɛɛ waat nɛ hii hinrɔb gaako, gi gis Baa nɛ yɔ bɛtha gii gi ɔs dood wɔ hi ɛrig hinrɔb gaak ya?

Bɔnɛ gbaas doo dɔgl an bɔ Bɛt gi gbaas nɛɛ dɔgl be. Bɛt gi gbaas nɛɛ dɔgl anyɔ nɛ gis dood gbaak be. Bɛt gi goosin hin hi goonis yɔ nɛ gis dood hin goonik be.

Yɛrɛ za̧a̧nyɔ lag dɔgl wɛrɛ be dɔko gi wɛɛ gi wōō hinɔ gɛ, riitin an za̧a̧nyɔ taan zul gɛ gi wɔm lukɔ a hɔ̧ɔ̧l ha.

Nɔ mɔ seek betwaa yɔ gi a namɔza yɔ̧l du mɔ gbɛ̄n ga̧a̧t yɔ gi a mɔ yɔ̧l du gɛ? Mɔɔ yɔ mɔ gin ga̧a̧t yɔ̧l du, gi an mɔ raa namɔza ri a ɔbe ha̧tsum betwaa mɔ yɔ̧l du, nɔ?

Oon zul nɛ hi Bɛt-ya̧a̧kɛŋkya ya̧a̧gɔ̧ɔ̧nya wɔ hi zaak a nɛɛge hi wɛɛnik muulya̧ an tamɔ. Wɛɛ a hi kpoos du be hi gi ler-gumyɔ. Nɛ́ mɛɛhi a hi woos du. Nɛ̍ mɛɛ be a gɔ hí ha̧b inaboohi a tɛ̧ɛ̧-kobsya muul gɛ. Wɛɛ gɔ hí ha̧b yɔmntnɔɔ huml a gaŋzaŋ muul gɛ.

Tɛ̧ɛ̧ rɔb sɛw gɔ hum huml rɔbo, tɛ̧ɛ̧ ha̧a̧l be gɔ hum huml ha̧a̧l be.

Tɛ̧ɛ̧ rɔb dɛɛ̄ an gi hum huml ha̧a̧l gɛ, wɛɛ tɛ̧ɛ̧ ha̧a̧l be ɗɛɛ an gi hum huml rɔb gɛ be.

Tɛ̧ɛ̧ yɔ gi sɛw gí hum huml rɔb gɛ hi gboge hi yaag laa du.