JOHAN 13
13
Jisu-nü Mono Jing Thsütohjücho
1Hütsü Phungkhu Thsüti bekhu nyümong thsacho. Jisu-nü hiba limih pehjüpü Au yanglang wünung becho chihkopü müdhecho. Abinü limih la sürü apu yo licho arüh lede müicho, ko abinü arüh achangchi müicho.
2Jisu ko amonoti aromang yangtsuchah pümcho. Jisu kihyochünung lümlong tsü motsingnü Simon Iskariot tsurü Judas lüm la yohjüpehcho. 3Jisu-nü abi khyang Aunü zii apüm jükopü müdhecho; abi Tsingrangba chahnü rocho ko Tsingrangba yang würepü müdhecho. 4Achotsü abinü yangtsuchah tsünü shemüsu ashü amixi phungcheh yohpüpü fünising shü khüdunü akih rümcho. 5Hütsüpü abinü mütpah-tbhü khüdula kih tungyohcho ko monoti jing thsütohjücho ko akih rümba fünising tsünü nikungjünung dikehcho. 6Abinü Simon Peter yanglang rocho, ko Peter-nü abi te yocho, “ Abüdongba, nühnü I jing thsütohjünung do?”
7Jisu-nü abi te lalingcho, “Ihnü tu nguchiro nühnü adelü münyichehnung, ta akhanglang du nyichehnung.”
8Peter-nü khohcheh yocho, “Khodesü nühnü I jing müthsütohsohnung!”
Jisu-nü lalingcho, “Ihnü nü jing müthsütohjükhang, nüh I mono mükangcheh.”
9Simon Peter-nü lalingcho, “Abüdongba, khang, I jing du mahpü, I kheh ko I thah mii thsütohjüng!”
10Jisu-nü yocho, “Sü mütsahko abi jingchah khu thsütohnung dhsütah mühle abi müsakhüti lile. Nyüh khüdu chah khu nührü atümung müsa lile.” 11(Sünü abi kihyochüjünung hütsü Jisu-nü müdhejung lichonü, abinü yocho, “Nyüh khüdu chah khu nührü atümung müsa lile.”)
12Jisu-nü arüh jing thsütohjüpü, abinü abi shü amixiba tsü thali khyüpü apu pümjilang thalicho. Abinü yocho, “Ihnü ade tsatsa nührü te tu nguchicho hütsü nührünü münyicheh-o?”#Luk 22.27 13“Nührünü Ite Adorü ko Abüdongba pü dsire, ko nührünü athsalang dsire, tunüo Ih hütsüe. 14Ih, nührü Abüdongba ko Adobanü ade tsatsa nührü jing thsütohjüko. Khang, nührünü khüunü khüu jing thsütohjütang. 15Ihnü nührü te nguchicho roh-i nührünü nguchinung nengdang, Ihnü adüzü khüdu ngusohko. 16Ihnü nührü te yutsatsa yore: ayurü süsü Abüdongrü tenü adiuba mah, ko yusi hirü süsü riwüsohbong tenü adiuba mah.#Mat 10.24; Luk 6.40; Jhn 15.20 17Adelü nührünü hiba yuje tsü müdheko, nührünü hütsü bichikhang nührü khütoi akünyang thsanung!
18“Ihnü nührü atümung nengdang müchore; Ihnü throchehrü Ihnü müdhele. Ta amüsa yunü hita yocho tikehnungbae, ‘Ite marita tsuba tsü Ih nyüm yacho.’#N. Khi 41.9 19Khode hi tikehnang nührünü ‘Ih tsü Abie’ pü müdhenung nengdang Ihnü hi mütikeh-e yojungre. 20Ihnü nührü te yutsatsa yore: Sünü Ihnü riwüsohba nyitsarü khyüchonang abinü Ih khyüchore; ko sünü Ih khyüchoro abinü I riwüsohbong khyüchore.”#Mat 10.40; Mrk 9.37; Luk 9.48; 10.16
Jisu-nü Abi Kihyochünung Yojungre
(Mat 26.20-25; Mrk 14.17-21; Luk 22.21-23)
21Jisu-nü hi yoko khanglang, alüm dee tohchonü abinü khohcheh yocho, “Ihnü nührü te yutsatsa yore; nührü yola nyüh khüdunü Ih kihyochünung.”
22Abinü sükhu yorünang nyekanü monotinü arüh-e arührü dhingtacho. 23Mono yola khüdu, sü Jisu-nü müicho, abi Jisu chidong pümcho. 24Simon Peter-nü abi chah nahmakejo yocho, “Sükhu chorünang abi te tsingdhing.”
25Hütsünü abinü Jisu yanglang khü hapkeh wüpü tsingdhingcho, “Abüdongba, hütsü süo?”
26Jisu-nü lalingcho, “Ihnü hikih la hümdhse dhsangpü sü khyang jünang hütsü abi thsanung.” Hütsüpü abinü hümdhse azikyah khyo dhsangcho, ko hütsü Simon Iskariot tsurü Judas khyang jücho. 27Judas-nü hümdhse tsü khyüyeng abi chah Satan züducho. Jisu-nü abi te yocho, “Nüh tu nguchinung lirünang zah nguching!” 28Tuepü Jisu-nü abi te hi yorünang yangtsu chah pümrü aparü sünüsü münyichehcho. 29Judas tsü thsibong yohpürü thsachonü, Jisu-nü abi te thsüti nengdang arüh dhsütah wü lihnung mahkhang ailümrü khyang lango jünung yorepü mono yola khürünü lümcho.
30Judas-nü hümdhse tsü khyücho ko hütsüde tsünü tsipehcho. Hütsü amala thsacho.
Yuzeng Asi
31Judas tsiko khanglang Jisu-nü yocho, “Ade Nyitsarü Tsurü ahechi mishako; ko abi chah Tsingrangba mishako; 32ko Tsingrangba ahechi abi chah mishakhang, Tsingrangba-nü Nyitsarü Tsurü ahechi tsü apu chah mishanung, ko abinü khüdupinü hechijünung. 33I tsurüti, Ih nührü te anyahli mülinung. Nührünü Ih yangchinung, ta Ihnü Jihudarü langnürüte yocho roh-i, ade Ihnü nührü te yore, ‘Ih khüilang würo hütsülang nührünü mürochehnung.’#Jhn 7.34 34Ko Ihnü ade nührü khyang yuzeng asi khüdu jüre: Nührü khüdunü khüdu te müitaang. Ihnü nührü müicho roh-i nührü khüunü khüu te müitaang.#Jhn 15.12, 17; 1 Jhn 3.23; 2 Jhn 5 35Nührü khüdunü khüdu te müitakhang, atümungnü nührü I monoepü müdhenung.”
Peter-nü Münyengchonung Jisu-nü Yojungre
(Mat 26.31-35; Mrk 14.27-31; Luk 22.31-34)
36Simon Peter-nü abi te tsingdhingcho, “Abüdongba, nüh khüilang wünung?”
Jisu-nü lalingcho, “Ih khüilang wünang nühnü adelü mürochehnung; ta akhanglang du iirochehnung.”
37Peter-nü tsingdhingcho, “Abüdongba, khütapü ade Ihnü nüh mü-iirochehnung? Nü nengdang sünung Ih rungnüm lile!”
38Jisu-nü lalingcho, “Nühnü I nengdang sünung yuje rungnüm lirü ang? Ihnü nüte yutsatsa yore: Hüna mükhongde nühnü Ih mümüdhepü asangpili yonung.”
ที่ได้เลือกล่าสุด:
JOHAN 13: SANGBSI
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
JOHAN 13
13
Jisu-nü Mono Jing Thsütohjücho
1Hütsü Phungkhu Thsüti bekhu nyümong thsacho. Jisu-nü hiba limih pehjüpü Au yanglang wünung becho chihkopü müdhecho. Abinü limih la sürü apu yo licho arüh lede müicho, ko abinü arüh achangchi müicho.
2Jisu ko amonoti aromang yangtsuchah pümcho. Jisu kihyochünung lümlong tsü motsingnü Simon Iskariot tsurü Judas lüm la yohjüpehcho. 3Jisu-nü abi khyang Aunü zii apüm jükopü müdhecho; abi Tsingrangba chahnü rocho ko Tsingrangba yang würepü müdhecho. 4Achotsü abinü yangtsuchah tsünü shemüsu ashü amixi phungcheh yohpüpü fünising shü khüdunü akih rümcho. 5Hütsüpü abinü mütpah-tbhü khüdula kih tungyohcho ko monoti jing thsütohjücho ko akih rümba fünising tsünü nikungjünung dikehcho. 6Abinü Simon Peter yanglang rocho, ko Peter-nü abi te yocho, “ Abüdongba, nühnü I jing thsütohjünung do?”
7Jisu-nü abi te lalingcho, “Ihnü tu nguchiro nühnü adelü münyichehnung, ta akhanglang du nyichehnung.”
8Peter-nü khohcheh yocho, “Khodesü nühnü I jing müthsütohsohnung!”
Jisu-nü lalingcho, “Ihnü nü jing müthsütohjükhang, nüh I mono mükangcheh.”
9Simon Peter-nü lalingcho, “Abüdongba, khang, I jing du mahpü, I kheh ko I thah mii thsütohjüng!”
10Jisu-nü yocho, “Sü mütsahko abi jingchah khu thsütohnung dhsütah mühle abi müsakhüti lile. Nyüh khüdu chah khu nührü atümung müsa lile.” 11(Sünü abi kihyochüjünung hütsü Jisu-nü müdhejung lichonü, abinü yocho, “Nyüh khüdu chah khu nührü atümung müsa lile.”)
12Jisu-nü arüh jing thsütohjüpü, abinü abi shü amixiba tsü thali khyüpü apu pümjilang thalicho. Abinü yocho, “Ihnü ade tsatsa nührü te tu nguchicho hütsü nührünü münyicheh-o?”#Luk 22.27 13“Nührünü Ite Adorü ko Abüdongba pü dsire, ko nührünü athsalang dsire, tunüo Ih hütsüe. 14Ih, nührü Abüdongba ko Adobanü ade tsatsa nührü jing thsütohjüko. Khang, nührünü khüunü khüu jing thsütohjütang. 15Ihnü nührü te nguchicho roh-i nührünü nguchinung nengdang, Ihnü adüzü khüdu ngusohko. 16Ihnü nührü te yutsatsa yore: ayurü süsü Abüdongrü tenü adiuba mah, ko yusi hirü süsü riwüsohbong tenü adiuba mah.#Mat 10.24; Luk 6.40; Jhn 15.20 17Adelü nührünü hiba yuje tsü müdheko, nührünü hütsü bichikhang nührü khütoi akünyang thsanung!
18“Ihnü nührü atümung nengdang müchore; Ihnü throchehrü Ihnü müdhele. Ta amüsa yunü hita yocho tikehnungbae, ‘Ite marita tsuba tsü Ih nyüm yacho.’#N. Khi 41.9 19Khode hi tikehnang nührünü ‘Ih tsü Abie’ pü müdhenung nengdang Ihnü hi mütikeh-e yojungre. 20Ihnü nührü te yutsatsa yore: Sünü Ihnü riwüsohba nyitsarü khyüchonang abinü Ih khyüchore; ko sünü Ih khyüchoro abinü I riwüsohbong khyüchore.”#Mat 10.40; Mrk 9.37; Luk 9.48; 10.16
Jisu-nü Abi Kihyochünung Yojungre
(Mat 26.20-25; Mrk 14.17-21; Luk 22.21-23)
21Jisu-nü hi yoko khanglang, alüm dee tohchonü abinü khohcheh yocho, “Ihnü nührü te yutsatsa yore; nührü yola nyüh khüdunü Ih kihyochünung.”
22Abinü sükhu yorünang nyekanü monotinü arüh-e arührü dhingtacho. 23Mono yola khüdu, sü Jisu-nü müicho, abi Jisu chidong pümcho. 24Simon Peter-nü abi chah nahmakejo yocho, “Sükhu chorünang abi te tsingdhing.”
25Hütsünü abinü Jisu yanglang khü hapkeh wüpü tsingdhingcho, “Abüdongba, hütsü süo?”
26Jisu-nü lalingcho, “Ihnü hikih la hümdhse dhsangpü sü khyang jünang hütsü abi thsanung.” Hütsüpü abinü hümdhse azikyah khyo dhsangcho, ko hütsü Simon Iskariot tsurü Judas khyang jücho. 27Judas-nü hümdhse tsü khyüyeng abi chah Satan züducho. Jisu-nü abi te yocho, “Nüh tu nguchinung lirünang zah nguching!” 28Tuepü Jisu-nü abi te hi yorünang yangtsu chah pümrü aparü sünüsü münyichehcho. 29Judas tsü thsibong yohpürü thsachonü, Jisu-nü abi te thsüti nengdang arüh dhsütah wü lihnung mahkhang ailümrü khyang lango jünung yorepü mono yola khürünü lümcho.
30Judas-nü hümdhse tsü khyücho ko hütsüde tsünü tsipehcho. Hütsü amala thsacho.
Yuzeng Asi
31Judas tsiko khanglang Jisu-nü yocho, “Ade Nyitsarü Tsurü ahechi mishako; ko abi chah Tsingrangba mishako; 32ko Tsingrangba ahechi abi chah mishakhang, Tsingrangba-nü Nyitsarü Tsurü ahechi tsü apu chah mishanung, ko abinü khüdupinü hechijünung. 33I tsurüti, Ih nührü te anyahli mülinung. Nührünü Ih yangchinung, ta Ihnü Jihudarü langnürüte yocho roh-i, ade Ihnü nührü te yore, ‘Ih khüilang würo hütsülang nührünü mürochehnung.’#Jhn 7.34 34Ko Ihnü ade nührü khyang yuzeng asi khüdu jüre: Nührü khüdunü khüdu te müitaang. Ihnü nührü müicho roh-i nührü khüunü khüu te müitaang.#Jhn 15.12, 17; 1 Jhn 3.23; 2 Jhn 5 35Nührü khüdunü khüdu te müitakhang, atümungnü nührü I monoepü müdhenung.”
Peter-nü Münyengchonung Jisu-nü Yojungre
(Mat 26.31-35; Mrk 14.27-31; Luk 22.31-34)
36Simon Peter-nü abi te tsingdhingcho, “Abüdongba, nüh khüilang wünung?”
Jisu-nü lalingcho, “Ih khüilang wünang nühnü adelü mürochehnung; ta akhanglang du iirochehnung.”
37Peter-nü tsingdhingcho, “Abüdongba, khütapü ade Ihnü nüh mü-iirochehnung? Nü nengdang sünung Ih rungnüm lile!”
38Jisu-nü lalingcho, “Nühnü I nengdang sünung yuje rungnüm lirü ang? Ihnü nüte yutsatsa yore: Hüna mükhongde nühnü Ih mümüdhepü asangpili yonung.”
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.