Matie e lɛl Ów ekʼit eke wɛl kʼuw any
Ów ekʼit eke wɛl kʼuw any
Matie a, wɛl bʼɛsŋʼn Levi yɛji. Lʼel Jwif eke bʼeb wus labm ↄŋ Rom ecʼes ɛw a. Jwifɛl bʼoc wus labm eb ɛsɛl a ɛsɛ agŋ ekʼɛju ɛl ecʼɛb a os eke -li kʼↄny sosiɛm ecʼaf. -Li bʼifn wɛl, gbɛkↄ Jesu ɛsŋ Matie el in e jam ɛsɛl ab ɛm e nyam (Matie 9.9-13).
Matie nↄn Jesu eci Amani Mamn na yecʼɛtŋ ke li yɛ́gm Jwifɛl eke Jesu el Mesi a. Li bʼɛlu Amani Sig ɛm eci susu nↄnↄ ↄkm lʼakm Amani Owr eci lɛl nↄn ɛsɛl a fɛŋ, yecʼɛtŋ ke li yɛ́gm eke kokoba ↄb ɛsɛl a dad Jesu e lís e low a. Amani Sig ɛm ecʼów amua ɛm lele Jesu eci sodad ab ab ɛm a, Matie am ɛlu ↄkm yɛgm eke Mesi a elm Jwifɛl sↄny cɛ ecʼEs Eb Ɛlu Ɛs, kↄ agŋ a fɛŋ eci. Ɛmɛny nʼam ɛlu ↄkm li yɛgm eke Nyam ecʼEs Ɛw a elm es ɛw eke wɛl kok ɛw es wus af aŋa ɛsɛ elel eke Jwifɛl am ↄmn ab af; ow el es ɛw eke anŋ ɛgŋ ɛgŋ fɛŋ ekʼub nawrɛ a ecʼɛrm ab ɛm. Matie oc Mois ecʼol a ɛsɛ ɛb ir eci nyimn ob af, gbɛkↄ nʼam dad elel eke Jesu yɛgmn agŋ ol a e liy a tasi a ekʼanm ɛsɛ Farisiɛl eci low yɛgm ab af (Matie 5.17).
ที่ได้เลือกล่าสุด:
Matie e lɛl Ów ekʼit eke wɛl kʼuw any: adj
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 1998, Wycliffe Bible Translators, Inc.