Mateo 3
3
Juan Bautista mé kjuákꞌe nte̱je̱
(Mr. 1:1-8; Lc. 3:1-9, 15-17; Jn. 1:19-28)
1A̱ndá ti ña̱o a, chꞌin Juan, ti nkexro ti̱ki̱te chojni, mé kjuákꞌe nte̱je̱ Judea kjuako, 2#Mt. 4:17; Mr. 1:15.*ndáchro:
―Ti̱to̱héra iji̱ára la tjínkíra ti nkehe tjénka̱yáxinra la titekáonra Díos kixin ti kjuachaxin kuènté Díos la í séhya itsi.
3 #
Is. 40:3. *Tíhi ti tsíkjin Isaías kuènté Juan, ndáchro:
Tsihin sin itén ijnko nkexro tsjakꞌe nte̱je̱ tsꞌèya tsondáchro:
“Tóxakohanra ncheyóxinra nti̱a kuènté Ìnchéni.
Takítjehéra ijnko nti̱a ndoí.”
4 #
2Rs. 1:8. *Chꞌin Juan mé kuékꞌinkáya chꞌan ika tsíkꞌónaxín ka̱xre̱e camello la ko kuékꞌinkatꞌóxin chꞌan ijnko tjo̱a̱ tsíkꞌónaxín tjo̱é iko. La ti nkehe kꞌuékjinie chꞌan mé kochjoá la ko itsje̱n kotsje̱nta siín nte̱je̱. 5Itsjé chojni tsíkji̱xi̱n Jerusalén, la ko Judea la ko ti chojni tjejó chjinaxón ti nda̱río Jordán mé kjuíji sin kixin tsihin sin ti nkehe tjako chꞌin Juan. 6La chrónka sin ti iji̱é sin ndá chꞌin Juan kui̱ki̱texín chꞌan sin ti nda̱río Jordán.
7 #
Mt. 12:34; 23:33. *Ndá ti kꞌuíkon chꞌan kixin ikui ti sin fariseo la ko ti sin saduceo kixin tjinkaon sin chrókuikite sin la ndáchro chꞌan:
―Jahara tsíkꞌaxrjeníxinra konche. ¿Xá nkexro kjuitꞌayahara kixin jína tsinkehéra ti kjuanínkaon kuènté Díos itsi chrꞌéxi̱n? 8Ticháxi̱n tsjáko̱xi̱nra kixin chaxín kjuitóxi̱nra ti nkehe tjénka̱yáxinra. 9#Jn. 8:33.*La chrókjui̱nchenkehyara chróndáchrora kixin Abraham kꞌuaxrjeníxinra. Kixin janhan ndáxrja̱n kixin kjónté ti ixro̱ i, la Díos tsjacha sichꞌéna chojni tsíkꞌaxrjeníxin Abraham. 10#Mt. 7:19.*Ti hacha la ó tjechóhen kixin tsochrijinxín ti inta la kaín ti inta tꞌónahña ito la tsochrijin kixin tsoche. 11Janhan la chaxín ìnta̱ ó tíki̱texián chojni kixin tja̱ko̱xi̱n sin kixin chaxín ó kuíto̱he sin ti iji̱é sin. A̱ndá ti nkexro itsi chrꞌéxi̱n mé tsi̱ki̱texínra ti Ncha̱kuén Díos la ko xrohi. Jehe chꞌan la a̱ntsí tꞌe̱to̱an chꞌan. La tósuàna chrókjuakꞌéxria̱ha̱ chꞌan ti to̱ka̱té chꞌan. 12Jehe chꞌan la ó tjexraá chꞌan ti pala sinchetjuáxin chꞌan ti noatrigo, la ti noatrigo la tsjenájín chꞌan tsꞌe̱nka̱chjina chꞌan. A̱ndá ti chji̱nínó la tsjakaxín chꞌan ti xrohi nkochríxín tsꞌankahya ―mé xi̱kaha ichro chꞌin Juan.
Kuikite Jesús
(Mr. 1:9-11; Lc. 3:21-22)
13Ndá chꞌin Jesús kjui̱xi̱n Galilea la ikui chꞌan ti nda̱río Jordán ti itjen chꞌin Juan kixin chꞌin Juan tsi̱ki̱te ti jehe chꞌan. 14Kjánchó chꞌin Juan la chrohya chꞌan tsi̱ki̱te chꞌan ti chꞌin Jesús, la ndáchro chꞌan:
―Náhí. Jaha chrókuíki̱tena, landá, ¿jaha kꞌuinkachréhé ti janhan ní?
15Ndá kjuáte̱he chꞌin Jesús ndáchro:
―Tito̱hé, xi̱kahña tjénka̱yáxian kixin ticháxi̱n tsíki̱tena kixin tsoxiteyá ti nkehe kꞌue̱to̱an Díos.
Ndá chꞌin Juan kuitekaon. 16Ndá ti ó kjuixin kuikite chꞌin Jesús ndá kꞌuaxrjenkíxin chꞌan ti ìnta̱ la xitje̱he̱ ti nka̱jní la kꞌuíkon chꞌan ti Ncha̱kuén Díos kui̱xi̱n nkaya nka̱jní, éxi ijnko kontóá xi̱kaha, la kjuákꞌe chritaón ti jehe chꞌan. 17#Gn. 22:2; Sal. 2:7; Is. 42:1; Mt. 12:18; 17:5; Mr. 1:11; Lc. 9:35.*Ndá kuíhin sin ijnko itan kui̱xi̱n nka̱jní, ndáchro:
―Tíhi mé xja̱na imá tjua̱ha̱ la imá chàna kixin nchexiteyá chꞌan.
ที่ได้เลือกล่าสุด:
Mateo 3: poeNTplus
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2016, Wycliffe Bible Translators, Inc. All rights reserved.