INṬANNA 24
24
Isak nuhmei ding hmupêka a um thu
1Chun, Abraham chu a hung upa a, a hung tar ta hleh a; chun, LALPAIN Abraham chu thil iengkimah mal a sâwm tah a.
2Chun, Abraham chun a siehlaw, a in sûnga upa tak,#Hotu tak a nei po po chunga thuneitu kuoma chun, “Lunginsiettakin i kut kha ka elpui hnuoiah rawl rawh; 3chuongchun, LALPA, vân Pathien le hnuoi Pathien chu sâlin, ka umna Kanaan mihai nunghâk laia mi hi ka naupa nuhmeia neipêk lo dingin, ṭawng kân khâmtir ding che a nih;
4ka ram tieng, ka laibunghai laia fein, ka naupa Isak hi nuhmei i neipêk lem ding a nih,” a ta.
5Siehlaw chun a kuomah, “Nuhmei chun hi ram tieng hin a mi zui nuom kher da el rawi mawh, i naupa hi i hung suokna ram tieng chun ka ṭhuoi kîr ding am nîng a ti?” a ta.
6Abraham chun a kuomah, “Ka naupa hi chutaka chun ṭhuoi kîr nâwk naw dingin fimkhur rawh.
7LALPA vân Pathien, ka pa ina inthawk le ka piengna rama in- thawka mi ṭhuoi suoktu le, a mi betu, ‘Hi ram hi i thlahai kuomah la pêng ka tih,’ tiha ka kuoma inkhâma hriltu chun, ama ngeiin vântirko chu i hmaah infetir a ta, chutaka inthawk chun ka naupa hi nuhmei i hung neipêk ding a nih.
8Chun, nuhmei chun a zui nuom naw che chun, ka kuoma i înkhâmna kawnga hin inthieng el i tih; ieng- khawm ni sien ka naupa hi chutaka chun i ṭhuoi kîr nâwk ding a ni nawh,” a tih a.
9Chuongchun, siehlaw chun a kut chu a pu Abraham êlpui hnuoia chun a rawl a, chu thua chun a kuoma chun ân khâm tah a.
10Chun, siehlaw chun a pu sanghâwngsei laia mi sanghâwngsei sâwm a ṭhuoi a, a pu thil ṭha tinrêng chawiin a suok tah a: chuongchun, a tho a, Mesopotamia rama Nahor-hai khuoa chun a fe tah a.
11Chun, zântienga nuhmei ruol tui chawi dinga an suok hun lai tak chun, khawhnâwmah tuisunsuo kâwla chun a sanghâwngseihai chu ân dingṭhaṭhuontir a.
12Chun, “Aw LALPA, ka pu Abraham Pathien, lunginsiettakin vawisûn hin mîn hlawtlingtir la, ka pu Abraham chunga chun lungin- sietna inlangtir rawh.
13En ta, tuikhur kâwlah ka ngîr a, khuoa mihai naunuhmei ruol khawm tui chawi dingin an hung hi:
14chuongchun, hieng ang hin ni raw se, nunghâk tu kuoma khawm, ‘Lunginsiettakin ka dâwn dingin i tuibêl kha sukhnuoi raw khai,’ ka tih a; ‘Dâwn rawh, i sanghâwngseihai khawm dâwn ding pêng ka tih,’ titu taphawt chu, chu ngei chu i siehlaw Isak ta dinga i ruot chu ni raw se; chutaka chun ka pu chungah lunginsietna în entir ti hrieng ka tih,” a ta.
15Chun, a hril zo hmain, ngai ta, Abraham sangpa Nahor nuhmei Milka naupa Bethuel naunu Rebeka chu a liengkoa tuibêl putin a hung suok a.
16Chu nunghâk chu a hmêl a ṭha hleh a, nunghâk inthieng a nih a, pasal hrim hrimin an la pâwl ngai dêr nawh. Tuikhura chun a zu feh a, a tuibêl a thâl sip a, a hung tung tah a.
17Chun, siehlaw chu ân tuokpui dingin a tlân a, “Lunginsiettakin i tuibêla tui kha tlâwmte mîn dâwntir raw khai,” a tih a.
18Ama chun, “Dâwn ta la, pu,” a ta; inhmâwtakin a tuibêl chu a kutah a dawm thlâk a, ân dâwntir tah a.
19Ama ân dâwntir zo chun, “I sanghâwngseihai khawm an dâwn khawp hmakhat chun chawi pei ka tih,” a ta.
20Chun, inhmâwtakin a tuibêl chu ran thlênga chun ân ruok a, tui chawi dingin tuisunsuo tieng chun a tlân nâwk a, a sanghâwngseihai po po ta ding chun a chawi ta pei a.
21A vân zinnaa chun LALPAIN ân hlâwtlingtir le tir naw hrietna dingin siehlaw chun amanu chu to ṭawkin a en zing a,
22sanghâwngseihai chun an dâwn khawp phingleh, siehlaw chun rângkachak hnâra inbûk duli bûk le, a kuta dingin bânbun pahni rângkachak tangka sâwm bûk a phawr a;
23a kuomah, “Tu naunu am i nih a, lunginsiettakin mi hril ta. I pa inah kan riekna ding hmun um a ti?” a tih a.
24Ama chun a kuomah, “Nahor ta dinga nei Milka naupa Bethuel naunu ka nih,” a ta.
25Ama bawkin a kuomah “Bupâwl le ran bu kan hau ve veh a, riekna hmun khawm kan nei,” a ti nâwk a.
26Chuongchun, siehlaw chun a lu a kûn a, LALPA chu chibai a bûk a.
27Chun, “Ka pu chunga a lunginsietna le a takna bo ngailo LALPA, ka pu Abraham Pathien chu inpâkin um raw se; kei khawm hi Lalpa chun ka pu unauhai in tieng a mi ṭhuoi a lo ni hi,” a tih a.
28Chun, nunghâk chu a tlân a, chuong thu chu a nu sûnghai a va hril a.
29Rebeka chun ṭapa a nei a, a hming chu Laban a nih: chuongchun, Laban chu a suok a, tuikhur tieng mi kuoma chun a va tlân a.
30Hnâra inbûk le a farnu kuta bânbunhai chu a hmuh a, “Mi chun chuong ang khâng ang chun a mi tih,” tiha a farnu Rebeka thu hril chu a hriet phingleh, mi kuoma chun a va feh a; chun, ngai ta, ama chu tuikhura sanghâwngseihai lai chun a lo ngîr zing a.
31Chun, Laban chun, “Nang LALPA malsâwmna dawngtu, hung lût rawh, iengdinga tuola i ngîr zing am? In le sanghâwngseihai ta ding hmun ka siemrêl tah a nih,” a ta.
32Chun, chu mipa chu ina chun a lût a, chun Laban chun sa- nghâwngseihai thuomhnaw chu a sût a; sanghâwngseihai ta ding chun bupâwl le ran bu a pêk a, a ke le a ruolhai ke sâwpna dingin tui a pêk bawk a.
33Chun, Abraham siehlaw hmaa chun fâk ding an hung pêk bawk a; nisienlakhawm, ama chun, “Ka hungna san thu ka hril hmakhat chun fa naw ning,” a tih a. Ama chun, “Hril ta la,” a tih a.
34Chun, ama chun, “Abraham siehlaw ka nih.
35LALPA chun ka pu chu nasatakin mal a sâwm a, mi lientak a hung nih a. LALPA chun ama chu berâm ruol dâm, bâwng ruol dâm, tangka dâm, rângkachak dâm, suok- pa dâm, suoknu dâm, sanghâwng- seihai dâm, sabengtung dâm, a pêk bawk a.
36Ka pu nuhmei Sara chun a tar hnungin ka pu ta dingin naupasal a nei a; ama kuoma chun a nei po po a pêk vawng a.
37Ka pu chun, ‘Ka umna rama Kanaan mihai nunghâk laia mi hi ka naupa nuhmeiah i neipêk ding a ni nawh:
38ka pa in tieng, ka laibunghai laia fein, ka naupa ta dingin nuhmei i neipêk lem ding a nih,’ tiin ṭawng a mîn khâmtir a.
39Keiin ka pu kuoma chun, ‘Nuhmei chun a mi zui nuom da el rawi mawh,’ ka tih a.
40Nisienlakhawm, ama chun ka kuomah, ‘LALPA a hmaa ka um hlakna chun a vântirko chu i kuomah tir a ta, i fena dinga chun inhlâw- tlingtir a ti che; chuongchun, ka naupa ta dingin ka laibunghai le ka pa sûnghai laia mi nuhmeiah i neipêk ding a nih;
41ka laibunghai kuom ngei i tlung pha chun în khâmnaa inthawk hin inthieng i tih, nunghâk chu an pêk naw che chun, ka kuoma în khâmnaa inthawk hin inthieng i tih,’ a tih a.
42Chuongchun, vawisûn hin tui- khur chu ka hung tlung a, ‘Aw LALPA, ka pu Abraham Pathien, ka fenaa hin i mîn hlâwtlingtir ding chun,
43en ta, tuikhur kâwlah ka ngîr hi: chun, hieng ang hin ni raw se, nunghâk tui chawi dinga hung suok tu kuoma khawm, “Lunginsiettakin dâwn dingin i tuibêla tui kha tlâwmte mi pe ta,” ka tih a:
44Chun, amân, “Dâwn rawh, i sanghâwngseihai ta ding khawm hin chawi ka tih,” titu taphawt chu, chu ngei chu ka pu naupa ta dinga LALPA nuhmei ruot chu ni raw se,’ ka tih a.
45Chun, ka lungrila ka hril zo hma chun, ngai ta, Rebeka hi a tuibêl putin a hung suok a; chun, tuikhura chun a zu feh a, tui a zu chawi a; chun, a kuomah, ‘Lungin- siettakin tui mîn dâwntir ta khai,’ ka tih a.
46Ama hin inhmawtakin a lieng- koa inthawk chun a tuibêl chu a dawm thlâk a, ‘Dâwn rawh, i sanghâwngseihai khawm hi dâwn ding pêng ka tih,’ a ta: chuongchun, ka dâwn a, sanghâwngseihai khawm ân dâwntir bawk a.
47Chun, keiin, ‘Tu naunu am i nih a?’ tiin kân dawn a. Ama chun, ‘Milka ineipêk Nahor naupa Bethuel naunu ka nih,’ a tih a; chun, hnâra inbûk chu a hnârah kân bûk a, bânbunhai chu a kutah kân buntir bawk a.
48Chun, ka lu ka kûn a, LALPA chu chibai ka bûk a, LALPA, ka pu Abraham Pathien, ka pu laibungpa naunu hi a naupa ta dinga nuhmeia neipêk dinga lampui indiktaka mi ṭhuoitu chu kân pâk bawk a.
49Chuongchun, tuhin, ka pu in lunginsiet a, a chungah thaw tak taka in thaw ding chun mi hril ro; in thaw naw ding khawmin mi hril bawk ro; chuongchun, ka thaw dân ding hre thei ka tih,” a ta.
Rebekain Siehlaw a zui
50Chun, Laban le Bethuel chun an dawn a, “Hi thil hi LALPAA inthawka suok a ni hi, a sie a ṭha khawm i kuomah kan hril thei nawh.
51En ta, Rebeka chu i hmaa hi a um annâwm, ṭhuoi la fe el rawh, LALPAIN a hril angin i pu naupa nuhmeiin um raw se,” an tih a.
52Abraham siehlaw chun an thu chu a hriet phingleh hnuoi sikin LALPA chibai a bûk tah a.
53Chun, Abraham siehlaw chun tangkaruo incheinahai le, rângka- chak incheinahai le silfênhai a lâk suok a, Rebeka kuoma chun a pêk a; a ṭapa le a nu kuoma khawm chun thil hlutak takhai a pêk bawk a.
54Chun, ama le a ruolhai chun an fâkin an dâwn a, an riek tah a. Zîngkâra an tho chun, “Ka pu kuomah mîn fetir ta ro,” a tih a.
55A ṭapa le a nu chun, “Tawinu hi ni sâwt nawte, ni sâwm bêk kan kuomah um hri raw se; chu hnunga chun fe de nih,” an tih a.
56Ama chun an kuomah, “Mi sukhnu naw ro khai, LALPA chun ka fenaa hin a mîn hlâwtlingtir ta sih a: ka pu kuoma ka fe theina dingin mîn fetir el lem ro khai,” a ta.
57Anni chun, “Tawinu chu ko kan ta, ama bau ngeiah bieng kan tih,” an ta.
58Chuongchun, Rebeka chu an ko a, a kuomah, “Hi mipa kuoma hin fe nuom i ti?” an tih a. Ama chun, “Nuom e,” a ta.
59Chuongchun, an farnu Rebeka le, a dawntu le, Abraham siehlaw le a rawihai chu an infetir tah a.
60Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.
61Chuongchun, Rebeka chu a tho a, a suoknuhai leh sanghâwngseihai chunga chun an chuong a, mi chu an zui tah a; chuongchun, siehlaw chun Rebeka chu a ṭhuoi a, a fe tah a.
62Chun, Isak chu Beer-lahai-roi tienga inthawk chun a hung a, Sim rama#Negeb-a um a ni sih a.
63Chun, Isak chu zântieng hin inngaituo dingin phûlah a va lêng suok a: chun, a hei nghah a, a en a; chun, ngai ta, sanghâwngseihai an hung a.
64Chun, Rebeka chu a hang nghah a, Isak chu a hmu phingleh sanghâwngsei chunga inthawk chun a ṭum tah a.
65Abraham siehlaw kuoma chun, “Phûla a mi tuok dinga hung saw tu am a na?” a tih a. Siehlaw chun, “Ka pu a ni saw,” a ta: chuong- chun, ân khumna puon a lâk a, ân khum tah a.
66Chun, siehlaw chun a thilthaw po po chu Isak a hril a.
67Isak chun Rebeka chu a nu Sara puon ina chun a ṭhuoi lût a; chun, Rebeka chu a nei a, a nuhmei a hung ni tah a; chun, ama chu a hmangai hleh a, chuongchun, Isak chu a nu thi thua khawm chun a hung thlamuong thei tah a.
ที่ได้เลือกล่าสุด:
INṬANNA 24: HMARCLBSI
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
INṬANNA 24
24
Isak nuhmei ding hmupêka a um thu
1Chun, Abraham chu a hung upa a, a hung tar ta hleh a; chun, LALPAIN Abraham chu thil iengkimah mal a sâwm tah a.
2Chun, Abraham chun a siehlaw, a in sûnga upa tak,#Hotu tak a nei po po chunga thuneitu kuoma chun, “Lunginsiettakin i kut kha ka elpui hnuoiah rawl rawh; 3chuongchun, LALPA, vân Pathien le hnuoi Pathien chu sâlin, ka umna Kanaan mihai nunghâk laia mi hi ka naupa nuhmeia neipêk lo dingin, ṭawng kân khâmtir ding che a nih;
4ka ram tieng, ka laibunghai laia fein, ka naupa Isak hi nuhmei i neipêk lem ding a nih,” a ta.
5Siehlaw chun a kuomah, “Nuhmei chun hi ram tieng hin a mi zui nuom kher da el rawi mawh, i naupa hi i hung suokna ram tieng chun ka ṭhuoi kîr ding am nîng a ti?” a ta.
6Abraham chun a kuomah, “Ka naupa hi chutaka chun ṭhuoi kîr nâwk naw dingin fimkhur rawh.
7LALPA vân Pathien, ka pa ina inthawk le ka piengna rama in- thawka mi ṭhuoi suoktu le, a mi betu, ‘Hi ram hi i thlahai kuomah la pêng ka tih,’ tiha ka kuoma inkhâma hriltu chun, ama ngeiin vântirko chu i hmaah infetir a ta, chutaka inthawk chun ka naupa hi nuhmei i hung neipêk ding a nih.
8Chun, nuhmei chun a zui nuom naw che chun, ka kuoma i înkhâmna kawnga hin inthieng el i tih; ieng- khawm ni sien ka naupa hi chutaka chun i ṭhuoi kîr nâwk ding a ni nawh,” a tih a.
9Chuongchun, siehlaw chun a kut chu a pu Abraham êlpui hnuoia chun a rawl a, chu thua chun a kuoma chun ân khâm tah a.
10Chun, siehlaw chun a pu sanghâwngsei laia mi sanghâwngsei sâwm a ṭhuoi a, a pu thil ṭha tinrêng chawiin a suok tah a: chuongchun, a tho a, Mesopotamia rama Nahor-hai khuoa chun a fe tah a.
11Chun, zântienga nuhmei ruol tui chawi dinga an suok hun lai tak chun, khawhnâwmah tuisunsuo kâwla chun a sanghâwngseihai chu ân dingṭhaṭhuontir a.
12Chun, “Aw LALPA, ka pu Abraham Pathien, lunginsiettakin vawisûn hin mîn hlawtlingtir la, ka pu Abraham chunga chun lungin- sietna inlangtir rawh.
13En ta, tuikhur kâwlah ka ngîr a, khuoa mihai naunuhmei ruol khawm tui chawi dingin an hung hi:
14chuongchun, hieng ang hin ni raw se, nunghâk tu kuoma khawm, ‘Lunginsiettakin ka dâwn dingin i tuibêl kha sukhnuoi raw khai,’ ka tih a; ‘Dâwn rawh, i sanghâwngseihai khawm dâwn ding pêng ka tih,’ titu taphawt chu, chu ngei chu i siehlaw Isak ta dinga i ruot chu ni raw se; chutaka chun ka pu chungah lunginsietna în entir ti hrieng ka tih,” a ta.
15Chun, a hril zo hmain, ngai ta, Abraham sangpa Nahor nuhmei Milka naupa Bethuel naunu Rebeka chu a liengkoa tuibêl putin a hung suok a.
16Chu nunghâk chu a hmêl a ṭha hleh a, nunghâk inthieng a nih a, pasal hrim hrimin an la pâwl ngai dêr nawh. Tuikhura chun a zu feh a, a tuibêl a thâl sip a, a hung tung tah a.
17Chun, siehlaw chu ân tuokpui dingin a tlân a, “Lunginsiettakin i tuibêla tui kha tlâwmte mîn dâwntir raw khai,” a tih a.
18Ama chun, “Dâwn ta la, pu,” a ta; inhmâwtakin a tuibêl chu a kutah a dawm thlâk a, ân dâwntir tah a.
19Ama ân dâwntir zo chun, “I sanghâwngseihai khawm an dâwn khawp hmakhat chun chawi pei ka tih,” a ta.
20Chun, inhmâwtakin a tuibêl chu ran thlênga chun ân ruok a, tui chawi dingin tuisunsuo tieng chun a tlân nâwk a, a sanghâwngseihai po po ta ding chun a chawi ta pei a.
21A vân zinnaa chun LALPAIN ân hlâwtlingtir le tir naw hrietna dingin siehlaw chun amanu chu to ṭawkin a en zing a,
22sanghâwngseihai chun an dâwn khawp phingleh, siehlaw chun rângkachak hnâra inbûk duli bûk le, a kuta dingin bânbun pahni rângkachak tangka sâwm bûk a phawr a;
23a kuomah, “Tu naunu am i nih a, lunginsiettakin mi hril ta. I pa inah kan riekna ding hmun um a ti?” a tih a.
24Ama chun a kuomah, “Nahor ta dinga nei Milka naupa Bethuel naunu ka nih,” a ta.
25Ama bawkin a kuomah “Bupâwl le ran bu kan hau ve veh a, riekna hmun khawm kan nei,” a ti nâwk a.
26Chuongchun, siehlaw chun a lu a kûn a, LALPA chu chibai a bûk a.
27Chun, “Ka pu chunga a lunginsietna le a takna bo ngailo LALPA, ka pu Abraham Pathien chu inpâkin um raw se; kei khawm hi Lalpa chun ka pu unauhai in tieng a mi ṭhuoi a lo ni hi,” a tih a.
28Chun, nunghâk chu a tlân a, chuong thu chu a nu sûnghai a va hril a.
29Rebeka chun ṭapa a nei a, a hming chu Laban a nih: chuongchun, Laban chu a suok a, tuikhur tieng mi kuoma chun a va tlân a.
30Hnâra inbûk le a farnu kuta bânbunhai chu a hmuh a, “Mi chun chuong ang khâng ang chun a mi tih,” tiha a farnu Rebeka thu hril chu a hriet phingleh, mi kuoma chun a va feh a; chun, ngai ta, ama chu tuikhura sanghâwngseihai lai chun a lo ngîr zing a.
31Chun, Laban chun, “Nang LALPA malsâwmna dawngtu, hung lût rawh, iengdinga tuola i ngîr zing am? In le sanghâwngseihai ta ding hmun ka siemrêl tah a nih,” a ta.
32Chun, chu mipa chu ina chun a lût a, chun Laban chun sa- nghâwngseihai thuomhnaw chu a sût a; sanghâwngseihai ta ding chun bupâwl le ran bu a pêk a, a ke le a ruolhai ke sâwpna dingin tui a pêk bawk a.
33Chun, Abraham siehlaw hmaa chun fâk ding an hung pêk bawk a; nisienlakhawm, ama chun, “Ka hungna san thu ka hril hmakhat chun fa naw ning,” a tih a. Ama chun, “Hril ta la,” a tih a.
34Chun, ama chun, “Abraham siehlaw ka nih.
35LALPA chun ka pu chu nasatakin mal a sâwm a, mi lientak a hung nih a. LALPA chun ama chu berâm ruol dâm, bâwng ruol dâm, tangka dâm, rângkachak dâm, suok- pa dâm, suoknu dâm, sanghâwng- seihai dâm, sabengtung dâm, a pêk bawk a.
36Ka pu nuhmei Sara chun a tar hnungin ka pu ta dingin naupasal a nei a; ama kuoma chun a nei po po a pêk vawng a.
37Ka pu chun, ‘Ka umna rama Kanaan mihai nunghâk laia mi hi ka naupa nuhmeiah i neipêk ding a ni nawh:
38ka pa in tieng, ka laibunghai laia fein, ka naupa ta dingin nuhmei i neipêk lem ding a nih,’ tiin ṭawng a mîn khâmtir a.
39Keiin ka pu kuoma chun, ‘Nuhmei chun a mi zui nuom da el rawi mawh,’ ka tih a.
40Nisienlakhawm, ama chun ka kuomah, ‘LALPA a hmaa ka um hlakna chun a vântirko chu i kuomah tir a ta, i fena dinga chun inhlâw- tlingtir a ti che; chuongchun, ka naupa ta dingin ka laibunghai le ka pa sûnghai laia mi nuhmeiah i neipêk ding a nih;
41ka laibunghai kuom ngei i tlung pha chun în khâmnaa inthawk hin inthieng i tih, nunghâk chu an pêk naw che chun, ka kuoma în khâmnaa inthawk hin inthieng i tih,’ a tih a.
42Chuongchun, vawisûn hin tui- khur chu ka hung tlung a, ‘Aw LALPA, ka pu Abraham Pathien, ka fenaa hin i mîn hlâwtlingtir ding chun,
43en ta, tuikhur kâwlah ka ngîr hi: chun, hieng ang hin ni raw se, nunghâk tui chawi dinga hung suok tu kuoma khawm, “Lunginsiettakin dâwn dingin i tuibêla tui kha tlâwmte mi pe ta,” ka tih a:
44Chun, amân, “Dâwn rawh, i sanghâwngseihai ta ding khawm hin chawi ka tih,” titu taphawt chu, chu ngei chu ka pu naupa ta dinga LALPA nuhmei ruot chu ni raw se,’ ka tih a.
45Chun, ka lungrila ka hril zo hma chun, ngai ta, Rebeka hi a tuibêl putin a hung suok a; chun, tuikhura chun a zu feh a, tui a zu chawi a; chun, a kuomah, ‘Lungin- siettakin tui mîn dâwntir ta khai,’ ka tih a.
46Ama hin inhmawtakin a lieng- koa inthawk chun a tuibêl chu a dawm thlâk a, ‘Dâwn rawh, i sanghâwngseihai khawm hi dâwn ding pêng ka tih,’ a ta: chuongchun, ka dâwn a, sanghâwngseihai khawm ân dâwntir bawk a.
47Chun, keiin, ‘Tu naunu am i nih a?’ tiin kân dawn a. Ama chun, ‘Milka ineipêk Nahor naupa Bethuel naunu ka nih,’ a tih a; chun, hnâra inbûk chu a hnârah kân bûk a, bânbunhai chu a kutah kân buntir bawk a.
48Chun, ka lu ka kûn a, LALPA chu chibai ka bûk a, LALPA, ka pu Abraham Pathien, ka pu laibungpa naunu hi a naupa ta dinga nuhmeia neipêk dinga lampui indiktaka mi ṭhuoitu chu kân pâk bawk a.
49Chuongchun, tuhin, ka pu in lunginsiet a, a chungah thaw tak taka in thaw ding chun mi hril ro; in thaw naw ding khawmin mi hril bawk ro; chuongchun, ka thaw dân ding hre thei ka tih,” a ta.
Rebekain Siehlaw a zui
50Chun, Laban le Bethuel chun an dawn a, “Hi thil hi LALPAA inthawka suok a ni hi, a sie a ṭha khawm i kuomah kan hril thei nawh.
51En ta, Rebeka chu i hmaa hi a um annâwm, ṭhuoi la fe el rawh, LALPAIN a hril angin i pu naupa nuhmeiin um raw se,” an tih a.
52Abraham siehlaw chun an thu chu a hriet phingleh hnuoi sikin LALPA chibai a bûk tah a.
53Chun, Abraham siehlaw chun tangkaruo incheinahai le, rângka- chak incheinahai le silfênhai a lâk suok a, Rebeka kuoma chun a pêk a; a ṭapa le a nu kuoma khawm chun thil hlutak takhai a pêk bawk a.
54Chun, ama le a ruolhai chun an fâkin an dâwn a, an riek tah a. Zîngkâra an tho chun, “Ka pu kuomah mîn fetir ta ro,” a tih a.
55A ṭapa le a nu chun, “Tawinu hi ni sâwt nawte, ni sâwm bêk kan kuomah um hri raw se; chu hnunga chun fe de nih,” an tih a.
56Ama chun an kuomah, “Mi sukhnu naw ro khai, LALPA chun ka fenaa hin a mîn hlâwtlingtir ta sih a: ka pu kuoma ka fe theina dingin mîn fetir el lem ro khai,” a ta.
57Anni chun, “Tawinu chu ko kan ta, ama bau ngeiah bieng kan tih,” an ta.
58Chuongchun, Rebeka chu an ko a, a kuomah, “Hi mipa kuoma hin fe nuom i ti?” an tih a. Ama chun, “Nuom e,” a ta.
59Chuongchun, an farnu Rebeka le, a dawntu le, Abraham siehlaw le a rawihai chu an infetir tah a.
60Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.
61Chuongchun, Rebeka chu a tho a, a suoknuhai leh sanghâwngseihai chunga chun an chuong a, mi chu an zui tah a; chuongchun, siehlaw chun Rebeka chu a ṭhuoi a, a fe tah a.
62Chun, Isak chu Beer-lahai-roi tienga inthawk chun a hung a, Sim rama#Negeb-a um a ni sih a.
63Chun, Isak chu zântieng hin inngaituo dingin phûlah a va lêng suok a: chun, a hei nghah a, a en a; chun, ngai ta, sanghâwngseihai an hung a.
64Chun, Rebeka chu a hang nghah a, Isak chu a hmu phingleh sanghâwngsei chunga inthawk chun a ṭum tah a.
65Abraham siehlaw kuoma chun, “Phûla a mi tuok dinga hung saw tu am a na?” a tih a. Siehlaw chun, “Ka pu a ni saw,” a ta: chuong- chun, ân khumna puon a lâk a, ân khum tah a.
66Chun, siehlaw chun a thilthaw po po chu Isak a hril a.
67Isak chun Rebeka chu a nu Sara puon ina chun a ṭhuoi lût a; chun, Rebeka chu a nei a, a nuhmei a hung ni tah a; chun, ama chu a hmangai hleh a, chuongchun, Isak chu a nu thi thua khawm chun a hung thlamuong thei tah a.
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.