Matiyu 10
10
Isaye kǝngayamba mewun yindindǝa galadu
(Mar 3.13-19; Luk 6.12-16)
1Isa fuwurawanju mewun yindindǝa bowoje tayiro kǝnduwo sedan dudaye-a am kasuwa so, kǝndondi so jiɍi fi yayea isangaduwuye-a kaino. 2Cuwa kǝngayambanju mewun yindindǝyedǝ, tayima Siman kam tiro Biturus canidǝ, yanjugǝna Andarawus, Yakuba tada Jabadiye, yanjugǝna Yahaya, 3Filibus, Bartolomi, Toma, Matiyu akki mowoma, Yakuba tada Alfawusse, Tadawus, 4Siman kam Kan’anaye,#10.4 kam Kan’anaye - Kam lardunju rawoma. Yahusa Iskariyot kam mukko kǝladowayero Isaa sǝrǝttuwumadǝ.
Jawawi Isaye kǝla kida-a bone nja-ayen
Kida tayi mewun yindindǝye
(Mar 6.7-13; Luk 9.1-6)
5Isa tayi mewun yindin aniro wada ce kinodo. Tayiro: «Bare na kǝrdiyayero lenuwwi bi bǝlawa Samariyawuyero ngawuwwi, 6biya na jama Israyilawu tayi dimiya faccaanadǝ gaiyero lenowo! 7Lenuwilan, ambo: “Nodo bargaa Mai Samemaye del karǝnjǝna!” wulgǝnowo. 8Am dondia isangagǝnowo, am sanunaa roaro kalangowo, am barasuaa isangagǝnowo tayirro walja, sedanna dunowo. Dero kiwanduw, nayi ye dero yowo.
9«Bare kunguna dinarre, bi ɍiwullaye, bi kulloye ngonuwwi, 10koro bare ngǝrwu, bi gǝmaje yindi, bi suno gade, bi ka ngonuwwi, kidamaro ngǝnǝwuramnju wajipcǝgǝna nangaro.
11«Bǝla-a bǝladeya-a fi yayero ngawuwiya, kam ngǝlama manowo fannjun jǝmmowo nammowo, har kawu nadǝa kolluwiro. 12Fannjuro ngawuwiya, barga dǝpkǝgǝnowo. 13Am fadodǝye ngǝlaro njamoyia, bargandodǝ tayilan dǝga. Amma nayia mowo wajaia, bargandodǝ nandoro waldo. 14Wunduma nayia njamowonni bi manando ngojǝnnia, fadodǝa bi bǝladǝa kolluwiya, katti sindoye kagangowo.#10.14 katti sindoye kagangowo - Sǝmo kasta, maananjudǝ wowom Alayero tayia koljagai. 15Jiremaro nayiro wulnjagakki, kiyama wakkajiya, wowom am bǝla adǝyedǝ am bǝrni Sodombe-a Gomorre-adǝyea#10.15 bǝrni Sodombe-a Gomorre-a - Bǝrniya duwon amnja jauro diwi nangaro Ala tayiro samelan kannu fijiye siyeyeno. nanjaunin koji.
Bone nja mbeji
(Mar 13.9-13; Luk 21.12-17)
16«Fanowo, dimiya curo bulduwayero ngasaana gairo nayia njanodǝkki. Adǝ nangaro kadi gai burwoaro wallowo, koro bullam gai biwu bawoaro dǝgaiwo. 17Amsoro hangal gǝnanowo, dalilnjudǝ nayia njadane fuwu majilissero njasade dandalnjasolan kowonjai, 18koro wu nangaro fuwu gomna so, mai soyero njasadi, tayi-a kǝrdiya-aro shedaro walloworo. 19Shararo njasadiya, bare kǝla jiɍi mananuwi bi awo wulluwiyen karwungai diwwi. Ruhu Bawandoyedǝ sadǝn awo wulluwidǝa nayiro njadi, 20dalilnjudǝ nayi gǝni mananuwi, tima nayiyen manaji nangaro. 21Yaana yanjugǝnaa sǝrǝcciye roro ceyesi, bawa ye tadanjua ngai, tadawa ye bawanja-a yanja-aro tuɍu cadde casakke tayia roro ceyesi. 22Cuni nangaro#10.22 cuni nangaro - Isaa kasadduwwa nangaro. am samma nayia wanjai, amma kam mǝrje har sa njerorambero dǝganamadǝ njǝkkawo cuwandi. 23Bǝla laan nayia basarnjaiya, bǝla gadero kasowo lenowo. Jiremaro nayiro wulnjagakki, kawu Tada Kambedǝ walde isidǝro, bǝlawa Israyilawuye sammaa ga yeruwwawo.
24«Fuwura malǝmnjua kojiwawo, koro wolodi kǝmanjua kojiwawo. 25Fuwura malǝmnju gairo waljiya, jussǝna. Wolodi ye kǝmanju gairo waljiya, jussǝna. Kǝma fadoyedǝa Beljabullan#10.25 Beljabul - Mai sedannaye tiro Yiwulis cani. bowoyera, balle am fannjuye?
Bare rinuwwi!
(Luk 12.1-12)
26«Adǝ nangaro bare tayia rinuwwi. Awima jakkada federo culuwiwawodǝ bawo, koro awima asǝrre nodiwawodǝ bawo. 27Awo curo buneyen nayiro wulnjagakkǝnadǝa kausulan wullowo, koro awo curo sǝmondoyen tatapcane fanuwwadǝ yea farsamlan kurungowo. 28Am tiyi ceyesi ro rakcane cattuluwiwawodǝa bare rinuwwi. Amma ti ro-a tiyi-a sammaa rakce kannu jahannamayen sijiyidǝa rinowo! 29Binaru yindi gursu tiloro caladi, gǝna? Adǝ yaye Bawandoye nodunjun gǝnia, falnjama cidiro cukkuriwawo. 30Nayidǝ, kanduɍi kǝlandoyema samma komgada. 31Adǝ nangaro bare rinuwwi, binaru ngǝwua darajan konuwwa. 32Wundu duwon fuwu amben wua kasansǝnamadǝ, wu ye fuwu Bawani Mai Samemayen tia kasaddǝkki. 33Amma wundu duwon fuwu amben wua angǝrsǝnamadǝ, wu ye fuwu Bawani Mai Samemayen tia angǝrnǝkki.
Firda mbeji
(Luk 12.49-59)
34«Bare duniaro nanlewa kudoro kadikkoro tǝmanuwwi. A’a, nanlewa gǝni, kashagar#10.34 kashagar - Firda. kudoro kadikko. 35Awoa amba firduro kadikko, tada kǝlado bawanjuyero walji, fero ye kǝlado yanjuyero walji, kamu tadaye ye kǝlado kǝsainjuyero walji. 36Adǝgaima kambe waduwunjudǝ am fannjuyero waljai. 37Wundu duwon bawanju bi yanjua wumaa kojǝnaro cǝraanamadǝ, kakkero waldu tinni. Wundu duwon tadanju bi feronjua wumaa kojǝnaro cǝraanamadǝ, kakkero waldu tinni. 38Koro wundu duwon kǝskanju karmoye#10.38 kǝska karmoye - Kǝska duwon tiro kam jajagane nuidǝ. ngoje wua sǝgannimadǝ, kakkero waldu tinni. 39Kam duwon ronju fando cǝraanamadǝ ronjudǝa cuwatki, amma kam duwon wu nangaro ronju cuwatkǝnamadǝ ronjudǝa cuwandi.
Mukowa fando
40«Kam nayia njamowonamadǝ wumaa sǝmowo. Koro kam wua sǝmowonamadǝ ye ti wua sunodǝnadǝmaa cǝmowo. 41Kam duwon nawia ti nawi nangaro cǝmowonamadǝ mukowa nawiye cuwandi. Koro kam jiremaa ti jirema nangaro cǝmowonamadǝ mukowa kam jiremaye cuwandi. 42Wundu duwon tayi aniye gananja laaro ti fuwurani nangaro ingi kǝnjaye samsu cinamadǝ, jiremaro nayiro wulnjagakki, tǝmmaro mukowanju fucciwawo,» yeno Isaye.
ที่ได้เลือกล่าสุด:
Matiyu 10: kby
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© (Active), SIM International
Matiyu 10
10
Isaye kǝngayamba mewun yindindǝa galadu
(Mar 3.13-19; Luk 6.12-16)
1Isa fuwurawanju mewun yindindǝa bowoje tayiro kǝnduwo sedan dudaye-a am kasuwa so, kǝndondi so jiɍi fi yayea isangaduwuye-a kaino. 2Cuwa kǝngayambanju mewun yindindǝyedǝ, tayima Siman kam tiro Biturus canidǝ, yanjugǝna Andarawus, Yakuba tada Jabadiye, yanjugǝna Yahaya, 3Filibus, Bartolomi, Toma, Matiyu akki mowoma, Yakuba tada Alfawusse, Tadawus, 4Siman kam Kan’anaye,#10.4 kam Kan’anaye - Kam lardunju rawoma. Yahusa Iskariyot kam mukko kǝladowayero Isaa sǝrǝttuwumadǝ.
Jawawi Isaye kǝla kida-a bone nja-ayen
Kida tayi mewun yindindǝye
(Mar 6.7-13; Luk 9.1-6)
5Isa tayi mewun yindin aniro wada ce kinodo. Tayiro: «Bare na kǝrdiyayero lenuwwi bi bǝlawa Samariyawuyero ngawuwwi, 6biya na jama Israyilawu tayi dimiya faccaanadǝ gaiyero lenowo! 7Lenuwilan, ambo: “Nodo bargaa Mai Samemaye del karǝnjǝna!” wulgǝnowo. 8Am dondia isangagǝnowo, am sanunaa roaro kalangowo, am barasuaa isangagǝnowo tayirro walja, sedanna dunowo. Dero kiwanduw, nayi ye dero yowo.
9«Bare kunguna dinarre, bi ɍiwullaye, bi kulloye ngonuwwi, 10koro bare ngǝrwu, bi gǝmaje yindi, bi suno gade, bi ka ngonuwwi, kidamaro ngǝnǝwuramnju wajipcǝgǝna nangaro.
11«Bǝla-a bǝladeya-a fi yayero ngawuwiya, kam ngǝlama manowo fannjun jǝmmowo nammowo, har kawu nadǝa kolluwiro. 12Fannjuro ngawuwiya, barga dǝpkǝgǝnowo. 13Am fadodǝye ngǝlaro njamoyia, bargandodǝ tayilan dǝga. Amma nayia mowo wajaia, bargandodǝ nandoro waldo. 14Wunduma nayia njamowonni bi manando ngojǝnnia, fadodǝa bi bǝladǝa kolluwiya, katti sindoye kagangowo.#10.14 katti sindoye kagangowo - Sǝmo kasta, maananjudǝ wowom Alayero tayia koljagai. 15Jiremaro nayiro wulnjagakki, kiyama wakkajiya, wowom am bǝla adǝyedǝ am bǝrni Sodombe-a Gomorre-adǝyea#10.15 bǝrni Sodombe-a Gomorre-a - Bǝrniya duwon amnja jauro diwi nangaro Ala tayiro samelan kannu fijiye siyeyeno. nanjaunin koji.
Bone nja mbeji
(Mar 13.9-13; Luk 21.12-17)
16«Fanowo, dimiya curo bulduwayero ngasaana gairo nayia njanodǝkki. Adǝ nangaro kadi gai burwoaro wallowo, koro bullam gai biwu bawoaro dǝgaiwo. 17Amsoro hangal gǝnanowo, dalilnjudǝ nayia njadane fuwu majilissero njasade dandalnjasolan kowonjai, 18koro wu nangaro fuwu gomna so, mai soyero njasadi, tayi-a kǝrdiya-aro shedaro walloworo. 19Shararo njasadiya, bare kǝla jiɍi mananuwi bi awo wulluwiyen karwungai diwwi. Ruhu Bawandoyedǝ sadǝn awo wulluwidǝa nayiro njadi, 20dalilnjudǝ nayi gǝni mananuwi, tima nayiyen manaji nangaro. 21Yaana yanjugǝnaa sǝrǝcciye roro ceyesi, bawa ye tadanjua ngai, tadawa ye bawanja-a yanja-aro tuɍu cadde casakke tayia roro ceyesi. 22Cuni nangaro#10.22 cuni nangaro - Isaa kasadduwwa nangaro. am samma nayia wanjai, amma kam mǝrje har sa njerorambero dǝganamadǝ njǝkkawo cuwandi. 23Bǝla laan nayia basarnjaiya, bǝla gadero kasowo lenowo. Jiremaro nayiro wulnjagakki, kawu Tada Kambedǝ walde isidǝro, bǝlawa Israyilawuye sammaa ga yeruwwawo.
24«Fuwura malǝmnjua kojiwawo, koro wolodi kǝmanjua kojiwawo. 25Fuwura malǝmnju gairo waljiya, jussǝna. Wolodi ye kǝmanju gairo waljiya, jussǝna. Kǝma fadoyedǝa Beljabullan#10.25 Beljabul - Mai sedannaye tiro Yiwulis cani. bowoyera, balle am fannjuye?
Bare rinuwwi!
(Luk 12.1-12)
26«Adǝ nangaro bare tayia rinuwwi. Awima jakkada federo culuwiwawodǝ bawo, koro awima asǝrre nodiwawodǝ bawo. 27Awo curo buneyen nayiro wulnjagakkǝnadǝa kausulan wullowo, koro awo curo sǝmondoyen tatapcane fanuwwadǝ yea farsamlan kurungowo. 28Am tiyi ceyesi ro rakcane cattuluwiwawodǝa bare rinuwwi. Amma ti ro-a tiyi-a sammaa rakce kannu jahannamayen sijiyidǝa rinowo! 29Binaru yindi gursu tiloro caladi, gǝna? Adǝ yaye Bawandoye nodunjun gǝnia, falnjama cidiro cukkuriwawo. 30Nayidǝ, kanduɍi kǝlandoyema samma komgada. 31Adǝ nangaro bare rinuwwi, binaru ngǝwua darajan konuwwa. 32Wundu duwon fuwu amben wua kasansǝnamadǝ, wu ye fuwu Bawani Mai Samemayen tia kasaddǝkki. 33Amma wundu duwon fuwu amben wua angǝrsǝnamadǝ, wu ye fuwu Bawani Mai Samemayen tia angǝrnǝkki.
Firda mbeji
(Luk 12.49-59)
34«Bare duniaro nanlewa kudoro kadikkoro tǝmanuwwi. A’a, nanlewa gǝni, kashagar#10.34 kashagar - Firda. kudoro kadikko. 35Awoa amba firduro kadikko, tada kǝlado bawanjuyero walji, fero ye kǝlado yanjuyero walji, kamu tadaye ye kǝlado kǝsainjuyero walji. 36Adǝgaima kambe waduwunjudǝ am fannjuyero waljai. 37Wundu duwon bawanju bi yanjua wumaa kojǝnaro cǝraanamadǝ, kakkero waldu tinni. Wundu duwon tadanju bi feronjua wumaa kojǝnaro cǝraanamadǝ, kakkero waldu tinni. 38Koro wundu duwon kǝskanju karmoye#10.38 kǝska karmoye - Kǝska duwon tiro kam jajagane nuidǝ. ngoje wua sǝgannimadǝ, kakkero waldu tinni. 39Kam duwon ronju fando cǝraanamadǝ ronjudǝa cuwatki, amma kam duwon wu nangaro ronju cuwatkǝnamadǝ ronjudǝa cuwandi.
Mukowa fando
40«Kam nayia njamowonamadǝ wumaa sǝmowo. Koro kam wua sǝmowonamadǝ ye ti wua sunodǝnadǝmaa cǝmowo. 41Kam duwon nawia ti nawi nangaro cǝmowonamadǝ mukowa nawiye cuwandi. Koro kam jiremaa ti jirema nangaro cǝmowonamadǝ mukowa kam jiremaye cuwandi. 42Wundu duwon tayi aniye gananja laaro ti fuwurani nangaro ingi kǝnjaye samsu cinamadǝ, jiremaro nayiro wulnjagakki, tǝmmaro mukowanju fucciwawo,» yeno Isaye.
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© (Active), SIM International