Cɑ̈gø 15
15
Kwøbb-ɑ Ánywɑg yi Jwøk geki Abrɑm
1Kì bɑng keny-ɑ ɑ́rum gïgɑni ki cwöbø, kɑ Jwøk, Jwøng-ɑ Ácwɑ̈ɑ̈j møge köbbe Abrɑm kì yethi lɑ̈g, ɑ́kööb kinni, “Abrɑm, yï ko böggi, yï ókor yi yɑn, kɑ yï nëngɑ ki köögi me dwøng cɑrø.”
2De Abrɑm ɑ́kööb kinni, “Á ngø ɑ ómëggí yɑn, yïn ɑ Wɑ̈ɑ Jwøng-ɑ Ácwɑ̈ɑ̈j? Yïɑ bong wɑ̈d, o bɑ Eliedher jɑl Dimɑceg ɑ ólɑg jɑmmɑ bënn keny-ɑ óthøwɑ.” 3Akööb Abrɑm kinni, “Lidh, bong wɑ̈d mɑ ɑ́mëggí yɑn, de bɑ bɑ̈ng men-ɑ ɑ́nywøl kì gølɑ, ɑ ólɑg jɑmmɑ bënn.”
4Aköbbi Abrɑm yi Jwøng-ɑ Ácwɑ̈ɑ̈j kinni, “Pɑth ki en ɑ ólɑg jɑmmí. Dïl wɑ̈dí ceth, en ɑ ólɑg jɑmmí.” 5#Röm 4.18; Ibru 11.12 Kɑ Abrɑm kïdhi wɑ̈g yi Jwøng-ɑ Ácwɑ̈ɑ̈j, ɑköbbe gøn kinni, “Lïïdh mɑl kɑ kyell kwɑɑn, keløg ge olwɑ̈ngø yi yïn ki kwɑnø.” Kɑ dhøge leenge kinni, “Kwɑrrí thyew óbëëd ge gïïr kinøw, ge pɑ cuggi kwɑnø.”
6 #
Röm 4.3; Gɑl 3.6; Yɑg 2.23 Abrɑm ɑ́yïëy ki kwøbbi Jwøng-ɑ Ácwɑ̈ɑ̈j. Kɑ yïëyi Abrɑm yïëy yi Jwøng-ɑ Ácwɑ̈ɑ̈j kinni bɑ dyër, kì bɑng yïëyø menɑni, Abrɑm ɑ́kwɑny yi Jwøng-ɑ Ácwɑ̈ɑ̈j ɑ́ ngeti dyër.
7Abrɑm ɑ́köbbi yi Jwøng-ɑ Ácwɑ̈ɑ̈j kinni, “Yɑ bene Jwøng-ɑ Ácwɑ̈ɑ̈j, ɑ ɑ́kɑ̈ɑ̈l yïn wɑ̈g ki Ur kì piny Bɑbïlöniyɑ̀, o yï mëggɑ piny men ɑ́ mií gïti ɑtheer.”
8De Abrɑm ɑ́kööb kinni, “Wuö Jwøng-ɑ Ácwɑ̈ɑ̈j, óyod yi yɑn kidï kinni piny men ógöögø ki miɑ?”
9Aløøg møge yi Jwøng-ɑ Ácwɑ̈ɑ̈j kinni, “Kɑ̈bbí ki røjø runne ɑ́dɑ̈g, kí dyel ɑ́tegø runne ɑ́dɑ̈g, kí órömø runne ɑ́dɑ̈g, kí ɑkur dwøng, kí ɑkur ójwɑt.” 10Kɑ gïgɑni bënn muujii yi Abrɑm. Kɑ gï nɑ̈ge, kɑ gï kɑge kì dïdyëri gen bënn, de winy nuti kɑgø yi en. Kɑ buddɑni pyëële piny gï rwöme’ rwömø. 11Kɑ winyy-ɑ døngø bï-ɑ piny be cɑmi gïgɑni, de ge ɑ́ryemmi yi Abrɑm.
12 #
Ayub 4.13, 14 Keny-ɑ ɑ́bëën cɑ̈ng e kedh-ɑ piny, kɑ Abrɑm ónenø ki nin mø peeg. Kɑ̈ng-ɑ ɑ́nine, kɑ muudhø me rɑj ceg-ɑ ì kum. 13#Kedhø 1.1-14; Gwøg 7.6 Codhe, kɑ Jwøng-ɑ Ácwɑ̈ɑ̈j Abrɑm köbbe kinni, “Ngɑ̈nyí wøw kinni kwɑrrí ótwɑ̈li kɑ ge obëëdø gɑ wëdhh kì piny me pɑth ki mi gen. Ge ógwøg gɑ bɑ̈ngg yi tyëng pönhɑni, kɑ nyingi gen guud, ki runn miy ɑ́ngwen. 14#Kedhø 12.40-41; Gwøg 7.7 De pönh-ɑ yije óbëëd yi gen gɑ bɑ̈ngg ócɑy yi yɑn. Codhe, o kwɑrrí dhwödh gen cyee kì pinyɑni, ge ókɑ̈ddø ki kɑ̈r me dwøng. 15O yïn Abrɑm, yï óthøw kɑ mër, yï ókony yï rum yöø. 16Kwɑrrí ódwöög piny men, e kwɑrri kwɑrrí rumø nywølø. Ómɑ̈gi ki keny me bɑ̈ɑ̈r kinøw, mɑ́ bøli keny-ɑ ócɑyɑ tyëng Amör kipe orøøg gen nuti bëënø.”
17Keny-ɑ ɑ́buddi cɑ̈ng, kɑ piny ólunyø ki mendwøng. Kɑ yïrø ceg-ɑ ì twɑ̈ɑ̈g kì yij óthɑgø kí redhø me lyel kì mɑc, kɑ ge kɑ̈l-ɑ kɑɑm buddi lɑ̈yy-ɑ ɑ́kɑg yi Abrɑm. 18#Gwøg 7.5 Dicyɑ̈ngɑni Jwøng-ɑ Ácwɑ̈ɑ̈j kwøb ɑ́nywɑg gen geki Abrɑm, ɑkööb Jwøng-ɑ Ácwɑ̈ɑ̈j kinni, “Kwɑrrí ómëggɑ piny-ɑ kɑɑm nɑɑm Rïp geki nɑm-ɑ dwøng Porɑt. 19Kí piny tyëng Ken, kí piny tyëng Kenidh, kí piny tyëng Kɑdmen, 20Kí piny tyëng Kit, kí piny tyëng Perïdh, kí piny Repɑim, 21Kí piny Amör, kí piny tyëng Kɑnɑɑn, kí piny tyëng Girgɑc, kí piny Yebus.”
ที่ได้เลือกล่าสุด:
Cɑ̈gø 15: shkDCB
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Shilluk DC Bible © Bible Society in South Sudan, 2011.
Cɑ̈gø 15
15
Kwøbb-ɑ Ánywɑg yi Jwøk geki Abrɑm
1Kì bɑng keny-ɑ ɑ́rum gïgɑni ki cwöbø, kɑ Jwøk, Jwøng-ɑ Ácwɑ̈ɑ̈j møge köbbe Abrɑm kì yethi lɑ̈g, ɑ́kööb kinni, “Abrɑm, yï ko böggi, yï ókor yi yɑn, kɑ yï nëngɑ ki köögi me dwøng cɑrø.”
2De Abrɑm ɑ́kööb kinni, “Á ngø ɑ ómëggí yɑn, yïn ɑ Wɑ̈ɑ Jwøng-ɑ Ácwɑ̈ɑ̈j? Yïɑ bong wɑ̈d, o bɑ Eliedher jɑl Dimɑceg ɑ ólɑg jɑmmɑ bënn keny-ɑ óthøwɑ.” 3Akööb Abrɑm kinni, “Lidh, bong wɑ̈d mɑ ɑ́mëggí yɑn, de bɑ bɑ̈ng men-ɑ ɑ́nywøl kì gølɑ, ɑ ólɑg jɑmmɑ bënn.”
4Aköbbi Abrɑm yi Jwøng-ɑ Ácwɑ̈ɑ̈j kinni, “Pɑth ki en ɑ ólɑg jɑmmí. Dïl wɑ̈dí ceth, en ɑ ólɑg jɑmmí.” 5#Röm 4.18; Ibru 11.12 Kɑ Abrɑm kïdhi wɑ̈g yi Jwøng-ɑ Ácwɑ̈ɑ̈j, ɑköbbe gøn kinni, “Lïïdh mɑl kɑ kyell kwɑɑn, keløg ge olwɑ̈ngø yi yïn ki kwɑnø.” Kɑ dhøge leenge kinni, “Kwɑrrí thyew óbëëd ge gïïr kinøw, ge pɑ cuggi kwɑnø.”
6 #
Röm 4.3; Gɑl 3.6; Yɑg 2.23 Abrɑm ɑ́yïëy ki kwøbbi Jwøng-ɑ Ácwɑ̈ɑ̈j. Kɑ yïëyi Abrɑm yïëy yi Jwøng-ɑ Ácwɑ̈ɑ̈j kinni bɑ dyër, kì bɑng yïëyø menɑni, Abrɑm ɑ́kwɑny yi Jwøng-ɑ Ácwɑ̈ɑ̈j ɑ́ ngeti dyër.
7Abrɑm ɑ́köbbi yi Jwøng-ɑ Ácwɑ̈ɑ̈j kinni, “Yɑ bene Jwøng-ɑ Ácwɑ̈ɑ̈j, ɑ ɑ́kɑ̈ɑ̈l yïn wɑ̈g ki Ur kì piny Bɑbïlöniyɑ̀, o yï mëggɑ piny men ɑ́ mií gïti ɑtheer.”
8De Abrɑm ɑ́kööb kinni, “Wuö Jwøng-ɑ Ácwɑ̈ɑ̈j, óyod yi yɑn kidï kinni piny men ógöögø ki miɑ?”
9Aløøg møge yi Jwøng-ɑ Ácwɑ̈ɑ̈j kinni, “Kɑ̈bbí ki røjø runne ɑ́dɑ̈g, kí dyel ɑ́tegø runne ɑ́dɑ̈g, kí órömø runne ɑ́dɑ̈g, kí ɑkur dwøng, kí ɑkur ójwɑt.” 10Kɑ gïgɑni bënn muujii yi Abrɑm. Kɑ gï nɑ̈ge, kɑ gï kɑge kì dïdyëri gen bënn, de winy nuti kɑgø yi en. Kɑ buddɑni pyëële piny gï rwöme’ rwömø. 11Kɑ winyy-ɑ døngø bï-ɑ piny be cɑmi gïgɑni, de ge ɑ́ryemmi yi Abrɑm.
12 #
Ayub 4.13, 14 Keny-ɑ ɑ́bëën cɑ̈ng e kedh-ɑ piny, kɑ Abrɑm ónenø ki nin mø peeg. Kɑ̈ng-ɑ ɑ́nine, kɑ muudhø me rɑj ceg-ɑ ì kum. 13#Kedhø 1.1-14; Gwøg 7.6 Codhe, kɑ Jwøng-ɑ Ácwɑ̈ɑ̈j Abrɑm köbbe kinni, “Ngɑ̈nyí wøw kinni kwɑrrí ótwɑ̈li kɑ ge obëëdø gɑ wëdhh kì piny me pɑth ki mi gen. Ge ógwøg gɑ bɑ̈ngg yi tyëng pönhɑni, kɑ nyingi gen guud, ki runn miy ɑ́ngwen. 14#Kedhø 12.40-41; Gwøg 7.7 De pönh-ɑ yije óbëëd yi gen gɑ bɑ̈ngg ócɑy yi yɑn. Codhe, o kwɑrrí dhwödh gen cyee kì pinyɑni, ge ókɑ̈ddø ki kɑ̈r me dwøng. 15O yïn Abrɑm, yï óthøw kɑ mër, yï ókony yï rum yöø. 16Kwɑrrí ódwöög piny men, e kwɑrri kwɑrrí rumø nywølø. Ómɑ̈gi ki keny me bɑ̈ɑ̈r kinøw, mɑ́ bøli keny-ɑ ócɑyɑ tyëng Amör kipe orøøg gen nuti bëënø.”
17Keny-ɑ ɑ́buddi cɑ̈ng, kɑ piny ólunyø ki mendwøng. Kɑ yïrø ceg-ɑ ì twɑ̈ɑ̈g kì yij óthɑgø kí redhø me lyel kì mɑc, kɑ ge kɑ̈l-ɑ kɑɑm buddi lɑ̈yy-ɑ ɑ́kɑg yi Abrɑm. 18#Gwøg 7.5 Dicyɑ̈ngɑni Jwøng-ɑ Ácwɑ̈ɑ̈j kwøb ɑ́nywɑg gen geki Abrɑm, ɑkööb Jwøng-ɑ Ácwɑ̈ɑ̈j kinni, “Kwɑrrí ómëggɑ piny-ɑ kɑɑm nɑɑm Rïp geki nɑm-ɑ dwøng Porɑt. 19Kí piny tyëng Ken, kí piny tyëng Kenidh, kí piny tyëng Kɑdmen, 20Kí piny tyëng Kit, kí piny tyëng Perïdh, kí piny Repɑim, 21Kí piny Amör, kí piny tyëng Kɑnɑɑn, kí piny tyëng Girgɑc, kí piny Yebus.”
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Shilluk DC Bible © Bible Society in South Sudan, 2011.