Jenesii̱s 15
15
Néná índajo̱ ngo ni Abra̱n
1Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó:
—Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.
2-4Sꞌe̱ Abra̱n bi̱ katsoó Néná:
—¡Ne ko̱jo re tsa̱ꞌa̱n! Mítsjà ko̱e̱ꞌéní kjo̱a̱cho̱n xi nde ndí kji̱e̱ jmíjínna. Kó nga ko̱yà án, kui moso̱ xi xín chji̱a̱ni xi tsꞌénkonda ndiꞌana kuí xí tsi̱ꞌe̱ ka̱ma ngayeje ni xi tjínna.
Sꞌe̱ Néná bi̱ katsoó:
—Ndí xí tse̱ boá xi tsi̱ꞌe̱ ka̱ma ngayeje ni xi tjiín, jmí tsi tsi̱ꞌe̱ mosòo̱ Eliesee̱r.
5Kó Néná kijíjo̱ Abra̱n ndi̱tsén jàn, kó bi̱ katsoó:
—Tsitsíjin ji nkꞌa jàn kó tsitsíjìi̱n ngayeje ńño xi tjiín. A ka̱maxki̱i̱. Jmí bokia. ¡Ja̱ ti̱nde ka̱maxki̱jiín xikó kjiꞌi kjín ka̱ma xota̱ tji̱e̱e̱ nga!
6-7Kó Abra̱n kisꞌijii̱n ni xi katsó Néná, kó Néná katsꞌénjo̱ꞌo Abra̱n xikoó ngo xota̱ xi kixi̱. Kósꞌe̱ Néná bi̱ katsoó:
—Án boá xi Nèe̱ an, ngatꞌa̱ ꞌnítakínní, kó án boá xi tsꞌaxieé Uu̱r nangii̱ xota̱ Kalndea̱, tsi̱ꞌe̱ nga ji sa̱ꞌinkꞌasꞌiee̱n kui tꞌanangii̱.
8Kó Abra̱n bi̱ katsoó Néná:
—¡Ne ko̱jo re tsa̱ꞌa̱n! Kó kótsꞌèn skuie an nga ja̱koxi̱ nga an si̱ꞌinkꞌasꞌínní kuí tꞌanangii̱.
9Sꞌe̱ Néná bi̱ katsoó:
—Ndibéje̱ní ngo ndí cho̱yojo chjo̱on, ko̱jo ngo tindso̱ chjo̱on xi ján noó, ko̱jo ngo cho̱tsa̱nga̱ xi jaꞌatji ndi̱ja̱a̱ xi ján noó, ko̱jo ngo toṉñaa̱ ko̱jo ngo tójo.
10Kó Abra̱n kijíjoo̱ Néná ngayeje kui cho̱o̱, kó jó tjín katsꞌén nga ngo nga ngo, ta̱nga índo ndo̱jò toṉñaa̱ ko̱jo tójoo̱. 11Kó cho̱ xi kjinie yojo siee̱n jatjenjennié kui cho̱ xi je jesoón, ta̱nga Abra̱n tsangajo̱ kui cho̱o̱.
12Ngije makꞌasꞌien má tsꞌueé, kamáńjñaá Abra̱n kó kisꞌifé, kó ngi̱jin ńjñaá xikoó tsi kamájñó ngi̱ndie nínga kisꞌijña, kó achichí katsakjónní. 13Kósꞌe̱ Néná bi̱ katsoó:
«Mejénna nga xchi̱e̱ ji nga xota̱ tji̱e̱ tse̱ ngo nangi xi xín ko̱e̱je̱kꞌíndo, kó moso̱ ka̱ma ki̱a̱a̱, kó nijón úchán nó nga ndajín ka̱mataꞌin kui ngi̱ndiee̱. 14Ta̱nga kui na̱xi̱ńdaá ti̱ ánní xi sa̱ꞌinjée̱, kó ngije kjo̱tjo xotaa̱ kui ngi̱ndiee̱, achichí kjo̱a̱cho̱n kjo̱tjojo̱. 15Kó ji nda tsꞌén ka̱maxchá ji, kó xió ko̱yà ji nga kjo̱chó ni̱xtjin, kó ki̱a̱ sꞌi̱nijín ji nínga kjiyojonijín xi xcháa̱. 16Ta̱nga ngije kjo̱chó xi nijón úchán noó, xota̱ tji̱e̱ tse̱ ka̱ma kjo̱e̱ꞌe nginí kui ngi̱ndiee̱, ngatꞌa̱ kui ni̱xtjin jàn xota̱ Amoo̱r xi ta̱nisién ndajiín sa̱ꞌinkjataxie an kui ngi̱ndiee̱».
17Ngije tsꞌasꞌien tsꞌueé, kó kamájñoó, kamáyà ngo orjno̱ xi tjitjoó ṉdi̱, ko̱jo ngo yá xí tjítokó ngo ndiꞌí xi jaꞌajin ngamasiee̱n kui cho̱ xi jó tjín kiniꞌaán. 18Kui ni̱xtjin jàn Néná índajo̱ ngo ni Abra̱n, kó bi̱ katsoó:
«Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱, 19ki̱a̱ nangi nínga síndo ngotꞌe̱ xota̱ kenitaa̱, xota̱ kenisitaa̱, xota̱ kandmoneoo̱, 20xota̱ Ee̱t, xota̱ Feree̱, xota̱ Refaa̱, 21xota̱ Amoo̱r, xota̱ Kanaa̱n, xota̱ Jerjee̱, ko̱jo xota̱ Jebuu̱».
ที่ได้เลือกล่าสุด:
Jenesii̱s 15: MAIX
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Jenesii̱s 15
15
Néná índajo̱ ngo ni Abra̱n
1Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó:
—Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.
2-4Sꞌe̱ Abra̱n bi̱ katsoó Néná:
—¡Ne ko̱jo re tsa̱ꞌa̱n! Mítsjà ko̱e̱ꞌéní kjo̱a̱cho̱n xi nde ndí kji̱e̱ jmíjínna. Kó nga ko̱yà án, kui moso̱ xi xín chji̱a̱ni xi tsꞌénkonda ndiꞌana kuí xí tsi̱ꞌe̱ ka̱ma ngayeje ni xi tjínna.
Sꞌe̱ Néná bi̱ katsoó:
—Ndí xí tse̱ boá xi tsi̱ꞌe̱ ka̱ma ngayeje ni xi tjiín, jmí tsi tsi̱ꞌe̱ mosòo̱ Eliesee̱r.
5Kó Néná kijíjo̱ Abra̱n ndi̱tsén jàn, kó bi̱ katsoó:
—Tsitsíjin ji nkꞌa jàn kó tsitsíjìi̱n ngayeje ńño xi tjiín. A ka̱maxki̱i̱. Jmí bokia. ¡Ja̱ ti̱nde ka̱maxki̱jiín xikó kjiꞌi kjín ka̱ma xota̱ tji̱e̱e̱ nga!
6-7Kó Abra̱n kisꞌijii̱n ni xi katsó Néná, kó Néná katsꞌénjo̱ꞌo Abra̱n xikoó ngo xota̱ xi kixi̱. Kósꞌe̱ Néná bi̱ katsoó:
—Án boá xi Nèe̱ an, ngatꞌa̱ ꞌnítakínní, kó án boá xi tsꞌaxieé Uu̱r nangii̱ xota̱ Kalndea̱, tsi̱ꞌe̱ nga ji sa̱ꞌinkꞌasꞌiee̱n kui tꞌanangii̱.
8Kó Abra̱n bi̱ katsoó Néná:
—¡Ne ko̱jo re tsa̱ꞌa̱n! Kó kótsꞌèn skuie an nga ja̱koxi̱ nga an si̱ꞌinkꞌasꞌínní kuí tꞌanangii̱.
9Sꞌe̱ Néná bi̱ katsoó:
—Ndibéje̱ní ngo ndí cho̱yojo chjo̱on, ko̱jo ngo tindso̱ chjo̱on xi ján noó, ko̱jo ngo cho̱tsa̱nga̱ xi jaꞌatji ndi̱ja̱a̱ xi ján noó, ko̱jo ngo toṉñaa̱ ko̱jo ngo tójo.
10Kó Abra̱n kijíjoo̱ Néná ngayeje kui cho̱o̱, kó jó tjín katsꞌén nga ngo nga ngo, ta̱nga índo ndo̱jò toṉñaa̱ ko̱jo tójoo̱. 11Kó cho̱ xi kjinie yojo siee̱n jatjenjennié kui cho̱ xi je jesoón, ta̱nga Abra̱n tsangajo̱ kui cho̱o̱.
12Ngije makꞌasꞌien má tsꞌueé, kamáńjñaá Abra̱n kó kisꞌifé, kó ngi̱jin ńjñaá xikoó tsi kamájñó ngi̱ndie nínga kisꞌijña, kó achichí katsakjónní. 13Kósꞌe̱ Néná bi̱ katsoó:
«Mejénna nga xchi̱e̱ ji nga xota̱ tji̱e̱ tse̱ ngo nangi xi xín ko̱e̱je̱kꞌíndo, kó moso̱ ka̱ma ki̱a̱a̱, kó nijón úchán nó nga ndajín ka̱mataꞌin kui ngi̱ndiee̱. 14Ta̱nga kui na̱xi̱ńdaá ti̱ ánní xi sa̱ꞌinjée̱, kó ngije kjo̱tjo xotaa̱ kui ngi̱ndiee̱, achichí kjo̱a̱cho̱n kjo̱tjojo̱. 15Kó ji nda tsꞌén ka̱maxchá ji, kó xió ko̱yà ji nga kjo̱chó ni̱xtjin, kó ki̱a̱ sꞌi̱nijín ji nínga kjiyojonijín xi xcháa̱. 16Ta̱nga ngije kjo̱chó xi nijón úchán noó, xota̱ tji̱e̱ tse̱ ka̱ma kjo̱e̱ꞌe nginí kui ngi̱ndiee̱, ngatꞌa̱ kui ni̱xtjin jàn xota̱ Amoo̱r xi ta̱nisién ndajiín sa̱ꞌinkjataxie an kui ngi̱ndiee̱».
17Ngije tsꞌasꞌien tsꞌueé, kó kamájñoó, kamáyà ngo orjno̱ xi tjitjoó ṉdi̱, ko̱jo ngo yá xí tjítokó ngo ndiꞌí xi jaꞌajin ngamasiee̱n kui cho̱ xi jó tjín kiniꞌaán. 18Kui ni̱xtjin jàn Néná índajo̱ ngo ni Abra̱n, kó bi̱ katsoó:
«Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱, 19ki̱a̱ nangi nínga síndo ngotꞌe̱ xota̱ kenitaa̱, xota̱ kenisitaa̱, xota̱ kandmoneoo̱, 20xota̱ Ee̱t, xota̱ Feree̱, xota̱ Refaa̱, 21xota̱ Amoo̱r, xota̱ Kanaa̱n, xota̱ Jerjee̱, ko̱jo xota̱ Jebuu̱».
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014