Chɔɔn 3
3
Jusu flɔn-ɛ dě Nikodima di̍i̍ i̍
1Jɔ̍gbau due ɔ̍ nynɛ̌ bo Nikodima. Gbɔ̀ù u̍h-a dǎɛ-a Fɛlesii-ɛ, dě ɛ̍ di̍i̍ bo ɔ̍ nɛ, iě ɔ̍ nu̍ Juu nyɔ̍-a nyɔ̍ klaa dɛ. 2Ɔ̍-ɔ bo ɔ̀ mu̍ dě Jusu we̍ maɔ̍, iě ɔ̍ la̍a̍ dě ɔ̍ we̍, “Dlǔtu, à juo ɛ̍-ɛ mɔ̀ bo ɔ̀ nu̍ nǎ po̍ nyɔ̍ ɔ̀ sɔ dě Nyɔsoa we̍. Dɛ̍nu̍ɛ, nyɔ̍ ɔ̀ Nyɔsoa se̍-a we̍ nɛ-ɛ, nɛ̀ ɔ̍ se̍ jbaɛdih la po̍-ɛ bɛ̌ɛ.”
3Wɛ̀ Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, pò nyɔ̍ iě Nyɔsoa-a kmɔ̌ wlu̍ i̍ kɔn-ɛ jě-ɛ, nɛ̀ ɔ̍ mu̍ wlǔh dode̍.”
4Nikodima la̍a̍ dě ɔ̍ we̍, “Pò nyɔ̍ wlǔh wɛ̀-ɛ, nɛ̀ ka ɔ̍ mu̍ wlǔh-ɛ nu̍ dɛ ɛ? Nɛ̀ ɔ̍ bɛ̌ɛ dě ɔ̍ de̍ di̍i̍ pa̍-a dɛ wɛ̀ ɔ̍ iě wlǔh-ɛa sɔɔ̌n naɛ nu̍ ae?”
5Jusu la̍a̍, “Tìh-a taǐn ǎn sèàɛ̍ ìn wlùh, pò nyɔ̍ wlǔh dode̍ dǒ nǐ ke Nyɔsoa-a Sùù we̍-ɛ, nɛ̀ ɛ̍ kɔn tɛ̀ ǐn sà-o. Jɛ pò ɛ̍ se̍ la̍a̍n nɛ-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ sǐ mu̍. 6Wlɔ̀ nyi̍ɔ̍-a wlǔh-i wlɔ̀ nyi̍ɔ̍. Jɛ Nyɔsoa-a Sùù bo ɛ̀ nɛ-ɛ ɔ̍ kmɔ̌. 7Nyɔ̍ kɔn nyɔ̍ iě wlǔh dode̍ tìh ǎn sà-a dě ìn we̍-ɛ, ɛ̍ bɔ̌ ìn i̍ kèle-ɛ. 8Poɔ ja ji̍-ɛ, tà ɛ̍ jbɛɛ-ɛ, nɛ̀ dě ɛ̍ mu̍. Àn wɔ̌n ɛ̍ wlu̍ jɛ ìn se̍ ɛ̍ sɔ la̍ ke ɛ̍ mu̍-i la̍ juo. Kǎ ɛ̍ nɛ ke dǒ nyɔ̍ juh Nyɔsoa-a Sùù wlǔh-ia we̍.”
9Nikodima la̍a̍, “Nɛ̀ ka ɛ̍ mu̍ nɛ-ɛ nu̍ ɛ?”
10Jusu la̍a̍, “Mɔ̀ jɔ nu̍-a nǎ po̍ nyɔ̍ klaa dǒ Eslɔɛ nyɔ̍ we̍-ɛ, wɛ̀ ìn se̍ ɛ̀ la i̍ wɔ̌n ae? 11Tìh-a taǐn ǎn sèàɛ̍ ìn wlùh, dɛ̍ à juo-aɛ, ɛ̍ bo à sà-a. Dɛ̍ à jě-aɛ, ɛ̍ kɔn sàànsi̍i̍h bo à nu̍. Jɛ mɔ̀-a sà à wlu̍ dounᵻ i̍. 12Ǐn sèàɛ̍ mɔ̀ kmɔ̌ we̍ dɛ̍ᵻá tìh wlùh wɛ̀ mɔ̀ se̍ i̍h tìh dǎɛ. Nɛ̀ pò ǐn sèàɛ̍ mɔ̀ wlùh dɛ̍ᵻ nɛ-a dě ja̍i̍wlɔ̀-ɛ tìh-ɛ, nɛ̀ ka mɔ̀-a mu̍ i̍h tìh dǎɛ nu̍ ɛ? 13Nyɔ̍ dɔɔ se̍a dě ja̍i̍wlɔ̀ mu̍, jɔ nu̍-a Nyi̍ɔ̍-a Jǔ ɔ̀ sɔ-a dě ja̍i̍wlɔ̀-ɛ, ɔ̍ kɔn tɛ̀ ǐn sà-o.”
14Tìɛ̀n Mose nu̍-a sɛ̍ we̍i̍-ɛ, ka ɔ̍ nu̍-a ɛ̍ dǒ tu̍ wlì pèle-ɛ dě kwlǎslò we̍-ɛ, kǎ u̍h-a mu̍ Nyi̍ɔ̍-a Jǔ ja̍i̍ pèle-ɛ nu̍ ke. 15Wɛ̀ nyɔ̍ ùh-a mu̍-a ɔ̍ wlùh gbaɛ-ɛ u̍h iě kmɔ̌ sie feɛ blě. 16Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě. 17Nyɔsoa se̍ ɔ̍ Jǔ dbo̍ da̍a kmɔ̌ we̍ ɔ̍ iě ɛ̍ tìh gbɛ̍n-ɛ, jɛ wɛ̀ ɔ̍ iě ɛ̍ sèìe.
18Nyɔ̍ jɔ gbaɛ-a ɔ̍ wlùh-ɛ, nɛ̀ tìh se̍ ɔ̍ gbɛ̍n. Jɛ jɔ se̍-a ɔ̍ wlùh gbaɛ-ɛ, nɛ̀ tìh gbɛ̍n ɔ̍ wɛ̀ se̍e̍, dɛ̍nu̍ɛ, ɔ̍ se̍ Nyɔsoa-a Jǔ due gbài̍ wlùh gbaɛ. 19Ɛ̀ mu̍-a tìh-a gbɛ̍n-ɛ blě-ɛ, ɛ̍-ɛ la. Sɔ̀npli ji̍ nɔ̌ kmɔ̌ we̍, jɛ nyɔ̍ɔ jbɛɛ kwile-e iě u̍h se̍ sɔ̀npli-i jbɛɛ. Dɛ̍nu̍ɛ, u̍h-a nu̍ dɛ̍ᵻ sɔ̀nᵻ. 20Nyɔ̍-o-nyɔ̍ ɔ̀ nu̍-a dɛ̍ᵻ sɔ̀nᵻɛ́, nɛ̀ ɔ̍ faɛn sɔ̀npli, nɛ̀ ɔ̍-ɔ ji̍ dǒ sɔ̀npli we̍. Dɛ̍nu̍ɛ, nɛ̀ ɔ̍ dɛ̍ᵻ sɔ̀nᵻá mu̍ kɛ̍n nyɛ. 21Jɛ nyɔ̍ ɔ̀ nu̍-a dɛ̍ᵻ ìh Nyɔsoa la̍ ìh slɛ̌-a i̍-ɛ, nɛ̀ ɔ̍-ɔ bo ɔ̀ ji̍ dǒ sɔ̀npli we̍, wɛ̀ dɛ̍ ɔ̍ nu̍-aɛ ɛ̍ iě jě-eɛ te̍gbe̍i̍n ka ɔ̍ jě-a Nyɔsoa dɛ̍ɛ̍-ɛ.
Chɔɔn sèàɛ̍ Jusu-a tìh we̍ i̍
22Ɛ̀ la ɛ̍ sì-a i̍-ɛ, wɛ̀ Jusu ke ɔ̍ kòà mu̍ Judia fɔɔ. Dě ɔ̍ ke u̍h sì wǐh, iě ɔ̍ po̍ nyɔ̍ɔ nǐ dlǔ. 23Nɛ̀ kǎ Chɔɔn-a po̍ nyɔ̍ nǐ dlǔ ke dǒ Inaa wlɔ̀ di̍i̍, dɛ̍nu̍ɛ, nǐᵻ dɔu nɛ-e. Ɛ̍ se̍ Salim wlɔ̀ we̍ i̍ ti̍ɛ̍ɛn. Wɛ̀ nyɔ̍gbei ji̍ iě ɔ̍ po̍ u̍h nǐ dlǔ. ( 24Nɛ̀ u̍h se̍ Chɔɔn kasoo po̍ ke̍.)
25Wɛ̀ wɔ̍ɔ̍n i̍ sà-a wlǔh ja̍i̍ dǒ Chɔɔn-a kòà duuh ke Juu jǔ due nynɛ̌ dǒ dle i̍ ìè dě Nyɔsoa jlǐh i̍ nmɔ dɛ we̍. 26Wɛ̀ u̍h mu̍ dě Chɔɔn we̍, iě u̍h la̍a̍, “Dlǔtu, jɔ̍gbau ɔ̀ ke ìn nɛ-a dě Jɔɔdɛn nǐ-a fɔ̌ dɛɛ we̍, ɔ̀ kɔn sàànsi̍i̍h ìn nu̍-aɛ, ɔ̍ po̍ la̍ nyɔ̍ nǐ dlǔ de̍à. Iě nyɔ̍ kli̍hgbɛ̍-a mu̍ dě ɔ̍ we̍.”
27Chɔɔn la̍a̍, “Nyɔsoa-a se̍ nyɔ̍ dɛ̍ nyǐ wɛ̀ ɔ̍-ɔ blě ɛ̍. 28Mɔ̀-a chɛ̀ nu̍ ǎn sàànsi̍i̍h ka na̍a̍, ‘Ǐn se̍ Nyɔsoa-a Chèɛ̀ Tba̍ju, jɛ Nyɔsoa dbo̍ m nɔ̌ ɔ̍ jǔ.’ 29Nynɔ̌ delee kɔn dǒ ɔ̍ kɔan ɔ̍ ji̍-ia jla̍-a we̍. Nɛ̀ pò kɔan delee ba̍ nyna doǒ i̍ wɛ̀ ɔ̍ iě kɔan-a wlu̍ wɔ̌n-ɛ, nɛ̀ ɛ̍ po̍ ɔ̍ mɔna̍-a kaa̍. Ɛ̍ bo ɛ̀ po̍ m ke, ǎn nmɔ-ɛ wɛ̀ kwlǎ wɛ̀ kaka. 30Chèɛ̀ Tba̍ju bo ɔ̀ kɔn nynɛ̌ iě mu̍ la̍ sǔh, wɛ̀ naɛ̍ nynɛ̌ iě i̍ pa̍.”
Ja̍i̍wlɔ̀ sɔ nyɔ̍ nɛ dǒ nyɔ̍ kli̍hgbɛ̍ dlǔwèàì
31Nyɔ̍ ɔ̀ sɔ-a dě ja̍i̍wlɔ̀-ɛ, ɔ̍ nɛ dǒ nyɔ̍ kli̍hgbɛ̍ dlǔwèàì. Nɛ̀ nyɔ̍ ɔ̀ sɔ-a nɔ̌ bloɔ̍-ɛ, ɔ̍ kɔn nɔ̌ bloɔ̍ iě ɔ̍ wlu nɔ̌ bloɔ̍ nɛ dɛ̍. Jɔ sɔ-a dě ja̍i̍wlɔ̀-ɛ, ɔ̍ nɛ dǒ nyɔ̍ kli̍hgbɛ̍ dlǔwèàì. 32Dɛ̍ ɔ̍ wɔ̌n-a wɛ̀ ɔ̍ gba̍-a jlǐhɛ̍ pùn-ɛ, ɛ̍ kɔn sàànsi̍i̍h bo ɔ̍ nu̍. Jɛ nyɔ̍ se̍ ɔ̍ wlu̍ tìh dǎɛ. 33Nyɔ̍ jɔ gbɛ̍n-a ɔ̍ wlu̍ i̍-ɛ, nɛ̀ ɔ̍ juo ɛ̍ i̍ ka Nyɔsoa nu̍-a tìh-a taǐn nyɔ̍-ɛ. 34Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ. 35Baa Nyɔsoa jbɛɛ ɔ̍ Jǔ-u, iě ɔ̍ tèè ɔ̍ dɛ̍ᵻ kli̍hgbɛ̍ kwa̍. 36Nyɔ̍ jɔ gbaɛ-a Jǔ la wlùh-ɛ, nɛ̀ ɔ̍ blě kmɔ̌ sie feɛ. Jɛ nyɔ̍ jɔ se̍-a Jǔ la ɔ̍ wlu̍ nu̍-ɛ, ɔ̍ se̍ feɛ jě mu̍. Jɛ nɛ̀ Nyɔsoa-a mu̍ ɔ̍ kàn gbɛ̍n.
ที่ได้เลือกล่าสุด:
Chɔɔn 3: KDNT
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
The New Testament in Western Krahn published as KU̍O̍ DELEE © The Bible Society in Liberia, 1999.
Chɔɔn 3
3
Jusu flɔn-ɛ dě Nikodima di̍i̍ i̍
1Jɔ̍gbau due ɔ̍ nynɛ̌ bo Nikodima. Gbɔ̀ù u̍h-a dǎɛ-a Fɛlesii-ɛ, dě ɛ̍ di̍i̍ bo ɔ̍ nɛ, iě ɔ̍ nu̍ Juu nyɔ̍-a nyɔ̍ klaa dɛ. 2Ɔ̍-ɔ bo ɔ̀ mu̍ dě Jusu we̍ maɔ̍, iě ɔ̍ la̍a̍ dě ɔ̍ we̍, “Dlǔtu, à juo ɛ̍-ɛ mɔ̀ bo ɔ̀ nu̍ nǎ po̍ nyɔ̍ ɔ̀ sɔ dě Nyɔsoa we̍. Dɛ̍nu̍ɛ, nyɔ̍ ɔ̀ Nyɔsoa se̍-a we̍ nɛ-ɛ, nɛ̀ ɔ̍ se̍ jbaɛdih la po̍-ɛ bɛ̌ɛ.”
3Wɛ̀ Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, pò nyɔ̍ iě Nyɔsoa-a kmɔ̌ wlu̍ i̍ kɔn-ɛ jě-ɛ, nɛ̀ ɔ̍ mu̍ wlǔh dode̍.”
4Nikodima la̍a̍ dě ɔ̍ we̍, “Pò nyɔ̍ wlǔh wɛ̀-ɛ, nɛ̀ ka ɔ̍ mu̍ wlǔh-ɛ nu̍ dɛ ɛ? Nɛ̀ ɔ̍ bɛ̌ɛ dě ɔ̍ de̍ di̍i̍ pa̍-a dɛ wɛ̀ ɔ̍ iě wlǔh-ɛa sɔɔ̌n naɛ nu̍ ae?”
5Jusu la̍a̍, “Tìh-a taǐn ǎn sèàɛ̍ ìn wlùh, pò nyɔ̍ wlǔh dode̍ dǒ nǐ ke Nyɔsoa-a Sùù we̍-ɛ, nɛ̀ ɛ̍ kɔn tɛ̀ ǐn sà-o. Jɛ pò ɛ̍ se̍ la̍a̍n nɛ-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ sǐ mu̍. 6Wlɔ̀ nyi̍ɔ̍-a wlǔh-i wlɔ̀ nyi̍ɔ̍. Jɛ Nyɔsoa-a Sùù bo ɛ̀ nɛ-ɛ ɔ̍ kmɔ̌. 7Nyɔ̍ kɔn nyɔ̍ iě wlǔh dode̍ tìh ǎn sà-a dě ìn we̍-ɛ, ɛ̍ bɔ̌ ìn i̍ kèle-ɛ. 8Poɔ ja ji̍-ɛ, tà ɛ̍ jbɛɛ-ɛ, nɛ̀ dě ɛ̍ mu̍. Àn wɔ̌n ɛ̍ wlu̍ jɛ ìn se̍ ɛ̍ sɔ la̍ ke ɛ̍ mu̍-i la̍ juo. Kǎ ɛ̍ nɛ ke dǒ nyɔ̍ juh Nyɔsoa-a Sùù wlǔh-ia we̍.”
9Nikodima la̍a̍, “Nɛ̀ ka ɛ̍ mu̍ nɛ-ɛ nu̍ ɛ?”
10Jusu la̍a̍, “Mɔ̀ jɔ nu̍-a nǎ po̍ nyɔ̍ klaa dǒ Eslɔɛ nyɔ̍ we̍-ɛ, wɛ̀ ìn se̍ ɛ̀ la i̍ wɔ̌n ae? 11Tìh-a taǐn ǎn sèàɛ̍ ìn wlùh, dɛ̍ à juo-aɛ, ɛ̍ bo à sà-a. Dɛ̍ à jě-aɛ, ɛ̍ kɔn sàànsi̍i̍h bo à nu̍. Jɛ mɔ̀-a sà à wlu̍ dounᵻ i̍. 12Ǐn sèàɛ̍ mɔ̀ kmɔ̌ we̍ dɛ̍ᵻá tìh wlùh wɛ̀ mɔ̀ se̍ i̍h tìh dǎɛ. Nɛ̀ pò ǐn sèàɛ̍ mɔ̀ wlùh dɛ̍ᵻ nɛ-a dě ja̍i̍wlɔ̀-ɛ tìh-ɛ, nɛ̀ ka mɔ̀-a mu̍ i̍h tìh dǎɛ nu̍ ɛ? 13Nyɔ̍ dɔɔ se̍a dě ja̍i̍wlɔ̀ mu̍, jɔ nu̍-a Nyi̍ɔ̍-a Jǔ ɔ̀ sɔ-a dě ja̍i̍wlɔ̀-ɛ, ɔ̍ kɔn tɛ̀ ǐn sà-o.”
14Tìɛ̀n Mose nu̍-a sɛ̍ we̍i̍-ɛ, ka ɔ̍ nu̍-a ɛ̍ dǒ tu̍ wlì pèle-ɛ dě kwlǎslò we̍-ɛ, kǎ u̍h-a mu̍ Nyi̍ɔ̍-a Jǔ ja̍i̍ pèle-ɛ nu̍ ke. 15Wɛ̀ nyɔ̍ ùh-a mu̍-a ɔ̍ wlùh gbaɛ-ɛ u̍h iě kmɔ̌ sie feɛ blě. 16Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě. 17Nyɔsoa se̍ ɔ̍ Jǔ dbo̍ da̍a kmɔ̌ we̍ ɔ̍ iě ɛ̍ tìh gbɛ̍n-ɛ, jɛ wɛ̀ ɔ̍ iě ɛ̍ sèìe.
18Nyɔ̍ jɔ gbaɛ-a ɔ̍ wlùh-ɛ, nɛ̀ tìh se̍ ɔ̍ gbɛ̍n. Jɛ jɔ se̍-a ɔ̍ wlùh gbaɛ-ɛ, nɛ̀ tìh gbɛ̍n ɔ̍ wɛ̀ se̍e̍, dɛ̍nu̍ɛ, ɔ̍ se̍ Nyɔsoa-a Jǔ due gbài̍ wlùh gbaɛ. 19Ɛ̀ mu̍-a tìh-a gbɛ̍n-ɛ blě-ɛ, ɛ̍-ɛ la. Sɔ̀npli ji̍ nɔ̌ kmɔ̌ we̍, jɛ nyɔ̍ɔ jbɛɛ kwile-e iě u̍h se̍ sɔ̀npli-i jbɛɛ. Dɛ̍nu̍ɛ, u̍h-a nu̍ dɛ̍ᵻ sɔ̀nᵻ. 20Nyɔ̍-o-nyɔ̍ ɔ̀ nu̍-a dɛ̍ᵻ sɔ̀nᵻɛ́, nɛ̀ ɔ̍ faɛn sɔ̀npli, nɛ̀ ɔ̍-ɔ ji̍ dǒ sɔ̀npli we̍. Dɛ̍nu̍ɛ, nɛ̀ ɔ̍ dɛ̍ᵻ sɔ̀nᵻá mu̍ kɛ̍n nyɛ. 21Jɛ nyɔ̍ ɔ̀ nu̍-a dɛ̍ᵻ ìh Nyɔsoa la̍ ìh slɛ̌-a i̍-ɛ, nɛ̀ ɔ̍-ɔ bo ɔ̀ ji̍ dǒ sɔ̀npli we̍, wɛ̀ dɛ̍ ɔ̍ nu̍-aɛ ɛ̍ iě jě-eɛ te̍gbe̍i̍n ka ɔ̍ jě-a Nyɔsoa dɛ̍ɛ̍-ɛ.
Chɔɔn sèàɛ̍ Jusu-a tìh we̍ i̍
22Ɛ̀ la ɛ̍ sì-a i̍-ɛ, wɛ̀ Jusu ke ɔ̍ kòà mu̍ Judia fɔɔ. Dě ɔ̍ ke u̍h sì wǐh, iě ɔ̍ po̍ nyɔ̍ɔ nǐ dlǔ. 23Nɛ̀ kǎ Chɔɔn-a po̍ nyɔ̍ nǐ dlǔ ke dǒ Inaa wlɔ̀ di̍i̍, dɛ̍nu̍ɛ, nǐᵻ dɔu nɛ-e. Ɛ̍ se̍ Salim wlɔ̀ we̍ i̍ ti̍ɛ̍ɛn. Wɛ̀ nyɔ̍gbei ji̍ iě ɔ̍ po̍ u̍h nǐ dlǔ. ( 24Nɛ̀ u̍h se̍ Chɔɔn kasoo po̍ ke̍.)
25Wɛ̀ wɔ̍ɔ̍n i̍ sà-a wlǔh ja̍i̍ dǒ Chɔɔn-a kòà duuh ke Juu jǔ due nynɛ̌ dǒ dle i̍ ìè dě Nyɔsoa jlǐh i̍ nmɔ dɛ we̍. 26Wɛ̀ u̍h mu̍ dě Chɔɔn we̍, iě u̍h la̍a̍, “Dlǔtu, jɔ̍gbau ɔ̀ ke ìn nɛ-a dě Jɔɔdɛn nǐ-a fɔ̌ dɛɛ we̍, ɔ̀ kɔn sàànsi̍i̍h ìn nu̍-aɛ, ɔ̍ po̍ la̍ nyɔ̍ nǐ dlǔ de̍à. Iě nyɔ̍ kli̍hgbɛ̍-a mu̍ dě ɔ̍ we̍.”
27Chɔɔn la̍a̍, “Nyɔsoa-a se̍ nyɔ̍ dɛ̍ nyǐ wɛ̀ ɔ̍-ɔ blě ɛ̍. 28Mɔ̀-a chɛ̀ nu̍ ǎn sàànsi̍i̍h ka na̍a̍, ‘Ǐn se̍ Nyɔsoa-a Chèɛ̀ Tba̍ju, jɛ Nyɔsoa dbo̍ m nɔ̌ ɔ̍ jǔ.’ 29Nynɔ̌ delee kɔn dǒ ɔ̍ kɔan ɔ̍ ji̍-ia jla̍-a we̍. Nɛ̀ pò kɔan delee ba̍ nyna doǒ i̍ wɛ̀ ɔ̍ iě kɔan-a wlu̍ wɔ̌n-ɛ, nɛ̀ ɛ̍ po̍ ɔ̍ mɔna̍-a kaa̍. Ɛ̍ bo ɛ̀ po̍ m ke, ǎn nmɔ-ɛ wɛ̀ kwlǎ wɛ̀ kaka. 30Chèɛ̀ Tba̍ju bo ɔ̀ kɔn nynɛ̌ iě mu̍ la̍ sǔh, wɛ̀ naɛ̍ nynɛ̌ iě i̍ pa̍.”
Ja̍i̍wlɔ̀ sɔ nyɔ̍ nɛ dǒ nyɔ̍ kli̍hgbɛ̍ dlǔwèàì
31Nyɔ̍ ɔ̀ sɔ-a dě ja̍i̍wlɔ̀-ɛ, ɔ̍ nɛ dǒ nyɔ̍ kli̍hgbɛ̍ dlǔwèàì. Nɛ̀ nyɔ̍ ɔ̀ sɔ-a nɔ̌ bloɔ̍-ɛ, ɔ̍ kɔn nɔ̌ bloɔ̍ iě ɔ̍ wlu nɔ̌ bloɔ̍ nɛ dɛ̍. Jɔ sɔ-a dě ja̍i̍wlɔ̀-ɛ, ɔ̍ nɛ dǒ nyɔ̍ kli̍hgbɛ̍ dlǔwèàì. 32Dɛ̍ ɔ̍ wɔ̌n-a wɛ̀ ɔ̍ gba̍-a jlǐhɛ̍ pùn-ɛ, ɛ̍ kɔn sàànsi̍i̍h bo ɔ̍ nu̍. Jɛ nyɔ̍ se̍ ɔ̍ wlu̍ tìh dǎɛ. 33Nyɔ̍ jɔ gbɛ̍n-a ɔ̍ wlu̍ i̍-ɛ, nɛ̀ ɔ̍ juo ɛ̍ i̍ ka Nyɔsoa nu̍-a tìh-a taǐn nyɔ̍-ɛ. 34Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ. 35Baa Nyɔsoa jbɛɛ ɔ̍ Jǔ-u, iě ɔ̍ tèè ɔ̍ dɛ̍ᵻ kli̍hgbɛ̍ kwa̍. 36Nyɔ̍ jɔ gbaɛ-a Jǔ la wlùh-ɛ, nɛ̀ ɔ̍ blě kmɔ̌ sie feɛ. Jɛ nyɔ̍ jɔ se̍-a Jǔ la ɔ̍ wlu̍ nu̍-ɛ, ɔ̍ se̍ feɛ jě mu̍. Jɛ nɛ̀ Nyɔsoa-a mu̍ ɔ̍ kàn gbɛ̍n.
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
The New Testament in Western Krahn published as KU̍O̍ DELEE © The Bible Society in Liberia, 1999.