Matteyo 11
11
Lefahat Hulo Yoane Batista
Lk 7:18-35
1Ninya latuhok Yesu ekyanita huna jyo leyiyanak honyi ’tomon harrihai, ette inyi leten teyya addi ittiyeniere bwo fe ittittoyere imisihi omuk.
2Al itaniŋu Yoane to babus ehanita huno Kristo, ifak inyi lefahat honyi, 3ifiyere inyi jo, ?Iye alya linya ojori eyak sayyo jo ottu adi, kuyya oŋida hohoi etila obo? 4Bwo Yesu ette itarraŋ jihosi ojo, Ifwatta iramana Yoane erre hun itaniŋuna tai bwo fe hun igonyuna tai. 5Amijye aŋodok, adahai aŋurak, aŋidari aati ’tallulu, itaniŋye atuhok, ibuhuni ayak bwo fe ittiyenie asayyo hun oyiji jyo alocaŋak. 6Omuno adi lya ol obeŋ’to iha eram hoŋ.
7Ninya lacaharai hulya attati Yesu jaran jyo eluluŋ wati ta eram Yoane jo, ?Ifwatta nya itai imur imijyere anyo? ?Igonyuna nya itai osiholoti on ohuta oyyami? Obeŋ. 8?Ati ifwatta nya itai imijyere anyo? ?Kuyya igonyuna tai atulo al iyyafatyo’to aboŋojin hun ilamani? Amanyai hul iyyafani’to aboŋojin hun ilamani ihasik hobwok. 9?Ati ifwatta nya itai imijyere anyo? ?Kuyya eyani sayyo? Afe, ati eramak ni itai jo agalik Yoane eyani sayyo. 10Nyo igyoroni ekyanita huna tenyi jo,
“Imijye efak ni eyani sayyo hoŋ ahosyere hoi,
Al ihuhumak’to nekoi ahosyere hoi.”
11Ahode eramak ni itai jo, ihiji wati daŋ hul isiuni hobeŋ obo odyoto al agalik’to Yoane Batista. Ati lya ol omutarik’to ilobye ono Hollum agalik adi inyi Yoane. 12To oŋitek huno Yoane Batista many iko ihwania ottifyai afiriwajak ijiŋaniere ilobye Hollum ta agolon, iko inefuniere inyi. 13Iramye nya efahita bwo ikilutai nya eyak sayyo daŋ eram ana many afanyari Yoane. 14Inyi alya Elija luŋa linya ojori ottu adi. ?Iruhoto tai eram ana? 15Lya ol owon’to iko ayyaha ijara inyi hetaniŋu.
16?Etarrijohi adi ni laati hulo iko anyo? Arai isi ihwa aduri hul itoŋoi isuk bwo illilloŋoi illarak hosi ojori, 17Ehut hohoi acuwali jihatai bwo itai ibyaŋata ihyati. Eyyo hohoi atwari bwo itai ibyaŋata iburyete. 18Ottu nya Yoane ol obeŋ oŋiyo bwo obeŋ amata iko aati ati ojori aati orrohoja inyi. 19Ottu Lonyi tulo ol oŋiyo bwo fe amata bwo ojori isi, Imijyete alaŋaru iko arumani alya bwo fe ara inyi amotte hamojok musuru iko leyyak. Itahutani ehanita Hollum jo obisi ofyoro honyi.
Esiŋyo Yesu Aati Hutto Misihi
Lk 10:13-15
20Tania isiŋyo inyi aati hutto misihi hunya igonyuni’to ehanita honyi hun obolori’to nyo obeŋi laati teyya iloiti atajya hosi. 21Ojo inyi, Orroho adi bebe jyo amiji Korasin, ati bwo fe orroho adi bebe jyo amiji Beteseda, nyo hara nya ihanie edwariti imisihi Turo iko Sidon ihwa hunya ihanie jihatai, nya mana iloiti isi atajya hosi beryen te ejiriŋa on obolo. 22Ati eramak ni itai jo oyyu adi jyo Turo iko Sidon agalik itai iholoŋ ono aŋoco. 23Bwo iye amiji Kapernaum, itadara iye bebe ati ibironi adi iye many Hadese.#11:23 Hadeseamaji ono layak. Nyo kuyya ihanie nya ehanita imiji Sodoma ihwa hunya ihanie jihatai arasa dwo inyi many iko ahana. 24Ati eramak ni itai jo oyyu adi jyo afau Sodoma agalik itai iholoŋ ono aŋoco.
Afwanna jyo Yesu Iyiryari
Lk 10:21-22
25Ta asaa ana omojo Yesu jo, Ajo ni jihoi humo Monye Hobu olo edou iko afau, nyo idimak iye erre huna jyo alofyorojok iko agenyak ette iye itahutana isi jyo odolyo. 26Afe, Monye, oyiji erre huna ihoŋite hoi. 27Isyo Monyoŋ erre daŋ jihoŋ bwo fe obeŋ obo atulo omijak Monye arari Lonyi iko hya hul itahutak Lonyi. 28Ifwanna jihoŋ itai daŋ hul omiratyo egyama bwo fe iyuhotyete, bwo esyo adi ni jihatai nayiri. 29Ifwotuna eyeni hoŋ itajya hatai bwo ittiyenuna eram hoŋ nyo anyalam ni bwo fe obi ataji hoŋ ittata adi itai nyurana nayiri jyo oloyirihyen hatai. 30Nyo oyyu eyeni hoŋ bwo fe eram hoŋ ilyaha.
ที่ได้เลือกล่าสุด:
Matteyo 11: LOT1969
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
This text was originally published by the British and Foreign Bible Society in 1969.
Matteyo 11
11
Lefahat Hulo Yoane Batista
Lk 7:18-35
1Ninya latuhok Yesu ekyanita huna jyo leyiyanak honyi ’tomon harrihai, ette inyi leten teyya addi ittiyeniere bwo fe ittittoyere imisihi omuk.
2Al itaniŋu Yoane to babus ehanita huno Kristo, ifak inyi lefahat honyi, 3ifiyere inyi jo, ?Iye alya linya ojori eyak sayyo jo ottu adi, kuyya oŋida hohoi etila obo? 4Bwo Yesu ette itarraŋ jihosi ojo, Ifwatta iramana Yoane erre hun itaniŋuna tai bwo fe hun igonyuna tai. 5Amijye aŋodok, adahai aŋurak, aŋidari aati ’tallulu, itaniŋye atuhok, ibuhuni ayak bwo fe ittiyenie asayyo hun oyiji jyo alocaŋak. 6Omuno adi lya ol obeŋ’to iha eram hoŋ.
7Ninya lacaharai hulya attati Yesu jaran jyo eluluŋ wati ta eram Yoane jo, ?Ifwatta nya itai imur imijyere anyo? ?Igonyuna nya itai osiholoti on ohuta oyyami? Obeŋ. 8?Ati ifwatta nya itai imijyere anyo? ?Kuyya igonyuna tai atulo al iyyafatyo’to aboŋojin hun ilamani? Amanyai hul iyyafani’to aboŋojin hun ilamani ihasik hobwok. 9?Ati ifwatta nya itai imijyere anyo? ?Kuyya eyani sayyo? Afe, ati eramak ni itai jo agalik Yoane eyani sayyo. 10Nyo igyoroni ekyanita huna tenyi jo,
“Imijye efak ni eyani sayyo hoŋ ahosyere hoi,
Al ihuhumak’to nekoi ahosyere hoi.”
11Ahode eramak ni itai jo, ihiji wati daŋ hul isiuni hobeŋ obo odyoto al agalik’to Yoane Batista. Ati lya ol omutarik’to ilobye ono Hollum agalik adi inyi Yoane. 12To oŋitek huno Yoane Batista many iko ihwania ottifyai afiriwajak ijiŋaniere ilobye Hollum ta agolon, iko inefuniere inyi. 13Iramye nya efahita bwo ikilutai nya eyak sayyo daŋ eram ana many afanyari Yoane. 14Inyi alya Elija luŋa linya ojori ottu adi. ?Iruhoto tai eram ana? 15Lya ol owon’to iko ayyaha ijara inyi hetaniŋu.
16?Etarrijohi adi ni laati hulo iko anyo? Arai isi ihwa aduri hul itoŋoi isuk bwo illilloŋoi illarak hosi ojori, 17Ehut hohoi acuwali jihatai bwo itai ibyaŋata ihyati. Eyyo hohoi atwari bwo itai ibyaŋata iburyete. 18Ottu nya Yoane ol obeŋ oŋiyo bwo obeŋ amata iko aati ati ojori aati orrohoja inyi. 19Ottu Lonyi tulo ol oŋiyo bwo fe amata bwo ojori isi, Imijyete alaŋaru iko arumani alya bwo fe ara inyi amotte hamojok musuru iko leyyak. Itahutani ehanita Hollum jo obisi ofyoro honyi.
Esiŋyo Yesu Aati Hutto Misihi
Lk 10:13-15
20Tania isiŋyo inyi aati hutto misihi hunya igonyuni’to ehanita honyi hun obolori’to nyo obeŋi laati teyya iloiti atajya hosi. 21Ojo inyi, Orroho adi bebe jyo amiji Korasin, ati bwo fe orroho adi bebe jyo amiji Beteseda, nyo hara nya ihanie edwariti imisihi Turo iko Sidon ihwa hunya ihanie jihatai, nya mana iloiti isi atajya hosi beryen te ejiriŋa on obolo. 22Ati eramak ni itai jo oyyu adi jyo Turo iko Sidon agalik itai iholoŋ ono aŋoco. 23Bwo iye amiji Kapernaum, itadara iye bebe ati ibironi adi iye many Hadese.#11:23 Hadeseamaji ono layak. Nyo kuyya ihanie nya ehanita imiji Sodoma ihwa hunya ihanie jihatai arasa dwo inyi many iko ahana. 24Ati eramak ni itai jo oyyu adi jyo afau Sodoma agalik itai iholoŋ ono aŋoco.
Afwanna jyo Yesu Iyiryari
Lk 10:21-22
25Ta asaa ana omojo Yesu jo, Ajo ni jihoi humo Monye Hobu olo edou iko afau, nyo idimak iye erre huna jyo alofyorojok iko agenyak ette iye itahutana isi jyo odolyo. 26Afe, Monye, oyiji erre huna ihoŋite hoi. 27Isyo Monyoŋ erre daŋ jihoŋ bwo fe obeŋ obo atulo omijak Monye arari Lonyi iko hya hul itahutak Lonyi. 28Ifwanna jihoŋ itai daŋ hul omiratyo egyama bwo fe iyuhotyete, bwo esyo adi ni jihatai nayiri. 29Ifwotuna eyeni hoŋ itajya hatai bwo ittiyenuna eram hoŋ nyo anyalam ni bwo fe obi ataji hoŋ ittata adi itai nyurana nayiri jyo oloyirihyen hatai. 30Nyo oyyu eyeni hoŋ bwo fe eram hoŋ ilyaha.
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
This text was originally published by the British and Foreign Bible Society in 1969.