متّای انجیل 5
5
موعظه گودَن کوه جؤر
1وختی عیسی او جمعیّت بدِه، یکته کوه سر بوشؤ و بنیشته. هووخت اونه شاگردؤن اونه ورجه بومئن 2و عیسی بنا بوده اوشونه آموتن و بوته:
3«خوشبحال اوشؤنی که واخوبَن روح میئن نیازمندن،
چونکه آسمون پادشاهی
اوشونه شِه.
4خوشبحال ماتم بزهأن،
چونکه اوشؤن، آرومَ بنن.
5خوشبحال فروتنؤن،
چونکه اوشؤن زمین به ارث
بِئنَن.
6خوشبحال وَشته أن و تشنه أن عدالت،
چونکه اوشؤن سیرَه بنن.
7خوشبحال اوشؤنی که رحم کوئنَن،
چونکه اوشون بِه رحم بنه.
8خوشبحال دیل پاکؤن،
چونکه اوشؤن خدا اینَن.
9خوشبحال صلحجوئن،
چونکه اوشؤن خدا زاکؤن
دوخونده بنن.
10خوشبحال اوشؤنی که عدالت راه میئن آزار اینَن.
چونکه آسمون پادشاهی اوشونه شِه.
11«خوشبحال شمه، او وختی که مردوم شمره می واسه فُحش دِئنَن و اذیت کوئنن و هر بدگبِ به دروغ شیمه ضید گونن. 12خوش ببین و شادی بکونین، چونکه شیمه پاداش آسمون میئن پیله ایسه. چونکه هیطو، پیغمبرؤنی که پیشتر از شمه ایسابونِ، آزار بدَئن.
روشنایی و نمک
13«شمه دنیا نمک ایسیّن. امّا اگه نمک خو مزه از دست بدای، چطو شئنه هنده اونه شورَ گودَن؟ ده به درد هیچی نوخوئنه، جز او که اونه بیرون فوکونن و مردوم اونه دمجَن.
14«شمه دنیا روشنائی ایسّین. شهری که، کوه گوف سر بنا بوبُو، نشَئنه جا دئن. 15هیشکس گردسوز ونگیرونبِئنه تا اونه بیدره جیر بنای. بلکه اونه چراغدؤنه سر نئنه تا اونه روشنائی همّته بِه که خونه میِئن ایسَئن فوتؤئی. 16پس اجازه بدین شیمه روشنایی مردوم سر فوتؤئی تا شیمه خوروم کارؤن بینَن و شیمه پئرِ که آسمؤن میئن ایسأ، پرستش بکونَن.
مسیح بومَه تا شریعتِ، تموم و کمال انجوم بدای
17«گمؤن نکونین که بومَئم تا تورات و پیغمبرؤن نیویشته أنِ باطیلَ کونَم. نومئم تا اوشونه باطیلَ کونم، بلکه بومئم تا اوشون تمؤم و کمال انجوم بدِئم. 18چونکه راست راستِ شمرهگونم، تا آسمؤن و زمین از بین نشی، یکته نقطه یا همزه توراتَ جی هرگی ازبین نشنه، تا اونکه همه به انجؤم برسی. 19پس هر کس یکته از کوشتای دنه، ایی حوکمؤنِ سرسری بگیری و بقیه أنم هیطو یاد بدای، آسمؤن پادشاهی میئن، کوشتای بوشمارده بنه. امّا هر کی ایی حوکمؤنِ اجرا بکونی و اوشونه بقیه أنم یاد بدای، او آسمؤنِ پادشاهی میئن پیلّه دوخونده بنه. 20چونکه شمره گونم، تا شیمه صالحی سرتر از فریسی عالمون و تورات معلمون صالحی نبی، هرگی آسمؤنِ پادشاهی میئن نشنین.
غیظ
21«بشتؤسین که قدیمی أنِ بوته بوبؤ: ”قتل نکون، و هر کی قتل کوئنه، اینه حق محاکمه ایسّه.“ 22امّا مو شمره گونم، هرکس خوش برأر سر غیظ بگیری، اینه حق محاکمهایسه؛ و هر کس خوشِ برأره توهین بکونی، اینه حق محاکمه شورا میئن ایسه؛ و هر کس خوشِ برأره احمق بوگوی، اینه حق جهنّم آتش بنه. 23پس اگه هوزمون که تی پیشکشِ قربؤنی جیگاه میئن هدادری و به یاد بأردی که، تی برأر تی جَی دیل چرکین ایسه، 24تی پیشکشِ، قربونی جیگاه سر بَنی و اوّل بشو تی برأره اَمره آشتی بکون. بعدا بیأ و تی پیشکشیِ هَدی. 25کسی که تی دستَ جی شاکیایسّه و تَه محکمه بوردره، تا وختی که حلِه اونه اَمره راهِ میئن ایسأی، آشتی بکون مبادا تَه به قاضی بسپوری و قاضی تَه تحویل نگهبون بدای و زندؤن دکّای. 26راست راستِ تَه گونم که، تا قرون آخر اونه هَندای، زندونای بیرون نأنی.»
شهوت
27«بشتؤسین که بوته بوبُو: ”زنا نکون.“ 28امّا مو شمره گونم هر کس شهوتِ اَمره یکته زناکِ نیگا بکونی، هودم خوش دیلِ میئن اونه اَمره زنا بُوده. 29اگه تی راستِ چیشم تَه به گوناه هکشه، اونه بیرون بأر و باگَن، چونکه تِه بِه بهتره که، یکته عضو تی اعضای بدن نابوده بی تا اونکه تی تمومِ تن دوزخ میئن دکای. 30و اگه تی راستِ دست تَه به گوناه هکشه، اونه وؤسَئن و باگَن، چونکه ته به بهتره عضوی از تی اعضای بدن نابوده بی تا اونکه تی تموم بدن دوزخ میئن تؤوده ببی.»
طلاق
31«ایطؤ بوتهبوبُو که: ”هر کس خوش زناک طلاق بدای، باید اونه طلاقنومه هدأی.“ 32امّا مو شمره گونم، هر کس خو زناکِ بغیرِ زنا طلاق بدای، اونه به زناکاری هَکشه و هر کس که طلاق بیته زناکِ به زنی بگیری، زنا کؤئنه.»
قسّم
33«و هنده بشتؤسین، قدیمی أنِ بوته بوبؤ: ”قسّم دوروغ نُخور، بلکه قسّمؤنی که خداوندِ به بخوردیِ وفا بکون.“ 34امّا مو شمره گونم هرگی قسّم نوخُورین، نه به آسمؤن، چونکه خدا پادشاهی تخت ایسه، 35و نه به زمین، چون اونه پا جیر کرسی ایسّه، و نه به اورشلیم، چونکه او پیله پادشاه شهر ایسّه. 36و تی سرِ قسّم نوخُور، چونکه منئی یکته مو سفید یا سیاه بکونی. 37پس شیمه ’بله‘ هو ’بله‘ ببی و شیمه ’نه‘ هو ’نه‘، چونکه اضافه بر او شریرَ جی ایسّه.»
انتقام
38«اینم بشتؤسین که بوته بوبُو: ”چیشم بجای چیشم و گاز بجای گاز.“ 39امّا مو شمره گونم، شرورِ آدم جلو نَیسین. اگه ینفر تی راستِ دیمه کشیده بزه، تی اوته دیمم اونه بِه وگاردون. 40و هر وخت کسی بخوای تَه به محکمه ببوری و تی پیرهن تی جَی هگیری، تی عبام اونه هَدی. 41اگه یکته رومی سرباز تَه مجبورَ کونی اونه بارِ دو کیلومتر ببوری، چهار کیلومتر اونه به ببور. 42اگه کسی منت أمره یچی تی جَی بخوای، اونه هدی و اگه کسی یچی تی جَی قرض خوائنه، تی رو وأنگردون.»
دشمنونِ محبت بکونین
43«بشتؤسین که بوته بوبُو: ”تی همسایَه محبت بکون و تی دشمنِ اَمره دشمنی بکون.“ 44امّا مو شمره گونم شیمه دشمنونِ محبت بکونین و اوشؤنی که شمره آزار رسونبِئنَن، دعای خیر بکونین، 45تا شیمه پئره به که آسمؤنِ میئن ایسأ، زأکؤن ببین. چونکه او خوشِ آفتاؤهِ، بدؤن و خوبؤنِ بِه فوتوئبِئنه و خوش بارشِ صالحون و بدکارؤنِ بِه وارنِئنه. 46اگه فقط اوشؤنیِ محبت بکونین که شمره محبت کوئنن، چی اَجری دئنین مگه حتّی خراجگیرؤنم ایجور نوکؤئنن؟ 47و اگه فقط شیمه برارونِ سلام بوگؤین، دیگرونای چی سرتری دئنین مگه حتّی بتپرستؤنم هیطو نوکؤنن؟ 48پس شمه کامل ببین، هیطوکه شیمه آسمؤنی پئر کامل ایسّه.
ที่ได้เลือกล่าสุด:
متّای انجیل 5: EGB
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
@ 2024 Korpu Company
متّای انجیل 5
5
موعظه گودَن کوه جؤر
1وختی عیسی او جمعیّت بدِه، یکته کوه سر بوشؤ و بنیشته. هووخت اونه شاگردؤن اونه ورجه بومئن 2و عیسی بنا بوده اوشونه آموتن و بوته:
3«خوشبحال اوشؤنی که واخوبَن روح میئن نیازمندن،
چونکه آسمون پادشاهی
اوشونه شِه.
4خوشبحال ماتم بزهأن،
چونکه اوشؤن، آرومَ بنن.
5خوشبحال فروتنؤن،
چونکه اوشؤن زمین به ارث
بِئنَن.
6خوشبحال وَشته أن و تشنه أن عدالت،
چونکه اوشؤن سیرَه بنن.
7خوشبحال اوشؤنی که رحم کوئنَن،
چونکه اوشون بِه رحم بنه.
8خوشبحال دیل پاکؤن،
چونکه اوشؤن خدا اینَن.
9خوشبحال صلحجوئن،
چونکه اوشؤن خدا زاکؤن
دوخونده بنن.
10خوشبحال اوشؤنی که عدالت راه میئن آزار اینَن.
چونکه آسمون پادشاهی اوشونه شِه.
11«خوشبحال شمه، او وختی که مردوم شمره می واسه فُحش دِئنَن و اذیت کوئنن و هر بدگبِ به دروغ شیمه ضید گونن. 12خوش ببین و شادی بکونین، چونکه شیمه پاداش آسمون میئن پیله ایسه. چونکه هیطو، پیغمبرؤنی که پیشتر از شمه ایسابونِ، آزار بدَئن.
روشنایی و نمک
13«شمه دنیا نمک ایسیّن. امّا اگه نمک خو مزه از دست بدای، چطو شئنه هنده اونه شورَ گودَن؟ ده به درد هیچی نوخوئنه، جز او که اونه بیرون فوکونن و مردوم اونه دمجَن.
14«شمه دنیا روشنائی ایسّین. شهری که، کوه گوف سر بنا بوبُو، نشَئنه جا دئن. 15هیشکس گردسوز ونگیرونبِئنه تا اونه بیدره جیر بنای. بلکه اونه چراغدؤنه سر نئنه تا اونه روشنائی همّته بِه که خونه میِئن ایسَئن فوتؤئی. 16پس اجازه بدین شیمه روشنایی مردوم سر فوتؤئی تا شیمه خوروم کارؤن بینَن و شیمه پئرِ که آسمؤن میئن ایسأ، پرستش بکونَن.
مسیح بومَه تا شریعتِ، تموم و کمال انجوم بدای
17«گمؤن نکونین که بومَئم تا تورات و پیغمبرؤن نیویشته أنِ باطیلَ کونَم. نومئم تا اوشونه باطیلَ کونم، بلکه بومئم تا اوشون تمؤم و کمال انجوم بدِئم. 18چونکه راست راستِ شمرهگونم، تا آسمؤن و زمین از بین نشی، یکته نقطه یا همزه توراتَ جی هرگی ازبین نشنه، تا اونکه همه به انجؤم برسی. 19پس هر کس یکته از کوشتای دنه، ایی حوکمؤنِ سرسری بگیری و بقیه أنم هیطو یاد بدای، آسمؤن پادشاهی میئن، کوشتای بوشمارده بنه. امّا هر کی ایی حوکمؤنِ اجرا بکونی و اوشونه بقیه أنم یاد بدای، او آسمؤنِ پادشاهی میئن پیلّه دوخونده بنه. 20چونکه شمره گونم، تا شیمه صالحی سرتر از فریسی عالمون و تورات معلمون صالحی نبی، هرگی آسمؤنِ پادشاهی میئن نشنین.
غیظ
21«بشتؤسین که قدیمی أنِ بوته بوبؤ: ”قتل نکون، و هر کی قتل کوئنه، اینه حق محاکمه ایسّه.“ 22امّا مو شمره گونم، هرکس خوش برأر سر غیظ بگیری، اینه حق محاکمهایسه؛ و هر کس خوشِ برأره توهین بکونی، اینه حق محاکمه شورا میئن ایسه؛ و هر کس خوشِ برأره احمق بوگوی، اینه حق جهنّم آتش بنه. 23پس اگه هوزمون که تی پیشکشِ قربؤنی جیگاه میئن هدادری و به یاد بأردی که، تی برأر تی جَی دیل چرکین ایسه، 24تی پیشکشِ، قربونی جیگاه سر بَنی و اوّل بشو تی برأره اَمره آشتی بکون. بعدا بیأ و تی پیشکشیِ هَدی. 25کسی که تی دستَ جی شاکیایسّه و تَه محکمه بوردره، تا وختی که حلِه اونه اَمره راهِ میئن ایسأی، آشتی بکون مبادا تَه به قاضی بسپوری و قاضی تَه تحویل نگهبون بدای و زندؤن دکّای. 26راست راستِ تَه گونم که، تا قرون آخر اونه هَندای، زندونای بیرون نأنی.»
شهوت
27«بشتؤسین که بوته بوبُو: ”زنا نکون.“ 28امّا مو شمره گونم هر کس شهوتِ اَمره یکته زناکِ نیگا بکونی، هودم خوش دیلِ میئن اونه اَمره زنا بُوده. 29اگه تی راستِ چیشم تَه به گوناه هکشه، اونه بیرون بأر و باگَن، چونکه تِه بِه بهتره که، یکته عضو تی اعضای بدن نابوده بی تا اونکه تی تمومِ تن دوزخ میئن دکای. 30و اگه تی راستِ دست تَه به گوناه هکشه، اونه وؤسَئن و باگَن، چونکه ته به بهتره عضوی از تی اعضای بدن نابوده بی تا اونکه تی تموم بدن دوزخ میئن تؤوده ببی.»
طلاق
31«ایطؤ بوتهبوبُو که: ”هر کس خوش زناک طلاق بدای، باید اونه طلاقنومه هدأی.“ 32امّا مو شمره گونم، هر کس خو زناکِ بغیرِ زنا طلاق بدای، اونه به زناکاری هَکشه و هر کس که طلاق بیته زناکِ به زنی بگیری، زنا کؤئنه.»
قسّم
33«و هنده بشتؤسین، قدیمی أنِ بوته بوبؤ: ”قسّم دوروغ نُخور، بلکه قسّمؤنی که خداوندِ به بخوردیِ وفا بکون.“ 34امّا مو شمره گونم هرگی قسّم نوخُورین، نه به آسمؤن، چونکه خدا پادشاهی تخت ایسه، 35و نه به زمین، چون اونه پا جیر کرسی ایسّه، و نه به اورشلیم، چونکه او پیله پادشاه شهر ایسّه. 36و تی سرِ قسّم نوخُور، چونکه منئی یکته مو سفید یا سیاه بکونی. 37پس شیمه ’بله‘ هو ’بله‘ ببی و شیمه ’نه‘ هو ’نه‘، چونکه اضافه بر او شریرَ جی ایسّه.»
انتقام
38«اینم بشتؤسین که بوته بوبُو: ”چیشم بجای چیشم و گاز بجای گاز.“ 39امّا مو شمره گونم، شرورِ آدم جلو نَیسین. اگه ینفر تی راستِ دیمه کشیده بزه، تی اوته دیمم اونه بِه وگاردون. 40و هر وخت کسی بخوای تَه به محکمه ببوری و تی پیرهن تی جَی هگیری، تی عبام اونه هَدی. 41اگه یکته رومی سرباز تَه مجبورَ کونی اونه بارِ دو کیلومتر ببوری، چهار کیلومتر اونه به ببور. 42اگه کسی منت أمره یچی تی جَی بخوای، اونه هدی و اگه کسی یچی تی جَی قرض خوائنه، تی رو وأنگردون.»
دشمنونِ محبت بکونین
43«بشتؤسین که بوته بوبُو: ”تی همسایَه محبت بکون و تی دشمنِ اَمره دشمنی بکون.“ 44امّا مو شمره گونم شیمه دشمنونِ محبت بکونین و اوشؤنی که شمره آزار رسونبِئنَن، دعای خیر بکونین، 45تا شیمه پئره به که آسمؤنِ میئن ایسأ، زأکؤن ببین. چونکه او خوشِ آفتاؤهِ، بدؤن و خوبؤنِ بِه فوتوئبِئنه و خوش بارشِ صالحون و بدکارؤنِ بِه وارنِئنه. 46اگه فقط اوشؤنیِ محبت بکونین که شمره محبت کوئنن، چی اَجری دئنین مگه حتّی خراجگیرؤنم ایجور نوکؤئنن؟ 47و اگه فقط شیمه برارونِ سلام بوگؤین، دیگرونای چی سرتری دئنین مگه حتّی بتپرستؤنم هیطو نوکؤنن؟ 48پس شمه کامل ببین، هیطوکه شیمه آسمؤنی پئر کامل ایسّه.
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
@ 2024 Korpu Company