ᒨᓯᓯ ᓯᕗᓪᓖᑦ 4
4
ᑬᓂᐅᓪᓗ ᐂᐱᓕᐅᓪᓗ ᐅᓂᒃᑲᐅᑕᐅᓂᖏᒃ
1ᐋᑕᒥᐅᓪᓗ ᓄᓕᐊᓂ ᐄᕕ ᐱᖃᑎᒋᖕᒪᒍ, ᑕᕝᕙ ᕿᑐᕐᖓᒃᓴᕐᑖᕐᐳᖅ, ᐃᕐᓂᕐᑖᕐᓗᓂᓗ ᑬᓂᒥᒃ, ᐅᖃᕐᓗᓂ, “ᕿᑐᕐᖓᕐᑖᕐᐳᖓ ᐊᖑᒻᒥᒃ ᐊᑕᓂᐅᑉ ᐃᑲᔪᕐᓂᖓᓄᑦ.” 2ᑭᖑᓂᖓᒍᑦ ᐃᕐᓂᕐᑖᕆᕗᖅ ᓄᑲᖓᓂᒃ ᐂᐱᓕᒥᒃ, ᐂᐱᓕᓗ ᓰᐱᓕᕆᔨᐅᓕᓚᐅᕐᐳᖅ, ᑬᓂᓕ ᐱᕈᕐᓰᕕᓕᕆᔨᐅᓪᓗᓂ. 3ᑕᒪᑐᒪ ᑭᖑᓂᑐᖃᕆᓕᕐᑕᖓᒍᑦ ᑬᓂ ᓄᓇᒥᑦ ᐱᕈᕐᑐᓂᒃ ᐊᑕᓂᕐᒧᑦ ᑐᓂᕐᕈᓯᕐᐳᖅ. 4#ᐄᑉᕈᐃᓄᑦ 11:4.ᐂᐱᓕᓕ ᓰᐱᖁᑎᒥ ᕿᑐᕐᖓᕐᑖᕆᐅᕈᑎᖏᓐᓂᒃ ᖁᐃᓂᓂᖏᓐᓂᒡᓗ ᑐᓂᕐᕈᓯᕐᐳᖅ, ᐊᑕᓂᐅᓪᓗ ᐂᐱᓕ ᖁᕕᐊᒋᕚ ᑐᓂᕐᕈᑎᖏᓪᓗ. 5ᑬᓂᐅᓪᓕ ᑐᓂᕐᕈᑎᒋᔭᖓ ᓈᒻᒪᒋᓐᖏᓛ, ᑬᓂᓗ ᓂᓐᖓᕕᒡᔪᐊᕐᐳᖅ, ᑮᓇᕐᓗᓕᕐᓗᓂᓗ. 6ᐊᑕᓂᐅᓪᓕ ᑬᓂ ᐅᖃᐅᑎᕚ, “ᓱᖕᒪᑦ ᓂᓐᖓᐅᒪᕖᑦ, ᑮᓇᕐᓕᕐᓯᒪᓪᓗᑎᓪᓘ? 7ᐊᑲᐅᔪᒥᒃ ᐱᓐᓂᕈᕕᑦ, ᐃᓚᓕᐅᕐᑕᐅᒐᔭᓐᖏᓚᑏᑦ? ᓈᒻᒪᖏᑦᑐᒥᒡᓕ ᐱᒍᕕᑦ, ᐊᔪᕐᑐᓕᓂᐅᑉ ᐅᑕᖅᑭᕚᑎᑦ ᐃᑎᕐᑕᕐᕕᖕᒥ; ᐃᓕᖕᓂᒡᓗ ᐱᔪᒪᓪᓗᓂ, ᐃᕝᕕᓪᓕ ᓵᓚᒋᔭᕆᐊᖃᕐᐸᑦ.”
8 #
ᒫᑎᐅᓯ 23:35; ᓘᑲᓯ 11:51; 1 ᔪᐊᓇᓯ 3:12. ᑬᓂᐅᓪᓕ ᓄᑲᓂ ᐂᐱᓕ ᐅᖃᐅᑎᕚ, “ᐊᕗᖓ ᓇᑎᕐᓇᒧᑦ ᐂᓚᐅᕐᓗᒃ.” ᓇᑎᕐᓇᒦᓕᕐᓗᑎᒡᓗ ᑬᓂᐅᑉ ᓄᒃᑲᓂ ᐂᐱᓕ ᓵᓪᓗᒍ ᑐᖁᑉᐹ.
9ᑕᕝᕙ ᐊᑕᓂᐅᑉ ᑬᓂ ᐊᐱᕆᓕᕐᐹ, “ᓇᐅᒡᓕ ᓄᑬᑦ ᐂᐱᓕ?”
ᑖᓐᓇ ᐅᖃᕐᐳᖅ, “ᖃᐅᔨᒪᓐᖏᓚᕋ; ᖃᓄᖅ ᓄᑲᓐᓂᒃ ᑲᒪᔨᐅᒐᒫ?”
10 #
ᐄᑉᕈᐃᓄᑦ 12:24. ᐊᑕᓂᕐᓗ ᐅᖃᕐᐳᖅ, “ᖃᓄᐃᓕᐅᕐᓂᕐᐲᑦ? ᓄᑲᕐᐱᑦ ᐊᐅᖓ ᐅᕙᓐᓄᑦ ᓂᓪᓕᐊᖕᒪᑦ ᓄᓇᒥᑦ. 11ᓇᕐᕈᓇᕐᓯᑎᑕᐅᕗᑎᑦ ᓄᓇᒥᑦ, ᐂᑦᑕᕐᓗᓂ ᐄᓯᖕᒪᑦ ᓄᑲᕐᐱᑦ ᐊᐅᖓᓂᒃ ᐊᒡᒐᐱᑦ ᑍᒤᑎᑕᖓᓄᑦ. 12ᐱᕈᕐᓯᐊᒃᓴᓂᒃ ᐱᕈᕐᑎᑦᓯᓇᓱᒃᑲᓗᐊᕈᕕᑦ, ᓄᓇᐅᑉ ᐱᕈᕐᑎᑦᓯᔪᓐᓇᕐᓂᓕᒫᖓ ᐃᓚᑰᖃᑦᑕᕐᓂᐊᓕᕐᐳᖅ; ᕿᒫᖏᓐᓇᐅᔭᕐᓗᑎᑦ ᐃᓂᓪᓚᔪᐃᑦᑑᓂᐊᓕᕐᐳᑎᑦ ᓄᓇᕐᔪᐊᒥ.”
13ᑬᓂᓗ ᐊᑕᓂᕐᒧᑦ ᐅᖃᕐᐳᖅ, “ᓱᒋᐊᕐᑕᐅᓂᕋ ᑕᒪᓐᓇ ᐊᑐᕈᓐᓇᕐᑕᒪ ᐅᖓᑖᓃᑉᐳᖅ. 14ᑕᑯᒋᑦ, ᐅᓪᓗᒥ ᓄᓇᒥᒃ ᕿᒤᑎᑉᐸᕐᒪ; ᑮᓇᕐᓂᓪᓗ ᐃᔨᕐᑕᐅᓯᒪᓂᐊᓕᕐᓗᖓ; ᕿᒫᖏᓐᓇᐅᔭᕐᓗᖓ ᐃᓂᓪᓚᔪᐃᑦᑑᓂᐊᓕᕐᐳᖓ ᓄᓇᕐᔪᐊᒥ, ᓇᓪᓕᐊᓐᓄᓪᓗ ᑕᑯᔭᐅᒍᒪ ᑐᖁᑕᐅᔪᒃᓴᐅᓕᕐᐳᖓ.”
15ᐊᑕᓂᐅᓪᓕ ᑭᐅᕚ, “ᑍᒫᖑᓐᖏᓚᖅ! ᓇᓪᓕᐊᑦ ᑬᓂᒥᒃ ᑐᖁᑦᓯᔪᖅ, 7ᐃᕐᑐᓪᓗᐊᕐᑐᒥᒃ ᐊᑭᔭᐅᔭᕆᐊᖃᕐᐳᖅ.” ᐊᑕᓂᐅᓪᓗ ᑬᓂ ᓇᓗᓁᒃᑯᓯᕐᐹ, ᓇᓪᓕᐊᑦ ᑬᓂᒥᒃ ᑲᑎᓯᔪᖅ ᑐᖁᑦᓯᖁᓇᒍ ᑖᑦᓱᒥᖓ. 16ᑬᓂᓗ ᐊᑕᓂᐅᑉ ᓇᔪᕐᓂᖓᓂᑦ ᕿᒪᕉᑎᕗᖅ, ᓄᓇᑖᕐᓗᓂᓗ ᐊᑎᖃᕐᑐᒥᒃ ᓈᑦ, ᐄᑕᓂᐅᑉ ᖃᐅᓕᕐᕕᐊᑕ ᓇᓛᓃᑦᑐᒥᒃ.
ᑬᓂᐅᑉ ᑭᖑᕚᖏᑦ
17ᑬᓂᐅᑉ ᓄᓕᐊᓂ ᐱᖃᑎᒋᒐᒥᐅᒃ, ᕿᑐᕐᖓᒃᓴᖃᓕᕐᐳᖅ ᐃᕐᓂᓪᓗᓂᓗ ᐃᓅᑭᒥᒃ; ᐃᒡᓗᒐᓴᒡᔪᐊᓕᐅᕐᐳᕐᓗ ᐊᑎᖃᕐᑎᓪᓗᓂᒋᑦ ᐃᕐᓂᖓᑕ ᐊᑎᖓᓂᒃ, ᐃᓅᑭᒥᒃ. 18ᐃᓅᑭᓗ ᐃᕐᓂᕐᑖᕐᐳᖅ ᐃᕌᑎᒥᒃ; ᐃᕌᑦ ᐊᑖᑕᒋᔭᐅᓚᐅᕐᐳᖅ ᒥᕼᐅᔧᓪᒧᑦ, ᒥᕼᐅᔧᓗ ᐊᑖᑕᒋᔭᐅᓚᐅᕐᐳᖅ ᒥᑐᓮᓪᒧᑦ, ᑖᓐᓇᓗ ᐊᑖᑕᒋᔭᐅᓚᐅᕐᐳᖅ ᓔᒥᑭᒧᑦ. 19ᓔᒥᑭᓕ ᓄᓕᐊᖃᓚᐅᕐᐳᖅ ᒪᕐᕉᖕᓂᒃ; ᐂᑉᐸᖓ ᐊᑎᖃᕐᓗᓂ ᐋᑕᒥᒃ, ᐂᑉᐸᖓᓗ ᐊᑎᖃᕐᓗᓂ ᔨᓚᒥᒃ. 20ᐋᑕᓗ ᐃᕐᓂᕐᑖᕐᐳᖅ ᔭᐸᐅᓪᒥᒃ; ᑖᓐᓇᓗ ᓯᕗᓕᕆᔭᐅᕗᖅ ᑐᐱᕐᓂ ᐊᖏᕐᕋᖃᕐᑐᓄᑦ ᓂᕐᔪᑎᓂᒃ ᐱᕈᕐᓮᔪᓂᒃ. 21ᑖᑦᓱᒪᓗ ᓄᑲᖓ ᐊᑎᖃᕐᐳᖅ ᔪᐸᐅᓪᒥᒃ; ᑖᓐᓇᓗ ᓯᕗᓕᕆᔭᐅᕗᖅ ᑕᒤᓐᓄᑦ ᓂᓪᓕᐊᔫᓕᒫᓂᒃ ᐊᑐᓲᓄᑦ ᑯᑭᑦᑕᐸᐅᑎᐅᔮᕐᑐᓄᓪᓗ ᕼᐊᕐᐱᓄᑦ ᐱᓐᖑᐊᕐᐸᒃᑐᓄᑦ ᓱᐴᒐᓄᓪᓗ. 22ᔨᓚᓗ ᐃᕐᓂᕐᑖᕐᐳᖅ ᑐᐸᓪ-ᑬᓂᒥᒃ; ᑖᓐᓇᓗ ᓴᓇᕐᕈᑎᓕᐅᓚᐅᕐᐳᖅ ᖃᓄᐃᑦᑐᑐᐃᓐᓇᕐᓂᒃ ᑲᓐᓄᔭᓂᒃ ᓴᕕᕋᔭᖕᓂᒡᓗ. ᑐᐸᓪ-ᑬᓐᓗ ᓇᔭᖓ ᐊᑎᖃᕐᐳᖅ ᓈᒪᒥᒃ.
23ᓔᒥᑭᓗ ᓄᓕᐊᒥᓄᑦ ᒪᕐᕉᖕᓄᑦ ᐅᖃᕐᐳᖅ:
“ᐋᑕ ᔨᓚᓗ, ᓈᓚᓚᐅᕐᓯᓐᖓ; ᐃᓕᑦᓯ ᓔᒥᑭᐅᑉ ᓄᓕᐊᖏᒃ, ᐅᖃᐅᓯᒃᑲ ᓈᓚᒃᓯᒋᑦ:
ᐊᖑᒻᒥᒃ ᑐᖁᑦᓯᓚᐅᕋᒪ ᑍᑦᓱᒪ ᐃᑭᓕᓚᐅᕐᒪᖓ,
ᑖᓐᓇ ᐃᓅᓱᒃᑐᖅ ᐅᕙᓐᓂᒃ ᐱᒋᐊᓚᐅᕐᒪᑦ.
24ᑬᓂᒥᒃ ᑐᖁᑦᓯᔪᕕᓂᖅ 7ᐃᕐᑐᓪᓗᐊᕐᑐᒥᒃ ᐊᑭᔭᐅᔭᕆᐊᖃᕐᐸᑦ,
ᓔᒥᑭᒥᒡᓕ ᑐᖁᑦᓯᔪᖅ 77ᐃᕐᑐᓪᓗᐊᕐᑐᒥᒃ ᐊᑭᔭᐅᔭᕆᐊᖃᕐᐳᖅ.”
ᓰᑎᓗ ᐃᓅᓯᓗ
25ᐋᑕᒥᐅᑉ ᓄᓕᐊᓂ ᐱᖃᑎᒋᒃᑲᓐᓂᕐᒪᒍ, ᓄᓕᐊᖓ ᐃᕐᓂᕐᑖᓚᐅᕐᐳᖅ ᐋᑕᒥᐅᑉ ᐊᑎᖃᕐᑎᑉᐹ ᓰᑎᒥᒃ, ᐄᕕ ᐅᖃᓚᐅᕐᒪᑦ, “ᒎᑎᐅᑉ ᐃᕐᓂᕐᒥᒃ ᑐᓂᓯᕕᒋᕚᖓ ᐂᐱᓕ ᐃᓇᖏᕐᓗᒍ, ᑬᓂᐅᑉ ᑐᖁᓚᐅᕐᒪᒍ.”#4:25 ᓰᑎ ᐄᑉᕉᑎᑐᑦ ᑐᑭᖃᕐᑑᔮᕐᑐᖅ “ᑐᓂᔭᐅᓯᒪᔪᒥᒃ” 26ᓰᑎᓗ ᐃᕐᓂᕐᑖᓚᐅᕆᕗᖅ, ᐊᑎᖃᕐᑎᓪᓗᒍᓗ ᐃᓅᓯᒥᒃ. ᑍᑦᓱᒪᓂᐅᑎᓪᓗᒍ ᐃᓄᐃᑦ ᐊᑕᓂᕐᒧᑦ ᑐᒃᓯᐊᖃᑦᑕᓕᓚᐅᕐᐳᑦ ᐊᑎᖓ ᑍᓪᓗᒍ.
ที่ได้เลือกล่าสุด:
ᒨᓯᓯ ᓯᕗᓪᓖᑦ 4: EAIB
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᓯᕗᓪᓖᑦ 4
4
ᑬᓂᐅᓪᓗ ᐂᐱᓕᐅᓪᓗ ᐅᓂᒃᑲᐅᑕᐅᓂᖏᒃ
1ᐋᑕᒥᐅᓪᓗ ᓄᓕᐊᓂ ᐄᕕ ᐱᖃᑎᒋᖕᒪᒍ, ᑕᕝᕙ ᕿᑐᕐᖓᒃᓴᕐᑖᕐᐳᖅ, ᐃᕐᓂᕐᑖᕐᓗᓂᓗ ᑬᓂᒥᒃ, ᐅᖃᕐᓗᓂ, “ᕿᑐᕐᖓᕐᑖᕐᐳᖓ ᐊᖑᒻᒥᒃ ᐊᑕᓂᐅᑉ ᐃᑲᔪᕐᓂᖓᓄᑦ.” 2ᑭᖑᓂᖓᒍᑦ ᐃᕐᓂᕐᑖᕆᕗᖅ ᓄᑲᖓᓂᒃ ᐂᐱᓕᒥᒃ, ᐂᐱᓕᓗ ᓰᐱᓕᕆᔨᐅᓕᓚᐅᕐᐳᖅ, ᑬᓂᓕ ᐱᕈᕐᓰᕕᓕᕆᔨᐅᓪᓗᓂ. 3ᑕᒪᑐᒪ ᑭᖑᓂᑐᖃᕆᓕᕐᑕᖓᒍᑦ ᑬᓂ ᓄᓇᒥᑦ ᐱᕈᕐᑐᓂᒃ ᐊᑕᓂᕐᒧᑦ ᑐᓂᕐᕈᓯᕐᐳᖅ. 4#ᐄᑉᕈᐃᓄᑦ 11:4.ᐂᐱᓕᓕ ᓰᐱᖁᑎᒥ ᕿᑐᕐᖓᕐᑖᕆᐅᕈᑎᖏᓐᓂᒃ ᖁᐃᓂᓂᖏᓐᓂᒡᓗ ᑐᓂᕐᕈᓯᕐᐳᖅ, ᐊᑕᓂᐅᓪᓗ ᐂᐱᓕ ᖁᕕᐊᒋᕚ ᑐᓂᕐᕈᑎᖏᓪᓗ. 5ᑬᓂᐅᓪᓕ ᑐᓂᕐᕈᑎᒋᔭᖓ ᓈᒻᒪᒋᓐᖏᓛ, ᑬᓂᓗ ᓂᓐᖓᕕᒡᔪᐊᕐᐳᖅ, ᑮᓇᕐᓗᓕᕐᓗᓂᓗ. 6ᐊᑕᓂᐅᓪᓕ ᑬᓂ ᐅᖃᐅᑎᕚ, “ᓱᖕᒪᑦ ᓂᓐᖓᐅᒪᕖᑦ, ᑮᓇᕐᓕᕐᓯᒪᓪᓗᑎᓪᓘ? 7ᐊᑲᐅᔪᒥᒃ ᐱᓐᓂᕈᕕᑦ, ᐃᓚᓕᐅᕐᑕᐅᒐᔭᓐᖏᓚᑏᑦ? ᓈᒻᒪᖏᑦᑐᒥᒡᓕ ᐱᒍᕕᑦ, ᐊᔪᕐᑐᓕᓂᐅᑉ ᐅᑕᖅᑭᕚᑎᑦ ᐃᑎᕐᑕᕐᕕᖕᒥ; ᐃᓕᖕᓂᒡᓗ ᐱᔪᒪᓪᓗᓂ, ᐃᕝᕕᓪᓕ ᓵᓚᒋᔭᕆᐊᖃᕐᐸᑦ.”
8 #
ᒫᑎᐅᓯ 23:35; ᓘᑲᓯ 11:51; 1 ᔪᐊᓇᓯ 3:12. ᑬᓂᐅᓪᓕ ᓄᑲᓂ ᐂᐱᓕ ᐅᖃᐅᑎᕚ, “ᐊᕗᖓ ᓇᑎᕐᓇᒧᑦ ᐂᓚᐅᕐᓗᒃ.” ᓇᑎᕐᓇᒦᓕᕐᓗᑎᒡᓗ ᑬᓂᐅᑉ ᓄᒃᑲᓂ ᐂᐱᓕ ᓵᓪᓗᒍ ᑐᖁᑉᐹ.
9ᑕᕝᕙ ᐊᑕᓂᐅᑉ ᑬᓂ ᐊᐱᕆᓕᕐᐹ, “ᓇᐅᒡᓕ ᓄᑬᑦ ᐂᐱᓕ?”
ᑖᓐᓇ ᐅᖃᕐᐳᖅ, “ᖃᐅᔨᒪᓐᖏᓚᕋ; ᖃᓄᖅ ᓄᑲᓐᓂᒃ ᑲᒪᔨᐅᒐᒫ?”
10 #
ᐄᑉᕈᐃᓄᑦ 12:24. ᐊᑕᓂᕐᓗ ᐅᖃᕐᐳᖅ, “ᖃᓄᐃᓕᐅᕐᓂᕐᐲᑦ? ᓄᑲᕐᐱᑦ ᐊᐅᖓ ᐅᕙᓐᓄᑦ ᓂᓪᓕᐊᖕᒪᑦ ᓄᓇᒥᑦ. 11ᓇᕐᕈᓇᕐᓯᑎᑕᐅᕗᑎᑦ ᓄᓇᒥᑦ, ᐂᑦᑕᕐᓗᓂ ᐄᓯᖕᒪᑦ ᓄᑲᕐᐱᑦ ᐊᐅᖓᓂᒃ ᐊᒡᒐᐱᑦ ᑍᒤᑎᑕᖓᓄᑦ. 12ᐱᕈᕐᓯᐊᒃᓴᓂᒃ ᐱᕈᕐᑎᑦᓯᓇᓱᒃᑲᓗᐊᕈᕕᑦ, ᓄᓇᐅᑉ ᐱᕈᕐᑎᑦᓯᔪᓐᓇᕐᓂᓕᒫᖓ ᐃᓚᑰᖃᑦᑕᕐᓂᐊᓕᕐᐳᖅ; ᕿᒫᖏᓐᓇᐅᔭᕐᓗᑎᑦ ᐃᓂᓪᓚᔪᐃᑦᑑᓂᐊᓕᕐᐳᑎᑦ ᓄᓇᕐᔪᐊᒥ.”
13ᑬᓂᓗ ᐊᑕᓂᕐᒧᑦ ᐅᖃᕐᐳᖅ, “ᓱᒋᐊᕐᑕᐅᓂᕋ ᑕᒪᓐᓇ ᐊᑐᕈᓐᓇᕐᑕᒪ ᐅᖓᑖᓃᑉᐳᖅ. 14ᑕᑯᒋᑦ, ᐅᓪᓗᒥ ᓄᓇᒥᒃ ᕿᒤᑎᑉᐸᕐᒪ; ᑮᓇᕐᓂᓪᓗ ᐃᔨᕐᑕᐅᓯᒪᓂᐊᓕᕐᓗᖓ; ᕿᒫᖏᓐᓇᐅᔭᕐᓗᖓ ᐃᓂᓪᓚᔪᐃᑦᑑᓂᐊᓕᕐᐳᖓ ᓄᓇᕐᔪᐊᒥ, ᓇᓪᓕᐊᓐᓄᓪᓗ ᑕᑯᔭᐅᒍᒪ ᑐᖁᑕᐅᔪᒃᓴᐅᓕᕐᐳᖓ.”
15ᐊᑕᓂᐅᓪᓕ ᑭᐅᕚ, “ᑍᒫᖑᓐᖏᓚᖅ! ᓇᓪᓕᐊᑦ ᑬᓂᒥᒃ ᑐᖁᑦᓯᔪᖅ, 7ᐃᕐᑐᓪᓗᐊᕐᑐᒥᒃ ᐊᑭᔭᐅᔭᕆᐊᖃᕐᐳᖅ.” ᐊᑕᓂᐅᓪᓗ ᑬᓂ ᓇᓗᓁᒃᑯᓯᕐᐹ, ᓇᓪᓕᐊᑦ ᑬᓂᒥᒃ ᑲᑎᓯᔪᖅ ᑐᖁᑦᓯᖁᓇᒍ ᑖᑦᓱᒥᖓ. 16ᑬᓂᓗ ᐊᑕᓂᐅᑉ ᓇᔪᕐᓂᖓᓂᑦ ᕿᒪᕉᑎᕗᖅ, ᓄᓇᑖᕐᓗᓂᓗ ᐊᑎᖃᕐᑐᒥᒃ ᓈᑦ, ᐄᑕᓂᐅᑉ ᖃᐅᓕᕐᕕᐊᑕ ᓇᓛᓃᑦᑐᒥᒃ.
ᑬᓂᐅᑉ ᑭᖑᕚᖏᑦ
17ᑬᓂᐅᑉ ᓄᓕᐊᓂ ᐱᖃᑎᒋᒐᒥᐅᒃ, ᕿᑐᕐᖓᒃᓴᖃᓕᕐᐳᖅ ᐃᕐᓂᓪᓗᓂᓗ ᐃᓅᑭᒥᒃ; ᐃᒡᓗᒐᓴᒡᔪᐊᓕᐅᕐᐳᕐᓗ ᐊᑎᖃᕐᑎᓪᓗᓂᒋᑦ ᐃᕐᓂᖓᑕ ᐊᑎᖓᓂᒃ, ᐃᓅᑭᒥᒃ. 18ᐃᓅᑭᓗ ᐃᕐᓂᕐᑖᕐᐳᖅ ᐃᕌᑎᒥᒃ; ᐃᕌᑦ ᐊᑖᑕᒋᔭᐅᓚᐅᕐᐳᖅ ᒥᕼᐅᔧᓪᒧᑦ, ᒥᕼᐅᔧᓗ ᐊᑖᑕᒋᔭᐅᓚᐅᕐᐳᖅ ᒥᑐᓮᓪᒧᑦ, ᑖᓐᓇᓗ ᐊᑖᑕᒋᔭᐅᓚᐅᕐᐳᖅ ᓔᒥᑭᒧᑦ. 19ᓔᒥᑭᓕ ᓄᓕᐊᖃᓚᐅᕐᐳᖅ ᒪᕐᕉᖕᓂᒃ; ᐂᑉᐸᖓ ᐊᑎᖃᕐᓗᓂ ᐋᑕᒥᒃ, ᐂᑉᐸᖓᓗ ᐊᑎᖃᕐᓗᓂ ᔨᓚᒥᒃ. 20ᐋᑕᓗ ᐃᕐᓂᕐᑖᕐᐳᖅ ᔭᐸᐅᓪᒥᒃ; ᑖᓐᓇᓗ ᓯᕗᓕᕆᔭᐅᕗᖅ ᑐᐱᕐᓂ ᐊᖏᕐᕋᖃᕐᑐᓄᑦ ᓂᕐᔪᑎᓂᒃ ᐱᕈᕐᓮᔪᓂᒃ. 21ᑖᑦᓱᒪᓗ ᓄᑲᖓ ᐊᑎᖃᕐᐳᖅ ᔪᐸᐅᓪᒥᒃ; ᑖᓐᓇᓗ ᓯᕗᓕᕆᔭᐅᕗᖅ ᑕᒤᓐᓄᑦ ᓂᓪᓕᐊᔫᓕᒫᓂᒃ ᐊᑐᓲᓄᑦ ᑯᑭᑦᑕᐸᐅᑎᐅᔮᕐᑐᓄᓪᓗ ᕼᐊᕐᐱᓄᑦ ᐱᓐᖑᐊᕐᐸᒃᑐᓄᑦ ᓱᐴᒐᓄᓪᓗ. 22ᔨᓚᓗ ᐃᕐᓂᕐᑖᕐᐳᖅ ᑐᐸᓪ-ᑬᓂᒥᒃ; ᑖᓐᓇᓗ ᓴᓇᕐᕈᑎᓕᐅᓚᐅᕐᐳᖅ ᖃᓄᐃᑦᑐᑐᐃᓐᓇᕐᓂᒃ ᑲᓐᓄᔭᓂᒃ ᓴᕕᕋᔭᖕᓂᒡᓗ. ᑐᐸᓪ-ᑬᓐᓗ ᓇᔭᖓ ᐊᑎᖃᕐᐳᖅ ᓈᒪᒥᒃ.
23ᓔᒥᑭᓗ ᓄᓕᐊᒥᓄᑦ ᒪᕐᕉᖕᓄᑦ ᐅᖃᕐᐳᖅ:
“ᐋᑕ ᔨᓚᓗ, ᓈᓚᓚᐅᕐᓯᓐᖓ; ᐃᓕᑦᓯ ᓔᒥᑭᐅᑉ ᓄᓕᐊᖏᒃ, ᐅᖃᐅᓯᒃᑲ ᓈᓚᒃᓯᒋᑦ:
ᐊᖑᒻᒥᒃ ᑐᖁᑦᓯᓚᐅᕋᒪ ᑍᑦᓱᒪ ᐃᑭᓕᓚᐅᕐᒪᖓ,
ᑖᓐᓇ ᐃᓅᓱᒃᑐᖅ ᐅᕙᓐᓂᒃ ᐱᒋᐊᓚᐅᕐᒪᑦ.
24ᑬᓂᒥᒃ ᑐᖁᑦᓯᔪᕕᓂᖅ 7ᐃᕐᑐᓪᓗᐊᕐᑐᒥᒃ ᐊᑭᔭᐅᔭᕆᐊᖃᕐᐸᑦ,
ᓔᒥᑭᒥᒡᓕ ᑐᖁᑦᓯᔪᖅ 77ᐃᕐᑐᓪᓗᐊᕐᑐᒥᒃ ᐊᑭᔭᐅᔭᕆᐊᖃᕐᐳᖅ.”
ᓰᑎᓗ ᐃᓅᓯᓗ
25ᐋᑕᒥᐅᑉ ᓄᓕᐊᓂ ᐱᖃᑎᒋᒃᑲᓐᓂᕐᒪᒍ, ᓄᓕᐊᖓ ᐃᕐᓂᕐᑖᓚᐅᕐᐳᖅ ᐋᑕᒥᐅᑉ ᐊᑎᖃᕐᑎᑉᐹ ᓰᑎᒥᒃ, ᐄᕕ ᐅᖃᓚᐅᕐᒪᑦ, “ᒎᑎᐅᑉ ᐃᕐᓂᕐᒥᒃ ᑐᓂᓯᕕᒋᕚᖓ ᐂᐱᓕ ᐃᓇᖏᕐᓗᒍ, ᑬᓂᐅᑉ ᑐᖁᓚᐅᕐᒪᒍ.”#4:25 ᓰᑎ ᐄᑉᕉᑎᑐᑦ ᑐᑭᖃᕐᑑᔮᕐᑐᖅ “ᑐᓂᔭᐅᓯᒪᔪᒥᒃ” 26ᓰᑎᓗ ᐃᕐᓂᕐᑖᓚᐅᕆᕗᖅ, ᐊᑎᖃᕐᑎᓪᓗᒍᓗ ᐃᓅᓯᒥᒃ. ᑍᑦᓱᒪᓂᐅᑎᓪᓗᒍ ᐃᓄᐃᑦ ᐊᑕᓂᕐᒧᑦ ᑐᒃᓯᐊᖃᑦᑕᓕᓚᐅᕐᐳᑦ ᐊᑎᖓ ᑍᓪᓗᒍ.
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Eastern Arctic Inuktitut Bible © Canadian Bible Society, 2012, 2021-2023.