Metta 5
5
Bešinği bab.
1We ğemaati görmekle daga čykti, we oturdygynde šagyrdleri janyna geldiler.
2We agzyni ačup, onlara ta’lim ederek, dedi ky:
3»Ne mübarek tyr ruhğe fakyr olanlar, zira melkjut‐üs‐semawat onlaryn dyr.
4Ne mübarek tyr hazin olanlar, zira onlar teselli bulağaklar dyr.
5Ne mübarek tyr halimler, zira onlar zemini tewerrüs edeğekler dyr.
6Ne mübarek tyr salahe ağykup susajanlar, zira onlar dojurylağaklar dyr.
7Ne mübarek tyr merhametlüler, zira onlar merhamete mazher olağaklar dyr.
8Ne mübarek tyr kalbi pak olanlar, zira onlar allahi göreğekler dyr.
9Ne mübarek tyr sulh ediğiler, zira onlara ewlad‐ullah tesmije olunağak tyr.
10Ne mübarek tyr salah sebebi‐le teaddi görenler, zira melkjut‐üs‐semawat onlaryn dyr.
11Benym sebebyme size sitem edüp, teaddi ettykleri, we jalan jere alejhynyzde her gjune fena söz söjledykleri zeman, ne mübarek sinyz!
12Mesrur we šad olunuz, zira semawatta eğrinyz čoktyr, čünky sizden ewwel olan pejgamberlere böjle teaddi ettiler.
13Siz jeryn tuzi sinyz; lakin tuz datsyz oldygi takdirde, ne ile tuzlanağak tyr? artyk dyšarüje atylup, adamlaryn ajaklari altynda basylmaktan maada bir šeje jaramaz.
14Siz dünjanyn nuri sinyz; dag üzerynde waky bir šehr gizlenemez
15We čyragi jakup, kile altyna komazlar, amma šamdan üzerine korlar, we chanede bulunanlaryn ğümlesine zia weryr.
16Bu weğhle nurynyz adamlaryn önynde zia wersyn, ta ky syzyn a’mal‐i hasenenyzi görüp, semawatta olan pederinyzi temğid edeler.
17Ben šeryati ja pejgamberleri ibtal etmek ičün geldym, zann etmejinyz; onlari ibtal ičün dejil, anğak itmam ičün geldym.
18Zira hakykaten size derym ky: Jer ile gjök zajyl olmadykče, šeryatyn ğümlesi itmam olynğeje dejin, ondan bir harf, ja bir nokta zajyl olmajağak tyr.
19Imdi her kim bu en küčük emrleryn birini nakz edüp, de adamlara öjle ta’lim ederse, melkjut‐üs‐samawatta en küčük denyleğek tyr. Amma her kim amil olup, de ta’lim ederse, melkjut‐üs‐semawatte böjük denyleğek tyr.
20Zira size derym ky: Ejer salahynyz ulema we Ferisileryn salahyne tefewwük etmez ise, melkjut‐üs‐semawate asla girmejeğek sinyz.
21Mütekaddemine: »Katl etmejesyn, we her kim katl ederse, hükme müstehakk olağak tyr,« denyldygyni išittinyz.
22Fakat ben size derym ky: Her kim karyndašyna bila sebeb gazab ederse, hükme müstehakk olur; we her kim kendi karyndašyne: »Raka,« derse, millet meğlisinyn hükmyne müstehakk olur, we her kim: »Abmak,« derse, ğehennem atešine müstehakk olur.
23Imdi takdimeni mezbahe getyrdygynde, orada karyndašynyn senyn alejhynde bir šeji oldygi chatyryne gelyr ise.
24Takdimeni orada mezbahyn önynde brak, we gidüp, ewwela karyndašyn ile baryš, ondan sonra gelüp, takdimeni takdim ejle.
25Chasmyn ile beraber jolda iken, tez onun ile sulh ol, ky chasmyn seni kadije, kadi dachi seni meemure teslim edüp, zyndane ilka olunmajasyn.
26Hakykaten sana derym ky; Son mangyri eda etmejinğe, oradan čykmajağaksyn.
27Mütekaddemine: Zina etmejesyn, denyldygyni išittinyz.
28Fakat ben size derym ky: Her kim nisadan birine šehwet ile bakarsa, kalbynda onunle zina etmyš olur.
29Imdi sag gözyn senyn sürčmene sebeb olursa, onu čykarup kendynden def et: zira a’zandan birinyn zajy olmasi bütün ğesedynyn ğehenneme atylmasyndan sana chajrlü dyr.
30We ejer sag elyn senyn sürčmene sebeb olursa, onu kesüp, kendyndeu def et; zira a’zandan birinyn zajy olmasi bütün ğesedynyn ğehenneme atylmasyndan sana chajrlü dyr.
31»Her kim zewğesini tatlik ederse, ona talak‐name wersyn,« denylmyš dyr.
32Fakat ben size derim ky: Her kim — zinadan gajri bir sebebe mebni — zewğesini tatlik ederse, ona zina ettyryr; we ker kim mutallakeji tezewwüğ ederse, zina etmyš olur.
33Jene mütekaddemine: »Jalan jere jemin etmejesyn, illa jemin ile w’ad ettygyni rabba eda edesyn,« denyldygyni išittinyz.
34Fakat ben size derym ky: Asla jemin etmejesinyz; ne sema hakki‐čün zira allahyn tachti dyr;
35Ne‐de zemin hakki‐čün, zira onun ajaklarynyn basamagi dyr; ne Uršelim hakki‐cün, zira melik‐i azimyn šehri dyr.
36Ne‐de bašyn hakki‐cün jemin edesyn, zira bir kyli ak jachod kara ejlemeje kadyr dejyl syn.
37Lakin sözynyz: Ewwet, ewwet, chajr, chajr, olsun. Bunlardan ziadesi šerirden dyr.
38»Göze göz, we diše diš,« denyldygyni išittinyz.
39Fakat ben size derym ky: Kemlyge karšu durmaja‐synyz, lakin her kim senyn sag janagyne wurursa, ona olbirini da čewir.
40We senynle da’wa edüp, entarini almak istejene ğübbeni da brak.
41We seni bir mil gitmeje iğbar eden kimse ile iki mil git.
42Senden dilejene wer, we senden ödünğ almak istejenden jüz čewirme.
43»Konšuni sewesyn, we düšmenyne bugz edesyn,« denyldygyni išittinyz.
44Fakat ben size derym ky: Düšmenlerinyzi sewinyz; size bed dua edenlere chajr dua ejlejinyz; size bugz edenlere ejilyk edinyz, we sizi inğidenler, hem size teaddi edenler ičün dua edinyz.
45Ta ky semawatta olan pederinyzyn ewladi olasynyz, zira kendi günešini fenalar ile ejileryn üzerine dogdyryr; hem salih we fasyk kimseleryn üzerine jagmur jagdyryr.
46Zira sizi sewenleri sewersenyz, ne eğrinyz olur? Gümrükčiler dachi heman öjle etmezler‐mi?
47We ejer jalynyz karyndašlarynyze selam weryrsenyz, ziade ne etmyš olursynyz? Gümrükčiler dachi öjle etmezler‐mi?
48Imdi semawatta olan pederinyz kjamil oldygi gibi, siz dachi kjamil olunuz.
Kasalukuyang Napili:
Metta 5: TURMAT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Transcribed from the Bible Society edition. Published in Vienna in 1883.