SAHRUOTHUNA 10
10
Noah Ciypathla Mingphang Zaw
(1Chr 1.5-23)
1Noah sacapaa Shem, Ham hne Jafeth zaw ta tiypa-aa tlung khutaata ama sapa ama ciypathla zaw ca hingpa zaw hing tana ama cuo.
2Jafeth ciypathla tie: Gomer, Magog, Madai, Javan, Tubal, Meshek, hne Tiras ta ama cuo. 3Gomer ciypathla tie: Ashkenaz, Rifath hne Togarmah ta ama cuo. 4Javan ciypathla tie: Elishah, Tarshish, Kit ming hne Rodan ming ta ama cuo. 5Iema chung taa hing tana riyliy kie lie khy a sapa tie ca ama pungzaa. Iema hing Jafeth ciypathla ta cuo yi te ama ruo cyicuo lie, ama mingphang cyicuo ta ama ryi cyicuo kha cyi yi te khy ama sa.
6Ham ciypathla tie: Kush, Izipt, Put, hne Kanaan ta ama cuo. 7Kush ciypathla tie: Seba, Havilah, Sabtah, Raamah hne Sabteka ta ama cuo. Raamah ciypathla zaw ca: Sheba hne Dedan ta ama cuo. 8Kush ca Nimrod paa ta a cuo; ama ca alyi cunglie a cahrapa rietetuv taapa ta a cuo. 9Ama ca Abyipa hmiekunglie a cahrapa, saa a ka thepa ta a cuo. Caacuonakawta, “Abyipa hmiekunglie a cahrapa, saa a ka thepa Nimrod haata,” ta pata ripa a cuo. 10A pena aa pathu taanapa ca Babel, Erek, hne Akkad ta cuo yi te, ama bangkhuo hingta Shinar ruo chunglie a awpa tana ama cuo. 11Capa ruo taa cata Assiria ruo luo kha si te, Nineveh, Rehoboth-ir, Kalah, hne 12Nineveh hne Kalah alalalie a awpa khypuv lesapa Resen zaw kha a tla. 13Izipt ca Lud ming, Anam ming, hne Lehab ming, 14Pathrus ming hne Kasluh ming hne Kaftor ming zaw ama paa khata cuo te iema zaw chung taa hingta Filistin ming kha ama puv.
15Kanaan ca a sacapaa uvthyi Sidon, hne Heth, 16hne Jebus ming, Amor ming, Girgash ming, 17Hiv ming, Arki ming, hne Sin ming, 18Arvad ming, Zemar ming, hne Hamath ming zaw ama paa ta a cuo. Cakhutaata Kanaan mingphang ca ruo ting ta amaa ze. 19Kanaan ming ama ruoriy ca Sidon taata Gerar luota Gaza te, Sodom luota Gomorrah, Admah, Zeboiim hne Lasha te ta a cuo. 20Hingpa tie hing Ham ciypathla zaw ta cuo yi te, ama phang cyicuo, ama ruo cyicuo ta ama ryi cyicuo kha cyi yi te khy ama sa.
21Jafeth a uvta Shem zaw ta saata sa te, ama ca Eber samingsahlaa zaw ama thukinapa ta a cuo. 22Shem ciypathla tie: Elam, Asshur, Arpakshad, Lud hne Aram ta ama cuo. 23Aram ciypathla zaw ca: Uz, Hul, Gether hne Mash ta ama cuo. 24Arpakshad ca Shelah paa ta cuo te, Shelah ca Eber paa ta a cuo. 25Eber ta sacapaa pahning a sa yi: pakhapa a ming ca Peleg ta a cuo, ama chuo ning hing alyi kha amaa zaa che. A uvnupa a ming ca Joktan ta a cuo. 26Joktan ca Almodad, Shelef, Hazarmaveth, Jerah, 27Hadoram, Uzal, Diklah, 28Obal, Abimael, Sheba, 29Ofir, Havilah hne Jobab zaw ama paa ta a cuo; hingpa zaw bangkhuo hing Joktan ciypathla ta ama cuo. 30Ama awnapa ruo ca Mesha taata Sefar te, ningchiyluo tluocung ruo khata a cuo. 31Hingpa tie hing Shem ciypathla zaw ta cuo yi te, ama phang cyicuo, ama ruo cyicuo ta ama ryi cyicuo kha cyi yi te khy ama sa.
32Hingpa tie hing Noah sacapaa zaw taata pathlapa mingphang zaw ama thukinapa ta a cuo. Alyi cung mingphang zaw bangkhuo hing tiypa-aa khutaata iema chung taa hingta a pungzaapa tana ama cuo.
Kasalukuyang Napili:
SAHRUOTHUNA 10: LNT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Lutuv Holy Bible © Bible Society of Myanmar, 2023.