JOHAN Biehmaasa
Biehmaasa
Thuophaa Johan hingta Zingsuv ca chuozaa ta a awpa Khazing Bie, “Cawsaa ta a li te kiema'a lie khy a sapa,” a ta. Hingpa caa-uv ta a ripa haa hingta, Thuophaa Johan hingta, Zingsuv ca biekuo ciepa Khuotuv, Khazing Sacapaa a cuopa kha cawsaa ta ama zang khuna riypa hne ama zangna thueta hringna ama hmung khuna riypata capepa ta a cuo.
Biehmaasa lieta Zingsuv ca chuozaa ta a hringpa Khazing Bie tana a cuo ta pata a paluosa khutaata, Thuophaa a hmietaa luo ta Zingsuv ca biekuo ciepa Khuotuv, Khazing Sacapaa tana a cuo tapa kha kharuehaa hmang a phangphang a tuepa khata a paluosa ta pata a cape. Cakhutaata kharuehaa hmang a tuepa ca a bieripa hne a pacuvna ta a ri khingpa kha a pasie sa. Cakhutaata cawsaa chekha ta Zingsuv bie kha zang yi te ama a ziytuv ta amaa lina kaw hne chekha ta ama kha a du yi te ama zang khing lina kaw kha a cape. Chue 13 taata 17 te hing ama patuv zuo ta Zingsuv hne ziytuv tie amaa viesaana kaw, vieluo cunglie thiena a angna riypa kawlieta a tingpaciena hne thaazuo pina bie a ripa kaw khata a cuo. A chuona luota ca Zingsuv ama patuvna kaw, a bie ama ripana kaw, a thiyna hne a thupakhaana kaw, hne a ziytuv tie'a lie aa luona kaw zaw kha a cape.
Chue 8 tluo 1-11 chunglie nungvaathingsuena a tue nakawta ama patuv nung kaw hing bareket chunglie chipa ta a cuo, tahematapakieca kuv ta capepa caa-uv chekha chunglie ca aw vyi, cuorasala chekha chunglie ca a aw ra thluo.
Johan ta a ri khing cepa ca Khrih thueta hmungpa chuozaa hringna kaw, Zingsuv ca luopuv hne biehmisipa hne hringna tana a cuo ta pata a cuhluopa tie ta ama hmungpa, ata taata a pathu tlipa chuozaa hringna kaw ta a cuo. Thuophaa Johan aa calya vienapa ca ningtating ta ma hmungpa hne maa tawpa hmang ta a cuopa tiy, viechuo, khena, tuvkhietuv hne tuv, mingsuv kung hne a thyi tapa zaw kha thlaapa luo biehmisipa paluosana ta a hmuopa hingta a cuo.
Bietluopuv
Biehmaasa 1.1-18
Tiynawtuv Johan hne Zingsuv ziytuv taapa tie 1.19-51
Cawsaazaapuv'a lie Zingsuv rehriena 2.1—12.50
Jerusalem hne a cahriycake lie a hnangcaw ta a rehriena 13.1—19.42
Abyipa a thupakhaana hne aa luona 20.1-31
Bie pachuosana hne Galilee lie aa luona 21.1-25
Kasalukuyang Napili:
JOHAN Biehmaasa: LNT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Lutuv Holy Bible © Bible Society of Myanmar, 2023.