म्‍हसीका
उत्‍पत्ति १:१ पदय् “दक्‍वसिबय् न्‍हापां” खँग्‍वः हिब्रू भाय्‌या “बेरेशीत” खँग्‍वलं भाय् हीकातःगु खः। थ्‍वयात “उत्‍पत्ति” धकाः नां तःगु दु, अथे धयागु “दक्‍व खँया शुरु” खः। थ्‍व सफुलिइ सृष्‍टियागु खँ जक मखु, व स्‍वयाः नं अजू चायापुगु खँ अब्राहाम पाखें इस्राएल जाति दःवःगु व व हे इस्राएल जातिया पाखें परमेश्‍वरं संसार न्‍यंक मुक्तिया ग्‍वसाः ग्‍वःगु खँ न्‍ह्यथनातःगु दु।
परमेश्‍वरं अब्राहामनापं वपाखें छगू तःधंगु जाति दइ धकाः बाचा चिनादिल। अब्राहाम व सारा न्‍हापा हे यक्‍व बुराबुरी जुइ धुंकूगु खः अले इमि सन्‍तान मदु अय्‌नं अब्राहामं परमेश्‍वरं बियादीगु वचनय् विश्‍वास यात। निइन्‍यादँतक अब्राहामं छुं हे शंका मयात अथे जुयाः परमेश्‍वरं वयात आशीर्वाद बियादिल अले वयात छम्‍ह काय् इसहाक बियादिल। अब्राहाम व वया सन्‍तान कनानय् च्‍वनीगु खः। इपिं फैज्‍वया च्‍वनीगु खः। वं अन छगू वेदी दय्‌कल अले व व वया सन्‍तानतय्‌सं अब्राहामयात यूफ्रेटिस खुसिया उखेपाखें सःतादीम्‍ह परमेश्‍वरया आराधना यात। उत्‍पत्ति सफूया लिपांगु भागय् तसकं अनिकाल जूगुलिं याकूब व वया काय्‌पिं थःगु परिवार ज्‍वनाः मिश्रय् वन। उबलय् याकूबया काय्‌पिं मध्‍ये छम्‍ह योसेफ मिश्रया जुजुया तःधंम्‍ह हाकिम जुयाच्‍वंगु खः अले याकूबया परिवार नये मखनाः सीम्‍वालेमा धकाः योसेफं इमित अन्‍न बियाछ्वये फत। छम्‍ह इस्राएली योसेफ मिश्रयाम्‍ह हामा जुयाच्‍वंबलय् इस्राएलीत इमिगु थासय् अनिकाल जूगुलिं मिश्रय् वयाः च्‍वंवःगु खः।
थ्‍व सफूयात “बाचाया सफू” धकाः नं धायेगु याः। विशेष यानाः थुकी परमेश्‍वर व प्रकृतियागु स्‍वापु, परमेश्‍वर व मनूया दथुइ बाचा व मनू मनूया दथुइया स्‍वापु थज्‍याःगु खँ च्‍वयातःगु दु।

धलः पौ
सृष्‍टियागु खँ १:१–२:२५
न्‍हापांगु पाप व थुकिया सजाँय ३:१–४:२४
आदमंनिसें नोआतक ५:१-३२
नोआ व खुसिबाः वःगु ६:१–९:२८
नोआया सन्‍तान व बाबेलया धरहरा १०:१–११:३२
परमप्रभुं अब्रामयात ल्‍ययादीगु १२:१-२०
अब्राम व लोत बायावंगु १३:१–१४:२४
परमप्रभुं अब्रामलिसे बाचा चिनादीगु १५:१-२१
अब्राम, हागार व इश्‍माएल १६:१-१६
अब्रामया नां अब्राहाम तयादीगु १७:१-८
अब्राहामयात काय् बीगु बाचा चिनादीगु १७:९–१८:१५
अब्राहाम, लोत, सदोम व गमोरा १८:१६–१९:३८
अब्राहाम, सारा व इसहाक २०:१–२३:२०
इसहाकयात भम्‍चा माःवंगु २४:१-६७
अब्राहाम सीगु २५:१-१८
इसहाक व वया परिवार २५:१९–२८:९
याकूब व वया परिवार २८:१०–३५:२९
एसाव व वया परिवार ३६:१-४३
योसेफयात वया दाजुपिन्‍सं मियाछ्वःगु ३७:१-३६
यहूदा व तामार ३८:१-३०
योसेफ मिश्र देशय् ३९:१–४१:५७
योसेफ व वया दाजुकिजापिं ४२:१–४५:२८
याकूब व वया परिवार मिश्रय् वंगु ४६:१–४७:३१
याकूबं थः काय्‌पिन्‍त आशिष ब्‍यूगु व सीगु ४८:१–५०:१४
योसेफ सीगु ५०:१५-२६

उत्‍पत्ति

Dinleyin उत्‍पत्ति म्‍हसीका