The Zaramo New Testament

<div class="version vid2373 iso6393zaj" data-vid="2373" data-iso6393="zaj">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s1">Yesu Komuhonya Munhu Yavumbuke Kimbugumbugu</div><div class="p"> 1Yesu viyakalile yobita mnzila, kamona munhu yavumbuke kimbugumbugu. 2Wanahina zake wamuuza, &#8220;Mkulufunzi, yalihi yalozile, kileka mana munhu ino yavumbuke kimbugumbugu, heyo mwenyego ama wamulelile?&#8221;</div><div class="p"> 3Yesu kawalongela, &#8220;Sio munhu ino ama waja wamulelile watendile vilozo, gano galawilila giladi sang'hano za Mulungu zoneke mkubitila heyo. 4Kipigiti chose cha imisi tolondigwa kutenda sang'hano za ayo yanhumile. Kilo chokwiza haduhu munhu yondayadahe kusang'hanika. 5Kipigiti nie ning'hali muulumwengu, nie iyo mulangaza wa ulumwengu.&#8221;</div><div class="p"> 6Viyeshile kulonga gano, Yesu kazenha vizite hasi muisi, abaho, katenda tope yovulugiza na ivizite, abaho, kam'baka mmeso ga ija imunhu. 7Kamulongela, &#8220;Genda ukainave kihanga chako Mdibwawa da Siloamu.&#8221; Nhegulo ya twaga dino iyo, &#8220;Yatumigwe.&#8221; Avo ija imunhu kachola kaisuluza, kabwela yolola.</div><div class="p"> 8Wanhu wakalile wokala behi nayo na wanhu wamonile viyakalile yopula kipigiti hanahonyigwa wakiiuza, &#8220;Ino hali munhu ija yakalile yokala mnzila yopula?&#8221; 9Wanhu wayagwe walonga, &#8220;Iyo heyo,&#8221; ila wayagwe walonga, &#8220;Sio heyo, ila wailinga.&#8221;</div><div class="p">Avo ija imunhu kamana kulonga mwenyego, &#8220;Iyo nene.&#8221;</div><div class="p"> 10Wamuuza, &#8220;Kutendaze, kileka mana sambi ulola?&#8221;</div><div class="p"> 11Kawalongela, &#8220;Munhu imwe yokemigwa Yesu katenda vitope, kanibaka mmeso gangu, kanilongela nichole Siloamu nikaisuluze kihanga changu. Avo nichola, vunimambukize kuisuluza, nilola.&#8221;</div><div class="p"> 12Wamuuza, &#8220;Kakwahi?&#8221;</div><div class="p">Kawalongela, &#8220;Mmane.&#8221;</div><div class="s1">Mafalisayo Wouzagiza Uhonya wa Kimbugumbugu</div><div class="p"> 13Abaho, wamsola ija imunhu yakalile kimbugumbugu, wamgala kuwali Mafalisayo. 14Zua dija Yesu diyatendile ditope na kumuhonya umbugumbugu wake ija imunhu dikala Zua da Mhumulo. 15Avo Mafalisayo wamuuza ija imunhu kabili vija viyadahile kulola. Kawalongela, &#8220;Kanibaka mitope mmeso gangu, abaho, niisuluza kihanga changu, na sambi nolola.&#8221;</div><div class="p"> 16Mafalisayo wayagwe walonga, &#8220;Munhu yatendile vino halawile ha Mulungu, kwavija hadigoga Zua da Mhumulo.&#8221;</div><div class="p">Wayagwe walonga, &#8220;Kodahaze munhu yali na vilozo kutenda mizonza kamba ino?&#8221; Avo kukala na muhasanyo wenyego kwa wenyego.</div><div class="p"> 17Avo Mafalisayo wamuuza ija imunhu mwanza uyagwe, wolonga, &#8220;Kulonga kakuhonya umbugumbugu uukalile nao, avo gweye komulonga vilihi munhu ino?&#8221;</div><div class="p">Ija imunhu kalonga, &#8220;Nokona munhu ino muhokozi.&#8221;</div><div class="p"> 18Wakulu wa Wayahudi hata avo hawalondile kutogola kamba kakala kimbugumbugu na sambi kolola, mbaka wawakema waja wamulelile, 19na kuwauza, &#8220;Ino iyo mwanenu yummulonga kamba kavumbuka kimbugumbugu? Choni kitendeke mbaka sambi kodaha kulola?&#8221;</div><div class="p"> 20Waja wamulelile wawalongela, &#8220;Tuvitanga kamba ino iyo mwanetu, na kakala yavumbuke kimbugumbugu. 21Ila hatukitangile kija kitendeke mbaka sambi kodaha kulola, vivija hatumtangile yamuhonyile umbugumbugu uyakalile nao. Muuzeni, kwavija heyo mwenyego mkulu, heyo mwenyego kodaha kuwalongela!&#8221; 22Waja wamulelile walonga vino kwavija wakala wowadumba wakulu wa Wayahudi kwavija wakala walamule kamba munhu yoyose yamtogola Yesu kamba iyo Kilisto kowingigwa mng'anda ya nhambiko. 23Kino kicho kilamso kiwatendile waja wamulelile walonge, &#8220;Heyo mwenyego mkulu, muuzeni!&#8221;</div><div class="p"> 24Mwanza wa ikabili wamkema ija imunhu yavumbuke kimbugumbugu, wamulongela, &#8220;Mulungu iyo yolondigwa kugweleligwa yenzi mmbuli ino, kwavija tweye tuvitanga kamba munhu ino kana vilozo.&#8221;</div><div class="p"> 25Ija imunhu kawalongela, &#8220;Nie sivitanga kamba kana vilozo ama kabule. Kinhu kimwe kinikitanga, nikala kimbugumbugu, na sambi nolola.&#8221;</div><div class="p"> 26Wamuuza, &#8220;Kakutendela kinhu chaki? Kakuhonyaze umbugumbugu uukalile nao?&#8221;</div><div class="p"> 27Kawedika, &#8220;Niwalongela nisha, na hamtegeleze. Habali mulonda kuhulika kabili? Na mweye molonda kuwa wanahina zake?&#8221;</div><div class="p"> 28Wamuliga, abaho, wamulongela, &#8220;Gweye iyo mwanahina wake munhu ija, ila tweye twa wanahina wa Musa. 29Tukitangile tweye Mulungu kalonga na Musa, ila munhu ino hatukutangile hata koyolawa!&#8221;</div><div class="p"> 30Ija imunhu kawalongela, &#8220;Kino kicho kinhu cha mkanganyo! Hamumtangile koyolawa, ila nie kamhonya umbugumbugu unikalile nao! 31Tuvimanya kamba Mulungu hawategeleza wanhu wali na vilozo, ila kowategeleza wanhu waja womuhulika na kutenda gaja goyolonda heyo wagatende. 32Songela vuulumbigwe ulumwengu, haduhu munhu yoyose yamuhulike munhu yoyose yamtendile munhu yavumbuke kimbugumbugu yalole. 33Kamba munhu ino halawile ha Mulungu, sambiyadahe kutenda kinhu chochose.&#8221;</div><div class="p"> 34Wamwidika wolonga, &#8220;Gweye kuvumbuka na kukula m'vilozo, abaho, konda kutufundiza tweye?&#8221; Avo wamuwinga kulawa mng'anda ya nhambiko.</div><div class="s1">Umbugumbugu wa Muloho</div><div class="p"> 35Yesu viyagahulike gaja galawilile, kamzahila ija imunhu, viyamuwene kamulongela, &#8220;Gweye komtogola Mwana wa Munhu?&#8221;</div><div class="p"> 36Ija munhu kalonga, &#8220;Mndewa, nongela, iyo yalihi giladi nimtogole!&#8221;</div><div class="p"> 37Yesu kamulongela, &#8220;Kumona kwisha, na ayo yolonga nagwe iyo heyo.&#8221;</div><div class="p"> 38Ija imunhu kalonga, &#8220;Notogola, Mndewa,&#8221; abaho, kafugama mavindi kamtambikila.</div><div class="p"> 39Yesu kalonga, &#8220;Niza muulumwengu uno kutagusa, avo vimbugumbugu weze kulola, na awo wolola weze kuwa vimbugumbugu.&#8221;</div><div class="p"> 40Mafalisayo wakalile na heyo haja wamuhulika yolonga gano, wamuuza, &#8220;Gweye kolonga tweye twa vimbugumbugu?&#8221;</div><div class="p"> 41Yesu kawalongela, &#8220;Kamba muhawile vimbugumbugu, sambimuwe na vilozo. Ila kwavija mokiiyona molola, vilozo venu mogendelela kuwa navo.&#8221;</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Yesu viyakalile yobita mnzila, kamona munhu yavumbuke kimbugumbugu. Wanahina zake wamuuza, “Mkulufunzi, yalihi yalozile, kileka mana munhu ino yavumbuke kimbugumbugu, heyo mwenyego ama wamulelile?”
Yesu kawalongela, “Sio munhu ino ama waja wamulelile watendile vilozo, gano galawilila giladi sang'hano za Mulungu zoneke mkubitila heyo. Kipigiti chose cha imisi tolondigwa kutenda sang'hano za ayo yanhumile. Kilo chokwiza haduhu munhu yondayadahe kusang'hanika. Kipigiti nie ning'hali muulumwengu, nie iyo mulangaza wa ulumwengu.”
Viyeshile kulonga gano, Yesu kazenha vizite hasi muisi, abaho, katenda tope yovulugiza na ivizite, abaho, kam'baka mmeso ga ija imunhu. Kamulongela, “Genda ukainave kihanga chako Mdibwawa da Siloamu.” Nhegulo ya twaga dino iyo, “Yatumigwe.” Avo ija imunhu kachola kaisuluza, kabwela yolola.
Wanhu wakalile wokala behi nayo na wanhu wamonile viyakalile yopula kipigiti hanahonyigwa wakiiuza, “Ino hali munhu ija yakalile yokala mnzila yopula?” Wanhu wayagwe walonga, “Iyo heyo,” ila wayagwe walonga, “Sio heyo, ila wailinga.”
Avo ija imunhu kamana kulonga mwenyego, “Iyo nene.”
Wamuuza, “Kutendaze, kileka mana sambi ulola?”
Kawalongela, “Munhu imwe yokemigwa Yesu katenda vitope, kanibaka mmeso gangu, kanilongela nichole Siloamu nikaisuluze kihanga changu. Avo nichola, vunimambukize kuisuluza, nilola.”
Wamuuza, “Kakwahi?”
Kawalongela, “Mmane.”

Abaho, wamsola ija imunhu yakalile kimbugumbugu, wamgala kuwali Mafalisayo. Zua dija Yesu diyatendile ditope na kumuhonya umbugumbugu wake ija imunhu dikala Zua da Mhumulo. Avo Mafalisayo wamuuza ija imunhu kabili vija viyadahile kulola. Kawalongela, “Kanibaka mitope mmeso gangu, abaho, niisuluza kihanga changu, na sambi nolola.”
Mafalisayo wayagwe walonga, “Munhu yatendile vino halawile ha Mulungu, kwavija hadigoga Zua da Mhumulo.”
Wayagwe walonga, “Kodahaze munhu yali na vilozo kutenda mizonza kamba ino?” Avo kukala na muhasanyo wenyego kwa wenyego.
Avo Mafalisayo wamuuza ija imunhu mwanza uyagwe, wolonga, “Kulonga kakuhonya umbugumbugu uukalile nao, avo gweye komulonga vilihi munhu ino?”
Ija imunhu kalonga, “Nokona munhu ino muhokozi.”
Wakulu wa Wayahudi hata avo hawalondile kutogola kamba kakala kimbugumbugu na sambi kolola, mbaka wawakema waja wamulelile, na kuwauza, “Ino iyo mwanenu yummulonga kamba kavumbuka kimbugumbugu? Choni kitendeke mbaka sambi kodaha kulola?”
Waja wamulelile wawalongela, “Tuvitanga kamba ino iyo mwanetu, na kakala yavumbuke kimbugumbugu. Ila hatukitangile kija kitendeke mbaka sambi kodaha kulola, vivija hatumtangile yamuhonyile umbugumbugu uyakalile nao. Muuzeni, kwavija heyo mwenyego mkulu, heyo mwenyego kodaha kuwalongela!” Waja wamulelile walonga vino kwavija wakala wowadumba wakulu wa Wayahudi kwavija wakala walamule kamba munhu yoyose yamtogola Yesu kamba iyo Kilisto kowingigwa mng'anda ya nhambiko. Kino kicho kilamso kiwatendile waja wamulelile walonge, “Heyo mwenyego mkulu, muuzeni!”
Mwanza wa ikabili wamkema ija imunhu yavumbuke kimbugumbugu, wamulongela, “Mulungu iyo yolondigwa kugweleligwa yenzi mmbuli ino, kwavija tweye tuvitanga kamba munhu ino kana vilozo.”
Ija imunhu kawalongela, “Nie sivitanga kamba kana vilozo ama kabule. Kinhu kimwe kinikitanga, nikala kimbugumbugu, na sambi nolola.”
Wamuuza, “Kakutendela kinhu chaki? Kakuhonyaze umbugumbugu uukalile nao?”
Kawedika, “Niwalongela nisha, na hamtegeleze. Habali mulonda kuhulika kabili? Na mweye molonda kuwa wanahina zake?”
Wamuliga, abaho, wamulongela, “Gweye iyo mwanahina wake munhu ija, ila tweye twa wanahina wa Musa. Tukitangile tweye Mulungu kalonga na Musa, ila munhu ino hatukutangile hata koyolawa!”
Ija imunhu kawalongela, “Kino kicho kinhu cha mkanganyo! Hamumtangile koyolawa, ila nie kamhonya umbugumbugu unikalile nao! Tuvimanya kamba Mulungu hawategeleza wanhu wali na vilozo, ila kowategeleza wanhu waja womuhulika na kutenda gaja goyolonda heyo wagatende. Songela vuulumbigwe ulumwengu, haduhu munhu yoyose yamuhulike munhu yoyose yamtendile munhu yavumbuke kimbugumbugu yalole. Kamba munhu ino halawile ha Mulungu, sambiyadahe kutenda kinhu chochose.”
Wamwidika wolonga, “Gweye kuvumbuka na kukula m'vilozo, abaho, konda kutufundiza tweye?” Avo wamuwinga kulawa mng'anda ya nhambiko.

Yesu viyagahulike gaja galawilile, kamzahila ija imunhu, viyamuwene kamulongela, “Gweye komtogola Mwana wa Munhu?”
Ija munhu kalonga, “Mndewa, nongela, iyo yalihi giladi nimtogole!”
Yesu kamulongela, “Kumona kwisha, na ayo yolonga nagwe iyo heyo.”
Ija imunhu kalonga, “Notogola, Mndewa,” abaho, kafugama mavindi kamtambikila.
Yesu kalonga, “Niza muulumwengu uno kutagusa, avo vimbugumbugu weze kulola, na awo wolola weze kuwa vimbugumbugu.”
Mafalisayo wakalile na heyo haja wamuhulika yolonga gano, wamuuza, “Gweye kolonga tweye twa vimbugumbugu?”
Yesu kawalongela, “Kamba muhawile vimbugumbugu, sambimuwe na vilozo. Ila kwavija mokiiyona molola, vilozo venu mogendelela kuwa navo.”

Dinleyin YOHANA 9