If you have would like a copy of this version please contact info@davaraudiobibles.org

Tonga (Zambia) Bible

<div class="version vid2956 iso6393toi" data-vid="2956" data-iso6393="toi">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s">Leza mbwaakaleleka Nowa abana bakwe</div><div class="p"> 1Lino Leza wakaleleka Nowa abana bakwe wakati, &#8220;Amuzyalane muvule, muzuzye nyika yoonse. 2Banyama boonse bamunyika, bayuni, azikalaba ansi, answi zyamumaanzi ziyoomuyoowa. Ndamupa bwami bwakweendelezya zintu zyoonse. 3Alimwi mulakonzya kulya zyoonse mbubonya mbundamupa zisyumani. 4Kuli buyo cintu comwe ncoteelede kulya, cintu eeci ninyama iijisi bulowa mulinjiyo, nkaambo mubulowa momuli buumi. 5Kufumbwa muntu uyoojaya muntunyina, awalo ndiyoomupa mulandu wakujaigwa. Ndiyoomunyonyoona munyama oonse uyoojaya muntu. 6Kufumbwa muntu uyoojaya muntu umwi, awalo uyoojaigwa. Nkaambo muntu wakalengwa mucikozyanyo ca Leza.</div><div class="p"> 7&#8220;Lino nywebo amuzyalane, muvule, mube banji munyika.&#8221; 8Mpawo Leza wakaambila Nowa abana bakwe kuti, 9&#8220;Sunu ndacita cizuminano anduwe alunyungu lwako, 10alimwi azintu zyoonse zipona anduwe, nkokuti bayuni, banyama bavubwa abanyama bamusokwe, azintu zyoonse nzimwakazwa aazyo mubbwato. 11Ndapanga cizuminano anduwe mumajwi aangu aaya, ngindasyomezya kuti nsikooyoonyonyoona limbi zintu zipona amaanzi aazambangulwe. Zambangulwe talikooyooba limbi alimwi anyika eeyi pe.&#8221;</div><div class="p"> 12Eelyo Leza wakaambila Nowa wati, &#8220;Lino nceeci citondezyo cacizuminano cangu citamani ncindacita anduwe alimwi azipona zyoonse zyamunyika. 13Ndabikka fulicoongo wangu mumakumbi. Uyooba ncecitondezyo cacizuminano cangu munyika. 14Lyoonse ndaakuleta makumbi kunyika, nkabela awalo fulicoongo aakuboneka mumakumbi, 15ndiyooyeeya cisyomezyo cangu anduwe abanyama boonse cakuti zambangulwe taliyoojayi limbi zipona zyoonse. 16Fulicoongo aakuboneka mumakumbi, ndaakumubona buyo, ndiyooyeeya cizuminano cangu citamani cili akati kangu azipona zyoonse munyika.&#8221; 17Lino Leza wakati kuli Nowa, &#8220;Eeci ncecitondezyo cacizuminano ncindacita azipona munyika.&#8221;</div><div class="s">Nowa abana bakwe</div><div class="p"> 18Bana ba Nowa bakazwa mubbwato bakali ba Syemu, Hamu, a Jafeti. Hamu wakali ngowisi Kenani. 19Kubana ba Nowa botatwe aaba nkokwakazwa misyobo yoonse yabantu bakkede munyika yoonse mbwiizulwa.</div><div class="p"> 20Nowa lwakwe wakali mulimi, nkabela wakaba ngomuntu mutaanzi kulima muunda wamisaansa. 21Eelyo bumwi buzuba naakamana kunywa waini wakakolwa, mpawo wakasamununa zisani zyoonse, wakalala kalimantanda mutente lyakwe. 22Lino Hamu, wisi Kenani, naakabona kuti wisi wakalede kalimantanda, wakaya waakwaambila banabokwabo bobilo. 23Pele balo banabokwabo aabo, ba Syemu a Jafeti bakabweza jansi akuliyabika kusule lyabo, kabalijisi amakuko. Eelyo bakeenda cifutesule kuya kutente lyakwe akuyoomuvumba kumwi kabafutete kutegwa bataboni mantanda aawisi. 24Nowa naakabuka, waini niwakamuzwa alimwi naakamvwa ncaakacita mwanaakwe musyoonto</div><div class="q"> 25wakati, &#8220;Kenani asinganyizigwe,</div><div class="q">uyooba muzike wabazike mubantu bokwabo.&#8221;</div><div class="q"> 26Alimwi wakati, &#8220;Alumbwe Mwami Leza, Leza wa Syemu.</div><div class="q">Kenani uyooba muzike wakwe.</div><div class="q"> 27Leza wangu asumpule Jafeti,</div><div class="q">bana bakwe bakajane ceelelo,</div><div class="q">bakkale mumatente aa Syemu.</div><div class="q">Kenani akabe muzike wa Jafeti.&#8221;</div><div class="p"> 28Kuzwa ciindi zambangulwe nilyakamana, Nowa wakapona aimbi myaka iili myaanda yotatwe amakumi osanwe. 29Wakafwa kali aamyaka iili myaanda iili fuka amakumi osanwe.</div>
 </div>
 </div>
</div>

Tonga Bible © United Bible Societies, 1994. 

Lino Leza wakaleleka Nowa abana bakwe wakati, “Amuzyalane muvule, muzuzye nyika yoonse. Banyama boonse bamunyika, bayuni, azikalaba ansi, answi zyamumaanzi ziyoomuyoowa. Ndamupa bwami bwakweendelezya zintu zyoonse. Alimwi mulakonzya kulya zyoonse mbubonya mbundamupa zisyumani. Kuli buyo cintu comwe ncoteelede kulya, cintu eeci ninyama iijisi bulowa mulinjiyo, nkaambo mubulowa momuli buumi. Kufumbwa muntu uyoojaya muntunyina, awalo ndiyoomupa mulandu wakujaigwa. Ndiyoomunyonyoona munyama oonse uyoojaya muntu. Kufumbwa muntu uyoojaya muntu umwi, awalo uyoojaigwa. Nkaambo muntu wakalengwa mucikozyanyo ca Leza.
“Lino nywebo amuzyalane, muvule, mube banji munyika.” Mpawo Leza wakaambila Nowa abana bakwe kuti, “Sunu ndacita cizuminano anduwe alunyungu lwako, alimwi azintu zyoonse zipona anduwe, nkokuti bayuni, banyama bavubwa abanyama bamusokwe, azintu zyoonse nzimwakazwa aazyo mubbwato. Ndapanga cizuminano anduwe mumajwi aangu aaya, ngindasyomezya kuti nsikooyoonyonyoona limbi zintu zipona amaanzi aazambangulwe. Zambangulwe talikooyooba limbi alimwi anyika eeyi pe.”
Eelyo Leza wakaambila Nowa wati, “Lino nceeci citondezyo cacizuminano cangu citamani ncindacita anduwe alimwi azipona zyoonse zyamunyika. Ndabikka fulicoongo wangu mumakumbi. Uyooba ncecitondezyo cacizuminano cangu munyika. Lyoonse ndaakuleta makumbi kunyika, nkabela awalo fulicoongo aakuboneka mumakumbi, ndiyooyeeya cisyomezyo cangu anduwe abanyama boonse cakuti zambangulwe taliyoojayi limbi zipona zyoonse. Fulicoongo aakuboneka mumakumbi, ndaakumubona buyo, ndiyooyeeya cizuminano cangu citamani cili akati kangu azipona zyoonse munyika.” Lino Leza wakati kuli Nowa, “Eeci ncecitondezyo cacizuminano ncindacita azipona munyika.”

Bana ba Nowa bakazwa mubbwato bakali ba Syemu, Hamu, a Jafeti. Hamu wakali ngowisi Kenani. Kubana ba Nowa botatwe aaba nkokwakazwa misyobo yoonse yabantu bakkede munyika yoonse mbwiizulwa.
Nowa lwakwe wakali mulimi, nkabela wakaba ngomuntu mutaanzi kulima muunda wamisaansa. Eelyo bumwi buzuba naakamana kunywa waini wakakolwa, mpawo wakasamununa zisani zyoonse, wakalala kalimantanda mutente lyakwe. Lino Hamu, wisi Kenani, naakabona kuti wisi wakalede kalimantanda, wakaya waakwaambila banabokwabo bobilo. Pele balo banabokwabo aabo, ba Syemu a Jafeti bakabweza jansi akuliyabika kusule lyabo, kabalijisi amakuko. Eelyo bakeenda cifutesule kuya kutente lyakwe akuyoomuvumba kumwi kabafutete kutegwa bataboni mantanda aawisi. Nowa naakabuka, waini niwakamuzwa alimwi naakamvwa ncaakacita mwanaakwe musyoonto
wakati, “Kenani asinganyizigwe,
uyooba muzike wabazike mubantu bokwabo.”
Alimwi wakati, “Alumbwe Mwami Leza, Leza wa Syemu.
Kenani uyooba muzike wakwe.
Leza wangu asumpule Jafeti,
bana bakwe bakajane ceelelo,
bakkale mumatente aa Syemu.
Kenani akabe muzike wa Jafeti.”
Kuzwa ciindi zambangulwe nilyakamana, Nowa wakapona aimbi myaka iili myaanda yotatwe amakumi osanwe. Wakafwa kali aamyaka iili myaanda iili fuka amakumi osanwe.

Dinleyin Matalikilo 9