Batak Karo - Today's Karo Version, 1987 (NT) Non-Drama

Batak Karo - Today's Karo Version, 1987 (NT) Drama

<div class="version vid35 iso6393btx" data-vid="35" data-iso6393="btx">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Ipepalem Jesus kalak si penakiten i kolam Betesda</div><div class="p"> 1Jenari mulihken Jesus ku Jerusalem guna ngerayaken wari raya kalak Jahudi. 2I Jerusalem, deherken &#8220;Pintu Gerbang Biri-biri&#8221;, lit sada kolam si igelari Betesda i bas cakap Heber. Kolam e lit lima serambina. 3I bas serambi e nterem kalak si penakiten medem; lit si pentang, lit si cempang bage pe lit si mate serapen. [Itimaina lau e erburak, 4sabap lit paksana lau e erburak ibahan malekat Tuhan si nusur ku bas kolam e. Kalak si tangtangna bengket ku bas kolam e asum launa erburak malem penakitna, amin sakit kai pe ia.] 5Lit pe i je sekalak si enggo telu puluh waluh tahun dekahna ia penakiten. 6Idah Jesus ia ampar i je janah ietehNa maka enggo ndekah ia sakit. E maka nina Jesus man bana, &#8220;Atendu kin gelah malem penakitndu?&#8221;</div><div class="p"> 7Ngaloi si penakiten e, &#8220;O Tuan, la kap lit kalak si namaken aku ku bas kolam e asum erburak launa; asum kupala-palai ku bas, enggo lit kalak si deban leben asa aku.&#8221;</div><div class="p"> 8Nina Jesus man bana, &#8220;Kekekenlah, angkat amakndu jenari dalanken!&#8221; 9Paksa si e pe minter malem penakitna. Iangkatna amakna jenari erdalan ia.</div><div class="p">Si enda jadi asum wari Sabat kalak Jahudi. 10E maka nina kalak Jahudi si erkuasa man kalak si enggo malem e, &#8220;Wari Sabat kap sekalenda. Rikutken Undang-undangta la banci ibabandu amakndu e.&#8221; #Neh 13:19; Jer 17:21</div><div class="p"> 11Ngaloi ia, &#8220;Nina kalak si enggo pepalem aku ndai, &#8216;Angkat amakndu jenari dalanken.&#8217; &#8221;</div><div class="p"> 12Jenari nungkun kalak Jahudi e, &#8220;Ise kin si nuruh kam e?&#8221;</div><div class="p"> 13Tapi la itandai kalak si enggo malem e ise si mpepalem ia, sabap nterem kal i je jelma, janah Jesus enggo lawes arah tengah jelma si nterem e.</div><div class="p"> 14La ndekahsa kenca si e, jumpa Jesus ras ia i Rumah Pertoton. Nina Jesus man bana, &#8220;Genduari kam enggo malem; olanai bahan si la ngena ate Dibata, gelah ola jadi man bandu keleken asa si enggona.&#8221;</div><div class="p"> 15Jenari lawes kalak si enggo malem e, iberitakenna man penguasa-penguasa kalak Jahudi maka Jesus kap si mpepalem ia. 16Perbahan si e idarami kalak Jahudi e dalan guna pesega-sega Jesus, sabap ipepalem Jesus kalak si penakiten i bas wari Sabat.</div><div class="p"> 17Tapi nina Jesus man kalak Jahudi e, &#8220;BapangKu erdahin kap lalap; e maka Aku pe arus erdahin.&#8221;</div><div class="p"> 18Megi kata Jesus enda, ergegehna kalak Jahudi ndarami dalan munuh Jesus; sabap iakap kalak Jahudi labo saja undang-undang wari Sabat ilanggar Jesus, tapi ikataken Jesus pe maka Dibata e BapaNa, alu bage ipeseri Jesus bana ras Dibata.</div><div class="s">Ituriken Jesus kerna hubungenNa ras Dibata</div><div class="p"> 19Jenari ngerana Jesus man kalak Jahudi e, &#8220;Kukataken man bandu: Situhuna kai si ibahan Anak e labo rikutken sura-suraNa. Kai i idahNa ibahan BapaNa, e nge si ibahanNa. 20Perbahan Bapa e erkeleng ate nandangi AnakNa, icidahkenNa man Anak e asa kai si ibahanNa. IcidahkenNa me pe man Anak e si terbeliden, gelah reh mamangna atendu kerina. 21Bagi enggo ipegeluh Dibata mulihi kalak si enggo mate jenari iberekenNa kegeluhen man bana, bage me pe ibereken Anak e kegeluhen man kalak si ndalanken peratenNa. 22Bapa e labo ngadili ise pe. Tapi kuasa guna ngadili enggo iberekenNa man AnakNa, 23gelah kerina kalak mpehaga Anak e, bagi mpehaga Bapa. Ise la mpehaga Anak e, Bapa si nuruh Anak e pe la ipehagana.&#8221;</div><div class="p"> 24&#8220;Kukataken man bandu maka kalak si megiken katangKu, dingen tek man si nuruh Aku, ialokenna kap kegeluhen si tuhu-tuhu si la erkeri-kerin. Ia lanai iukum tapi enggo pulah i bas kematen nari janah ndatken kegeluhen. 25Kukataken man bandu: Tuhu-tuhu reh me paksana janah enggo seh pe; ibegi si mate me sora Anak Dibata, janah si megisa e nggeluh me. 26Bagi enggo ibereken Bapa kegeluhen man kerina si nasa nggeluh, bage me enggo ibereken Bapa man Anak e kuasa mereken kegeluhen. 27Bage pe ibereken Dibata man Anak e kuasa guna ngadili sabap Anak Manusia e me si isuruh Dibata. 28Ola atendu mamang kerna si enda; sabap reh me paksana maka kerina kalak mate si i bas kuburen megi sora Anak e, 29jenari ndarat me ia kerina i bas kuburen e nari. Kalak si enggo erbahan si mehuli ipekeke guna nggeluh; tapi si jahat perbahanenna ipekeke guna iukum.&#8221; #Dan 12:2</div><div class="p"> 30Tole nina Jesus, &#8220;Aku la ngasup erbahan kai pe alu gegehKu sisada; Kuadili kalak rikutken perentah Dibata, e maka rembang tengah nge keputusenKu, sabap labo Kubahan bagi ate-ateKu, tapi rikutken peraten si nuruh Aku nge.&#8221;</div><div class="p"> 31&#8220;Adi Aku nurikenca kerna diringKu, la kap teraloken kai si Kuturiken e. 32Tapi lit kap kalak si deban si erberita kerna Aku, janah Kueteh maka kai si iberitakenna e tuhu. 33Enggo isuruhndu persuruhenndu njumpai Johanes, janah enggo ituriken Johanes si tuhuna kerna Aku, #Joh 1:19-27; 3:27-30 34Aku labo perlu manusia naksiken kerna Aku, tapi Kukataken enda man bandu gelah kam terkelin. 35Johanes bali kap ras lampu si gara dingen ersinalsal, janah enggo meriah ukurndu kentisik ngaloken sinalsalna e. 36Tapi i bas Aku lit saksi belinen asa si isaksiken Johanes, e me: Dahin si Kudahi si ibereken Bapa e man bangKu. Arah dahin si Kudahi, teridah kap maka Dibata nge si nuruh Aku. 37Janah Bapa si nuruh Aku e pe enggo ersaksi kerna Aku. Langa pernah ibegindu soraNa ntah idahndu ayoNa. #Mat 3:17; Mrk 1:11; Luk 3:22 38La ibegindu kataNa, sabap la kam tek man si isuruhNa. 39Ipelajarindu Pustaka Si Badia sabap iakapndu idatndu me kegeluhen si tuhu-tuhu si la erkeri-kerin i bas Pustaka Si Badia nari. Situhuna Pustaka Si Badia e pe erberita kerna Aku nge! 40Tapi la kam nggit ndahi Aku guna ngaloken kegeluhen e.&#8221;</div><div class="p"> 41&#8220;Labo Kuarapken manusia muji Aku. 42Sabap Kutandai nge kam kerina; Kueteh nge maka i bas ukurndu labo atendu keleng Dibata. 43Aku reh i bas kuasa BapangKu, tapi la Aku ialokenndu. Tapi adi kalak si deban reh i bas kuasana jine ialokenndu ia. 44Perbahan kam ersura-sura gelah ipujiken temanndu manusia, la lit sura-surandu gelah ipujiken Dibata si tuhu-tuhu, e maka la kam banci tek man bangKu. 45Amin bage gia ola iakapndu Aku si ngaduken kam man BapangKu. Tapi Musa si iarap-arapkenndu e nge pagi si ngaduken kam kerina. 46Adi tek kin kam man si Musa, tek nge pe kam man bangKu, sabap Musa pe nuratken kerna Aku nge. 47Tapi adi la kam tek kerna kai si isuratken Musa, e maka la kam tek kerna kai si Kukataken.&#8221;</div>
 </div>
 </div>
</div>

Batak Karo Bible © Indonesian Bible Society, 2003.

Jenari mulihken Jesus ku Jerusalem guna ngerayaken wari raya kalak Jahudi. I Jerusalem, deherken “Pintu Gerbang Biri-biri”, lit sada kolam si igelari Betesda i bas cakap Heber. Kolam e lit lima serambina. I bas serambi e nterem kalak si penakiten medem; lit si pentang, lit si cempang bage pe lit si mate serapen. [Itimaina lau e erburak, sabap lit paksana lau e erburak ibahan malekat Tuhan si nusur ku bas kolam e. Kalak si tangtangna bengket ku bas kolam e asum launa erburak malem penakitna, amin sakit kai pe ia.] Lit pe i je sekalak si enggo telu puluh waluh tahun dekahna ia penakiten. Idah Jesus ia ampar i je janah ietehNa maka enggo ndekah ia sakit. E maka nina Jesus man bana, “Atendu kin gelah malem penakitndu?”
Ngaloi si penakiten e, “O Tuan, la kap lit kalak si namaken aku ku bas kolam e asum erburak launa; asum kupala-palai ku bas, enggo lit kalak si deban leben asa aku.”
Nina Jesus man bana, “Kekekenlah, angkat amakndu jenari dalanken!” Paksa si e pe minter malem penakitna. Iangkatna amakna jenari erdalan ia.
Si enda jadi asum wari Sabat kalak Jahudi. E maka nina kalak Jahudi si erkuasa man kalak si enggo malem e, “Wari Sabat kap sekalenda. Rikutken Undang-undangta la banci ibabandu amakndu e.”
Ngaloi ia, “Nina kalak si enggo pepalem aku ndai, ‘Angkat amakndu jenari dalanken.’ ”
Jenari nungkun kalak Jahudi e, “Ise kin si nuruh kam e?”
Tapi la itandai kalak si enggo malem e ise si mpepalem ia, sabap nterem kal i je jelma, janah Jesus enggo lawes arah tengah jelma si nterem e.
La ndekahsa kenca si e, jumpa Jesus ras ia i Rumah Pertoton. Nina Jesus man bana, “Genduari kam enggo malem; olanai bahan si la ngena ate Dibata, gelah ola jadi man bandu keleken asa si enggona.”
Jenari lawes kalak si enggo malem e, iberitakenna man penguasa-penguasa kalak Jahudi maka Jesus kap si mpepalem ia. Perbahan si e idarami kalak Jahudi e dalan guna pesega-sega Jesus, sabap ipepalem Jesus kalak si penakiten i bas wari Sabat.
Tapi nina Jesus man kalak Jahudi e, “BapangKu erdahin kap lalap; e maka Aku pe arus erdahin.”
Megi kata Jesus enda, ergegehna kalak Jahudi ndarami dalan munuh Jesus; sabap iakap kalak Jahudi labo saja undang-undang wari Sabat ilanggar Jesus, tapi ikataken Jesus pe maka Dibata e BapaNa, alu bage ipeseri Jesus bana ras Dibata.

Jenari ngerana Jesus man kalak Jahudi e, “Kukataken man bandu: Situhuna kai si ibahan Anak e labo rikutken sura-suraNa. Kai i idahNa ibahan BapaNa, e nge si ibahanNa. Perbahan Bapa e erkeleng ate nandangi AnakNa, icidahkenNa man Anak e asa kai si ibahanNa. IcidahkenNa me pe man Anak e si terbeliden, gelah reh mamangna atendu kerina. Bagi enggo ipegeluh Dibata mulihi kalak si enggo mate jenari iberekenNa kegeluhen man bana, bage me pe ibereken Anak e kegeluhen man kalak si ndalanken peratenNa. Bapa e labo ngadili ise pe. Tapi kuasa guna ngadili enggo iberekenNa man AnakNa, gelah kerina kalak mpehaga Anak e, bagi mpehaga Bapa. Ise la mpehaga Anak e, Bapa si nuruh Anak e pe la ipehagana.”
“Kukataken man bandu maka kalak si megiken katangKu, dingen tek man si nuruh Aku, ialokenna kap kegeluhen si tuhu-tuhu si la erkeri-kerin. Ia lanai iukum tapi enggo pulah i bas kematen nari janah ndatken kegeluhen. Kukataken man bandu: Tuhu-tuhu reh me paksana janah enggo seh pe; ibegi si mate me sora Anak Dibata, janah si megisa e nggeluh me. Bagi enggo ibereken Bapa kegeluhen man kerina si nasa nggeluh, bage me enggo ibereken Bapa man Anak e kuasa mereken kegeluhen. Bage pe ibereken Dibata man Anak e kuasa guna ngadili sabap Anak Manusia e me si isuruh Dibata. Ola atendu mamang kerna si enda; sabap reh me paksana maka kerina kalak mate si i bas kuburen megi sora Anak e, jenari ndarat me ia kerina i bas kuburen e nari. Kalak si enggo erbahan si mehuli ipekeke guna nggeluh; tapi si jahat perbahanenna ipekeke guna iukum.”
Tole nina Jesus, “Aku la ngasup erbahan kai pe alu gegehKu sisada; Kuadili kalak rikutken perentah Dibata, e maka rembang tengah nge keputusenKu, sabap labo Kubahan bagi ate-ateKu, tapi rikutken peraten si nuruh Aku nge.”
“Adi Aku nurikenca kerna diringKu, la kap teraloken kai si Kuturiken e. Tapi lit kap kalak si deban si erberita kerna Aku, janah Kueteh maka kai si iberitakenna e tuhu. Enggo isuruhndu persuruhenndu njumpai Johanes, janah enggo ituriken Johanes si tuhuna kerna Aku, Aku labo perlu manusia naksiken kerna Aku, tapi Kukataken enda man bandu gelah kam terkelin. Johanes bali kap ras lampu si gara dingen ersinalsal, janah enggo meriah ukurndu kentisik ngaloken sinalsalna e. Tapi i bas Aku lit saksi belinen asa si isaksiken Johanes, e me: Dahin si Kudahi si ibereken Bapa e man bangKu. Arah dahin si Kudahi, teridah kap maka Dibata nge si nuruh Aku. Janah Bapa si nuruh Aku e pe enggo ersaksi kerna Aku. Langa pernah ibegindu soraNa ntah idahndu ayoNa. La ibegindu kataNa, sabap la kam tek man si isuruhNa. Ipelajarindu Pustaka Si Badia sabap iakapndu idatndu me kegeluhen si tuhu-tuhu si la erkeri-kerin i bas Pustaka Si Badia nari. Situhuna Pustaka Si Badia e pe erberita kerna Aku nge! Tapi la kam nggit ndahi Aku guna ngaloken kegeluhen e.”
“Labo Kuarapken manusia muji Aku. Sabap Kutandai nge kam kerina; Kueteh nge maka i bas ukurndu labo atendu keleng Dibata. Aku reh i bas kuasa BapangKu, tapi la Aku ialokenndu. Tapi adi kalak si deban reh i bas kuasana jine ialokenndu ia. Perbahan kam ersura-sura gelah ipujiken temanndu manusia, la lit sura-surandu gelah ipujiken Dibata si tuhu-tuhu, e maka la kam banci tek man bangKu. Amin bage gia ola iakapndu Aku si ngaduken kam man BapangKu. Tapi Musa si iarap-arapkenndu e nge pagi si ngaduken kam kerina. Adi tek kin kam man si Musa, tek nge pe kam man bangKu, sabap Musa pe nuratken kerna Aku nge. Tapi adi la kam tek kerna kai si isuratken Musa, e maka la kam tek kerna kai si Kukataken.”

Dinleyin JOHANES 5