Traducción bíblica: Toba © Sociedad Bíblica de Argentina, 2012 Grabación de Toba ℗ 2017 Hosanna

Toba Qom - 2012 Edition (NT) Non Drama

Toba Qom - 2012 Edition (NT) Drama

<div class="version vid574 iso6393tob" data-vid="574" data-iso6393="tob">
 <div class="book bkJHN">
 <div class="chapter ch14" data-usfm="JHN.14">
 <div class="label">14</div><div class="s1">So Jes&#250;s nacheso so nqa'aic maye ta&#7929;a'a &#209;im Qarta'a</div><div class="p"> 1Saishet da huo'o ca tatapigui qarvilli. Nachaqrata da qaupi'i&#7929;a'ai &#209;im Lo'onatac 'Enauacna, nataqa'en A&#7929;em. 2Cha'aye ye lma' &#209;im Ita'a &#7929;ataqta qalota ye ndaqa'pi. Qaq da saishet da 'eetec taxa de'era, nache saishettaxa da qami' sa'aqtaxanema da sheeta', ashec da seqataxanai' ca qarmaye. 3Qaq qom mashe ime da ashec da seqataxanai' ca qarmaye, nache qaltaq &#241;e'eguelaq da qami' saue'c, yaqto' qami' nache 'eetai' da A&#7929;em qoviita'aguet que'eca soota'a. 4Qaq qami' mashe qauaua&#241;i&#7929;a so nqa'aic da qa'a&#7929;eegue dam saigue.</div><div class="p"> 5Nache so Tom&#225;s 'enapego', 'eeta':</div><div class="p">&#8211;'Am &#7928;ataxala', qomi' sa sa&#7929;atenaq cam 'aigue; qaq &#191;ca 'eeteco' da sauanaxa ca nqa'aic?</div><div class="p"> 6Nache So Jes&#250;s 'enapega somaye, 'eeta':</div><div class="p">&#8211;A&#7929;em Nacha&#7929;em#14.6 Nacha&#7929;em: Qaimeten ye 8.24. nqa'aic, qataq Nacha&#7929;em 'eesa lataxac, qataq Nacha&#7929;em nca'alaxa. Qaica ca l&#7929;a &#241;egueuo da qainoxoneua'a &#209;im Ita'a, Nachaqa&#7929;emta. 7Qaq da qami' A&#7929;em qauauatto&#241;i, nache nataqa'en qauauatto&#241;i &#209;im Ita'a. Qaq nagui mashe sogote da qauauatto&#241;i, cha'aye mashe qauloito'ot Namaye.</div><div class="p"> 8Nache so Felipe 'enapego' 'eeta':</div><div class="p">&#8211;'Am Qarataxala', &#241;a qomi' 'auachaxanalo ca Qarta'a. Qaq 'era nachaqrata seuenaqtac.</div><div class="p"> 9Nache So Jes&#250;s 'enapego' somaye, 'eeta':</div><div class="p">&#8211;Felipe, A&#7929;em mashe huo'oi soua vi'iye da qami' soota'agueta, &#191;qalaq &#241;aq saxanoxo' da A&#7929;em 'auauatton? Cha'aye ca A&#7929;em ila'a, camaye nataqa'en ila'a &#209;im Ita'a, qaq &#191;ta'ainco' ye A&#7929;em 'au&#7929;axaatacot da qami' sachaxanalo &#209;im Ita'a? 10Qataq &#191;saisheto' peta'a da 'aua'amaqten da &#209;im Ita'a qataq A&#7929;em da 'oonolec da qarataxac? Naua &#7929;a'aqtaqa maye &#241;asaxarec, naamaye saishet da maiche &#241;allegoxottela't. A&#7929;em nachaqrata da so'ot ca A&#7929;em &#7929;amaxalec &#209;im Ita'a, qaq &#209;imaye &#7929;o'ot ca maiche 'eetapeguec &#7929;achegoxotchigui A&#7929;em. 11Qaua'amaqchi&#241;i da shenapec, da A&#7929;em qataq &#209;im Ita'a, 'oonolec da qarataxac. Qaq da saishet, nache nachaqrata da A&#7929;em qaua'amaqchi&#241;i, souaxat nam so'otpi. 12Qaq &#7929;ataqta 'eesa de'era qami' sa'aqtaxanema, da ca A&#7929;em &#7929;a'amaqten, nache camaye ishet nataqa'en da &#7929;o'ot nam so'otpi, qaq cha'aye A&#7929;em nagui sa&#7929;a ye neta&#241;a &#209;im Ita'a, nache qami' ishet da &#7929;actec ca qauo'oche, napacalec nam so'otpi. 13Qaq 'enauac nam qau&#7929;axa&#241;i&#7929;aique da qoviilec da &#7929;e'enaxat, nache A&#7929;em so'ot, yaqto' ne'ena Llalec &#209;im Lo'onatac 'Enauacna ishet da &#7929;achaxan da llo'oxoyec &#209;im Lta'a. 14Nache A&#7929;em so'ot 'enauac cam qau&#7929;axa&#241;i&#7929;aique da qoviilec da &#7929;e'enaxat.</div><div class="s1">So Jes&#250;s &#7929;achaxanapec da namaq So Saqcha'a Na'a&#241;axac Qui'itta</div><div class="p"> 15Da qami' A&#7929;em qauauochec, nache qaualaqaileguete naua &#7929;amaxasoxonaxaco. 16Qaq A&#7929;em &#241;achoxonnot &#209;im Ita'a, da yaqto' qami' namaxalo ca Saqcha'a Na'a&#241;axac Qui'itta da qami' itaua'n,#14.16 Qami' itaua'n: Na griego la'aqtac de'era naigui da detaqlec ca lataxac, qataq 'a&#241;aqtaxanaxaic, huo'otaq iueelec. qataq nache 'eetai' da qami' hueta'agueta, 17Qataq camaye qami' &#7929;apaxagueneque cam &#7929;oqta 'eesa lataxac. Qaq nam shi&#7929;axauapi maye sa &#7929;a'amaqten &#209;im Lo'onatac 'Enauacna, namayepi saishet da &#7929;aconeguet camaye, cha'aye saishet da ila'a, qataq saishet da &#7929;auatton. Qami' qalaxaye qauauatto&#241;i, cha'aye qami' hueta'agueta, qataq camaye nache 'eetai' da qami' netaiguilo. 18A&#7929;em saishet da qami' sala't; A&#7929;em &#241;e'eguelaq qome da yaqto' qami' soota'agueta. 19Qaq mashe yaqta'a da ivita ye laloqo' da na shi&#7929;axauapi saishet da A&#7929;em ila'a, qalaxaye qami' qalaq A&#7929;em qauloita'a. Cha'aye A&#7929;em na'aictaxa da seleu, qalaxaye qaltaq &#241;eca'alec, nache qami' so'oteque da nataqa'en qanca'alliiuec. 20Nache que'eca na'a'q qami' qaua&#7929;achi&#241;i da &#209;im Ita'a qataq A&#7929;em 'oonolec da qarataxac. Qataq nataqa'en qami' qataq A&#7929;em 'oonolec da qarataxac. 21Qaq ca &#7929;a&#7929;ateeteguet qataq &#7929;alaxaguet na &#7929;amaxasoxonaxacpi, camaye yo'oq da &#7929;ataqta 'eesa da A&#7929;em &#7929;auotec. Qaq cam A&#7929;em &#7929;auotec, nache &#209;im Ita'a nataqa'en &#7929;auotec camaye. Qaq A&#7929;em nataqa'en &#7929;ataqta sauotec camaye, qataq &#7929;ataqta &#241;achaxana.</div><div class="p"> 22Qaq som Judas maye le'enaqteua so Iscariote 'enapeco':</div><div class="p">&#8211;'Am Qarataxala', &#191;ta'ainco' da nacheqomaqta da qomi' 'anachaxanalo, qaq saishet da nataqa'en 'anachaxana nam la&#7929;epi shi&#7929;axauapi?</div><div class="p"> 23Nache So Jes&#250;s 'enapeco':</div><div class="p">&#8211;Ca A&#7929;em &#7929;auotec, camaye nataqa'en &#7929;alaxaguet cam shenapec, nache &#209;im Lo'onatac 'Enauacna maye Ita'a &#7929;auotec camaye. Nache &#209;imaye qataq A&#7929;em &#241;anaguenaq da souaqta'aguet camaye. 24Qaq cam saishet da A&#7929;em &#7929;auotec, camaye nataqa'en saishet da A&#7929;em &#7929;alaxaguet. Qaq de'era &#7929;a'aqtaxanaxac maye qana'axa&#7929;axa&#241;eetega, damaye saishet da &#7929;alamaxat; damaye chegoqo'ot &#209;im Ita'a maye A&#7929;em namaq.</div><div class="p"> 25Qaq qami' sa'axatema 'enauac de'era, nagui da &#241;aq qami' soota'agueta. 26Qalaxaye ca Saqcha'a Na'a&#241;axac Qui'itta maye &#209;im Ita'a qami' namaxalo nactaigui naqa'en da &#7929;e'enaxat da yaqto' qami' itaua'n qataq qami' &#7929;a'a&#241;aqche't, camaye qami' &#7929;apaxagueneque 'enauac na lataxaguesat qataq qami' iuennataxanaxaneque 'enauac na &#7929;a'aqtacpi maye qami' sa'aqtaxaateguema nagui.</div><div class="p"> 27Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche &#7929;alamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet. 28Qami' mashe qaua'aqaichigui naxa A&#7929;em da sheeta', ashec, qalaxaye &#7929;oltaq qami' &#241;e'eguelaxalo. Qaq da &#7929;oqta 'eesa da A&#7929;em qauauochec, nache iuen da qanto&#241;iitapeguec de'era, cha'aye A&#7929;em she'eguelaxa ca hueta'a &#209;im Ita'a, qaq &#209;imaye &#7929;actec da la'amaqchec saishet da sheeta'am. 29Qaq A&#7929;em nagui qami' sa'axatema de'era, yaqto' qom ivita da ipacchigui, nache ishet da A&#7929;em qaua'amaqchi&#241;i.</div><div class="p"> 30Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'a&#241;axac da ishet da A&#7929;em &#7929;achigui&#241;i. 31Qalaxaye, iuen da salaxaguet &#209;im Ita'a yaqto' 'enauac da qa&#7929;a&#7929;aten da &#7929;ataqta sauotec &#209;imaye. Nache hua&#241;a, nache So Jes&#250;s, 'enapeco':</div><div class="p">&#8211;Qo&#241;iisheguem. Qolqa'ai ne'ena.</div>
 </div>
 </div>
</div>

Saishet da huo'o ca tatapigui qarvilli. Nachaqrata da qaupi'iỹa'ai Ñim Lo'onatac 'Enauacna, nataqa'en Aỹem. Cha'aye ye lma' Ñim Ita'a ỹataqta qalota ye ndaqa'pi. Qaq da saishet da 'eetec taxa de'era, nache saishettaxa da qami' sa'aqtaxanema da sheeta', ashec da seqataxanai' ca qarmaye. Qaq qom mashe ime da ashec da seqataxanai' ca qarmaye, nache qaltaq ñe'eguelaq da qami' saue'c, yaqto' qami' nache 'eetai' da Aỹem qoviita'aguet que'eca soota'a. Qaq qami' mashe qauauañiỹa so nqa'aic da qa'aỹeegue dam saigue.
Nache so Tomás 'enapego', 'eeta':
–'Am Ỹataxala', qomi' sa saỹatenaq cam 'aigue; qaq ¿ca 'eeteco' da sauanaxa ca nqa'aic?
Nache So Jesús 'enapega somaye, 'eeta':
–Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta. Qaq da qami' Aỹem qauauattoñi, nache nataqa'en qauauattoñi Ñim Ita'a. Qaq nagui mashe sogote da qauauattoñi, cha'aye mashe qauloito'ot Namaye.
Nache so Felipe 'enapego' 'eeta':
–'Am Qarataxala', ña qomi' 'auachaxanalo ca Qarta'a. Qaq 'era nachaqrata seuenaqtac.
Nache So Jesús 'enapego' somaye, 'eeta':
–Felipe, Aỹem mashe huo'oi soua vi'iye da qami' soota'agueta, ¿qalaq ñaq saxanoxo' da Aỹem 'auauatton? Cha'aye ca Aỹem ila'a, camaye nataqa'en ila'a Ñim Ita'a, qaq ¿ta'ainco' ye Aỹem 'auỹaxaatacot da qami' sachaxanalo Ñim Ita'a? Qataq ¿saisheto' peta'a da 'aua'amaqten da Ñim Ita'a qataq Aỹem da 'oonolec da qarataxac? Naua ỹa'aqtaqa maye ñasaxarec, naamaye saishet da maiche ñallegoxottela't. Aỹem nachaqrata da so'ot ca Aỹem ỹamaxalec Ñim Ita'a, qaq Ñimaye ỹo'ot ca maiche 'eetapeguec ỹachegoxotchigui Aỹem. Qaua'amaqchiñi da shenapec, da Aỹem qataq Ñim Ita'a, 'oonolec da qarataxac. Qaq da saishet, nache nachaqrata da Aỹem qaua'amaqchiñi, souaxat nam so'otpi. Qaq ỹataqta 'eesa de'era qami' sa'aqtaxanema, da ca Aỹem ỹa'amaqten, nache camaye ishet nataqa'en da ỹo'ot nam so'otpi, qaq cha'aye Aỹem nagui saỹa ye netaña Ñim Ita'a, nache qami' ishet da ỹactec ca qauo'oche, napacalec nam so'otpi. Qaq 'enauac nam qauỹaxañiỹaique da qoviilec da ỹe'enaxat, nache Aỹem so'ot, yaqto' ne'ena Llalec Ñim Lo'onatac 'Enauacna ishet da ỹachaxan da llo'oxoyec Ñim Lta'a. Nache Aỹem so'ot 'enauac cam qauỹaxañiỹaique da qoviilec da ỹe'enaxat.

Da qami' Aỹem qauauochec, nache qaualaqaileguete naua ỹamaxasoxonaxaco. Qaq Aỹem ñachoxonnot Ñim Ita'a, da yaqto' qami' namaxalo ca Saqcha'a Na'añaxac Qui'itta da qami' itaua'n, qataq nache 'eetai' da qami' hueta'agueta, Qataq camaye qami' ỹapaxagueneque cam ỹoqta 'eesa lataxac. Qaq nam shiỹaxauapi maye sa ỹa'amaqten Ñim Lo'onatac 'Enauacna, namayepi saishet da ỹaconeguet camaye, cha'aye saishet da ila'a, qataq saishet da ỹauatton. Qami' qalaxaye qauauattoñi, cha'aye qami' hueta'agueta, qataq camaye nache 'eetai' da qami' netaiguilo. Aỹem saishet da qami' sala't; Aỹem ñe'eguelaq qome da yaqto' qami' soota'agueta. Qaq mashe yaqta'a da ivita ye laloqo' da na shiỹaxauapi saishet da Aỹem ila'a, qalaxaye qami' qalaq Aỹem qauloita'a. Cha'aye Aỹem na'aictaxa da seleu, qalaxaye qaltaq ñeca'alec, nache qami' so'oteque da nataqa'en qanca'alliiuec. Nache que'eca na'a'q qami' qauaỹachiñi da Ñim Ita'a qataq Aỹem 'oonolec da qarataxac. Qataq nataqa'en qami' qataq Aỹem 'oonolec da qarataxac. Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.
Qaq som Judas maye le'enaqteua so Iscariote 'enapeco':
–'Am Qarataxala', ¿ta'ainco' da nacheqomaqta da qomi' 'anachaxanalo, qaq saishet da nataqa'en 'anachaxana nam laỹepi shiỹaxauapi?
Nache So Jesús 'enapeco':
–Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye. Qaq cam saishet da Aỹem ỹauotec, camaye nataqa'en saishet da Aỹem ỹalaxaguet. Qaq de'era ỹa'aqtaxanaxac maye qana'axaỹaxañeetega, damaye saishet da ỹalamaxat; damaye chegoqo'ot Ñim Ita'a maye Aỹem namaq.
Qaq qami' sa'axatema 'enauac de'era, nagui da ñaq qami' soota'agueta. Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.
Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet. Qami' mashe qaua'aqaichigui naxa Aỹem da sheeta', ashec, qalaxaye ỹoltaq qami' ñe'eguelaxalo. Qaq da ỹoqta 'eesa da Aỹem qauauochec, nache iuen da qantoñiitapeguec de'era, cha'aye Aỹem she'eguelaxa ca hueta'a Ñim Ita'a, qaq Ñimaye ỹactec da la'amaqchec saishet da sheeta'am. Qaq Aỹem nagui qami' sa'axatema de'era, yaqto' qom ivita da ipacchigui, nache ishet da Aỹem qaua'amaqchiñi.
Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi. Qalaxaye, iuen da salaxaguet Ñim Ita'a yaqto' 'enauac da qaỹaỹaten da ỹataqta sauotec Ñimaye. Nache huaña, nache So Jesús, 'enapeco':
–Qoñiisheguem. Qolqa'ai ne'ena.

Dinleyin Juan 14